بتسقط نقلة وآلا بتدوس فرامل ؟؟

[Viper911]

يا جماعة موضوع التسقيط ده مهم علشان المحافظة على الفرامل و كمان عشان تساعد الفرامل على الوقوف و لزيادة التحكم في العربية ....
بس الموضوع مش بسيط انك تجيب نقلة أقل و تسيب دبرياج و السلام ..
و خطورة الموضوع ده هيظهر في انك لو ماشي على 70 مثلا و قمت مسقط تاني و سيبت الدبرياج كده فجأة اتفرج على القفشة اللى هتحصل و هتلاقي العربية لمت جامد جدا .... كتيير هيقولوا ما هوا ده المطلوب
لكن معلش ده أكبر غلط و ليه تأثير كبير على الاسطوانة و الديسك لانوا بيسبب نقل حركة العجل فجأة للموتور و ده ((عشان كده صوت الموتور بيعلى فجأة و تلاقي العربية قفشت فجأة و بعدين تهدي عادي )) و التأثير ده مماثل لتأثير الأمركه أو الفرك (( يعني كمان تأثير على مجموعة نقل الحركة من جيربوكس و كبالن أو كرونه و كمان مجموعة الدبرياج ))
و المصيبة الأشد لو الحركة ديه اتعملت على طريق مبلل و ياسلام لو العربية دفع خلفي زي اللادا و الشاهين اتفرج بقي على العوم و الزحلقة اللى هتحصل عشان احتمال كبير ان العجلة تقفش و تقف و ده بيكون تأثيره زي شد فرامل الهاند بريك ....
معلش أنا طولت عليكم بس أنا على طول بهدي بتسقيط النقلة و لكن بالطريقة الصح بس المشكلة انها طريقة صعبة شوييتين و عيزة تدريب كتيييير عشان تتقنها و الطريقة ديه اسمها (( Hell & Toe )) ..
و الطريقة ديه ببساطة انك لما تكون ماشي مثلا على 70 و عايز تفرمل بالموتور :
1- تدوس دبرياج و تسقط تاني أو تالت مثلا حسب القوة اللى انتا عايز العربية تقف بيها و التاني أشد من التالت
2- و بعدين تدوس فرامل و لكن من اسم الطريقة (( hell & toe يعني الفرملة بالكعب و الصباع )) انك تدوس على الفرامل بصوابعك و في نفس الوقت تضغط على دواسة البنزين ضغطة حسب النقلة اللى هتسقط عليها
بمعنى لو انتا هتسقط تاني تضغط جامد لحد الموتور ما يجيب 5000 RPM مثلا بس بسرعة و ضغطة واحدة و تسيب تجيب بيها السرعة ديه
3- تشيل رجلك من على الدبرياج على طول بعد ما تكون جبت سرعة الموتور المطلوبة و و تكمل دوس على الفرامل عادي هتلاقي العربية لمت جامد بس بطريقة ناعمة و هادية تماما و جميلة
و كل ده في حوالى ثانية بالكتير ............. انا عارف ان فيع كتير هيقولو ايه الكلام ده و ازاي باسرعة ديه و غيرواا.... بس أنا قولت انها صعبة و محتاجة تمرين كتير و حد يعملها عملي قدامك عشان تفهمها ...
أنا عن نفسي من كتر ما عملتها بقيت بعملها من غير تفكير و بقت زي ما بوزن عشان أطلع بالأول ....
على العموم أنا جاهز لأي استفسار بخصوص الموضوع ده و كمان إن شاء الله هاحط موقع فيه شرح للطريقة ديه
و شكرا و معلش على التطويل بس حبيت أفيد رواد المنتدي مش أكتر و السلام عليكم

[lancerevolution]

تيل الفرامل بكام يعنى ولا الماستر أكيد مش حيبقى زى الجير بوكس يعنى
سقط نقلة فى حالة عطل الفرامل أثناء السير فقط غير كدا فرامل و كمان عشا الabs

[karomanah]

لو انا ماشية على الغيار التانى و قابلنى مطب ناعم ..........ادوس دبرياج فرامل ولا ادوس فرامل بسيطة و اكمل على التانى؟...........انا لسة جديدة فى السواقة ومش عارفة امتى استخدم الفرامل بس؟.........و امتى أستخدم دبرياج مع الفرامل؟
العربية بتاعتى اونو 93

[king_de_egypt]

لو انا ماشية على الغيار التانى و قابلنى مطب ناعم ..........ادوس دبرياج فرامل ولا ادوس فرامل بسيطة و اكمل على التانى؟...........انا لسة جديدة فى السواقة ومش عارفة امتى استخدم الفرامل بس؟.........و امتى أستخدم دبرياج مع الفرامل؟
العربية بتاعتى اونو 93

لا تدوسى فرامل بس و على فكره الدبرياج مبيستخدمش الا لما تحسى ان العربيه هتقف خالص بقى تروحى دايسه دبرياج انما لو مطب عادى ناعم يعنى عادى هتهدى فرامل بس انما لو مطبات المحروسه الجامده اوووى وانتى مثلا ماشيه على ال 3 لا دى بقى تهدى وقبل ما تطلعى المطب تروحى دايسه دبرياج و جايبه التانى بس هو دا كل حاجه عن المطبات :k49:

[karomanah]

لا تدوسى فرامل بس و على فكره الدبرياج مبيستخدمش الا لما تحسى ان العربيه هتقف خالص بقى تروحى دايسه دبرياج انما لو مطب عادى ناعم يعنى عادى هتهدى فرامل بس انما لو مطبات المحروسه الجامده اوووى وانتى مثلا ماشيه على ال 3 لا دى بقى تهدى وقبل ما تطلعى المطب تروحى دايسه دبرياج و جايبه التانى بس هو دا كل حاجه عن المطبات :k49:

شكرا على الرد ياking

[zizophone]

تسقيط مع فرامل الاتنين في نفس الوقت

[احمد عبدالله]

اكيد بدوس فرامل لان تسقيط نله بياسر علي اسطوانه الدبرياج والفتيس

+1000000000

[karimone]

انا بدوس فرامل بس
كنت عارف إن الواحد يعمل موضوع التسقيطه ده لما الفرامل تبوظ و هو ماشي بس اول مره اسمع عن الاستخدام المتكرر ليها
بس واضح انه مفيد في الاوقات الصعبه و علي الطرق الزلقه زي ما اخونا الاسكندرنيه قالوا

كل الشكر ليكم جميعاً علي مداخلاتكم المفيده

[Ahmed_SpY]

تسقيط النقلة ده عشان تجمع سرعة فى وقت اقل لاكن ازاى هتسقط نقلة و العربية تفرمل طيب ايه اللى هيخلى العربية تفرمل من تسقيط النقله يعنى

[Ahmed_SpY]

طريقة heel & toe اللى قال عليها Viper911

ده فيديو ليها عشان الناس تفهمها

http://www.youtube.com/watch?v=LwG6XF_q138

[mahmoud_nov1985]

انا بدوس فرامل في العادي لكن
لو عايز اقف بسرعه او بكون في ملف جامد بسقط غيار

هوا ده اللى انا بعمله

[karimone]

طريقة heel & toe اللى قال عليها Viper911

ده فيديو ليها عشان الناس تفهمها

http://www.youtube.com/watch?v=LwG6XF_q138

الفيديو ده بيبين طريقة Heel & toe بطريقه ممتازه

شكراً للإفاده

[Viper911]

طريقة heel & toe اللى قال عليها Viper911

ده فيديو ليها عشان الناس تفهمها

http://www.youtube.com/watch?v=LwG6XF_q138

شكرا يا أحمد باشا على التوضيح ....

[kaboo4]

انا عملت الموضوع دة ابل كدة فى عربيتى لانوس كنت على الرابع و ماشى على 110 المهم بدل ما اجيب الخامس جبت التالت بس الحمد لله حصل خير الغربيه بئى انها مفرملتش منى بس صوت المتور بئى متوحش وصل ل6 و بما انى بنص ار بى ام وصل ل3 :) بس حسيت على طول امت ممور و الحمد لله حصل خير
بس فيه حاجة غريبه من سعتها و التالت عندى متوحش و بيسحب بسرعة اكيد الموضوع دة عمله غلط بس ايه تفسير الى حصل دة

[abou_ruqi]

انا عملت الموضوع دة ابل كدة فى عربيتى لانوس كنت على الرابع و ماشى على 110 المهم بدل ما اجيب الخامس جبت التالت بس الحمد لله حصل خير الغربيه بئى انها مفرملتش منى بس صوت المتور بئى متوحش وصل ل6 و بما انى بنص ار بى ام وصل ل3 :) بس حسيت على طول امت ممور و الحمد لله حصل خير
بس فيه حاجة غريبه من سعتها و التالت عندى متوحش و بيسحب بسرعة اكيد الموضوع دة عمله غلط بس ايه تفسير الى حصل دة

علشان تعرفوا ان التسقيط ده كله منافع