رابطة مالكى استرا ( j )

[karim gamal]

انا عندي يا جماعه لما اسيب بوابه التكييف مفتوحه مقفلهاش من الزرار بدخل عليا هواء سخن جدا انا كنت بقول ان ده طبيعي في الصيف بس امبارح وانا راجع بليل نفس الحوار لما اسيبها مفتوحه بدخل هواء سخن مع اني مش مشغل السخن اصلا اينعم الهواء ده بيدفي العربيه دلوقتي بس بشم في ريحه غريبه نفس ريحه مكوه البيت لما بتسخن قوي ده طبيعي ولا فيه. مشكله

[K.Ossama]

انا عندي يا جماعه لما اسيب بوابه التكييف مفتوحه مقفلهاش من الزرار بدخل عليا هواء سخن جدا انا كنت بقول ان ده طبيعي في الصيف بس امبارح وانا راجع بليل نفس الحوار لما اسيبها مفتوحه بدخل هواء سخن مع اني مش مشغل السخن اصلا اينعم الهواء ده بيدفي العربيه دلوقتي بس بشم في ريحه غريبه نفس ريحه مكوه البيت لما بتسخن قوي ده طبيعي ولا فيه. مشكله

لأ مش حرد لغاية ما تقول لنا رقم موديل الكاسيت اللى انت ركبته...........!!! ;-)
يالا زى بعضه حرد وامرى لله
المفروض انه طبيعى لأنه بيحصل معايا فى عربيات تانية كمان

[a_samir2011]

انا عندي يا جماعه لما اسيب بوابه التكييف مفتوحه مقفلهاش من الزرار بدخل عليا هواء سخن جدا انا كنت بقول ان ده طبيعي في الصيف بس امبارح وانا راجع بليل نفس الحوار لما اسيبها مفتوحه بدخل هواء سخن مع اني مش مشغل السخن اصلا اينعم الهواء ده بيدفي العربيه دلوقتي بس بشم في ريحه غريبه نفس ريحه مكوه البيت لما بتسخن قوي ده طبيعي ولا فيه. مشكله

عادي جدا لان البوابه لما تكون مفتوحه بتخلي الهوا يدخل من بره العربيه وبيعدي على حراره الموتور اللى هيا من اول 5 دقايق بتوصل ل 90 درجه والريحه الغريبه دي انا معاك فيها بس مش لدرجه مكوه البيت الريحه دي بتشمها بس لما تكون عامل التكييف على 28 مثلا وحتي لو مكنتش مشغل المروحه كده كده هتشم الريحه دي لان الدفايه بتكون اشتغلت

من رأي ان الاسترا وحشه شويه فى موضوع عزل الحراره عن مقصوره الركاب وده عيب انا شايفه غلس شويه ومينفعش يطلع من تحت ايد اوبل حاجه زي كده. لانك لو تلاحظ هتلاقي حراره طالعه من تحت علبه الدريكسيون وده متهيألى بسبب ان كبوت العربيه ضيق ومافيش مساحه فاصله كافيه بين مقصوره الركاب والموتور!!!

[a_samir2011]

العربيه عملت معايا حاجه غريبه جدا وانا ماشي فى الزحمه وبشيل رجلى من على بدال الفرامل ودوست بنزين خفيف لقيت العربيه كركرت وبتعمل صوت كأنها هتبطل !!!! بس مبطلتش وفى الغالب العربيه لما بكون على ال d واحطها على ال r واشيل رجلى من على الفرامل بسرعه لازم تكركر معايا وتصقف مش عارف بقي ده طبيعي ولا ايه وبعدين موضوع ان فى رجه كده فى النقله التانيه او التالته كان فى قواعد ودي بتحصل فى الزحمه غالبا موضوع مزعج جدا وفى حد من الاعضاء قال انها بتختفي بعد 5 الاف كيلو فياريت اعرف سببها ايه اصلا؟؟؟

[karim gamal]

[QUOTE=K.Ossama;3875331525]لأ مش حرد لغاية ما تقول لنا رقم موديل الكاسيت اللى انت ركبته...........!!! ;-)
يالا زى بعضه حرد وامرى لله
متزعلش يا كبير مني واسف علي التاخير رقم الموديل. Ts-7169. ده المكتوب علي الكرتونه

[K.Ossama]

يا باشا مافيش زعل ولا حاجة
ده كنت بضحك معاك....:-)

[nesr_2020]

انا معايا اوبل من سنة 95 و حتى اليوم مرورا بالفيكترا و الكورسا و الاسترا و قررت انى اكمل العقد و اجيب الاسترا 2014 كوزمو..
مشكلة الاوبل للاسف فى الحساسات و اعتقد ان مشكلة الاوبلات الجديدة حتكون اكتر مع حساسات المطر و حساسات الاضاءة و غير بقى حساسات السلانسية و الكرنك و الشكمان و الاير ماس و غيرهم اللى لازم كل كام شهر يطلع واحد منهم يقولك غيرنى..

لكن للاسف جربت اركب عربيات كتير مش المانى لقيت الوضع مش لطيف لانى متعود على الالمانى و كمان لانى بسوق مسافات طويلة يوميا محتاجة عربية قوية..

دعواتكم بالتوفيق و طبعا فى الوقت الحالى محدش حيكون عنده مشاكل فى الحساسات لانه لسة مبكرا لتغييرها..
اتمنى ان اطلع غلط فى موضوع الحساسات ده..

تحياتى

[Mohamed_Nour]

هو التسخين الصبح كام دقيقة ؟ انا بقف 3 دقائق الحرارة بتكون لسه 50 بعد كده بمشي و العداد بيزيد مع المشي ل90 بس عندي احساس ان كده غلط

موضوع السخونه ده انا بقلق منه جدا لعدة اسباب انت بتشغل العربيه كل اجزاء العربيه درجة حرارتها نفس درجة حرارة الجو الحديد بقي بيتاثر بشكل فظيع ولكن لا يدعو للقلق علشان كلنا ماشيين بعربياتنا عادي الي بيحصل ان درجة حرارة الميه بتبقي بالذات في الشتاء بارده جدا و الموتور بيسخن جدا لو واقف بتسخن العربيه بيبقي عادي لكن لو طلعت علي طول و حرقت و فرامل و كدا الموتور حيسخن بسرعه و مش حيبقي متزامن مع ماء التبريد بشكل كامل فا الموضوع ده بياثر علي عمر الموتور و بردو علي فكره السرعات العاليه اكلد بتاثر في غرف الاحتراق و كدا علشان الحديد بيبقي موضوع في حالة تقريبا بيطلع افضل اداء بس لو عملنا رسم بياني و عدي سرعات معينه هوو ممكن ميسحش بس يوصل لدرجة انه اتمدد و مش حيرجع للوضع الاديم بتاعه و ده فيه تفسير للي حصل في تيتانك لولا درجة الحراره كانت سقعه مكنتش غرقت لكن لو درجة الحراره في الحد الطبيعي كان الحديد ياخد الصدمه و يلين شويه بحيث انه ياخد شكل الخبطه و ده ليه علاقه في صناعه الحديد انه بيشكلة قبل الانصهار و مش في درجة حراره قليله
طولت عليكم

[Mohamed_Nour]

إزيكم يا شباب :)

دي أول مشاركة ليا في المنتدى .. أنا عاوز أشكركم بجد على الروح الرائعه دي والكلام ده ..

هحاول أحكيلكم حكايتي بسرعه .. أنا كان معايا كيا ريو، ودي كانت أول عربية ليا جبتها أول ما نزلت وعملت حادثة رهيبة بيها بعد حوالي سنه، وإتقلبت بيا على كوبري إكتوبر بسبب فرقعة في الكاوتس وما عرفتش أتحكم فيها، الحمد لله كان في شوية حاجات في رجلي ودراعي بس الموضوع عدى .. وبعد ما عدى كام شهر اهو بفكّر أشتري عربية تانية

بصوا بعد مقارنات كتيرة ما بين ..

كيا سيراتو - هيونداي إلنترا (كوري)
تويوتا كورولا - مازدا 3 (ياباني)
أوبل أسترا - فورد فوكس (ألماني وأمريكي)

إستبعدت السيراتو لغلو سعرها المبالغ فيه وكمان التابلوه ما عجبنيش
استبعدت الكورولا لنفس سبب السيراتو

المازدا بسبب إن 2014 هتنزل بعد شهر، ومش هجيب 2013 دلوقتي
والفورد لأنها مش موجودة ومالهاش توكيل محترم

إتبقى الإلانترا والأسترا .. مقارنه عجيبة ..

الإلنترا .. عربية عملية جداً، واسعه، أسعار قطع غيارها في الأرض وعند أي حد، منتشره، إعادة بيع رائعه..
الأسترا.. أمان، ثبات، شياكة، توكيل زبالة، أسعار قطع غيار وصيانات غالية جداً، إعادة البيع سيئة..

العيوب والمشاكل ..
الألنترا، مافيش تقريباً ..
الأسترا، الرعشة، الفتيش (دول أهم حاجتين ركزت معاهم من اللي إنتوا قلتوه في ال 152 صفحة اللي فاتو #لول)

المقارنة..
الأسترا، الكوزمو ب 196
الإلنترا، الهاي لاين 168

أنا ميال للأسترا جداً، عاجباني كل حاجة فيها، وهموت عليها، لكن كل بني آدم أعرفه أول ما بقوله بيقولي لأ ولسه بدري عليك على الألماني وهتصرف كل مرتبك عليها وصيانتها بكام وقطع غيارها مش عارف إيه ! من الآخر ولا واحد من صحابي نصحني بالأسترا .. بس أنا من يوم ما رحت شفتها وأنا مش متخيّل إني مش هشتريها ..

عاوزكم تنصحوني بجد .. لأني محتار جداً ..
ولو في حد معاه العربية وساكن في القاهرة وممكن نتقابل، أنا ساكن في مصر الجديدة، لو ممكن أبص عليها وهوا سايق الموضوع هيختلف معايا جداً ..

شكراً جداً وخالص تحياتي ليكم :)

إسلام علي

الملاحظات الي في العربيه ديه كلها حجات عاديه خفيفه يعني هي في الثبات حلوه جدا و في السفر مريحه بالنسبه لقطع الغيار انا شايف فعلا انك مش كل يوم حتغير حاجه و كمان اتصل باتوكيل اعرف اسعار الصيانه و كدا و انا بنصحك عربيه زي ديه اعمل تامين علي طول و اتني انك تكون انضممت لينا بس طبعا العربيه امان و شياكه و ثبات و اسم و كل حاجه و التوكيل مش زباله اوي زي ما واخد السمعه دي بس لازم تبقي واخد بالك منهم بردو و انا بردو مشترتش الكرولا و السيراتو لنفس السبب التابلوه و و الفورد و الفولكس و الاسكودا لغلو الاسعار و الفورد بردو علشان اعادة البيع لما بصيت للهيونداي قلت لنفسي طيب منا اجيب الالماني احسن خصوصا اني من النوع الي زهق من شكل الالنترا و كمان احب ان الباب يكون تقيل العجل يكون مقاسه كبير و كل ما يبقي كبير كل ما يزيد اعجابي و كمان تبلوه الاسترا و المرايات هي بس اديق من الالنترا بس واسعه بردو الخامات الي في الاوبل انا بقولك عي تجربتي علشان انا تقريبا كنت في نفس موقفك

[paradox]

انا عندي يا جماعه لما اسيب بوابه التكييف مفتوحه مقفلهاش من الزرار بدخل عليا هواء سخن جدا انا كنت بقول ان ده طبيعي في الصيف بس امبارح وانا راجع بليل نفس الحوار لما اسيبها مفتوحه بدخل هواء سخن مع اني مش مشغل السخن اصلا اينعم الهواء ده بيدفي العربيه دلوقتي بس بشم في ريحه غريبه نفس ريحه مكوه البيت لما بتسخن قوي ده طبيعي ولا فيه. مشكله

غالبا انت ظابط التكييف على ١٩ او ٢٠ مثلا والحراره بره ٨ - ٩ فالعربيه بتوصلك لدرجه الحراره الي انت ظابط عليها. جرب تعمل التكييف على lo
وعلى فكره الهوا السخن بيبقا نفس دورة الهواء بتاع التكييف بس بيعدي على سربنتينه فيها مياه سخنه من دورة الماية بتاعت الموتور زي سربنتينة الفريون

[m.farouk]

عادي جدا لان البوابه لما تكون مفتوحه بتخلي الهوا يدخل من بره العربيه وبيعدي على حراره الموتور اللى هيا من اول 5 دقايق بتوصل ل 90 درجه والريحه الغريبه دي انا معاك فيها بس مش لدرجه مكوه البيت الريحه دي بتشمها بس لما تكون عامل التكييف على 28 مثلا وحتي لو مكنتش مشغل المروحه كده كده هتشم الريحه دي لان الدفايه بتكون اشتغلت

من رأي ان الاسترا وحشه شويه فى موضوع عزل الحراره عن مقصوره الركاب وده عيب انا شايفه غلس شويه ومينفعش يطلع من تحت ايد اوبل حاجه زي كده. لانك لو تلاحظ هتلاقي حراره طالعه من تحت علبه الدريكسيون وده متهيألى بسبب ان كبوت العربيه ضيق ومافيش مساحه فاصله كافيه بين مقصوره الركاب والموتور!!!

اعمل التكيف على low لانى احنا بنبقى ظبطين التكيف على 20 او 18 والحراره دلوقتى بتبقى اقل من كده بكتير فالعربية بتشغل السخن لحد متصل للدرجة المظبوط عليها

[Mr_revenger]

شباب بعد اذنكم كنت عاوز اسال هى السيدان بتنزل بشكل ولون واحد فى الفرش ولا فى منها اشكال،،،،،وهل حد ركب فرش فوق الفرش الاصلى ولا طلع فعلا بياثر على الايرباج

سؤال كمان،،،،،،نور ال day light ده،،هل ينفع يتعمل زينون او حتى لمض هالوجين بيضه ولا مينفعش يتغير،،

شكراً مقدماً

[m.farouk]

شباب بعد اذنكم كنت عاوز اسال هى السيدان بتنزل بشكل ولون واحد فى الفرش ولا فى منها اشكال،،،،،وهل حد ركب فرش فوق الفرش الاصلى ولا طلع فعلا بياثر على الايرباج

سؤال كمان،،،،،،نور ال day light ده،،هل ينفع يتعمل زينون او حتى لمض هالوجين بيضه ولا مينفعش يتغير،،

شكراً مقدماً

الفرش كلوا لون واحد وانا عملت فرش جلد ومفيش مشاكل خالص
ممكن هلوجن ابيض بس اللمض مش موجوده فى مصر انا قلبت الدنيا عليها بس مش لقيها

[K.Ossama]

شباب بعد اذنكم كنت عاوز اسال هى السيدان بتنزل بشكل ولون واحد فى الفرش ولا فى منها اشكال،،،،،

فى الكوزمو 2013 كان فيه فرش أسود وبنى بس البنى كان اغلى بتاع 4 آلاف
ماعرفش 2014 ايه نظامه

[Mr_revenger]

الفرش كلوا لون واحد وانا عملت فرش جلد ومفيش مشاكل خالص
ممكن هلوجن ابيض بس اللمض مش موجوده فى مصر انا قلبت الدنيا عليها بس مش لقيها

انا سألت على موضوع الفرش ده يا باشا وقالولى ان الفرش الجديد بيأثر على اماكن خروج الايرباج وممكن تعطلها او تخرج بشكل مش مظبوط ،،،،،مش عارف بقى الكلام ده ايه نظامه طبعا انت مجربتش ده لان بعد الشر عنك معملتش حادث يستدعى خروج الايرباج،،،،،الفرش القماش شكله وحش بصراحه ولو جلد حيدى شياكه اكتر للعربيه،،،بس انت جبته جاهز ولا فصلته !؟

بالنسبه للمبات الهالوجين لو تعرف نوعها بالظبط قولى عليها وانا اهلى جايين من بره ممكن اجيب ليا ولييك