المواصفات والاسعار لأسترا سيدان 2015 بمصر

[A.Adel]

الدويل زون تحكم ثنائي فى الحراره اى كل جانب على حدى

يا باشا عيب :)

أنا مستغرب بس عشان غالبا التاتش بيبقى dual zone
عشان هم فصلين دي عن دي ,بس مش أكتر :)

[احمد فهمى]

ده شكل الفانوس القديم



و ده بنسبة كبيرة زي اللي شفته في الجديدة, لونه أغمق...



ده شكل الشبكة و الأكصدام القديم



و الجديد زي اللي في الهاتش دي

مجهود هايل واوضح للأخوه ليه العربيه منزلتش زينزن لأن الالمان بينزلو الزينون فى الفانوس اللى فى عدسه بس وده هو اساس الزينون والفنوس بتاع الاسترا اللى فى عدسه متحرك وفى خاصية برمجه للتكييف مع الطريق يعنى لو ماشي في شارع وعربيات فى وشك بيوطى الفنوس الشمال لوحدو ولو بتحود بينور نور جانبى للشارع اللى انت داخل فى ومع السرعه ليعلى الفانوس لوحدو وطبعاً ده كان ممكن يغلى العربيه ١٥ ل٢٠ الف جنيه وهم عيزيين ينافسو فمش هينفع ينزل حالياً بس ممكن مستقبلاً

[احمد فهمى]

يا باشا عيب :)

أنا مستغرب بس عشان غالبا التاتش بيبقى dual zone
عشان هم فصلين دي عن دي ,بس مش أكتر :)

مش غالباً وطبعاً موضوع الدويل زون مكلف ولازم يكون فى اعلى فئه عشان يكون فى فرق بين العربيات

[احمد فهمى]

طيب ايه نقول bye bye للالنترا .. راحت عليها يعني ؟!!

و الكيا 3 اللي اتضربت قبل ماتنزل ولا ايه ؟؟!

الالمان دول عليهم دماغ :10d5c8w1107:

بصراحه زمان انا كنت ببر شرا العربيات الغريبه دى بسبب عدم توافر بديل لكن حالياً اللى يشتري دول هيعبر عن ثقافتو فقط

[Mohab.Nabil]

للتصحيح العربيه ١١٥ حصان عند ٦٠٠٠ لفه وده عند اقصى استخدام للمحرك ومنصور عدل الاسعار ل١٦٧ و ٢٠٩ ومحتمل العربيه تغلى وطبعاً اللى مش هيلحق هيخش لحجر بالتحديد اول فئه لأنها بسعر الفانتازيا المانيوال معلى فكره مفيش عربيه فى مصر فيها esp بالسعر ده ولا اغلى ٣٠ الف حتى

اسمحلى اصحح المعلومة ديه يا باشا

الـ c4 بفئتيها 149 الف و 169 الف الاثنين فيهم esp standard

و كان من فترة الـ fabia mini بينزل فيها esp برضو و كانت ارخص من كده شوية كويسين و برضو السيراتو الكوبيه الخليجى السعودى كان فيها

بس طبعا ديه حاجة تميز العربية لأن قليل العربيات اللى فيها الاوبشن ده

[eng_maged]

سعرها ممتاز زمنافس جدا

[احمد فهمى]

اسمحلى اصحح المعلومة ديه يا باشا

الـ c4 بفئتيها 149 الف و 169 الف الاثنين فيهم esp standard

و كان من فترة الـ fabia mini بينزل فيها esp برضو و كانت ارخص من كده شوية كويسين و برضو السيراتو الكوبيه الخليجى السعودى كان فيها

بس طبعا ديه حاجة تميز العربية لأن قليل العربيات اللى فيها الاوبشن ده

يا سيد مهاب شكراً على مشاركتك القيمه بس دى نوادر انا بتكلم على عربيات بتتسوق فى مصر وبتتباع كل يوم اكيد بره انت عادى ممكن تطلب لانوس فيها esp وتنزلك بى من بره المشكله فى الوكلاء فى مصر بيغلو العربيات وبيشيلو اللى يقدرو عليه مع ان عالمياً العربيه اللى مفيهاش esp مينفعش تاخد ٥ نجوم فى السلامه فده اصبح مهم جداً

[walid tageldine]

محدش يعقد يقول كتير سعرها معقول ليسمعنا عمنا منصور و يغليها

[walid tageldine]

أنا لسه حي من المعرض الي في المهندسين بجد جميلة جداً بس مع كل الاوبشن نسيو يحطو بلوتوث و جراب نظارة

[Z100100]

للاسف مافيش عربيه كامله ،، زي الموبايلات كده :))

[احمد فهمى]

أنا لسه حي من المعرض الي في المهندسين بجد جميلة جداً بس مع كل الاوبشن نسيو يحطو بلوتوث و جراب نظارة

يا راجل يا طيب كفايه الesp ده بالدنيا كلها امان كامل وبصراحه احلى طبلو شفتو فى كل الجديد والسعر ممتاز جداً اول فئه تعتبر كامله سيبك من الجنط مهو ١٦ برضو ممكن توقع واحد استيراد يعنى لو هو ده المشكله باقى الكماليات فى نظري مش عمليه اوى يعنى لو كانت تاني فئه فيها فتحة سقف كان ماشى لكن تكيف تتش وجنط بالنسبالى مش مهم المهم ان عندى الاساسيات ومش ناقص كماليات جوهريه

[yehia]

يا سلاااااام لو كانت نزلت بـ 6 ايرباج كمان (عشان اللي ورا ) ...

كانت بقت العربية شبه الكاملة .......

أنا شفتها في منصور الطيران وباسم الله ما شاء الله .. بس لي ملاحظة وهي ضيق مساحة الارجل في الخلف لو مرجع الكراسي اللي قدام شوية لورا .. يا ترى حد لاحظ الحكاية دي ؟

وبالنسبة للبنزين أعتقد بما ان الموتور الـ 115 مش تربو فممكن يمشي عادي بـ 92 من غير أي مشاكل إنما الـ 180 حصان ده تربو وبالتالي لازم بنزين 95 وإلا حرام الواحد يدفع فيها مبلغ عالي ويرجع يحطلها بنزين مش بتاعها .......

[NaderNabil]

سؤال لولبي....


التعليق الخلفي بتاع الاسترا سيدان ايه؟؟ و الهاتشباك تعليقها الخلفي ايه؟؟

[Hosam_Optrawy]

شكرا على الموضوع

سؤال لولبي....


التعليق الخلفي بتاع الاسترا سيدان ايه؟؟ و الهاتشباك تعليقها الخلفي ايه؟؟

الاتنين زى بعض

Watt Z-Link

[احمد فهمى]

سؤال لولبي....


التعليق الخلفي بتاع الاسترا سيدان ايه؟؟ و الهاتشباك تعليقها الخلفي ايه؟؟

كما وضحلك حسام باشا التعليق واحد وعلى فكره الشنطه اكبر مما تتخيلو لأن الهاتش باك منها كانت شنطتها اكبر من اى عربيه هاتش باك