ما هي عيوب الأوبترا حتي الآن في نظر مالكيها ؟؟؟؟؟؟؟

[Tarek_Y]

من فين حضرتك اشتريت ال CD الجميل دة وبكـــــــــــام؟؟؟

انا لسا هاجيبوا بس واحد صاحبي بتاع محل عربيات قالي ان هو مركبه لكذا عربية و اما سألتو عن مكانه قالي بيتباع مستعمل في القاهرة (فين معرفش) بس حسب حالته وانا وصيته علي واحد هيسألي عليه و يجيبوا اما عن السعر فقالي في حدود 800-900

[figo1001]

ya gama3a el Optra bgd 3rbya gamda gdn gdn..ana m3aya Optra 2009 3mla 4200 KM w bgd el 3rbya mageela gdn..shakl gamed w options kwysa 3la s3rha..w mawdoo3 el body 5afef da ay kalam..kol el cars el gdeeda kda..w el elantra da3eefa gdn w aktar mn el optra..bs hya 3bha en el 3fsha 3yza mo3mla kwysa shwaya 3shan wad7 enha msh btst7ml awi..bs el 3rbya btgama3 bsor3a w sa7b maloosh 7l..w shed m3a ay koko w enta mtmn..:D:P,,bs el 3rbya dy lw feha ABS kant htb2a a7san 3rbya fel soo2 kolo walahy..w care mn el colour..el 3rbya classic awiii..bs momken tzbat el mawdoo3 da b colour rewesh shwaya..ana eshtreet RED w bgd shaklo lazeez 3la el 3rbya gdn..enjoy..;)

[theprince2009]

من رئيي الشخصي انا العربية حلوة جدا بس عايزة المحافظة
وربنا يوفقك


مبرووووووووووك مقدما

[TAREKAWAD]

بص يا سيدي انا مهندس اعمل في شركة في السعودية جايبة لنا عربيات اوبترا 20 عربية اوبترا موديل 2005 يعني من اربع سنين وانا راكب واحدة منهم
بص يا سيدي العربية ما شاء الله انا بسافر بها مسا فات طويلة من 400 الي 800 كيلو وعلي سرعة 130 و140 كم في الساعة العربية ثابتة جداااااااااااااااا علي الطريق واقتصادية في البنزين يعني زي غيرها انا معاي اللتر في الشتاء بيعمل 13 كم وفي الصيف عشان التكيف اللتر بيعمل 10 كم تقريبا ولحد النهاردة ما غيرتش فيها غير فرامل وبطارية ده طبيعي في اي عربية
بس العيب الوحييييييييييييييييييييد المشترك في معظم العربيات ومش كلها هو التكيييييييييييييييييييف تكييييييييييييييفها ضعيف ومش حلو وبيبوظ بسرعة
بس مش عارف ايه السبب وما سالتش
انا ان شاء الله لما انزل مصر يا اشتريها او الانسر
تيل الفرامل الامامي ب90 ريال
الفانوس الخلفي يمين ب 260 ريال كان اتخبط مني
البطارية ب 290 ريال
يهيئ لي ان اسعار قطع غيارها مش غالية
بس الوانها مش حلوة اوي والصاج زيها زي اي عربية جديدة
هذا كل ما عندي عن تجربة عشرين عربية
اتمني اكون فيد
ك ومش عارف هل فيه فرق في مصر عن الخليج ؟؟؟؟؟؟

[moog]

أهنيكم على طرح الموضوع ......

وحاب اشارك معاكم

من ناحية صاج العربية لقد عمل دراسة على العربيات وخصوصاًَ قوة تحمل الصاج وسماكتوه والنتيجة :
أن الصاج القوي بيأثر تأثير على راكبين العربية في حالة لو حصل حادثة لا سمح الله وذلك من شدة الارتطام بسبب الصاج القوي والعربية بتتخطب .

وأن الصاج الخفيف مايأثرش الأ على العربية وطبعاً أكيد بيأثر على الركاب لكن بنسبة متفاوته بقليل من القوية وذلك لأنها تمتص الصدمة وبتلتف حولي الصدمة .


ورأي الشخصي : أن في حالة عملت حادثة لا سمح الله وتأثر الصاج بدل قطعة الصاج سواءً جديد أو مستعمل وعملها بوية جديدة .



والسلام عليكم ... أتمني أني خفيف عليكم ...

[menabigboss]

(- الجنوط 15 مش 14 زي الاوبترا) انا مش فاهم اية الميزة الجامدة فى النقطة دىاصل هى نفس العرضازاي يعني ال 14 بوصة هو ال 15 بوصة ...مش فاهم؟
( التابلوة اشيك بكثير) دى ازواق السيراتو لها تبلوة بسيط شبابى و الاوبترا كلاسيكى وكل واحد يشوف بيحب اية
(شكل اجمل واعرض ودة اذواق) الاوبترا لهل اجمل شكل سيارة من الخلف وخصوصا فى الايل و الكشافات مضائة من الامام السيراتو شبابى و الاوبترا كلاسيكى و لكن السيراتو ليس جميلة بالمرة من الخلفاختلف مع حضرتك...
(ضمان 5 سنين او 100000كم)اهم حاجة المصداقية وطيرقة التعامللأ دة معناة ثقة الوكيل الشديدة في العربية ...
(تبترونيك في السيراتو مقارنة بأوتوماتيك عادي في الاوبترا)دة حيبقى صيانتة اغلى و محدش من اللى بيسوق العربيات فاهملة
بس احقاقا للحق السيراتو تسارعها احسن من الاوبترا على السرعات
ولكن عزم الاوبتراعلى السرعات المنخفضة لايقارن:k49::Ta_clap[1]التبترونيك وبالسعر دة يبقي تحفة طبعا.....ومحدش يقول ان الفتيس ممكن تبقي اعطالة كثير لان دة من الحاجات الاساسية اللي مش المفروض ابدا انها تعطل ولو عطلت يبقي فيه مشكلة جامدة في العربية لان سعر الفتيس الاوتوماتيك للاوبترا واللانس والسيراتو اكتر من 35000 جنيه :

ودة رايي الشخصي وكامل احترامي لاراء حضرتك

[PoweRPassioN]

شكرا على المعلومات المفيده والنقاش الراقي

[lord23]

العربية ممتازة
ومميزتها كتير وتغطي عيوبها
بس انا اكتر عيب تاعبني ان الصاج خفيف
يعني لو عربية ريحت علي الاكصدام الامامي تلاقي الباب بتاعك مبيفتحش

[loodaa]

أنا عن نفسي مابقتنعش بالأوبترا دي خالص. استهلاكها للبنزين عالي جدا. ما تشوف ماركة تانية من الماركات اللي ليها تاريخ طويل زي فيات بموديلاتها الجديدة وفيها 2 air bag و abs+ebd وكاسيت CD اصلي وتكييف كويس ومرايات كهربا وزجاج كهربا دا غير انها تقفيل ايطالي مش تركي ولا مصري. او شوف السكودا أو الجين 2 بالرغم من حداثة عهدها الا انها اثبتت كفاءة عالية جدا وعيوبها قليلة ومعظمها عيوب تقفيل.

[midnightman_74]

يعني لو عربية ريحت علي الاكصدام الامامي تلاقي الباب بتاعك مبيفتحش

[SaNisSro]

من كلام الناس بيقولو الثبات وحش

[menabigboss]

[QUOTE=SaNisSro;738338]من كلام الناس بيقولو الثبات وحشQUOTE]بالنسبة للثبات فهي امنة حتي 140 كم/ساعة عن تجربة...

[AshrafAli79]

على فكرة موضوع الصاج ده ما تقلقش منه أنا معاي أوبترا 2009 أوتوماتيك والعربية بسم الله ما شاء الله زي الفل

[mmabass]

يا جماعة موضوع الصاج خفيف ولا تقيل مش في الاوبترا بس اللى الناس مش قادرة تعرفة ان الصاج ده ليه مواصفات عالمية بمعني اوبترا زي لانسر زي اسكودا زي كلة ولو حد مش مصدق يبقى يقيس الصاج بنفسة بمقياس السماكة اللى ممكن تلاقية عن اى حد بتاع ورشة خراطة وبيتباع على الرصيف ، على العموم يا باشا ما تقلقش انا معايا العربية دى بقالها سنة بالظبط وملقيتش فيها اي حاجة وحشة وبعدين عربية تقيلة وراسية على الارض وانت بتجري والقاعدة بتقول:
عفشة ناشفة = اتزان وثبات على الطريق
عفشة ناعمة = راكب طيارة ورق واي شوية هواء على الطريق جامدين هيخلوك ماشي مقلق
توكل على الله اختيار بجد موفق وده طبعا بالنسبة للميزانية
انما لو عاوز صاج ومتانة ورفاهية يبقى تفكر في فولكسفاجن او بي ام او مرسيدس

[hazoma_nubira]

اسمحولى اقولكم عن تجربتى
انا عربية اختى اوبترا 2007 واول ماجبتها ركبتها وجربتها معجبتنيش بصراحة ليه معرفش تقدروا تقولوا شعور داخلى كده بعدم الارتياح وبصراحة ماردتش اقول رأئى ده لاختى لانها خلاص اشترت ومش معقولة اكرهها فى العربية الجديدة
المهم انها معاها بقالها سنتين دلوقت وبتستعملها يوميا وعاملة 30 الف كم بتروح بيها الشغل وسواقة اختى من النوع اللى العن من الرجالة تحس كده انها سواقة عصبية ومش راكزة كانها فى سبق وشد فجائى ووقوف فجائى المهم ان العربية بسم الله ماشاء الله زى الفل معاها وعلى الفكرة هى من النوع المهمل يعنى ماودتهاش للتوكيل عشان تعمل صيانة ولا مرة ومع ذلك معتقدش انها غيرت غير الزيت والبوجيهات طول السنتين ( ده اذا افتكرت بقى )
الخلاصة العربية هايلة ومريحاها جدا جدا ومعتبراها تحفة وللاسف انا برضه حتى الأن مش مستريحالها مش عارف ليه