رابـــــطة مالكـــــــــــــى شيفـــــرولـيـــــــة كــــــــــــروز

[hossam_elwani]

انا كنت جايب معايا من امريكا ريبير كيت عبارة عن قلم خدوش ومعاه سائل تشحيم ومعاه معجون تلميع وتذويب وطقم صنفرة وعملت اللالى وطبعا اختفت شوية بس لسه باينه لان ابن التييييت حفر بغل وبحديدة وجنب بعض فمفيش طريقة غير الرش او الاستيكر
انا فكرت اروح لمحل ابراهيم فى دمشق وهوا متخصص استيكرز وعلامات واشوف استيكر اسود لامع بس مش كربون لا أسود لامع واعمل الشنطة وجزء من الكبوت ولو ملقتش اعمل الشنطة وجزء من الكبوت اسود كربون لانى مش ناوى ارش حاجه وربنا يكفينا قرف الصنايعية والبهدلة والافران المنيلة حتى فى التوكيلات الللى بتطلع العربية كلها هبو وعفرة وتسييل -حاجه تقرف بصراحة
يلا الحمد لله على كل شىء وربنا يخرجنا من البلد بنت التييييت دى على خير

اصل البلد دى ذكرت فى القرأن (ادخلوها بسلام امنين ) وبعدين ( فخرج منها خائفا يترقب) والسجن الوحيد اللى اتذكر فى القرأن هو سجن مصر ( ودخل معه السجن فتيان)
بلد العجايببببببب

ربنا يوفقك


فعلا ربنا يخرجنا منها على خير ههههههه

[hossam_elwani]

انا اتصلت بمنصور لقيت فعلا عربيتى بتتباع ب 169900 ومفيش 2014 نزلت واللى على كونتكت كار هجس سواء سنة صنع او مواصفات
يا ما انت كريم يا رب -اخيرا حظى ضرب فى حاجه وخدنها ارخص من السعر التجارى
بجد الحاج سمير ربنا يباركله والبنت اللى هناك اللى ساعدتنى كتر خيرها وربنا يكرمها
انا كده استفدت بالخصم بتاع منصور ساعتها <5 الاف جنيه> وخصم سمير ريان عن الوكيل (الفين او تلاته ) والواجب اللى عمله معايا الحاج سمير وهدى (بتاع اربعة الاف)
الراجل اقسم انه مش كسبان شلن ومرضيش ينزل جنيه مراعاة لظروفى (خسارة الشارك) ولانى زبون دائم انا وقرايبى وكل تعاملى معاهم من فتره
الحمد لله بس سؤالى هل فى حد فعلا اشتراها ب 170 الف
لان اى حد عادى هيسمع الرقم هينط على طول على السيراتو او الكرولا الخليجة 2013 كانت ب 169 الف

فعلا فرق كبير وربنا يعوضك كل خير

[hossam_elwani]

فين يا استاذ حاتم صور الفرش

ياترى هو زى ده فى التفصيل والجزئيه البارزه الى فى مقعد الكرسى ؟؟

ماردتش عليا فى الجزئيه دى يا استاذ حاتم
؟؟

[Eng_hatemfathy]

ماردتش عليا فى الجزئيه دى يا استاذ حاتم
؟؟

يا باشا انا معرفتش ارفع صور فاديتك عرض احسن بس شكلك مش متابع حبايبك
بص الرابط ده

http://www.nilemotors.net/Nile/391104-a-2.html#post3875313262

[Eng_hatemfathy]

فعلا فرق كبير وربنا يعوضك كل خير

يا فرحة ما تمت اتصلت بسمير ريان لقيت منصور عايش فى الوهم والعربية الفئة الاولى نزلت ل 142 الف والتانية 150 الف وبتاعتى اخر سعر اتباعت بيه 155 الف وخلصوها ومش باقى غير الاولى والتانية وقالولى ان منصور عنده استوك كبير واكيد على اخر الشهر العربية هتنزل تانى
للاسف ده سلاح ذو حدين
ان العربية تنتشر فقطع الغيار تنزل شوية وده مستبعد شوية لان للاسف مفيش حد بيشتغل فى القطع الاصلية الا الوكيل والوكيل بيحافظ على مكسبه ولو سعره عشر اضعاف التقليد

لو الجديد نزل يبقى سعر اعادة البيع هينزل قوى والعربية هتتضرب جامد
انا فوجئت ان الكرولا الخليجى ال 2013 اللى كانت من شهرين ب 169 الف بقت ب 160 الف
يعنى كنا مشتغربين لما السيراتو عملت عرض ونزلت 9 الاف جنيه مره واحده لمدة اسبوع ادى عربيتى نزلت 3 الاف فى شهرين -لا وايه الوكيل بيبيعها ب 170 الف وده كده رد على سؤالى امبارح >هل فى حد بيشتريها بالسعر ده<

بجد الشراء ده حظوظ ورزق
والحمد لله على كل شىء

[hossam_elwani]

يا فرحة ما تمت اتصلت بسمير ريان لقيت منصور عايش فى الوهم والعربية الفئة الاولى نزلت ل 142 الف والتانية 150 الف وبتاعتى اخر سعر اتباعت بيه 155 الف وخلصوها ومش باقى غير الاولى والتانية وقالولى ان منصور عنده استوك كبير واكيد على اخر الشهر العربية هتنزل تانى
للاسف ده سلاح ذو حدين
ان العربية تنتشر فقطع الغيار تنزل شوية وده مستبعد شوية لان للاسف مفيش حد بيشتغل فى القطع الاصلية الا الوكيل والوكيل بيحافظ على مكسبه ولو سعره عشر اضعاف التقليد

لو الجديد نزل يبقى سعر اعادة البيع هينزل قوى والعربية هتتضرب جامد
انا فوجئت ان الكرولا الخليجى ال 2013 اللى كانت من شهرين ب 169 الف بقت ب 160 الف
يعنى كنا مشتغربين لما السيراتو عملت عرض ونزلت 9 الاف جنيه مره واحده لمدة اسبوع ادى عربيتى نزلت 3 الاف فى شهرين -لا وايه الوكيل بيبيعها ب 170 الف وده كده رد على سؤالى امبارح >هل فى حد بيشتريها بالسعر ده<
c
بجد الشراء ده حظوظ ورزق
والحمد لله على كل شىء

مش ممكن يكون اﻻستوك ده موديل 2013 وموديل 2014 هو الى سعره زى ماقالك منصور؟


سمير ريان مش فى كل المحافظات موجود

وماتشغلش بالك كده كده اى زيرو مهما كان بيخسر احنا بنشترى جديد عشان نريح بالنا اﻻستعمال السوق اغلبه مغشوش

طيب الكروﻻ الخليجى هاى ﻻين 2013 موجوده عنده برضه؟

[hossam_elwani]

يا باشا انا معرفتش ارفع صور فاديتك عرض احسن بس شكلك مش متابع حبايبك
بص الرابط ده
http://www.nilemotors.net/nile/39110...post3875313262

تسلم ياغالى انا لسه شابف الموضوع حبعتلك رقمى على الخاص وننسق مع بعض ان شاء الله اﻻسبوع الجاى للمقابله عند الحاج احمد جينز كار ويشرفنى معرفتك

[Eng_hatemfathy]

تسلم ياغالى انا لسه شابف الموضوع حبعتلك رقمى على الخاص وننسق مع بعض ان شاء الله اﻻسبوع الجاى للمقابله عند الحاج احمد جينز كار ويشرفنى معرفتك

تحت امرك فى اى يوم بعد 6 مساء وهوا بيقفل الاحد والافضل ليه الاتنين علشان يحدد اللون والخامة وياخد عربون وتروح على الخميس يفك الكراسى ويركب الفرش بعد ما يكون فصله ويرجع الكراسى فى حدود 4 ساعات

[Eng_hatemfathy]

مش ممكن يكون اﻻستوك ده موديل 2013 وموديل 2014 هو الى سعره زى ماقالك منصور؟


سمير ريان مش فى كل المحافظات موجود

وماتشغلش بالك كده كده اى زيرو مهما كان بيخسر احنا بنشترى جديد عشان نريح بالنا اﻻستعمال السوق اغلبه مغشوش

طيب الكروﻻ الخليجى هاى ﻻين 2013 موجوده عنده برضه؟

مفيش 2014 نزلت مصر لا عند منصور ولا عند سمير ولا اى معرض
وعندهم كرولا سودا وفيرانى 2013 خليجى بس من غير ريموت ولا مرايات طى ولا فوجات وب 160 الف

[hossam_elwani]

تحت امرك فى اى يوم بعد 6 مساء وهوا بيقفل الاحد والافضل ليه الاتنين علشان يحدد اللون والخامة وياخد عربون وتروح على الخميس يفك الكراسى ويركب الفرش بعد ما يكون فصله ويرجع الكراسى فى حدود 4 ساعات

الله يكرمك

كنت بفكر كله فى يوم واحد عشان مشوار اسكندريه ... القاهره حتصل بيه واشوف تنفع القصه كلها فى يوم واحد من بدرى الصبح ولا لا وحرد عليك

[hossam_elwani]

مفيش 2014 نزلت مصر لا عند منصور ولا عند سمير ولا اى معرض
وعندهم كرولا سودا وفيرانى 2013 خليجى بس من غير ريموت ولا مرايات طى ولا فوجات وب 160 الف

يعنى الكرولا عريانه ملط

واول فئه اوتو طبعا

على فكره سمعت والله اعلم ان الاسعار حتزيد تانى على اول السنه على كل العربيات

والاخطر ان الدولار فى السوق السودا فى صعود سمعت 7.5 امبارح

[ياسر القيعى]

تحياتى الى كل اعضاء الرابطة انا معايا كروز 2010 اشترتها مستعملة من العام الماضى لكن لاحظت عليها ان الطلعة الأولية بطيئة وصوت الموتور عالى شوية فحطيت على البنزين بوزتيف باور بصراحة حسيت بفرق فى سحب العربية وحسيت انها نعمت شوية العربية بصراحة معايا من سنة ومريحانى لكن العيب الى فيها انى حاسس ان العربية خشنة شوية مش ناعمة فهل المشكلة ديه فى عربيتى بس ولا الكروز كده وهل وضع البوزتيف باور على البنزين كل مرة تعمل مشكلة ارجو الافادة

[Eng_hatemfathy]

تحياتى الى كل اعضاء الرابطة انا معايا كروز 2010 اشترتها مستعملة من العام الماضى لكن لاحظت عليها ان الطلعة الأولية بطيئة وصوت الموتور عالى شوية فحطيت على البنزين بوزتيف باور بصراحة حسيت بفرق فى سحب العربية وحسيت انها نعمت شوية العربية بصراحة معايا من سنة ومريحانى لكن العيب الى فيها انى حاسس ان العربية خشنة شوية مش ناعمة فهل المشكلة ديه فى عربيتى بس ولا الكروز كده وهل وضع البوزتيف باور على البنزين كل مرة تعمل مشكلة ارجو الافادة

بص حضرتك الكروز محركها تسارعه بطىء ده طبيعى وحتى مع المحرك الجديد
اما موضوع اضافىة الوقود او محسن الاداء فانا عملت بحث شوية لانى اول مرة اسمع المصطلح ده لحد ما جبت الرابط ه

http://www.michigan.gov/........s/mdot/R-291_438416_7.pdf

بس عايز اعرف ايه النوع اللى حضرتك استخدمته (الاسم التجارى) لان استهلاك البنزين عندى فظيع واخر تفويلة امبارح لقيته عمل 175 كيلو فى الصفيحة يعنى 8.75 لتر/100 كم وده اعلى من المتوسط المفروض يكون 7.3 لتر /كم وانا طرقى مختلطه ما بين دائرى وزحمة بس الاغلب دائرى
وبفكر اجرب محسن اداء نضيف يمكن يحسن من استهلاك البنزين

[ياسر القيعى]

بوزتيف باور هتلاقيه حضرتك فى محطة موبيل العلبة ب 25 جنيها لكن بصراحة حسيت بفرق فى سحب العربية ونعومية الموتور لكن انا مشعارف هل وضعه مع كل تفويلة غلط ولا ايه

[hossam_elwani]

بوزتيف باور هتلاقيه حضرتك فى محطة موبيل العلبة ب 25 جنيها لكن بصراحة حسيت بفرق فى سحب العربية ونعومية الموتور لكن انا مشعارف هل وضعه مع كل تفويلة غلط ولا ايه

اهلا بيك

هو البوزيتف باور المقصود بيه محسن اوكتان يعنى مثلا بيخلى بنزين 92 اقرب الى 95 ولا ايه ؟؟


والتحسن فى السحب بنسبة قد ايه ؟؟


العربيه خشنه نوعا مقارنه باليابانى زى تويوتا


متنساش الطرق المصريه حاجه كده تطلعك من شعورك