المواصفات والاسعار لأسترا سيدان 2015 بمصر

[حاتم]

سؤال مهم جداً: هينزل منها ستيشن Station؟؟؟

[mrscout]

هي في كل معارض منصور حالياً وادفع واستلم مفيش حجز حالياً بس ده هيحصل بعد ما الناس كلها تعرف الموضوع

انا لسه سائل عليها فى منصور الى فى شارع الطيران قالى تحجز بعشرين الف وتستلم بعد ٤٥ يوم

[احمد فهمى]

العربية بولندي مش الماني

بولندى مش عيب مصنع جى ام في بولندا واسبانيا وانجلترا وجنوب افريقيا وامريكا والبرازيل ودول كتير جداً وعلى فكره فولكس جولف بتتصنع فى بولندا داخله على ١٠ سنين وده مش سبب يرخص عربيه على فكره

[A.Adel]

بولندى مش عيب مصنع جى ام في بولندا واسبانيا وانجلترا وجنوب افريقيا وامريكا والبرازيل ودول كتير جداً وعلى فكره فولكس جولف بتتصنع فى بولندا داخله على ١٠ سنين وده مش سبب يرخص عربيه على فكره

أنا مش عارف ليه اخدت الكلام على إنه هجوم على العربية :)
والله ما ده قصدي ولا عمره كان قصدي
و لا أنا قلت إنه عيب إنها تبقى بولندي أساسا

بس مينفعش الاقي حد بيقول حاجة غلط و مفيدوش
بالنسبة ل golf أنا معرفش اللي في مصر الماني ولا لأ

[Formulator]

انا لاحظت انه الكورسا الجديده فيها الانظمه دى ياباشا زي ميزان كدا بس بيكون امامي

فيها Anti-roll/Stabilizer-bar عادى فـ المكفرسون
بس مغيرين جامد فـ العفشة قدام

عفشة الكورسا ورا مكانوش بينزلوا الـWatt's link إلا فـ الـOPC
(المواتير الصغننة 1.2-1.4 كانت بتنزل تورشن-بيم عادى)
دلوقتى بقوا ينزلوها ستاندرد فـ كل الكورسا range

بالنسبة ل golf أنا معرفش اللي في مصر الماني ولا لأ

الجولف ألمانى
بالنسبة للأسترا -انها تقفيل بولندى- وأكيد لا يعيب العربية فـ شىء!
المهم انها مواصفة EC واللى بتتباع فـ أوروبا هى اللى بتتباع فـ مصر

FYI بمناسبة تقفيل العربيات الهاتشباك الأوروبى فـ بلدها:
هو كان عرف-تقليد متبع لحد وقت قريب.. ومازال بعض الشركات متمسكة بيه
- الجولف تتصنع فـ ألمانيا
- الميجان II هاتش كانت فرنساوى
- الجراند-بونتو/البرافو إيطالى
- الـ308 والـC4 فرنساوى

والنسخ السيدان من كل العربيات دى كانت بتتقفل برا (الجيتا مكسيكى والميجان واللينيا تركى مثلا)

رغم ان كل الشركات دى عندها مصانع برا بلدها الأم، لكن ده كان فعلا بيحصل!!
(ماتعرفش عشان المستهلك الأوروبى بيفضل الهاتش؟!! أو عشان دى عربيات Flagship)؟؟!!!
بس دلوقتى شركات كتييييييييير بدأت تكسر القاعدة دى
- الميجان III تركى
- الأسترا بولندى
- الفوكاس تقريبا أسبانى

وده مابيقللش من العربية، بالعكس -قد يكون مصلحة انه قادر ينزلها بسعر أقل (عشان تكلفة التصنيع أقل من دول غرب أوروبا طبعا)!!

[احمد فهمى]

أنا مش عارف ليه اخدت الكلام على إنه هجوم على العربية :)
والله ما ده قصدي ولا عمره كان قصدي
و لا أنا قلت إنه عيب إنها تبقى بولندي أساسا

بس مينفعش الاقي حد بيقول حاجة غلط و مفيدوش
بالنسبة ل golf أنا معرفش اللي في مصر الماني ولا لأ

هو ده النظام وانا بجمع المنسقين وجيين نكسر قسم ستروين نصيحه ابعدو من هناك عشان محدش يتعور منكم لا هجوم ولا حاجه يا ابو حميد ممكن طريقتى تبان انها كده بس ده مش واقع والكورسا اسبانى ولنت منور في اوبل يا ابو حميد

[احمد فهمى]

فيها anti-roll/stabilizer-bar عادى فـ المكفرسون
بس مغيرين جامد فـ العفشة قدام

عفشة الكورسا ورا مكانوش بينزلوا الـwatt's link إلا فـ الـopc
(المواتير الصغننة 1.2-1.4 كانت بتنزل تورشن-بيم عادى)
دلوقتى بقوا ينزلوها ستاندرد فـ كل الكورسا range




الجولف ألمانى
بالنسبة للأسترا -انها تقفيل بولندى- وأكيد لا يعيب العربية فـ شىء!
المهم انها مواصفة ec واللى بتتباع فـ أوروبا هى اللى بتتباع فـ مصر

fyi بمناسبة تقفيل العربيات الهاتشباك الأوروبى فـ بلدها:
هو كان عرف-تقليد متبع لحد وقت قريب.. ومازال بعض الشركات متمسكة بيه
- الجولف تتصنع فـ ألمانيا
- الميجان ii هاتش كانت فرنساوى
- الجراند-بونتو/البرافو إيطالى
- الـ308 والـc4 فرنساوى

والنسخ السيدان من كل العربيات دى كانت بتتقفل برا (الجيتا مكسيكى والميجان واللينيا تركى مثلا)

رغم ان كل الشركات دى عندها مصانع برا بلدها الأم، لكن ده كان فعلا بيحصل!!
(ماتعرفش عشان المستهلك الأوروبى بيفضل الهاتش؟!! أو عشان دى عربيات flagship)؟؟!!!
بس دلوقتى شركات كتييييييييير بدأت تكسر القاعدة دى
- الميجان iii تركى
- الأسترا بولندى
- الفوكاس تقريبا أسبانى

وده مابيقللش من العربية، بالعكس -قد يكون مصلحة انه قادر ينزلها بسعر أقل (عشان تكلفة التصنيع أقل من دول غرب أوروبا طبعا)!!

باشا الجولف من اول العربيات اللى اتجمعت بره المانا يعنى الماديسون ١٩٨٦ اتجمعت فى يوغسلافيا وكانت ١٥٠٠ سي سي والجولف ٤ كانت المانى وبولندى و٥ نفس الوضع ٦ معرفش بس اكيد نفس الوضع بس غالب اللى بينزل مصر مش من المانيا

[N.a.j.d]

هههههههههههههههههههههه عايز اقول حاجه للناس اللى بتقول الماني ولا بولندي !!! فرقت ايه لو كانت الماني ولا بولندي مهيا الشركه نفسها اسمها اوبل يعني لو اتصنعت ف اي مكان حتكون نفس الشئ يعني مدقوش اوي ع البلد بقى(:

[N.a.j.d]

وبعدين عمو منصور هوا منزلها بولندي عادي !! طب مهيا موجوده هنا برده الماني وموجود بولندي ونفس الشي اللى بفرق بس الاوبشن !!

[A.Adel]

هههههههههههههههههههههه عايز اقول حاجه للناس اللى بتقول الماني ولا بولندي !!! فرقت ايه لو كانت الماني ولا بولندي مهيا الشركه نفسها اسمها اوبل يعني لو اتصنعت ف اي مكان حتكون نفس الشئ يعني مدقوش اوي ع البلد بقى(:

مفيش ناس ولا حاجة ,أنا اللي قلت :)

و من ناحية تفرق ,لا تفرق
كلامي هنا عموما عن أي ماركة مش opel بس
في حاجات كتير كمان
السعر ,الجودة ,الخامات ,البلاد اللي العربية بتصدرلها

يعني هل مثلا ال 408 في بيجو زي ال 508 بغض النظر عن فرق الفئة
ال 408 الصيني متوجهة إنها اقتصادية عكس ال 508 متوجهة للرفاهية

بس بدام اللي بتجيلنا هنا زي اللي بتروح اوروبا ,يبقى خلاص مايتخافش منها

[A.Adel]

وبعدين عمو منصور هوا منزلها بولندي عادي !! طب مهيا موجوده هنا برده الماني وموجود بولندي ونفس الشي اللى بفرق بس الاوبشن !!

أنا مش فاهم الجملة دي معلش :)

يعني إيه 'موجوده هنا برده الماني وموجود بولندي ونفس الشي اللى بفرق بس الاوبشن' ؟؟!!
مفيش هنا الماني

[Mohab.Nabil]

أنا مش فاهم الجملة دي معلش :)

يعني إيه 'موجوده هنا برده الماني وموجود بولندي ونفس الشي اللى بفرق بس الاوبشن' ؟؟!!
مفيش هنا الماني

العضو n.a.j.d عايش فى الاردن ركز يا احمد شوية فهو بيتكلم على هناك مش على مصر

بصراحة انا شايف ان مفيش عيب ان العربية تبقى بولندى

بس العيب ان التوكيل ميقولش على الكلام ده و كان فيه موضوع لحد من الاعضاء قبل كده بيشتكى ان محدش فى التوكيل قاله انها بولندى الكلام على الهاتشباك يعنى

[KHALED AYMAN]

منصور في السيدان لو سالته عن التقفيل هيقولك اتحاد اوروبي
لو سالت البلد ايه هيقول بولندا
زمان كان معلق علي كلمه الماني
عموما الالماني و البولندي و الاسباني تمام

[melagouze]

العضو n.a.j.d عايش فى الاردن ركز يا احمد شوية فهو بيتكلم على هناك مش على مصر

بصراحة انا شايف ان مفيش عيب ان العربية تبقى بولندى

بس العيب ان التوكيل ميقولش على الكلام ده و كان فيه موضوع لحد من الاعضاء قبل كده بيشتكى ان محدش فى التوكيل قاله انها بولندى الكلام على الهاتشباك يعنى

العضو ده كان العبد لله.......و الحمد للاخدت حقي منهم......بس بصراحه هما كانوا كويسين في النهايه و الراجل في جهاز حمايه المستهلك قاللي منصور من الشركات اللي بتلم الدور مع العملاء و بيتعاملوا مع المشاكل بطريقه كويسه......بس للامانه الناس اللي ف فروعهم ( المبيعات) ما كانوش عارفين انها بولنديه في البدايه.....من ساعه مشكلتي و لما فرجت عليهم امه لا اله الا الله و هما بقوا بيقولوا بولندي....بس الاسترا فعلا بتتصنع بشكل اساسي في بولندا و انجلترا....سايبين المانيا ل Insignia

العربيه في المجمل كويسه ....مريحه جدا في السفر و كراسيها جميله و مش واطيه ( و مش عاليه قوي بردو)......استهلاكها في البنزين بيعمل 220 لتر في 100 كيلو (بره و جوه البلد) لو انت هتسافر بره البلد و شغلت الكروز كنترول ...ممكن تعمل ع الطوالي حوالي 290 كيلو ع الصفيحه ....بنزين 92 ..... بس لو حطيت من بنزينه وحشه العربيه بتتلخبط...

الموتور 115 ...العربيه تقيله في اول 4000 كيلو ( ده اللي حصل معايا) بعد كده السحب بيتحسن...التكييف جيد جدا ( مش ممتاز) ...السبات ع الطريق حدث و لا حرج ...بس هيه مش عربيه جرايه....مره كنت بشد مع فيكترا 2000 سي سي الراجل بجد سبقني ( مش عارف علشان فرق السي سي و لا علشان ان ما بجريش كتير ف الموتور كان محتاج استرتش)....طلعتها مش قويه و مش ضعيفه ....مش هتحس بنقلات الفتيس بس ساعات بيغيب لحظه عند 60 كيلو....العربيه كويسه و اللي عايز يشتريها يتوكل علي الله

[Ahmed_Adham]

العضو ده كان العبد لله.......و الحمد للاخدت حقي منهم......بس بصراحه هما كانوا كويسين في النهايه و الراجل في جهاز حمايه المستهلك قاللي منصور من الشركات اللي بتلم الدور مع العملاء و بيتعاملوا مع المشاكل بطريقه كويسه......بس للامانه الناس اللي ف فروعهم ( المبيعات) ما كانوش عارفين انها بولنديه في البدايه.....من ساعه مشكلتي و لما فرجت عليهم امه لا اله الا الله و هما بقوا بيقولوا بولندي....بس الاسترا فعلا بتتصنع بشكل اساسي في بولندا و انجلترا....سايبين المانيا ل insignia

العربيه في المجمل كويسه ....مريحه جدا في السفر و كراسيها جميله و مش واطيه ( و مش عاليه قوي بردو)......استهلاكها في البنزين بيعمل 220 لتر في 100 كيلو (بره و جوه البلد) لو انت هتسافر بره البلد و شغلت الكروز كنترول ...ممكن تعمل ع الطوالي حوالي 290 كيلو ع الصفيحه ....بنزين 92 ..... بس لو حطيت من بنزينه وحشه العربيه بتتلخبط...

الموتور 115 ...العربيه تقيله في اول 4000 كيلو ( ده اللي حصل معايا) بعد كده السحب بيتحسن...التكييف جيد جدا ( مش ممتاز) ...السبات ع الطريق حدث و لا حرج ...بس هيه مش عربيه جرايه....مره كنت بشد مع فيكترا 2000 سي سي الراجل بجد سبقني ( مش عارف علشان فرق السي سي و لا علشان ان ما بجريش كتير ف الموتور كان محتاج استرتش)....طلعتها مش قويه و مش ضعيفه ....مش هتحس بنقلات الفتيس بس ساعات بيغيب لحظه عند 60 كيلو....العربيه كويسه و اللي عايز يشتريها يتوكل علي الله

خد بالك فيه منها تربو 180 حصان وأكيد هتفرق كتير في السحب. دي بقى اللي بتاعه شد.