ما هي عيوب الأوبترا حتي الآن في نظر مالكيها ؟؟؟؟؟؟؟

[mostafabakry]

انا اسف يا جماعة انا عارف ان انا بقيت رزل شوية و اسالتي كترت قوي
بس اعذروني انا اول مرة هشتري زيرو و مش كل يوم هشتري عربية يعني دي عربية في العمر
عشان كدا انا بحاول اتحري الدقة في الإختيار خاصة واني كنت ناوي اشتري فيرنا و لانوس و افيو و اخيرا وصلت للأوبترا
يا ريت يا جماعة اللي معاه العربية و جربها يقولنا لو كان فيها عيوب كبيرة ممكن تأثر علي العربية
شكرا

[mostafabakry]

الموضوع شوهد 25 مرة و لن يظهر رد
معني كدا ان العربية ما فيهاش عيوب خالص و لا ايه :?:

[mido777]

بص انا معايش اوبترا بس ركبتها كتير

وشايف انها عربية كويسة بس عيبها (من وجهة نظرى الشخصية) ان تابلوها فقير شوية بمعنى انك تحس انه شبه عربيات كتير وخصوصا النوبيرا

وطالما انك لسه فى مرحلة التفكير - بص على الألنترا برضه
واستنى شوية على الناس مش كله حيرد على طول او انهم معندهمش معلومات يقدروا يفيدوك بيها

[hh]

بما انك فكرت في الافيو ممن تقوللي غيرت رأيك ليه لأني بفكر اشتريها

[mina_ramsis]

عيبها هو ان صاجها خفيف و العغشة ناشفة شويه

[د.محمود صلاح]

عيبها ان مافهاش ايرباج ولا سى دى

[bimmeraddict]

الانترا الجديدة أفضل من الأوبترا

[mohaismail]

الصاااااااااااااااااااااااااااااااج ورق

[mostafabakry]

للدرجة دي يا جماعة الصاج خفيف
ولا دا يعتبر اوحش حاجة في العربية يعني اقصد ان الصاج وحش قياسا بباقي مزايا العربية يعني هو اوحش حاجة في العربية مقياسا ببباقي مكوناتها و ليس مقياسا بعربية تاني
انتو فهمتوا قصدي ولا انا مش عارف اوصل لكم اللي انا بقصده
يعني لو حبينا نقارن بين صاج الأوبترا و صاج الإلنترا او اللانسر ايه ممكن نقول علية
و طبعا في الأخر لازم بكون هناك شي ناقص و الكمال لله وحده

[mohaismail]

لآ مش قياسا ولا حاجة الصاج فعلا ورق اسند بايدك براحة كده على العربية هتلاقيها اتطبقت منك علشان كده العربية مش معمرة يعنى بعد سنة سنتين هتلاقيها وقعت منك لو مشكلة الصاج اتحلت هتبقى فعلا روعة وخصوصا ان سعرها مناسب جدا والاداء بتاعها ممتاز

[Air Karam]

بص يا باشا انا لسه جايبها و الحمد له زى الفل و مش هتندم انك جبتها.
حكاية الصاج دى فعلا ضعيف و لكن ساعة القدر مش هتفرق معاك اوبترا ولا شيروكى.دى حاجة.
حاجة تانية , لو انت من النوع اللى بيخبط فى العربية كل شوية يبقى العربية مش هتنفعك لكن لو انت حريص على عربيتك يبقى ان شاء الله هتستمتع بالعربية ديه جداً.
و ربنا يوفقك للى فيه الخير.

[أبو عمار]

لآ مش قياسا ولا حاجة الصاج فعلا ورق اسند بايدك براحة كده على العربية هتلاقيها اتطبقت منك علشان كده العربية مش معمرة يعنى بعد سنة سنتين هتلاقيها وقعت منك

مش للدرجة دى لأن بمنتهى البساطة اللانوس و النوبيرا - و بلاش نقول ماركات تانية - صاجهم خفيف زى صاج الأوبترا و شغالين زى الفل بقالهم سنين

طبعا انا كان نفسى يكون صاجها أجمد (ساعتها كان هتبقى أحسن عربية بلا منازع) بس لازم نفتكر أيضا إحنا دافعين فيها كام

بالمناسبة أنا قابلت فى التوكيل بالمصادفة أول واحد عمل صيانة الخمسة آلاف فى توكيل منصور ك 28 جاب العربية من سنتين و عامل بيها 80 ألف و ساكن فى العجمى فى إسكندرية(يعنى طرق زبالة طحن) و العربية معاه زى الفل ;) ربنا يبارك له فيها
إذا الموضوع ده يرجع بشكل مباشر إلى الإستعمال.

[mino]

عيبها هو ان صاجها خفيف و العغشة ناشفة شويه

عيبها ان مافهاش ايرباج ولا سى دى

و مافهاش فرامل EBS

[mina_ramsis]

على ضعف صاج الاوبترا بس يعتبر اقوى من الالنترا الجديده يعنى روح اسند على الرفرف الخلفى للالنترا هتلاقيه دخل معاك لجوه انا جربتها بنفسى فى غبور و خفت لحسن البويه تقشر و لا حاجة و يدبسونى فيها

[Magdih]

أنا الصاج عندى بيتبق لوحده من غير حد مايلمزه

العفشه مش عجبانى بعد 2500 ك قياده.