رابطة مالكى فيكترا سي ★ والصيانات

[embabi]

الميكانيكي اللي هيعملك الحوار ده المفروض ياخد منك حاجتك و تدفع الفرق و اللي هيتغير الضفيرة و الكنترول و احتمال العدادات

و افضل بصراحة المكنة ال z22yh عن ال z22se

z22se قديمة و بتاعة الشكل اللي قبل ال facelift و قوته اقل اما ال z22yh افضل بس مشكلته ان معظم الاستيراد بتاعه دركسيون يمين

لكن ال z22se متوفر بكثرة دركسيون شمال

وانت اية رايك يا عبدو وباقى اخواتنا الخبراء فى الرابطة المهندس عاشور والاستاذ احمد فهمى فى التعديل الكبير ده
من حيث العفشة الاصلية هل هتتغير ولا لا
البرمجة وسيلكتور الغيارات هل هيتغير لشكل الاوتوماتيك العادي ولا هتتغير برمجة السيلكتور القديم
قطع الغيار لو ملقتهاش بره هل هلاقيها فى التوكيل؟

من الاخر اى تعديل بيكون ليه اثار سلبية لانه تعديل على التصميم الاساسي ومش بياخد فى الاعتبار ارتباط كل اجزاء العربية من حيث الثبات والتحمل والاعتمادية

انا شايف ان الموضوع ده شيق جدا لان العربية دي فئة عالية وحرام عليها الايزي ترونيك فى مصر

انا كنت فالمانيا من شهر وفعلا العربية دي عايزه طرق زى اللى هناك مفيش زحام وطرق مستوية جدا وملفات واسعة واشارات على جوانب الطريق وفى الاسفلت وتقريبا مفيش اى مطبات والناس ملتزمة باشارات المرور

يعنى هتوفر بنزين وتيل فرامل وكاوتش عربية ووقت ومجهود فى السواقة

شكرا جزيلا لكل من شارك بمعلومة او بسؤال استفدنا منه كلنا

[احمد فهمى]

ال2200 فى ناس كتير مركبينو ولعلمك متورك اغلى من ال2200 وانا لو مكانك هجيب نص مقفول وانقل براحتى وحتى هغير الرفارف والكبوت والفوانيس والاكصداك واخليها فيكترا سي 1 ودى كل خوارجها ببلاش ومرميه عند التجار وهيبقى شكلها مميز وشيل حاجتك عندل عشان لو حبيت ترجعها او تبيع مستقبلآ وعلى فكره ورق المتور ال2200 مكتوب 1600 يعنى هتفضل فى ضريبتك القديمه واستهلاك بنزينو عادى جداً وفتيس اوتوماتيك عادى وكل قطع غيارو استيراد فى كل مكان وكاتينه جنزير وموضوع يشجع بصراحه وبالتوفيق

[embabi]

ال2200 فى ناس كتير مركبينو ولعلمك متورك اغلى من ال2200 وانا لو مكانك هجيب نص مقفول وانقل براحتى وحتى هغير الرفارف والكبوت والفوانيس والاكصداك واخليها فيكترا سي 1 ودى كل خوارجها ببلاش ومرميه عند التجار وهيبقى شكلها مميز وشيل حاجتك عندل عشان لو حبيت ترجعها او تبيع مستقبلآ وعلى فكره ورق المتور ال2200 مكتوب 1600 يعنى هتفضل فى ضريبتك القديمه واستهلاك بنزينو عادى جداً وفتيس اوتوماتيك عادى وكل قطع غيارو استيراد فى كل مكان وكاتينه جنزير وموضوع يشجع بصراحه وبالتوفيق

طيب لو غيرت الموتور والفتيس بس يا استاذ احمد هيكون الفرق فى حدود كام وهل تغييرة هيأثر على سعر العربية او سهولة اعادة البيع

[احمد فهمى]

طيب لو غيرت الموتور والفتيس بس يا استاذ احمد هيكون الفرق فى حدود كام وهل تغييرة هيأثر على سعر العربية او سهولة اعادة البيع

اي حاجه بتتغير اكيد لها تأثير علي سعر العربيه وحتي اللي هيشتري هيكون واحد فاهم فى القصه بس تأكد لو عملت الموضوع ده مش هتبيع العربيه لأنها هتدخل فى فئه عاليه فى الأداء تقارن فقط بالمرسيدس الe والفئه الخامسه بي ام والتسعير هتحددو بنفسك هتنزل تسأل على المتور بفتيسو كام والمشتملات وهتسأل على متورك بفتيسو بمشتملاتو كام فى نظري بيع متورك بره يعنى مدخلوش فى متور هتخسر

[Abdo Taha]

ال2200 فى ناس كتير مركبينو ولعلمك متورك اغلى من ال2200 وانا لو مكانك هجيب نص مقفول وانقل براحتى وحتى هغير الرفارف والكبوت والفوانيس والاكصداك واخليها فيكترا سي 1 ودى كل خوارجها ببلاش ومرميه عند التجار وهيبقى شكلها مميز وشيل حاجتك عندل عشان لو حبيت ترجعها او تبيع مستقبلآ وعلى فكره ورق المتور ال2200 مكتوب 1600 يعنى هتفضل فى ضريبتك القديمه واستهلاك بنزينو عادى جداً وفتيس اوتوماتيك عادى وكل قطع غيارو استيراد فى كل مكان وكاتينه جنزير وموضوع يشجع بصراحه وبالتوفيق

مبفضلش الشكل القديم شكله كئيب شوية لكن ال facelift ما شاء الله شكلها مبيقدمش و جميل

[Abdo Taha]

وانت اية رايك يا عبدو وباقى اخواتنا الخبراء فى الرابطة المهندس عاشور والاستاذ احمد فهمى فى التعديل الكبير ده
من حيث العفشة الاصلية هل هتتغير ولا لا
البرمجة وسيلكتور الغيارات هل هيتغير لشكل الاوتوماتيك العادي ولا هتتغير برمجة السيلكتور القديم
قطع الغيار لو ملقتهاش بره هل هلاقيها فى التوكيل؟

من الاخر اى تعديل بيكون ليه اثار سلبية لانه تعديل على التصميم الاساسي ومش بياخد فى الاعتبار ارتباط كل اجزاء العربية من حيث الثبات والتحمل والاعتمادية

انا شايف ان الموضوع ده شيق جدا لان العربية دي فئة عالية وحرام عليها الايزي ترونيك فى مصر

انا كنت فالمانيا من شهر وفعلا العربية دي عايزه طرق زى اللى هناك مفيش زحام وطرق مستوية جدا وملفات واسعة واشارات على جوانب الطريق وفى الاسفلت وتقريبا مفيش اى مطبات والناس ملتزمة باشارات المرور

يعنى هتوفر بنزين وتيل فرامل وكاوتش عربية ووقت ومجهود فى السواقة

شكرا جزيلا لكل من شارك بمعلومة او بسؤال استفدنا منه كلنا

بص انت هتاخد كل حاجة و تنقلها بالمسمار من النص لعربيتك بس هتسيب بقى الاكصدمات و الكلام ده انت الافضل تاخد الموتور بتبريده بكنتروله حتى بالكونتاكت و كل حاجة كأنك حطيت عربية تانية بس في body عربيتك مظنش انك هتحتاج تغير حاجة في العفشة لأنك مش مركب 2.8 v6 تربو او 3.2 v6 فالدنيا هتبقى حلوة

اللي هيتغير عندك في التابلوه احتمال العدادات و ال selector بتاع نقلات الفتيس لكن متاخدش حاجة تانية لأن الطابلوه بتاع السي 1 قديم شوية عن بتاعنا

و الاهم من ده كله حالة الحاجة اللي هتاخدها من موتور و كهرباء و تبريد و عشان كده بقول اني بفضل ال z22yh لأنه facelift فيعتبر مفيش لعب و احدث فحالته المفروض تبقى افضل و غير كده قوته اعلى

و ميزة الموتورين ال 2200 دول ان الكاتينة بتاعتهم جنزير فكابوس قطع الكاتينة و الصبابات ده انتهى يعتبر

[embabi]

بص انت هتاخد كل حاجة و تنقلها بالمسمار من النص لعربيتك بس هتسيب بقى الاكصدمات و الكلام ده انت الافضل تاخد الموتور بتبريده بكنتروله حتى بالكونتاكت و كل حاجة كأنك حطيت عربية تانية بس في body عربيتك مظنش انك هتحتاج تغير حاجة في العفشة لأنك مش مركب 2.8 v6 تربو او 3.2 v6 فالدنيا هتبقى حلوة

اللي هيتغير عندك في التابلوه احتمال العدادات و ال selector بتاع نقلات الفتيس لكن متاخدش حاجة تانية لأن الطابلوه بتاع السي 1 قديم شوية عن بتاعنا

و الاهم من ده كله حالة الحاجة اللي هتاخدها من موتور و كهرباء و تبريد و عشان كده بقول اني بفضل ال z22yh لأنه facelift فيعتبر مفيش لعب و احدث فحالته المفروض تبقى افضل و غير كده قوته اعلى

و ميزة الموتورين ال 2200 دول ان الكاتينة بتاعتهم جنزير فكابوس قطع الكاتينة و الصبابات ده انتهى يعتبر

شكرا جزيلا على المعلومات القيمة دي
وبإذن الله لو فى نصيب العربية تفضل معايا هعمل التعديل الجميل ده

[Abdo Taha]

شكرا جزيلا على المعلومات القيمة دي
وبإذن الله لو فى نصيب العربية تفضل معايا هعمل التعديل الجميل ده

ان شاء الله و حتى عشان تبعد عن اعطال الايزي ترونك و تريح دماغك

[embabi]

ان شاء الله و حتى عشان تبعد عن اعطال الايزي ترونك و تريح دماغك

تسلم يا عبدو ربنا يبارك فيك

استفسار صغير عن الاهتزاز داخل السيارة
١. لو الرعشة او الهزة فى دواسة البنزين فقط ده ممكن يكون ايه؟
٢. لو الرعشة دي ظهرت بعد كده فى الطارة (بس بعد عمل لحام للكاوتش الامامى نتيجة مسمار دخل فيه)

هل الحالة الاولى محتاجة كاوتشة كوبلن داخلى زى ما العفشجي قالى ولا لأ

هل الحالة التانية بعد لحام الكاوتش لازم يترصص ولا اللحام وزن خفيف مش هيأثر

شكرا جزيلا

[verna]

هتجنن من الرعشه ال بتيجي عندي دي الرعشه بتيجي بعج ما العربيه تسخن يعني بعد بالكتير 20 دقيقه من التحرك قبل كده العربيه بتبقى نعمه و جميله ولا اي مشاكل الرعشه بتلازمني من اخر الغيار التاني حتي سرعه التسعين بتخف حبه لحد ال 120 بس مش بتختفي بتخف و لو فكرت اجري 140 ولا 160 احلى مزيكه في جسم العربيه كلها كل حاجه بتزن جوه الطابلوه و الببان حدش عنده فكره دا ايه دا البوبينه سليمه و مش مسجله اي اعطال

[embabi]

هتجنن من الرعشه ال بتيجي عندي دي الرعشه بتيجي بعج ما العربيه تسخن يعني بعد بالكتير 20 دقيقه من التحرك قبل كده العربيه بتبقى نعمه و جميله ولا اي مشاكل الرعشه بتلازمني من اخر الغيار التاني حتي سرعه التسعين بتخف حبه لحد ال 120 بس مش بتختفي بتخف و لو فكرت اجري 140 ولا 160 احلى مزيكه في جسم العربيه كلها كل حاجه بتزن جوه الطابلوه و الببان حدش عنده فكره دا ايه دا البوبينه سليمه و مش مسجله اي اعطال

الرعشة نتيجة البوبينة بتبقى ع السلانسية والعربية واقفة وبتقل كل متزيد سرعة العربية لكن سحب العربية بيبقى ضعيف جدا ومبتعديش ال ١٢٠ كم

اعتقد ان اللى عندك حاجة فى كراسي الموتور او العفشة

بردو اخواتنا الخبراء يقدرو يفيدوك اكتر

[embabi]

بعض اسعار قطع غيار فيكترا سي فى منصور النهردة

مقص امامى ٣٠٤٥
بطاحة ٦٤٩
مساعد ١٠٧٠
كرسي فتيس خلفى ١٢٨٨

شكرا منصور - كرهت العربية عشان خاطرك

زى ما حضراتكم عارفين منصور واسعارة
لازم اعمل مقاطعة خصوصا انى مزنوق الايام دي
عايز اعمل شغل فى العفشة
كشف عليها عفشجي فى اسيوط بس قطع الغيار مش متوفرة هنا
فهنزل القاهرة وبما انى هنزل القاهرة يبقى اعمل الشغل ده فى القاهرة بردو
فانا عايز اشترى قطع غيار استيراد عشان الحالة المادية دلوقتى
وعفشجي يكون كويس

٢ مقص امامى
٢ بطاحة
٤ مساعدين
تيش ميزان
كرسي فتيس خلفي
٢ كاوتشة كوبلن داخلى

والعفشجي بتاع اسيوط قالى وفى شغل هنعملة فى بيض الاسكترا وش لازم يتغير

فياريت حد يدلنى على بتاع قطع غيار استيراد وعفشجي كويس ؟
شكرا مقدما

[احمد فهمى]

هتنزل الحرفيين عندك مجموعة محلات بتبيع قطع غيار لف عليهم فى وطنيه وسفينة اوبل ومجموعه قارن الاسعار وفاصل معاهم على قدر الامكان واتأكد من قطعة الغيار كويس وشوف نفس القطعه عند كل واحد قبل الشراء بيضة الطرف فى الاسكاترا بتتغير بالبار نفسو وده الافضل مش فاهم شغل ايه اللى هيعملو؟؟؟

[embabi]

هتنزل الحرفيين عندك مجموعة محلات بتبيع قطع غيار لف عليهم فى وطنيه وسفينة اوبل ومجموعه قارن الاسعار وفاصل معاهم على قدر الامكان واتأكد من قطعة الغيار كويس وشوف نفس القطعه عند كل واحد قبل الشراء بيضة الطرف فى الاسكاترا بتتغير بالبار نفسو وده الافضل مش فاهم شغل ايه اللى هيعملو؟؟؟

انا شاكر جدا ليك يا استاذ احمد

معرفش والله شغل اية اللى هيعملة فى بيض الاسكترا

انا من اسيوط واول مرة انزل الحرفيين فمعرفش العنوان بالظبط بتاع المحلات دي
وياريت كمان لو حضرتك تدلنى على عفشجي بردو يكون فى الحرفيين بردو عشان اعمل الشغل ده بالمرة
ولو فيها غلاسة تقدير تقريبي للتكلفة مش لازم بالظبط

شكرا جدا ليك مرة تانية

[verna]

í

هتجنن من الرعشه ال بتيجي عندي دي الرعشه بتيجي بعج ما العربيه تسخن يعني بعد بالكتير 20 دقيقه من التحرك قبل كده العربيه بتبقى نعمه و جميله ولا اي مشاكل الرعشه بتلازمني من اخر الغيار التاني حتي سرعه التسعين بتخف حبه لحد ال 120 بس مش بتختفي بتخف و لو فكرت اجري 140 ولا 160 احلى مزيكه في جسم العربيه كلها كل حاجه بتزن جوه الطابلوه و الببان حدش عنده فكره دا ايه دا البوبينه سليمه و مش مسجله اي اعطال

حد يساعدني اروح لمين يحليلي الموضوع ده عشان انا مخنوق منه هيكرهني في العربيه انا سعات بحاول اقنع نفسي ان مفيش حاجه و لما بيحصل الاهتزاز ده بتخنق