ازاي تليين عربية زيرو...؟؟

[aymansaad]

يا جماعة انا رحت مع واحد صاحبى اشترى افيو من منصور شيفروليه من اول رابعة وهو بيستلم العربية قالوا ان العربية متلينة وامشى عادى بس متعديش 100
اول 1500 بس

[MMamdouh]

هندستنا محمد ممدوح
ياريت تشرحلنا انت من غير انجليزي المختصر المفيد لتليين عربيه بشكل صحيح لمدى أهميته
وهل تفرق لو كانت اوتوماتيك ؟
وشكرا

اللى مكتوب باختصار هو ان الشنابر بتحكم الغازات اللى فى غرفة الحريق... و الشنبر لازم يطبع على الشميز فى اول 100 الى 150 كيلو من سواقة العربية

و بما ان احكام الشميز بيعتمد على ضغط غازات العادم فا التحسيس على الموتور مش حيخللى فيه ضغط قوى يخللى الشمبر يلامس الشميز زى الناس و يحتك بيه و تحصل عملية التطبيع بشكل صح... اللى حيحصل هو ان يحصل تاكل و تطبيع بدون حمل و بدون ضغط قوى بين الشميز و الشمبر و اول ما تكبس عشان تطلع قدرة الموتور القصوى حيزيد الضغط على الشنبر لكن بما ان التطبيع محصلش على حمل قوى حيبداء يحصل تسرب للضغط و تهدر القدرة الناجمة عن الاحتراق على الفاضى

انا بصراحة شايف الكلام منطقى لان فعلا الشمبر بيحكم غرفة الحريق عن طريق ضغط الغازات و لو مفيش ضغط كافى التطبيع حيحصل على وضع اللا حمل و ساعة ما الموتور يحاول يطلع اقصى قدرة حيزيد الضغط على الشمبر و بالتالى تطابق الاسطح مش حيبقى محكم و يحصل تسرب و هدر فى القدرة

MMamdouh

[Haitham10]

جميل تفصيلك الهندسي يامحمد
نقول كلام طبيعي عشان الكل يفهم

ممكن نقول ان اول 200 كيلو مهمين جدا ولازم نخرج فيهم قدرات الموتور من غير حرق جامد عشان الشنبر يطبع صح علي الشميز
يعني من الاخر مش نحسس علي العربيه ولا نحرق في الموتور
ومشوار فوق ال100 كيلو سفر هيطبع
صح كدة ؟

[MMamdouh]

التحسيس مش صح و الضغط المفاجىء برضة مش صح

الصح هو التحميل التدريجى على الموتور عشان التطبيع يبقى مضبوط

MMamdouh

[auto5truck]

الحقيقه الموضوع ده فى غايه الاهميه لاى شخص مقبل على شراء سياره جديده وخصوصا من ليس لديهم خبرات سابقه فى الموضوع

من وجهه نظرى المتواضعه ان عمليه التليين ببساطه هى عمليه تطبيع لجميع الاجزاء الميكانيكيه فىالسياره ( الموتور - الجر - الفرامل وخلافه ) وذللك بهدف الوصول بها الى الحاله الى تعطى افضل كفائه تشغيل واطول عمر ممكن

وده بيتم خلال او 1000 الى 1500 كم من عمر السياره الجديده

بالنسبه للموتور

1- عدم تجاوز عدد لفات الموتور حاجز 4000 لفه / دقيقه
2- عدم التسارع المفاجىء او القرص على الموتور
3- عدم جر سيارات اخرى
4- عدم السير على سرعه ثابته لفتره طويله (ضروره تغيير السرعه كل 5 دقائق )
5- متابعه منسوب الزيت ومياه التبريد ومؤشرات الحراره والتاكد من عدم وجود اى مشاكل اساسيه فى السياره خلال لتليين
6- اختبار جميع اجهزه السياره قدر الامكان
7- غيار الزيت والفلتر بعد فتره التليين مباشره

بالنسبه للفرامل

1- استخدام الفرامل بنعومه قدر الامكان اول 200 كم لحين تطبيع التيل على الطنابير
2- عدم التوقف المفاجىء والعنيف الا فى الحالات الضروريه فقط

دى طريقة نموذجية :b4_388:

الله ينور عليك يا أستاذى

[ahmed1981]

انا بصراحة شايف الكلام منطقى لان فعلا الشمبر بيحكم غرفة الحريق عن طريق ضغط الغازات و لو مفيش ضغط كافى التطبيع حيحصل على وضع اللا حمل و ساعة ما الموتور يحاول يطلع اقصى قدرة حيزيد الضغط على الشمبر و بالتالى تطابق الاسطح مش حيبقى محكم و يحصل تسرب و هدر فى القدرة

mmamdouh

* المرحلة الأولى من التطبيع بين الشنابر والإسطوانات بتحصل على وضع الحمل الخالي أولاً في المصنع قبل تسليم السيارة

* المرحلة الثانية لابد أن تكون تدريجية بعد إستلام السيارة والحركة بها
لماذا ؟
لأن الشنابر تقوب بالتطبيع أولاً في حدود لا تزيد عن 3000 rpm وهذه السرعة من لفات الموتور ليست قليلة ولا تسمى لا حمل
وخلال هذه السرعة يقوم الشنبر بعمل طريقه على حواف الإسطوانة ولكن بهدوء نوعاً ما
وهذه الفكرة مستمدة من المخرطة التي نقوم بتهدئة سرعتها والعمل على عدة أشواط للحصول على أفضل نتيجة للجسم المتعامل عليه

بهذه الطريقة سأحصل على أفضل تناغم بين الشنابر وسطح الإسطوانة

وتأتي هنا ملاحظة مهمة:
وهي القول بأن الشنبر سيتطبع على الضغوط المنخفضة وعند حدوث الضغط العالي يحدث تنفيس نتيجة لعدم التطبيع على الضغط العالي

وهذا الكلام أختلف معه بالكامل لأنه غير صحيح

لأن تصميم الشنابر يعتمد على الحبك كلما زاد الضغط
بمعنى أنه كلما زاد الضغط زاد إنضمام الشنبر على سطح مجرى المكبس وعلى السطح الداخلي للإسطوانة فيزيد الحبك

* والنقطة الأخيرة التي لا تتضح الفكرة إلا بها
هي أنه بعد المرحلة الأولى من التطبيع والتلين الهاديء لأول 1000 كلم سنحصل على نقاط تلامس في منتهى التناغم بين الشنابر والإسطوانات
هذا التناغم سيكون قائدنا إلى المرحلة الأخيرة

* المرحلة الأخيرة هي بعد ال 1000 كلم الأولى والتي نبدأ في زيادة عدد لفات الموتور موزعة خلال 4000 آلاف كلم تالية للمرحلة الأولى ليتم تطبيع تدريجي أيضاً يحفر بهدوء للشنابر طريقها عند كل سرعة لفات موتور بالتدريج
حتى نصل في نهاية تلك المرحلة إلى تناغم بين الشنابر والإسطوانات على سرعة لفات موتور تصل إلى 5000 rpm
والملاحظ أن التطبيع في هذه المرحلة مبني على ما قبلها أي أنه لا يسلك لنفسه طريق جديد
بل نتيجة للتدريج العقلاني الهندسي الذي قمنا به فإن الطريق الذي سيسلك في المرحلة الثانية على نفس مسالك المرحلة الأولى

وبذلك نخرج بعد مرور 5000 كلم وقد أصبح المحرك والسيارة في قمة التلاين مع سرعة 5000 rpm

بعد ذلك يكون المحرك مؤهل لزيادة سرعته تدريجيا أيضا حتى الوصول لنهاية نقطة الأمان في سرعة لفات المحرك دون خوف
فنحن قد مهدنا له الطريق

وبهذه الطريقة تستطيع أن تصاحب هذا المحرك لمسافة مليون كيلومتر دون كلل
مع المحافظة على أفضل أداء إعتمادي إقتصادي لذلك المحرك على مدى عمره الطويل

والبعض لا يحب الأداء الإعتمادي الإقتصادي ويفضل عليه الأداء الرياضي
وعند ذلك يقوم هؤلاء بما يسمى بتفتيح الموتور والتليين السريع أو بمعنى أصح الحرث والتجليخ السريع للحصول على أفضل أداء رياضي عن طريق زيادة خلوصات المحرك ليعطي أفضل أداء رباضي له على حساب الأداء الإقتصادي وطول عمر المحرك بالطبع


وفي النهاية أنا أعرف أن الإنترنت مليء بالمواقع التي تتحدث عن طرق التليين من وجهة نظر أخرى وبطرق معاكسة تماماً لما قلناه
ومن وجهة نظري الخاصة هي خاطئة تماماً كما هو حال كثير من المعلومات التي تؤخذ من الإنترنت
لذلك أختلف معها تماما ولا أنصح بها أحد

[MMamdouh]

طيب ايه تعليقك على الكلام دة:



و رائيك فى الجزئية بتاعت فترة التليين هنا:

Q: If break- in happens so quickly, why do you recommend using petroleum break- in oil for 1500 miles ?? A: Because while about 80% of the ring sealing takes place in the first hour of running the engine,
the last 20% of the process takes a longer time. Street riding isn't a controlled environment, so most of the mileage may
not be in "ring loading mode". Synthetic oil is so slippery that it actually "arrests" the break in process before the rings can seal completely. I've had a few customers who switched to synthetic oil too soon, and the rings never sealed properly no matter how hard they rode. Taking a new engine apart to re - ring it is the last thing anyone wants to do, so I recommend a lot
of mileage before switching to synthetic. It's really a "better safe than sorry" situation.

MMamdouh

[ahmed1981]

q:if break- in happens so quickly, why do you recommend using petroleum break- in oil for 1500 miles ??

a:because while about 80% of the ring sealing takes place in the first hour of running the engine, the last 20% of the process takes a longer time.

street riding isn't a controlled environment, so most of the mileage may
not be in "ring loading mode".

synthetic oil is so slippery that it actually "arrests" the break in process before the rings can seal completely.

i've had a few customers who switched to synthetic oil too soon, and the rings never sealed properly no matter how hard they rode.

taking a new engine apart to re - ring it is the last thing anyone wants to do,

so i recommend a lot of mileage before switching to synthetic.

it's really a "better safe than sorry" situation.

الرجل يوصي بألا يتسرع الناس للتحول للزيوت التخليقية قبل أن تتم عملية التليين براحتها خالص بإستخدام الزيوت البترولية العادية
وهذا أمر متفق عليه

[ahmed1981]

طيب ايه تعليقك على الكلام دة:




mmamdouh

بيتكلم إن أول 100 ميل الواحد يتحرك على سرعة من 50 إلى 60 ميل في الساعة يعني حوالي 100 كلم في الساعة
وأنه يستخدم في ذلك سرعة لفات للموتور مختلفة

الكلام مفيهوش معارضة أو حاجة غريبة
ولو ممكن توضح قصدك بحيث يتضح أكثر

[MMamdouh]

الرجل يوصي بألا يتسرع الناس للتحول للزيوت التخليقية قبل أن تتم عملية التليين براحتها خالص بإستخدام الزيوت البترولية العادية
وهذا أمر متفق عليه

80% من تليين المحرك بيحصل فى اول ساعة تشغيل... يبقى ازاى افضل احسس على المكنة لمسافة الف كيلو؟؟؟؟ دة بالميت 10 اضعاف المدة اللى بياخدها التليين

MMamdouh

[MMamdouh]

بيتكلم إن أول 100 ميل الواحد يتحرك على سرعة من 50 إلى 60 ميل في الساعة يعني حوالي 100 كلم في الساعة
وأنه يستخدم في ذلك سرعة لفات للموتور مختلفة

الكلام مفيهوش معارضة أو حاجة غريبة
ولو ممكن توضح قصدك بحيث يتضح أكثر

لا هو الكلام انك تتسارع من 60 ميل الى 90 ميل كذا مرة... يعنى بنتكلم فى 100 الى 150 كيلو فى الساعة... فى حين ان الناس بتقول متزودش عن 80 كيلو؟؟؟؟؟؟؟؟

الكلام دة جة منين فى حين ان الخبراء اللى صنعوا الشنابر ذات نفسهم بيقولوا اضغط على الموتور بشكل متكرر؟؟؟

و كمان لاحظ ان الموضوع دة فى اول 100 ميل يعنى 160 كيلو مش اول 1000 زى ما الناس هنا بتقول وهو ما يتطابق مع المقالة الاولى

MMamdouh

[samirayad]

التحسيس مش صح و الضغط المفاجىء برضة مش صح

الصح هو التحميل التدريجى على الموتور عشان التطبيع يبقى مضبوط

mmamdouh

خير الكلام ماقل ودل .............وفعلا الخلاصه فى الأقتباس ده

[ahmed1981]

لا هو الكلام انك تتسارع من 60 ميل الى 90 ميل كذا مرة... يعنى بنتكلم فى 100 الى 150 كيلو فى الساعة... فى حين ان الناس بتقول متزودش عن 80 كيلو؟؟؟؟؟؟؟؟mmamdouh

أنا متكلمتش عن حدود للسرعة مطلقاً
تكلمنا عن حدود لعدد لفات الموتور في حدود 3000 rpm

[ahmed1981]

80% من تليين المحرك بيحصل فى اول ساعة تشغيل... يبقى ازاى افضل احسس على المكنة لمسافة الف كيلو؟؟؟؟ دة بالميت 10 اضعاف المدة اللى بياخدها التليين

mmamdouh

هو 3000 rpm يعتبر تحسيس على المكنة
أنا شايف إنه طبيعي مش تحسيس ويعتبر قيمة متوسطة

[alivara]

السلام عليكمانا هقولكوا انا عملت ايه في فترة التلييناولا انا مش سواق جامد و فترة التليين كانت فترة تأكيد على القيادة ليا الى جانب التليينثانيا ده اللي انا عملته بالظبط1/ اول ما طلعت بالعربية مشيت على الهادي جدا و في أول 300كم ما كنتش بعدي سرعة 80 كم/س 2/ في اول تفويلة للعربية حطيت بنزين 90 لانه ده اللي كان متوفر و بعد كده غيرت ل 92 من تاني تفويلة لحد دلوقتي3/ في اول 1000 كم زودت السرعات تدريجيا من 70 الى 80 الى 90 على فترات مختلفة و ما عدتش عن 90 كم/س في اول 1100 كم4/ ما كنتش بثبت السرعة ابدا حتى لدقائق معدودة .. و مفيش غيار كان بيثبت معايا اكتر من 4 او 5 دقائق5/ كنت بضغط فرامل بهدوء جدا و ما عملتش اي توقف مفاجئ حتى اول صيانة للعربية6/ شغلت كل اجهزة العربية بما فيها التكييف من بعد اول 300 كم و اخر سرعة للمروحة جبتها 3 و نوعت بين تدوير الهواء داخل السيارة و استخدام هواء خارجي7/ حاولت اعمل بعض الغرز و المناورات بالعربية في اواخر ال 1000 كم لتليين ميكانيزمات التوجيه و الاجزاء المتصلة بالعجل8/ ما عديتش ال rpm عن 3 الا مرتين بس جبته على 3.5 و 4 بس و العربية واقفة9/ كنت بحاول باي طريقة اخلي مؤشر ال rpm اعلى من 2 حتى و انا على الغيار الاول10/ كنت بتابع قربة مياه التبريد باستمرار11/ عملت اول صيانة عند 1200 كم بالظبط و حطيت زيت توتال 5000 كم و غيرت فلتر الزيت و ربطت العفشة و ظبطت ضغط الاطارات و اتأكدت من ضبط الزوايا12/ بعد الصيانة ديه بدأت افتح بالموتور و جبت بيه 140 كم/س تدريجيا .. و بجد من بعد الصيانة اداء العربية فرق كتير و نعومتها زادت 13/ دلوقتي العربية عاملة 1350 كم بالظبط بس لحد دلوقتي ما بحاولش اعدي rpm عن 3 و ما اعرفش هل لازم اجيب 4 و لا مش لازمده بالظبط كل اللي عملته و اتمنى تستفيدوا بتجربتي