موضوع هام و أرجو المشاركة: كيفية التصرف عند عومان العربية

[ashouhdy]

خلاصة الموضوع



+ مع دوسة البنزين العجل هيخلى العربية فيها قوة دفع باتجاة وضع العجل الأمامى بدل ما هيا محدوفة بوزنها بجانب العربية

+11111111
مظبوط و حركة الدركسيون يا جماعة تكون براحة جدا مش جامد

[AHMED1718]

اللى تشوفة حضرتك

وشكرا علي طريقة كلامك

اكيد يااستاذ محمد دى مناقشة مش خناقا انا ممكن اكون بهزر شوية لو قبلت ده علشان نخلى المعلومة توصل بشكل ظريف مش مجرد رد مصمت او تبقا خناقة

متزعلش لو طريقتى ضايقتك

وفى الاول والاخر الستار موجود


شوماخر بيتقلب واكبر سواقين العالم بيتقلبو بردو
والسواقة ملهاش كبير ولو تاخد بالك معظم اللى بيتقلب بيكون اساسا سواق درجة اولى


وربنا يستر ياجماعا وكفايا حوادث انا بسافر مشاوير بتعدى 1200 كم مرة واحدة وبشوف العجب فكفايا اننا ننصح اللى عنده حادثة ياريت ينصح من غير حكاوى وصور علشان الواحد اعصابه تلفت

[mohamedway]

السلام عليكم ياشباب المنتدى
عايزين نتناقش مناقشة جدية تعمل اية لو العربية عومت منك
مثال:
من كام يوم كنت ماشى 130 ع الصحراوى و اللى قدامى كبس فرامل جامد جدا كنت حلبس فية طبعا كسرت شمال جامد لقيت نفسى داخل فى الرصيف رديت يمين تانى و كانت النهاية !
العربية فضلت ماشية بالعرض تماما بتاع 50متر ولولا ستر الله ان مفيش عربيات حواليا و انى ملبستش فى الرصيف كنت اتقلبت

المطلوب:
نتناقش نعمل اية فى المواقف اللى ذى دى انا اللى فكرة ان فى الكام ثانية دول اعترف انى اتسمرت و كانت رجلى دايسة لسة ع بنزين و كل اللى بعملة بلف الدركسيون يمين فى شمال و بعد فترة طبعا بالنسبة ليا كانت ساعة ! فقت و كبست فرامل خفيف لحد ماالعربية اتلمت .....

اية الحل المثالى فى الظروف دية و نعمل اية عشان نرد العربية تانى لطريقها .... بصراحة انا خفت اشد الهاند لتعوم اكتر ...

عايز اراء ممكن بالذات .........

لما العربيه تعرض فى الطريق يبقى مالهاش غير حل واحد يخلص الموقف ده فى أسرع و قت ممكن و الموضوع ما يزيدش :

فى العربيات الجر الأمامى فقط......... تعكس الدركسيون فى الإتجاه اللى عاوز تتعدل فيه و تحرق بنزين على الأخر فالعربيه هتتشد بقوه من الأمام فى اتجاه الطريق و إحتمال انها تلف لفه تانيه عكس ما بتعدلها هيبقه ضعيف.

الجر الخلفى مايعملش كده لأن تزويد بنزين عنده هيزود الموضوع.

الabs فايدته فقط لو كان عندك فرصه تدوس فرامل و انت داخل تلبس فيه بس المسافه مش هتكفيك لتوقيف العربيه فبتدوس فرامل على الأخر بحيث توقف العربيه بقدر الإمكان فى المسافه المتاحه و تفاديه فى الوقت المناسب وانت دايس فرامل عادى جدا عكس الفرامل العاديه ده غير ان الabs بيضمن عدم عومان العربيه بسبب الفرمله لأن الفرمله القويه على سرعه عاليه كفيله بتعويم العربيه من غير حاجه.

[AHMED1718]

لما العربيه تعرض فى الطريق يبقى مالهاش غير حل واحد يخلص الموقف ده فى أسرع و قت ممكن و الموضوع ما يزيدش :

فى العربيات الجر الأمامى فقط......... تعكس الدركسيون فى الإتجاه اللى عاوز تتعدل فيه و تحرق بنزين على الأخر فالعربيه هتتشد بقوه من الأمام فى اتجاه الطريق و إحتمال انها تلف لفه تانيه عكس ما بتعدلها هيبقه ضعيف.

الجر الخلفى مايعملش كده لأن تزويد بنزين عنده هيزود الموضوع.

الabs فايدته فقط لو كان عندك فرصه تدوس فرامل و انت داخل تلبس فيه بس المسافه مش هتكفيك لتوقيف العربيه فبتدوس فرامل على الأخر بحيث توقف العربيه بقدر الإمكان فى المسافه المتاحه و تفاديه فى الوقت المناسب وانت دايس فرامل عادى جدا عكس الفرامل العاديه ده غير ان الabs بيضمن عدم عومان العربيه بسبب الفرمله لأن الفرمله القويه على سرعه عاليه كفيله بتعويم العربيه من غير حاجه.

الراجل ده بيتكلم كلام صح جدا وا انا اؤيده على الكلام ده

[pro_samir]

اكيد يااستاذ محمد دى مناقشة مش خناقا انا ممكن اكون بهزر شوية لو قبلت ده علشان نخلى المعلومة توصل بشكل ظريف مش مجرد رد مصمت او تبقا خناقة

متزعلش لو طريقتى ضايقتك

وفى الاول والاخر الستار موجود


شوماخر بيتقلب واكبر سواقين العالم بيتقلبو بردو
والسواقة ملهاش كبير ولو تاخد بالك معظم اللى بيتقلب بيكون اساسا سواق درجة اولى


وربنا يستر ياجماعا وكفايا حوادث انا بسافر مشاوير بتعدى 1200 كم مرة واحدة وبشوف العجب فكفايا اننا ننصح اللى عنده حادثة ياريت ينصح من غير حكاوى وصور علشان الواحد اعصابه تلفت

ولا يهمك حصل خير ، يمكن انا فهمت غلط بس

[hosar]

thanks more fore all

[otefa]

الأهم هو كيفية تفادي حدوثه

هو موضوع العوامان بصفة عامة معناه فقد التراكشن مع الأسفلت لأي عجلة من الأربعة أو في الأسوء كلهم
أسبابه
- الأرض نفسها فيها ميه أو رمل أو أسفلت ناعم (الحرص بزيادة في حالة ملاحظة أي منهم)
- السرعة الزيادة ودخول الملفات بيها لدرجة تفوق التراكشن بتاع الكاوتش نفسه(عدم الأسترخاص في الكاوتش وتركيب نوعيات جيدة وتاريخ صنع حديث كمان)
- في الطريق السريع علي الطوالي تيجي ساعات عالي وواطي في الأرض(المحافظة علي خط سير العربية مستقيما مع تجنب أستعمال الفرامل لأن العربية بتبقي تقريبا طايرة في الهواء ووزنها بيخف جامد فلو فرامل متوسطة لجامدة العجل ممكن يقفش ويخلي العربية تعوم أحسن حاجة المحافظة علي سبات السرعة تقريبا والأستعانة بالفتيس لتبطيء العربية تدريجيا)
هندسيا معظم العربيات متصممة وزنها الأمامي أكتر من وزنها الخلفي بأستثناء (البي أم و أعتقد المرسيدس و......) فلما بيتاخد ملف جامد العربية بتكون عاملة تراكشن كويس في الأمام بس في الحقيقة ضهر العربية أخف فأسهل يفقد التراكشن فاتعوم من الضهر
الحل في القيادة الهادئة (مش شرط البطيئة) تسارع تدريجي وفرملة تدريجية لعدم نقل مركز الثقل للعربية بسرعة فا تعوم
ألي بيحصل في الفرامل العنيفة أن الوزن بيتنقل بزيادة للكوتش الأمامي(أكتر من ما هو مش موزون من الأول في التصميم-الوزن) النتيجة أن الكاوتش ألي ورا بيقفش والعربية بتعوم (زي ألي بيمسك هاند بريك وهو بيلف كاأستعراض) وده ميزة ودور التراكشن كنترول والأيه بي أس كتجهيزات أضافية في بعض العربيات بيقلل التعويم بنسبة عالية لدرجة عدم حدوثه تقريبا

[otefa]

التعويم Oversteer
الحل ببساطة للسيارات ذات الدفع الامامي هو عند انزلاق الجزء الخلفي من السيارة فعليك ان تقابله بالدريكسيون يعني لو العربية تنزلق من الشمال لليمين فحرك الدريكسيون من اليمين للشمال وكانك تريد ان تقابل الجزء الخلفي للسيارة واذا لم تستجب اضغط قليلا على دواسة البنزين (هام جدا) لكي تهرب بالجزء الامامي وتزيد سرعته
وعدم الضغط على الفرامل وعند حصول الاتزان balance عليك بارجاع الدريكسيون لوضعة الطبيعي والهروب الى الامام باقصى سرعة
يعني الموقف موقف هروب وليس سكون
طبعا مقدار لفة الدريكسيون لابد ان تكون عقلانية لحدوت الاتزان ولكن لا تقلق لو انزلقت السيارة للناحية الاخرى فقابلها من نفس الاتجاه بالطريقة الاولى حتى تتحكم في الاتزان
طبعا كل هذا يحدث في ثواني لذا لابد من التدريب

وسوف اجمع معلومات عن Oversteer & Understeer واضعها في موضوع للنقاش ان شاء الله

+1111111111111
عجبني أوي التعبير .............موجز بس وافي

[haneen83]

ما أنا بقول الحمد لله تخيل لما تبقى العربية بتعوم منك والناس بتصوت برا وشيفنهم بصنلك على إنك هتموت خلاص بس الي نفعني جدا إن الطريق واسع شويه والناس أول ما شافت العربية بتلعب مني هدو والي قدامي كلهم جريوا بسرعه ودخلوا حارة الخدمات فتقريبا كنت بلمها في طريق فاضي

أكيد طبعا بعد ما سيطرت على العربيه سمعت تصفيق حاد

[pro_samir]

علي فكره اتحطيت في الموقف ده من فتره وكنت عملت موضوع عنه في الورشه بسأل عن سبب تعريض العربيه

اللي حصل اني كنت ماشي بالاستارليت علي 120 وكان في يوتيرن بعد مسافه ، نزلت بالسرعه لحد 100 علي ما الناس عدت والطريق فضي وبعدين خدت سرعتي تاني 120 تقريبا وفجأه موتسيكل راح واخد الطريق من أقصي الشمال لأقصي اليمين بدون ما يبص وراه وانا كنت ماسك الحاره الوسطي و يدوب قربت اعدي منه ملحقتش المس الكلاكس اصلا

دوست فرامل علي الأخر والدركسيون معدول للأمام العربيه زحفت شويه ومره واحده راحت معرضه من ورا بالأتجاه اليمين ، يعني بقت ماشيه علي الطريق بالجانب اليمين بسرعه 120 .. ماشيه بالعرض فعلا مش مجرد انها عامت من ورا

لأول ثانيه طبعا اتخضيت جدا لأن مش طبيعي انها تحدف مع الفرامل والدركسيون معدول ، وسبحان الله افتكرت كل المناقشه بتاعتنا هنا في الثانيه دي وانا شايف العربيه ماشيه بجنبها وابتدت تحدف شمال رايحه علي الرصيف

سيبت الفرامل تماما وكسرت الدركسيون لأخره يمين بس مجاش علي بالي من الخضه اني احرق بنزين علشان العربيه تتعدل اسرع

المهم شويه راحت معدوله وحدفت الناحيه التانيه وبقت ماشيه بالجنب الشمال ، روحت لامم الدركسيون بسرعه علي اخره شمال

وهكذا يمين في شمال حوالي اربع او خمس مرات وانا في كل مره بكسر الدركسيون لأخره مع لمسه فرامل خفيفه جدا عملتها لا اراديا علشان ابطئ سرعه العربيه

لحد ما العربيه اتعدلت كنت تقريبا علي سرعة 40 ، قلت لنفسي هقف ليه ما خلاص اتعدلت ، جيبت الغيار التاني ومشيت كنت خلاص داخل علي مطب صناعي

وعدت علي خير بفضل الله ثم بفضل ان الطريق حواليا مكانش فيه عربيات كنت لسه معدي منهم وطبعا جايين ورايا شايفين اللي بيحصلي كلهم بطئو سرعتهم جدا

بعدها لما بعدي من المكان ده من عند اليوتيرن اللي حصل عنده الموضوع لحد قبل المطب اللي العربيه اتعدلت عنده مسافه كبيره ببقي مستغرب ازاي فضلت ماشي ده كله بجنب العربيه يمين في شمال ، وغالبا سبب التعويم اللي حصل زي ما الاخوه هنا قالو هو ان العربيات عند اليوتيرن بتكون موقعه سولار وما شابه

[ashouhdy]

الحمد لله ربنا سترها .... بيكون موقف صعب فعلا والأهم انك غصب عنك بتكسر الدركسيون كلة مش سننة بسيطة ودى حاجة لا اراديا ... انا برضة لما بكون ع ملف مفاجىء واحس ان العربية حتبدى تعرض بفتكر كلامنا دة و احرك الدركسيون سننة بسيطة عكس الملف ...

[juba8]

موضوع التعويم ده مهم

[أحمد عادل fs]

انا معايا 127 لو دوست فرامل جامد على 70 ممكن تخمس :)

[م أحمد]

انا معايا 127 لو دوست فرامل جامد على 70 ممكن تخمس :)

غير كاوتش الميزان و اتاكد من مساواة ضغط الاطارات فى الجانبين مع ضبط سليم للزوايا

و ممكن تاخدهم خطوة خطوة