ما هي عيوب الأوبترا حتي الآن في نظر مالكيها ؟؟؟؟؟؟؟

[Hosam_Optrawy]

اسمحولى اقولكم عن تجربتى
انا عربية اختى اوبترا 2007 واول ماجبتها ركبتها وجربتها معجبتنيش بصراحة ليه معرفش تقدروا تقولوا شعور داخلى كده بعدم الارتياح وبصراحة ماردتش اقول رأئى ده لاختى لانها خلاص اشترت ومش معقولة اكرهها فى العربية الجديدة
المهم انها معاها بقالها سنتين دلوقت وبتستعملها يوميا وعاملة 30 الف كم بتروح بيها الشغل وسواقة اختى من النوع اللى العن من الرجالة تحس كده انها سواقة عصبية ومش راكزة كانها فى سبق وشد فجائى ووقوف فجائى المهم ان العربية بسم الله ماشاء الله زى الفل معاها وعلى الفكرة هى من النوع المهمل يعنى ماودتهاش للتوكيل عشان تعمل صيانة ولا مرة ومع ذلك معتقدش انها غيرت غير الزيت والبوجيهات طول السنتين ( ده اذا افتكرت بقى )
الخلاصة العربية هايلة ومريحاها جدا جدا ومعتبراها تحفة وللاسف انا برضه حتى الأن مش مستريحالها مش عارف ليه

ده بقى العامل النفسى ومدى ارتياحك للعربيه
ودى عامل مهم جدا
يعنى مثلا ممكن تكون عربيه جامده ومفيهاش غلطه
بس انت مش مرتاحلها
مش لانها وحشه او فيها عيب
بس انت حاسس كدا
وطبعا مادام مش مستريح لحاجه متجيبهاش

[hazoma_nubira]

ده بقى العامل النفسى ومدى ارتياحك للعربيه
ودى عامل مهم جدا
يعنى مثلا ممكن تكون عربيه جامده ومفيهاش غلطه
بس انت مش مرتاحلها
مش لانها وحشه او فيها عيب
بس انت حاسس كدا
وطبعا مادام مش مستريح لحاجه متجيبهاش

عندك حق هو عامل نفسى مش اكتر بدليل انى لما سقتها قلت لنفسى ايه الفتيس الغلس ده المارشدير زى الاول بس بسوستة ده رخم جدا
المهم لما اشتريت عربيتى النوبيرا ولانى مرتاحلها نفسيا مش بعتبر الفتيس بتاعها رخم مع انه نفس النظام وبحاول اقنع نفسى ان العربيات الحديثة كلها كده

[عمرو عبيد]

انا معايا لانسر 1600 خليجى اوتوماتيك و بفكر ابيعها و اجيب اوبترا و دة لانى خايف من مشاكل الفتيس ال cvt بتاع الانسر لان لا قدر الله لو حصلة حاجة اسمع انة مالوش صيانة و لازم يتغير و دة تمنة 30000 جنية يعنى تلت تمن العربية بصراحة فى ناس كتير قالولى ان الانسر احسن كتير بس انا فضلت اسئلكم برضة لأنكم مجربين العربية دى

[Hosam_Optrawy]

انا معايا لانسر 1600 خليجى اوتوماتيك و بفكر ابيعها و اجيب اوبترا و دة لانى خايف من مشاكل الفتيس ال cvt بتاع الانسر لان لا قدر الله لو حصلة حاجة اسمع انة مالوش صيانة و لازم يتغير و دة تمنة 30000 جنية يعنى تلت تمن العربية بصراحة فى ناس كتير قالولى ان الانسر احسن كتير بس انا فضلت اسئلكم برضة لأنكم مجربين العربية دى

معتقدش ان فتيس اللانسر ممكن يبوظ او يجراله حاجه
بس عموما الاوبترا برضه الفتيس الاوتوماتيك بتاعها بحوالى 30 الف برضه لانه يابانى
والحمد لله عمر ما حد اشتكى منه او جراله حاجه
وطول ما انت بتستعمل الحاجه كويس وبتحافظ عليها ومبتهملش فيها هتعيش معاك سواء لانسر او اوبترا

[tayson54]

انا جبت اول امبارح بالعربيه 170 (للفضول مش اكتر لمده دقيقه) وكان ثباتها طبيعي جدا وفرملت عادي جدا ورجعت تاني 90 مفيش اي مشكله بالنسبه للثبات زي ما الناس بتفتي

[Hosam_Optrawy]

انا جبت اول امبارح بالعربيه 170 (للفضول مش اكتر لمده دقيقه) وكان ثباتها طبيعي جدا وفرملت عادي جدا ورجعت تاني 90 مفيش اي مشكله بالنسبه للثبات زي ما الناس بتفتي

ماهو المشكله ان لما حد تحصله مشكله فى عربيته
يقوم يعمم ويقول الاوبترا دى كذا وكذا
مع ان ممكن تكون المشكله اللى عنده حاله فرديه
او عربيته فيها حاجه مش مظبوطه
او شاريها مستعمله وطلعان عينها
او شاريها من معرض وكان العربيه ملعوب فيها ولا متنيله بنيله
او مبيعملهاش الصيانه
كل دى احتمالات وارده
واللى بيحصله مشكله بتبقى يا اما اهمال او غلط منه
او نصيبه ان عربيته فيها عيب معين
انا مش بادافع عن الاوبترا وخلاص
بس مفيش عربيه ملهاش عيوب
والحمد لله الاوبترا من العربيات اللى عيوبها قليله جدا مقارنة بعربيات كتير

[auto5truck]

العربية ممتازة جداً عيبها بالنسبه لى أنى طويل و العربية قصيرة فعلشان أركب فيها و أنزل منها لابد من أتباع قاعدة الألتفاف و النزول بالرجلين الأثنين ثم الوقوف و العكس عند الركوب.
و عموماً أنا شايف أنها مش مشكلة بالعكس دى أجبرتن على أحترام هذه القاعدة علشان الخروج على الرجل الشمال لوحدها بيؤدى لمشاكل فيها على المدى الطويل.

و لكن القاعدة دى ما بتنفعش فى حالة الركنة فى حتة مزنوقة

[rms1986]

2570mm ده طول قاعده عجلات النوبيرا


2600 mm وده طول قاعده عجلات الاسبرانزا


بعد احترامي ليك
الارقام بتتكلم

الاسبرانزا اوسع

[mohamed_mohsen]

2570mm ده طول قاعده عجلات النوبيرا


2600 mm وده طول قاعده عجلات الاسبرانزا


بعد احترامي ليك
الارقام بتتكلم

الاسبرانزا اوسع

ايه علاقة ده بالموضوع اصلا؟ حضرتك بتتكلم علي النوبيرا..... و الموضوع بيتكلم عن الاوبترا ....و بعدين 30 مللي مش المساحه المهوله يعني..... عشان تقول اوسع و الا مش اوسع
(أنا و لا معايا دي و لا دي)..... بس الرد غريب بصراحه

[Hosam_Optrawy]

ايه علاقة ده بالموضوع اصلا؟ حضرتك بتتكلم علي النوبيرا..... و الموضوع بيتكلم عن الاوبترا ....و بعدين 30 مللي مش المساحه المهوله يعني..... عشان تقول اوسع و الا مش اوسع
(أنا و لا معايا دي و لا دي)..... بس الرد غريب بصراحه

هو تلاقيه كان كان فاتح كذا موضوع وحط الرد هنا بالخطأ

وهتلاقى نفس الرد ده فى موضوع مقارنه بين النوبيرا والاسبيرانزا

[SaNisSro]

مش مشكلة يا جماعة ما الاوبترا اخت النوبيرا في الرضاعة مفيهاش حاجة يعني :)

[mohamed_mohsen]

مش مشكلة يا جماعة ما الاوبترا اخت النوبيرا في الرضاعة مفيهاش حاجة يعني :)

يللا حصل خير

[gado2416]

السلام عليكم
اولا اناشايف اختلاف الاراء فى الموضوع من ناحيه ستايل العربيه من الداخل مش مهم هى فعلا كلاسيك
بس مش وحشه انما مقارنتها بالالنترا..الطابلوه شبابى يعنى دى اختلاف ازواق
بانسبه للصاج هو خفيف بس احسن من الالنترا لانها لما بتتخبط الصاج بيقطع ودى مشكله
غير انك لو معات صحابك 4 ولا خمسه ومسافرين مثلا الالنترا مقرفه لانها بتوطا خالص من ورا
وانا عن تجربتى للاوبترا لمده سنتين وانا مش برحمها سفر وحرق وتسقيط غيارات والسعر ده
من رأى انها جميله جدا مع بعض الاضافات البسيطه من الداخل او الخارج
واسف للاطاله

[gado2416]

ملاحظه انا فى سفر شبه يوميا وبمشى بالعربيه 190 طول الطريق مع الغرز والكلام ده
والعربيه مشاء الله.. حبيت اوضح بس

[D . a .\ AYMAN]

يعني الواحد يفهم من مجمل المشاركات كلها إن العربية ما شاء الله زي الفل

بس في بعض السيارات بيكون فيها مشاكل في العفشة وعلبة الدركسيون ... ؟؟!!!!

طب ما هي دي برضه هى نفس المشاكل اللى كانت موجودة في بعض سيارات النوبيرا قبلها برضه مش كلها .. ماعدا عيب المقصات اللى الكل أجمع عليه إنها ضعيفة جدا في النوبيرا

على فكرة مشكلة الصاج دي ماتعتبرش مشكلة لأن كل العربيات الجديدة اللى ركبتها صاجها واحد لا إختلاف بينهم إلا في بعض الموديلات القوية بطبعها

--------------