عداد الـrpm ... إزاي تستخدمه؟؟؟

[tito_misr]

ده ما ينطبقش على الفتيس cvt
زى اليتسوبيشي اتراج

[tito_misr]

انا ما افتكرش ان جبت على الار بي ام على 4 غير لما كنت سايق 160

[FOUADSEG]

السلام عليكم
ممكن مخطط لدائرة التاكو ميتر ن الي عندي في العربية اتحرق ومش لاقي قطعة الغيار بتعتة ؟
وكان في موضوع عن الدايرة دي في المنتدي ودة الينك http://www.nilemotors.net/Nile/100228-digital-rpm.html
وشكرا

[borio1704]

السلام عليكم
ممكن مخطط لدائرة التاكو ميتر ن الي عندي في العربية اتحرق ومش لاقي قطعة الغيار بتعتة ؟
وكان في موضوع عن الدايرة دي في المنتدي ودة الينك http://www.nilemotors.net/nile/100228-digital-rpm.html
وشكرا

يا ريت كنت أقدر اساعدك..

بس أنا في مواضيع الكهرباء عموما ضعيييييييف جدا.



...

[borio1704]

ده ما ينطبقش على الفتيس cvt
زى اليتسوبيشي اتراج

انا ما افتكرش ان جبت على الار بي ام على 4 غير لما كنت سايق 160

مش واخد بالي حضرتك تقصد إيه بصراحة.


...

[ahmedmido444]

thnxxxxx

[genius20204]

موضوع رائع جدا

[nomel3aeb2]

الحمد لله انا كده مش فاهم حاجة كل عايز اعرفه بعد اذنك يا بشمهندس بالنسبة للفيرنا والسواقة في وسط البلد لو غير وعداد rpm 3000 يبقى مش هطلع من التاني وسؤال كمان بعد اذنك ايه هو الافضل بالنسبة لاستهلاك البنزين والزيت واغير النقلة على كام rpm واسف على الازعاج

[borio1704]

الحمد لله انا كده مش فاهم حاجة كل عايز اعرفه بعد اذنك يا بشمهندس بالنسبة للفيرنا والسواقة في وسط البلد لو غير وعداد rpm 3000 يبقى مش هطلع من التاني وسؤال كمان بعد اذنك ايه هو الافضل بالنسبة لاستهلاك البنزين والزيت واغير النقلة على كام rpm واسف على الازعاج

أكيد مفيش إزعاج ولا حاجة :)

أولا وقبل ما ندخل في موضوع رقم الـRPM والحاجات دي.. معلش.. لازم نفهم شوية حاجات...

علشان تسوق عربيتك صح وتعرف تحافظ على موتورك مظبوط لازم تبقى حاسس بالموتور... يعني تحس إمتى الموتور بيكون عليه حمل كبير وإمتى الموتور يكون فايق..

ببساطة كده.. لو لقيت استجابة الموتور مش زي ما انت متوقع من دوسة البنزين .. يبقى غالبا حضرتك محتاج تخف الحمل على الموتور شوية عن طريق إنك تنزل نقلة في الفتيس.


إزاي؟؟ خلينا نتكلم بالبلدي...

لو حضرتك جربت تسوق عجلة سبق (فيها نقلات).. هتعرف إنك لما تعشق النقلة الكبيرة (البطيئة) العجلة هتتحرك بأققل مجهود من رجلك .. بس سرعتك هتكون بطيئة جدا..



والعكس .. لو عشقت النقلة الصغيرة (السريعة).. العجلة هتكون محتاجة مجهود جبار من رجلك علشان تتحرك.. ومش هتقدر تزود سرعتك بسهولة.. بس السرعة اللي هتوصلها هتكون عالية... بس بعد ما تكون عضلاتك جابت آخرها.

أحسن شيء إننا نبدأ بسرعة بطيئة (الغيار البطيء) وبعدين نبدأ نزود النقلات واحدة واحدة علشان نحافظ على عضلاتنا بأحسن حالة وأقل مجهود.


في العربية .. موتور العربية بيمر بنفس وضع عضلات رجلك... يبقى علشان أققل استهلاك البنزين.. لازم أتحرك بأقل مجهود يذكر.


فإوعى تفتكر إنك لو مشيت وانت معشق الرابع على سرعة 30 كم/س إنك كده بتوفر في البنزين.... بالعكس.. حضرتك كده بتستهلك بنزين زيادة وبتتعب الموتور جدا.

إمتى تعرف إن الموتور مستريح؟؟ لما تبقى أقل دوسة بنزين بتخلي العربية تتحرك بنشاط.


معلش.. كان لازم أعمل المقدمة دي علشان ندخل في موضوع الـRPM



المهم..


الصورة دي من كتالوج الفيرنا .. وبيشرح فيها فايدة التاكوميتر (عداد الـRPM)



بناء على كلامنا في الموضوع الأصلي.. كنا بنقول إن الأفضل إنك تنقل في التلت الوسطاني من مدى العداد.. يعني ما بين 2000 إلى 4000 RPM على العداد عندك.

محدش قال إنها لازم تبقى 3000 RPM..

إنما حاول إنك لما تيجي تنقل تكون زودت الدوران لحد ما تيجي فوق الـ2000... علشان يكون الموتور فيه قوة كافية لزيادة السرعة في الغيار الجديد.


خلي بالك... طاقة الموتور وعزمة ماهماش ثابتين ... إنما بيتغيروا مع تغير سرعة دوران الموتور...

وعزم الموتور هو اللي بيخلي العربية تسحب بسرعة.. والمعروف إن أعلى عزم تاخده من الموتور غالبا بيكون في مدى الدوان المتوسط بتاعه (التلت الوسطاني بتاع الـRPM).. وعلشان كده بنقول إنك لما تنقل ما بين 2000-4000 RPM.. فحضرتك كده باختصار بتاخد أعلى عزم من الموتور بدون ما ترهقه بدوران عالي يسبب تآكل ولا دوران منخفض يسبب مشاكل تانية.

مشكلة النقل نحت الـ2000 إن دوران الموتور بينزل لما تيجي تاخد الغيار اللي بعده.. وبالتالي فغالبا هتكون ماشي على دوران قليل قوي والموتور مش هيديك لا العزم الكافي ولا القوة الكافية علشان تفضل ماشي في طريقك صح.

ولو فضلت تدوس بنزين علشان السرعة تزيد.. فحضرتك كده بتعمل ضغط كبير جوه السلندر .. والنتيجة (مع تكرار العملية دي) إن الضغط ده هيخرج من أضعف جزء في السلندر.. اللي هو الشنابر.. وغالبا الشنابر بتتكسر...

لما الشنابر تتكسر.. يعني الموتور بيفقد ضغطه.. وتخسر قوة الموتور.. وتستهلك بنزين كتير .. والزيت ينقص.. ده غير الضرر اللي هيحصل جوه السلندر نفسه.


باختصار.. الصورة دي بتتخصر الكلام كله...



اللون الأحمر ما تقربلوش..
اللون الأصفر حاول تقلل من النقل فيه
اللون الأخضر حاول يكون أكتر نقلك في المنطقة دي.



نيجي بقى لأحسن طريقة لتوفير البنزين...

1- تجنب الطرق المزدحمة.. لإن الطرق المزدحمة بتخليك دايما معشق الغيارات الأول - التاني في أغلب الوقت... وحتى لو حاولت تخرم من الشوارع الجانبية.. فالسواقة فيها بردو مش هتوفرلك بنزين إنما هتوفرلك وقت.

2- كل ما كانت سواقتك هادية كل ما وفرت في البنزين... يعني مش لازم تدوس بنزين كتير وتاخد تسارع عالي (أنا عارف إن الفيرنا مغرية في تسارعها جدا) .. خلي أعصابك في تلاجة.

3- حافظ على سرعة ثابتة بقدر الإمكان... والسرعة الثابتة يعني مفيهاش كل شوية فرامل وبعدين تزود بنزين... لإن كل مرة بتزود بنزين بعد الفرامل بتستهلك بنزين كتير جدا.

4- حاول توصل للسرعة الثابتة بأسرع ما يمكن .. علشان تمشي بأقل استهلاك بنزين أطول مسافة ممكنة.


أنا عندي عداد في العربية بيجيبلي أنا بستهلك بنزين قد إيه وأنا ماشي (بيديني قراية كل ثانية تقريبا).. ومنه قدرت أعرف إني لما بمشي بسرعة ثابتة حوالي 70 كم/س بستهلك حوالي 3 لتر/100 كم.. إنما أول ما بطلع على الغيار الأول في إشارة مثلا.. فأقل استهلاك بنزين بعمله هو 30 لتر/100 كم... يعني 10 أضعاف..

إمبارح دوست دواسة البنزين على الآخر وأنا طالع على الأول... عارف استهلاك البنزين وصل كام؟؟؟ 82 لتر/100 كم..


وآسف للإطالة.. بس لو كان كلامي لسه فيه حاجة صعبة يا ريت تقوللي أحاول أبسطه أكتر.


...

[hanfys]

حلو جدا

[Simone]

شكرًا يا بشمهندس على الشرح الرائع ده.

عندي سؤال ممكن ما يكونش ليه علاقة قوي بالموضوع ده لكن حابب أعرف رأي حضرتك بمناسبة العبارة اللي ذكرتها "لو حبيت تمور وانت ماشي.. هات الفتيس على N ... :)".

في العربيات الأوتو، هل السير بقوة الاندفاع Coasting بالتحويل من D إلى N يضر صندوق التروس؟ وهل لو حولت من D إلى N ثم رجعت ثاني إلى D قبل ما العربية تقف تمامًا يضر صندوق التروس؟ وفي الحالة دي إزاي صندوق التروس بيختار الترس المناسب للسرعة اللي وصلت لها العربية (لأن سرعة العربية أكيد بتكون أقل)؟

أكرر شكري لحضرتك.

[borio1704]

شكرًا يا بشمهندس على الشرح الرائع ده.

عندي سؤال ممكن ما يكونش ليه علاقة قوي بالموضوع ده لكن حابب أعرف رأي حضرتك بمناسبة العبارة اللي ذكرتها "لو حبيت تمور وانت ماشي.. هات الفتيس على N ... :)".

في العربيات الأوتو، هل السير بقوة الاندفاع Coasting بالتحويل من D إلى N يضر صندوق التروس؟ وهل لو حولت من D إلى N ثم رجعت ثاني إلى D قبل ما العربية تقف تمامًا يضر صندوق التروس؟ وفي الحالة دي إزاي صندوق التروس بيختار الترس المناسب للسرعة اللي وصلت لها العربية (لأن سرعة العربية أكيد بتكون أقل)؟

أكرر شكري لحضرتك.

هما دايما بيكتبوا في كتالوجات العربيات إنك ما ينفعش تحول على N أبدا وانت ماشي...

من وجهة نظري.. المشكلة مش في التحويل من D إلى N... إنما المشكلة الكبيرة هي العكس... لما تحول من N إلى D

حسب ما أنا متصور.. الضرر الكبير هيكون على مجموعات الكلتش اللي على كل غيار... ده غير الصدمة اللي بتتعرض لها الأجزاء الداخلية (تروس ورولمان بلي وغيره) لما بتعشق الـD والعربية ماشية

الموضوع ده فيه شوية تفاصيل عن تركيب الفتيس الأوتو

http://www.nilemotors.net/Nile/448512-n-d.html

احتمال يكون فيه تأثيرات تانية وأنا معرفهاش

بالنسبة لطريقة نقل السرعات في الفتيس الأوتوماتك... فهي بتتم بطريقة مختلفة جذريا عن الفتيس المانيوال...

ده فيديو بيبين الفكرة الأساسية في تروس الفتيس الأوتوماتك...

https://www.youtube.com/watch?feature=player_embedded&v=-ue_usZqHYs

بناء على الفيديو ده نقدر نقول إن لما الفتيس بيعشق الغيار الأول.. ده معناه إن كل كلتشات الفتيس معشقة علشان ناخد أقل سرعة

وكل ما تزود غيار تلاقي كلتش بيفصل الحركة... لحد ما نوصل لآخر سرعة في الفتيس .. وده معناه إن مجموعة كلتش واحدة بس هي اللي واصلة.

والعكس بيحصل لما بننزل سرعة العربية.. والفتيس يبدأ يعشق مجموعات الكلتش واحدة ورا التانية.


لما بتجيب N يعني كل الكلتشات فاصلة... والمفروض لما تجيب D أتوقع إن كل الكلتشات هتعشق ولو لحظيا...



مرة ركبت مع سواق هنا في السعودية في طريق سفر وكان سايق كورولا 2015.. والعربية مش عايزة تسحب معاه (فتيس الكورولا في السعودية 4 سرعات تقليدي جدا.. مش زي مصر)..

المهم.. كان بيعمل إيه؟؟؟

واحنا ماشيين على سرعة 120 يحول على N ويدوس بنزين ويرجع يعشق D تاني.. فالعربية تسحب معاه شوية..

طبعا حركة زي دي بتودي الفتيس في داهية فعلا... وهو مش عارف إنه لو حول الفتيس على (3) بدل (D) العربية هتسحب معاه وتبقى زي الفل.


...

[Simone]

شكرًا جزيلاً يا بشمهندس.

أعتقد كده إن الأضمن نبعد عن موضوع Coasting.

[tasaka]

+1 متابع

[Simone]

طرحت هذه التساؤلات على مدونة متخصصة تابعة لموقع Carolina Hyundai of High Point، وتعميمًا للفائدة أورد السؤال والإجابة بترجمتهما:

Can I repeatedly shift for SHIFTRONIC® gear to Drive and vice versa while driving (without the car being stopped first)?
On another note, I sometimes shift from D to N and let the car coast till it stops. What if, after losing some inertia, I decided to shift back from N to D before the car stops? How will the controller choose the gear suitable for the new (less) speed?


هل يمكنني الانتقال من الشفترونك إلى وضع القيادة Drive والعكس بصفة متكررة أثناء القيادة (دون الوصول بالسيارة إلى التوقف التام أولاً)؟


من جهة أخرى، أقوم أحيانًا بالانتقال من D إلى N والسماح للسيارة بالسير بقوة الاندفاع حتى تتوقف. ماذا لو أنني قررت -بعدما تكون السيارة قد فقدت بعض القصور الذاتي- الانتقال مرة أخرى من N إلى D قبل توقف السيارة؟ كيف تختار السيارة الترس المناسب للسرعة الجديدة (الأقل) للسيارة؟


الإجابة
Shifting from N to D while the car is in motion shouldn’t harm your vehicle. Your vehicle will be able to select the right gear, whether you’re in SHIFTRONIC mode or full automatic, because SHIFTRONIC will always be overridden by the automatic transmission if you don’t shift down or forget you’re in SHIFTRONIC mode to prevent damage to the system.



من المفترض أن الانتقال من N إلى D أثناء حركة السيارة لا يضرها؛ فالسيارة ستكون قادرة على اختيار الترس الصحيح سواء كنت في وضع الشيفترونك أو الوضوع الأوتوماتيكي الكامل، لأن الناقل الأوتوماتيكي سيكون هو المسيطر دائمًا على الشيفترونك لو لم تقم -بنفسك- بالانتقال إلى ترس السرعة الأقل أو إذا نسيت أنك في وضع القيادة شيفترونك لمنع الإضرار بالمنظومة.


يا ريت اللي عنده استفسارات مماثلة يشارك ونسمع رأي المتخصصين في المنتدى.