كيفية قيادة عربة مانيوال؟؟

[oshy]

أنا عربيتى فيات أرجنتا 2000 سى سى موديل 82
أقولكوا أنا بمشى بيها ازاى و لا هتزعلوا
الأول 30
التانى 60
التالت 100
الرابع 130
الخامس لحد ما اقفل الدواسه ( اخر مره الدائرى كان فاضى جبت 150 )

ربنا يخليلى الأرجنتا صدق اللى قال مرسيدس الفيات

[tutankhamoun]

أنا عربيتى فيات أرجنتا 2000 سى سى موديل 82
أقولكوا أنا بمشى بيها ازاى و لا هتزعلوا
الأول 30
التانى 60
التالت 100
الرابع 130
الخامس لحد ما اقفل الدواسه ( اخر مره الدائرى كان فاضى جبت 150 )

ربنا يخليلى الأرجنتا صدق اللى قال مرسيدس الفيات

طبعا يا أستاذ أحمد مع السرعة العالية لازم و حتما و لابد أنك تعمل غرز ؟؟؟؟؟؟؟؟؟؟؟؟؟؟ صح ؟؟؟؟؟؟؟؟؟؟؟؟
و أنا بقى سمي و موتي الغرز و ربنا يهدينا جميعا

أنت عربيتك اتصلحت و لا لسة ؟؟؟؟؟؟؟؟؟؟

[oshy]

طبعا يا أستاذ أحمد مع السرعة العالية لازم و حتما و لابد أنك تعمل غرز ؟؟؟؟؟؟؟؟؟؟؟؟؟؟ صح ؟؟؟؟؟؟؟؟؟؟؟؟
و أنا بقى سمي و موتي الغرز و ربنا يهدينا جميعا

أنت عربيتك اتصلحت و لا لسة ؟؟؟؟؟؟؟؟؟؟

خلصت سمكره امبارح تصدق ان السمكرى عايز 600 جنيه لا حول و لا قوة الا بالله
المهم النهارده هتروح للبوهيجى و بعد 3 أيام تكون خلصت و اترشت
و بعدين هظبط العفشه و بيض المقصات و تيل الفرامل و البوش اللى فى الدريكسيون و الغيار التالت اللى بينطر و المساعد اليمين ورا
خالى هوه المسئول عن العربيه حاليا لحد ما ترجعلى عروسه عشان أنا ورايا امتحانات و مش فاضى و والدى قاللى لو عايزنى أرجعلك العربيه صلحها على حسابك و كفايه ان هوه ( والدى يعنى ) صلح الاوكتافيا على حسابه فاتفقت مع خالى و اديته الفلوس ( 1100 جنيه تمن موبيلى لانى بعته عشان اصلح العربيه ) و استأذنته انه يتابع عربيتى عند الصنايعيه

شكرا أستاذ توت عنخ أمون على الاهتمام بموضوع عربيتى و لك جزيل شكرى :):)

[elrasy]

أولا تأكد 100 % أنك بتدوس على أخر مشوار دواسة الدبرياج علشان تفصل حركة التروس خالص
ثانيا أتأكد أنك بتحط الغيار في مكانه بالظبط
و و بعد كدا ما تغيرش على التاني إلا لما سرعتك تنزل لعشرين مثلا ( جرب و شوف أيه النتيجة ) لأن خلي بالك و أنت بتطلع بالسرعة غير لما تنزل بيها علشان سرعة الموتور
و إن شاء الله المشكلة تتحل

انا جربت انى اجيب التانى على سرعة 20 لقيت العضة قلت ولما اجيب التانى على اقل من 20 العضة بتقل خالص,,,هل دة طبيعى؟؟؟

[tutankhamoun]

انا جربت انى اجيب التانى على سرعة 20 لقيت العضة قلت ولما اجيب التانى على اقل من 20 العضة بتقل خالص,,,هل دة طبيعى؟؟؟

الحقيقة مش عارف ......... كل عربية بيبقى ليها طريقة معينة في سواقتها ........ بس أنا حاسس إن ده مش طبيعي و ممكن تروح تكشف على زيت الفتيس

[yahyanaabil]

الحقيقة مش عارف ......... كل عربية بيبقى ليها طريقة معينة في سواقتها ........ بس أنا حاسس إن ده مش طبيعي و ممكن تروح تكشف على زيت الفتيس

نفس المشكله مع عربيه اختى لانوس 2 برضه لما انزل للتانى بحس انه بيعشق بالعافيه بس لما انقل من الاول للتانى مش بتظهر المشكله ديه فيبدو ان ده عادى فى اللانوس2

[elrasy]

الحقيقة مش عارف ......... كل عربية بيبقى ليها طريقة معينة في سواقتها ........ بس أنا حاسس إن ده مش طبيعي و ممكن تروح تكشف على زيت الفتيس

كشفت على زيت الفتيس ولقيتة تمام؟؟؟

[tutankhamoun]

كشفت على زيت الفتيس ولقيتة تمام؟؟؟

طيب أدام مستوى زيت الفتيس كويس تبقى حاجة كويسة ......... حاول متجبش التاني إلا لما تكون على سرعة 15 كدا و شوف إيه اللي هايحصل ........ و إن شاء الله متكونش مشكلة
و في الأستاذ يحي نبيل برضه بيقول أنه بيشتكي من نفش الحركة ......... يبقى ده شئ طبيعي في الدايو
و الله المستعان

[tutankhamoun]

خلصت سمكره امبارح تصدق ان السمكرى عايز 600 جنيه لا حول و لا قوة الا بالله
المهم النهارده هتروح للبوهيجى و بعد 3 أيام تكون خلصت و اترشت
و بعدين هظبط العفشه و بيض المقصات و تيل الفرامل و البوش اللى فى الدريكسيون و الغيار التالت اللى بينطر و المساعد اليمين ورا
خالى هوه المسئول عن العربيه حاليا لحد ما ترجعلى عروسه عشان أنا ورايا امتحانات و مش فاضى و والدى قاللى لو عايزنى أرجعلك العربيه صلحها على حسابك و كفايه ان هوه ( والدى يعنى ) صلح الاوكتافيا على حسابه فاتفقت مع خالى و اديته الفلوس ( 1100 جنيه تمن موبيلى لانى بعته عشان اصلح العربيه ) و استأذنته انه يتابع عربيتى عند الصنايعيه

شكرا أستاذ توت عنخ أمون على الاهتمام بموضوع عربيتى و لك جزيل شكرى :):)

أولا مبروك على تصليح العربية ........ و ربنا يوفقك في الإمتحانات إن شاء الله
بس لي عندك رجاء ......... قلل سرعة شوية ........ حياتك غالية مش عليك لوحدك و على أهلك كمان
في التآني السلامة و في العجلة الندامة

بالإضافة للإستهلاك العالي للبنزين بسبب السرعة و ربنا يستر طريقك

[elrasy]

طيب أدام مستوى زيت الفتيس كويس تبقى حاجة كويسة ......... حاول متجبش التاني إلا لما تكون على سرعة 15 كدا و شوف إيه اللي هايحصل ........ و إن شاء الله متكونش مشكلة
و في الأستاذ يحي نبيل برضه بيقول أنه بيشتكي من نفش الحركة ......... يبقى ده شئ طبيعي في الدايو
و الله المستعان

فعلا طول ما انا بجيب التانى وسرعتى هادية (اقل من 20) مبلاقيش مشكلة,,,
السؤال هنا هل لو كنت ماشى بسرعة وهديت السرعة وبقت 30او 20 اجيب التالت؟؟؟

[tutankhamoun]

فعلا طول ما انا بجيب التانى وسرعتى هادية (اقل من 20) مبلاقيش مشكلة,,,
السؤال هنا هل لو كنت ماشى بسرعة وهديت السرعة وبقت 30او 20 اجيب التالت؟؟؟

ادام الموتور مرتاح معاك ....... و كنت ماشي على الرابع مثلا و جبت الثالث على سرعة 30 أو 20 مش مشكلة خالص و متجيبش التاني إلا لما تقل لسرعة 15 أو 10 و متجيبش الأول أبدا إلا لما تكوت العربية واقفة تماما أو حركتها بطيئة جدا و يكون مؤشر السرعة على صفر أو ما بين الصفر و الخمسة مثلا
و إن شاء الله مفيش مشاكل

[elrasy]

ادام الموتور مرتاح معاك ....... و كنت ماشي على الرابع مثلا و جبت الثالث على سرعة 30 أو 20 مش مشكلة خالص و متجيبش التاني إلا لما تقل لسرعة 15 أو 10 و متجيبش الأول أبدا إلا لما تكوت العربية واقفة تماما أو حركتها بطيئة جدا و يكون مؤشر السرعة على صفر أو ما بين الصفر و الخمسة مثلا
و إن شاء الله مفيش مشاكل

انا بشكر جدا على ردودك السريعة وعلى اهتمامك ,, واتمنى نكون اصدقاء:)

[tutankhamoun]

انا بشكر جدا على ردودك السريعة وعلى اهتمامك ,, واتمنى نكون اصدقاء:)

العفو يا أستاذ أحمد و أنا تحت أمرك في أي سؤال مادمت أعرف إجابته إن شاء الله ......... فهذا هدف هذا المنتدى الجميل .... أن يستفيد الجميع من معلومات الجميع
و ده طبعا شرف لي ....... و بالفعل نحن أصدقاء يا أخي الكريم

[oshy]

فعلا طول ما انا بجيب التانى وسرعتى هادية (اقل من 20) مبلاقيش مشكلة,,,
السؤال هنا هل لو كنت ماشى بسرعة وهديت السرعة وبقت 30او 20 اجيب التالت؟؟؟

لأ يا باشا الأفضل انك تديها الغيار التانى عشان الموتور ميسقفش منك و ده على المدى الطويل غلط على الموتور ...

[elrasy]

لأ يا باشا الأفضل انك تديها الغيار التانى عشان الموتور ميسقفش منك و ده على المدى الطويل غلط على الموتور ...

ما المشكلة انى لما اجيب التانى والسرعة اكتر من عشرين بلاقى الفتيس بيعض جامد:(