ما هي عيوب الأوبترا حتي الآن في نظر مالكيها ؟؟؟؟؟؟؟

[mina_ramsis]

أنا الصاج عندى بيتبق لوحده من غير حد مايلمزه

ازاى يعنى ؟

العفشه مش عجبانى بعد 2500 ك قياده

العفشة هتتحسن كمان شويه انا عامل حوالى 6 الف كيلو و العفشه نعمت شويه

[mostafabakry]

مش معقولة يا جماعة ان الصاج يبقي ضعيف بالشكل اللي حضراتكو بتفولوه دا
يعني كدا العربية لو طفل صغير خبطها ولا لعب او قعد علي الكبوت بتاعها اطلع بيها علي السمكري مباشرة
هو اكيد الصاج خفيف لان كل الناس اجمعت علي كدا بس هل هو للدرجة دي دا فيه ناس بتفول انه بيطبق من غير ما حد يلمسة ؟؟؟؟؟؟؟؟؟؟؟؟؟؟؟؟؟؟؟؟؟؟
يا ريت كلامنا بكون موضوعي مش لمجرد ايجاد عيوب و بس عشان ما نظلمش العربية و مش عايزين ننسي ان العربية سعرها 87 الف جنية مش 140 ولا 150 الف جنية
انا بفكر ااشتري العربية و عارف ان اي عربية بالسعر دا لازم هيكون فيها عيوب و إلا هتبقي اغلي من كدة بكتير
لو مثلا صاج العربية زي ما قال احد الإخوة انه زي صاج النوبيرا فيبقي مقبول خاصة وان النوبيرا مالية البلد و شغالة زي الفل يعني العربية ما فيهاش عيوب كبيرة تأثر عليها و علي ادائها بمرور الوقت
يا ريت تقولولي ايه رايكم في كلامي انا بفكر صح ولا غلطان

[د.محمود صلاح]

كل العربيات صاجها ضعيف مش دى بس وذلك لتخفيف وزن العربية وبالتالى تقليل الفاقد من البنزين

المشكلة مش فى الصاج المشكلة هو الدهان سريع التقشير والزوال مش عارف ليه ؟

[mostafabakry]

كل العربيات صاجها ضعيف مش دى بس وذلك لتخفيف وزن العربية وبالتالى تقليل الفاقد من البنزين

المشكلة مش فى الصاج المشكلة هو الدهان سريع التقشير والزوال مش عارف ليه ؟

فعلا يا دكتور محمود كل العربيات حاليا صاجها ضعيف و مش بيتحمل خصوصا في القاهرة مع الزحمة الشديدة في السير و في الركن
اما بالنسبة لي فانا من الصعيد من قنا و حضرتك اكيد عارف ان احنا في الصعيد عايشين في نعيم بالنسبة للزحمة اللي في القاهرة لذلك ما فيش خوف من حكاية الخبطات و الإحتكاكات مع السيارات الاخري الي جنبك بالشارع
بصراحة يا جماعة انا شايف ان العربية دي بتنتشر بسرعة وكل الناس بتشكر فيها عندنا و موضوع الصاج دا حتي لو هو زي ما بنسمع انه ضعيف مقارنة بماركات اخري فدا طبيعي ولا سعرها كان هيبقي زي الماركات الاخري دي اللي في نفس فئتها زي الإلنترا و اللانسر و الكورولا
العربية اللي انا بعرفة ان تصنيع كوري مش مصري و المصنع دا هو اللي كان بينتج الدايو و ناس متير بتقول ان الأوبترا اصلا موديل من دايو و جنرال موتور عدلت علية شوية و نزلته باسمها شيفورلية يعني الكلام دا بيقول ان صاج الأوبترا صو صاج الدايو نوبيرا ولانوس و غيرها يعني مش غريب علينا دا بالعكس بيجري في كل انحاء مصر و اصبحت العربية الشعبية الولي في مصر
انا شايف ان دي مشكلة ممكن نحلها باننا نعامل العربية بحرص زيادة و نغطيها بغطاء كويس و سميك عند الركن عشان ما تتجرحش من اللي بيمشوا جنبها
بس اللي انا خايف منه دلوقتي موضوع الإشاعة بتاعت تخفيض الجمارك دي و اللي مممكن تكون علي اول السنة الجديدة 2008 و طبعا لو حصل يبقي العربيات هتنزل قيمتها شوية عن الاسعار الحالية فمش عارف انتظر الشهرين دول ولا اشنري و اخلص و ربنا يستر
بصراحة الجو دلوقتي مش واضح و الحكومة دايما بتعمل غير اللي بتقولة يعني تسمع مسؤوول يقول ما فيش زيادات ولا حاجة تاني يوم تلاقي الأسعار زادت 50%

ايه رايكم في كلامي انا صح ولا غلطان

[mina_ramsis]

التخفيضات بتاعت الجمارك هتبقى على ال 2000 سى سى و الاوبترا 1600 سىسى هتقولى ما هما بيأثروا على بعض هقولك صح لو سعر 2000 سى سى فى مصر قريب من سعر 1600 و الكلام ده مش صحيح

[mostafabakry]

يا جماعة ايه حكاية علبة الدركسيون دي في ناس بتشتكي منها حد منكم عندة فكرة عن العيب دا

[khilo67]

إزاي صاجها خفيف و وزنها 1230 كيلوجرام ؟ امال الوزن الكبير ده في ايه ؟

[mina_ramsis]

مش الصاج اللى بيتقل العربية يعنى مثلا عندك الالنترا صاجها خفيف جدا و نفس الوزن تقريبا و الجين 2 صاجها جامد و وزنها 1100 كيلو
الموضوع ده راجع لمكونات العربية نفسها الموتور و العفشة و الشاسيه

[karimalaa]

مش للدرجة ديه الصاج ورق بس السقف صاجه ضعيف والكبوت لا يوجد به دعامات و ده يخليهم معرضين للتطبيق و برده أحد العيوب أو الامكانيات الغير متوفرة:,Air Bags,ABS+EBD,CD بس التيل الخلفي Disc وليسDrum و برده مافيش Fog Lights في المانيوال و المرايات لا تضم كهربائيا.

[hfarouk]

كل العربيات الجديدة صاجها ضعيف باستثناء الالمانى طبعا وهذا لايعيب الشيفروليه الدايو صاجها ضعيف جدا ولكن انظر فى السوق تجد الناس بتطلبها لغاية النهارده مع العلم ان صاجها اخف من الشيفروليه

[hanyathlon]

العيب الرخم ان ما فيها زرار سنتر لوك ... مع زراير الزجاج الكهرباء ..
بتتطر تمد ايدك وترفع السقاطة
انما هى كعربية ف حلوة

[yasserallam]

انا معايا الاوبترا الاتوماتيك وعامل بيها 7000 كيلو فى شهرين والحمد لله مش شايف فيها عيوب

وعلى اد فلوس

[dinow]

بالنسبة لصاج الاوبترا اعتقد انه مش ورق لانى دخل فى موتوسيكل على الطريق على سرعة فوق 100 كم فى الرفرف الشمال و كانت النتيجة تطبيقة تعتبر بسيطة فى الرفرف و ممكن تترد على البارد و اللى يشوفها ما يصدقش انها حادثة علما ان الموتوسيكل اتفرتك حتت يعنى عن تجربة اقولكم ان الاوبترا ما شاء الله صاجها جامد مش ضعيف

[amrpqi]

عربية سيئة للغاية انا معى السيارة من 1/12/2007 موديل 2008 لو شوفتها من كتر الخبطاط

الى فيها وهى ركنة بس من غير مسوقها تقول عليها موديل 1980

بإختصار العربية ضعيفة جدا صاج شفاف زى الورق الشفاف وانا بدور على حد يشتريها هى عملة

6.000 ك م

[elshami_1]

السلام عليكم ورحمة الله وبركاته
انا كنت خلاص رايح اشترى الأوبترا 2008 وصادف انى ركبت تاكسى العاصمة وكان اوبترا وسألت السئق عليها وكانت الضربة القاضية .قال ان كل السيارت بعد 6 شهور او اقل ضرب وش السلندر غير تلف العفشة .. وربنا يستر من الباقى
المهم فى الاخر برضه مش عارف اشترى ايه..؟..