كلاتش مروحة التبريد

[ahmed_eng2001]

بمناسبة الشغل ....
تم فك طرمبة المياه و فحصها .... بصفة عامة ... حتحتاج تفك حاجات كتير ... المروحة و الكلاتش ... الدينامو .. حامل الدينامو
الكعبورة الى فى الصورة دى هى طرمبة المياه




و دى صور الريشة بعد فك الظهر









فى انتظار راى حضراتكم

[م/أحمد عبد الفتاح]

بمناسبة الشغل ....
تم فك طرمبة المياه و فحصها .... بصفة عامة ... حتحتاج تفك حاجات كتير ... المروحة و الكلاتش ... الدينامو .. حامل الدينامو
الكعبورة الى فى الصورة دى هى طرمبة المياه




و دى صور الريشة بعد فك الظهر









فى انتظار راى حضراتكم

طبعاً لما الواحد يشوف عالطبيعة حايقدر يكون رأى مظبوط بس من الصور فيه شوية ملاحظات أرجو تصحيحها أو تأكيدها :
- بالنسبة للون الأسود الغامق اللى على ريش الامبلر هل ده مكان لحام قديم تم قبل كده فى الامبلر لملئ التاكل ولا cavitation شديد شويتين ؟
- تقفيل الامبلر مع العمود بتاعه إزاى ؟ يعنى ملحوم ولا خابور ولا سى كلبس ؟
- كمية التاكل والبخبخة والصدأ اعتقد كتيرة وده بيأثر على حجم الخلوص - وكمان دلالة على دخول الهوا لحيز الطلمبة بكميات كبيرة
- النقر اللى فى الامبلر ده واضح إنه بسبب الـ cavitation نسبته كبيرة وده أسبابه كتير زى مثلاً سخونة المياه داخل الطلمبة وزى قلة ضغط السحب بسبب سدد فى وصلة سحب الطلمبة وزى زيادة سرعة دخول المياه للطلمبة وده يؤدى إلى انخفاض ضغط السحب برضه (إختيار غير مظبوط للطلمبة)
- هل الحشو بتاعها كويس وهل يوجد اثار تسريب مياه منها؟
- المفروض جسم الطلمبة الومنيوم بس كمية الصدا اللى جوه الطلمبة دى مش مستريحلها !!!!!
**** الخلاصة : أنا شاكك فى إن الإمبلر ده بتاعها !!!!!!!

[ahmed_eng2001]

طبعاً لما الواحد يشوف عالطبيعة حايقدر يكون رأى مظبوط بس من الصور فيه شوية ملاحظات أرجو تصحيحها أو تأكيدها :
- بالنسبة للون الأسود الغامق اللى على ريش الامبلر هل ده مكان لحام قديم تم قبل كده فى الامبلر لملئ التاكل ولا cavitation شديد شويتين ؟
- تقفيل الامبلر مع العمود بتاعه إزاى ؟ يعنى ملحوم ولا خابور ولا سى كلبس ؟
- كمية التاكل والبخبخة والصدأ اعتقد كتيرة وده بيأثر على حجم الخلوص - وكمان دلالة على دخول الهوا لحيز الطلمبة بكميات كبيرة
- النقر اللى فى الامبلر ده واضح إنه بسبب الـ cavitation نسبته كبيرة وده أسبابه كتير زى مثلاً سخونة المياه داخل الطلمبة وزى قلة ضغط السحب بسبب سدد فى وصلة سحب الطلمبة وزى زيادة سرعة دخول المياه للطلمبة وده يؤدى إلى انخفاض ضغط السحب برضه (إختيار غير مظبوط للطلمبة)
- هل الحشو بتاعها كويس وهل يوجد اثار تسريب مياه منها؟
- المفروض جسم الطلمبة الومنيوم بس كمية الصدا اللى جوه الطلمبة دى مش مستريحلها !!!!!
**** الخلاصة : أنا شاكك فى إن الإمبلر ده بتاعها !!!!!!!

ححاول ان شاء الله ارفع صور تانية ... بدقة اكبر ...

اللون الاسود الغامق الى على ريش الامبلر ده صدأ !!!!
تقفيل الامبلر مش باين من الصدأ ... بس اعتقد انه كبس
فيه نقر و صدأ كتير على الامبلر ... بس مش متاكلة ... و اعتقد ان جسم الطلمبة و الامبلر من الحديد ... مش الومنيوم خالص
مفيش تسريب من الحشو .. البلى حركته كويسه جدا ....

[م/أحمد عبد الفتاح]

ححاول ان شاء الله ارفع صور تانية ... بدقة اكبر ...

اللون الاسود الغامق الى على ريش الامبلر ده صدأ !!!!
تقفيل الامبلر مش باين من الصدأ ... بس اعتقد انه كبس
فيه نقر و صدأ كتير على الامبلر ... بس مش متاكلة ... و اعتقد ان جسم الطلمبة و الامبلر من الحديد ... مش الومنيوم خالص
مفيش تسريب من الحشو .. البلى حركته كويسه جدا ....

لون الصدا الاسود المزرق اللى واضح فى الصور فى جزء فقط من الامبلر ده غريب شويه وأكيد ليه سبب !!!! وأعتقد إن الامبلر ده كان فى الاصل ستانلس ستيل بس الزمن والصدا روقوه - دايما الامبلرات اللى بتبقى metal sheet impeller بيعملوها ستانلس علشان تعيش لأنها مابتبقاش محملة زى الامبلر الـ cast iron impeller - كمان قليل قوى لما تلاقيها بتستخدم فى العربيات علشان كده قلتلك انى شاكك ان الامبلر ده بتاعها - حتى لو حبيت تغير الطلمبة مش حتلاقيها بامبلر من النوع ده .
ونظرا لأنك من الصعب تلاقى طلمبة زيها هنا فى مصر وتكون حالتها كويسة فالحل من وجهة نظرى انك تعملها restoring وده بانك تفصصها تماما والجسم الداخلى بتاعها يتشال منه الصدا بفرشة سلك اللى بتركب عالشنيور بس مقاس صغير وبعدين تدهن الجسم من الداخل بايبوكسى cmb بتاع كيماويات البناء الحديث اللى معاه مصلب وده العلبة الكيلو بتعمل حوالى ٩٠ جنيه ولونها ابيض فى احمر تقريبا والايبوكسى لونه رمادى - ونفس اللى عملته فى الجسم تعمله فى الامبلر .
ولو عاوز شغل روقان وصبر يبقى بعد الفرشة السلك تشترى قزازة حمض فوسفوريك من اى بتاع كيماويات وده اللتر فى حدود ٣٠ او ٤٠ جنيه (تركيز ٨٠٪) - وتدى الجسم والامبلر وش من الحمض بالفرشة بس تشبعه وتسيبها يوم وتانى يوم تديها فرشة سلك تانى وبعدين تديها وش تانى بالحامض وتسيبها يوم كمان وبرضه فرشه سلك - حاتكرر الموضوع ده لغاية مالصدا يروح تماماً - وبعدين بالاسيتون اللى بيتباع فى الصيدليه تنضف الجسم والامبلر من الحامض وبعدين تدهن الايبوكسى - ممكن تغسلها بالميه علشان تزيل اثار الحامض تماماً بس النتيجة مش حاتكون كويسة ليه ؟ علشان حمض الفوسفوريك بيتفاعل مع اكسيد الحديد بتاع الصدا ويتحول لمادة تانية وده اساس حاجه اسمها rust converter بتتباع بره بمالغ خيالية - ولما بتنضفه بالاسيتون مش بيروح تماما لأن الاسيتون بيطير ويسيبه ولما تدهن الايبوكسى (اساسه زنك) والزنك مانع صدا كويس فالإتنين بيدوا نتيجه هايلة كمزيل صدأ وكمانع صدأ فى نفس الوقت. كل دى تجارب شخصية عرفت بعضها من ناس والباقى اجتهدت فيه ( كل الناس إللى بيستعملوا الطريقة دى بيغسلوا الحامض بميه تحت ضغط ويشيلوه تماماً ) - فيه كمان طريقة باستخدام المولاس بس الحصول على المولاس صعب وكمان بتحتاج وقت علشان المولاس يشيل الصدا يعنى تنقع الجسم والامبلر فى المولاس اسبوعين تلاته :) - والطرق دى الناس بتستعملها فى عمليات الـ restoring للعربيات القديمة قوى :) .
الايبوكسى حايديك طبقة تعوض شوية التاكل اللى حصل ولو لقيتها محتاجه وش ايبوكسى تانى اديها وبعد كده تقفل الطلمبة وربنا يسهل الحال ان شاء الله

[ahmed_eng2001]

ربنا يكرمك يا باشمهندس احمد على الطريقة الجديدة فى تنضيف الصدأ .... اانا عندى دهان عزل الايبوكسى ... و ان شاء الله قريبا انزل اشترى حمض الفوسفوريك و ابدأ عملية التنظيف و اعادة طرمبة المياه اللا حالتها ان شاء الله

انا اتأكدت من ان جسم الطرمبة و الامبلر من الحديد العادى خالص ... حتى مش استنلس .. و صورت صور ذات دقة عالية .. و حرفعها قريبا ان شاء الله
انا بعتذر عن التأخير فى الشغل لبعض الظروف الصحية

[م/أحمد عبد الفتاح]

ربنا يكرمك يا باشمهندس احمد على الطريقة الجديدة فى تنضيف الصدأ .... اانا عندى دهان عزل الايبوكسى ... و ان شاء الله قريبا انزل اشترى حمض الفوسفوريك و ابدأ عملية التنظيف و اعادة طرمبة المياه اللا حالتها ان شاء الله

انا اتأكدت من ان جسم الطرمبة و الامبلر من الحديد العادى خالص ... حتى مش استنلس .. و صورت صور ذات دقة عالية .. و حرفعها قريبا ان شاء الله
انا بعتذر عن التأخير فى الشغل لبعض الظروف الصحية

العفو وألف سلامة عليك
بالنسبة للجسم ممكن يكون حديد بس الإمبلر أعتقد إنه كان إستانلس ستيل لأن الجزء الأسود المزرق من الصدأ ده علامة بتحصل فى الإستانلس لما بيبقى فيه عيوب بسيطة فى الصناعة بتبدأ بالإحمرار وتلاقى لو فكيت الطلمبة وهى فى بداية الصدأ حتلاقى كل الدنيا لونها أحمر جوة الطلمبة ودى ظاهرة بتحصل للإمبلرات الإستانلس إسمها roughing وبتبقى بسبب بعض العيوب البسيطة فى الصناعة وبتبقى فى جزء صغير من الإمبلر وبعدين الصدأ يلعب دوره بس الجزء إللى كان لونه أحمر فى بداية الصدأ بيبقى لونه مختلف فى المراحل المتقدمة من الصدأ وده إللى خلى جزء صغير لونه أسود مزرق كان فى الأساس الجزء اللى حصل فيه الـ roughing فى البداية - والله أعلم - وفى انتظار الصور بس حاول ترفعها على الـ photobucket أحسن علشان نعرف نكبرها .
وخلى بالك من موضوع جوان الطلمبة لأن سمكه مهم وحاتقعد تعمل trail and error لغاية ماتوصل للسمك المناسب ان شاء الله

[ahmed_eng2001]

و دى الصور بعد الصنفرة الخفيفة

[م/أحمد عبد الفتاح]

الصدا حالته صعبه قوى وخصوصا فى الجسم - بس فيه حاجه فى الجسم هل هو جزئين لان متهيألى انه فيه جزء شاحط فى الجسم وفيه خلوص فى الشحط بتاع الجزء ده مفارق من ناحية عن التانية ولا ده تأثير الضوء

[ahmed_eng2001]

الصدأ و التاكل حالتهم سيئة زى ما حضرتك ذكرت ..... امال لو كنت شفت الصور قبل الصنفرة ....
فرق الناحيتين من الاضائة

انهى جوان حضرتك كنت بتتكلم عنه ؟؟؟؟ الجوان بتاع غطاء الامبلر ؟ و لا جوان جسم الطرمبة مع الموتور ؟؟
و انا كنت حعملهم جرنجريت 2 مم ... و اغطيهم سلكون حرارى قبل ما اركب على طول

فيه فتحة صغيرة عاملة زى ما تكون بتعمل Bypass للطرمبة ... مش عارف وظيفتها ايه ؟؟!!!! واصلة من الى داخل على الطرمبة ... ببلوك الموتور مباشرة .... ان شاء الله حرفع صورة تانية و احاول ابينها

[م/أحمد عبد الفتاح]

الجوان بتاع غطا الإمبلر

[ahmed_eng2001]

الفتحتين الى فوق دول مكان مسامير التثبيث ... الخرم السفلى ده بيوصل من قبل الطرمبة لبلوك الموتور على طول .... Bypass !!!!

[م/أحمد عبد الفتاح]

الفتحتين الى فوق دول مكان مسامير التثبيث ... الخرم السفلى ده بيوصل من قبل الطرمبة لبلوك الموتور على طول .... Bypass !!!!

ودى على الطرد ولا السحب بتاع الطلمبة ؟

[ahmed_eng2001]

ودى على الطرد ولا السحب بتاع الطلمبة ؟

سحب الطرمبة .... فتحة الطرمبة الى تحت فى الصورة دى الى جاية من الردياتير

[م/أحمد عبد الفتاح]

سحب الطرمبة .... فتحة الطرمبة الى تحت فى الصورة دى الى جاية من الردياتير

اعتقد انها فتحة لتقليل ظاهرة الـ cavitation لو ضغط السحب قل لأى سبب

[م/أحمد عبد الفتاح]

اعتقد كمان الطلمبات دى بالذات بتركب فى مواتير كتير للشيفروليه من زمان قوى ولعل الذاكرة تسعفنى كان بيطلق عليها فيكتور victor pumps وفيه شركة برضه من زمان طورت الطلمبات دى وحسنتها كتير قوى اسمها edelbrock وتقريبا النوع ده اللى حل محل الفيكتور برضه من زمان .