حصريا مضاعفة مدى ريموت اى سيارة

[ayman hamdy]

بحكم انى متخصص الكترونيات وبوصل بطاريات على المنصات البترولية سواء توالى او توازى او تضاعف



الكـــــــــــــــلام غلط

اللى وصلتة حضرتك دا توالى ::::: اذن كدا اصبح الفولت اللى داخل على الدايرة 6 بدل 3 ودا لو مفيش منظم جهد الدايرة حيصل مقاومة عالية ( الدايرة حتتحرق) وثانيا التيار ثابت يعنى لو كل حجر بيطلع 300 مللى امبير لو وصلت الحجرين بردو الحجرين حيطلعو نفس القيمة اذن مش تغيير

ايه الصح
توصل الحجرين توازى (فى التوازى الجهد ثابت والتيار متغير ) الموجب بالموجن والسالب بالسالب
وبكدا حتزود القدرة اللى هى الجهد فـــــى التيار
باعتبار تيار كل بطارية 300 مللى امبير فكدا البطارية بدل ما حتطلع 300مللى فى الساعه حتطله 600 مللى وهو المطلوب !!

توضيح بمثال عملى

بطارية الموبايل 3.5 فولت 1700 مللى امبير لو وصلنا زى ما حضرتك عملت الجهد حيكون 7 فولت وبكدا الموبايل حيجيب دايرة شحن


100%

انا حضرتك مش محتاج ازود شدة التيار فى الدايرة انا محتاج اعلى الجهد لتحسين اداء و توسيع مساحة الموجات اوالذبذبات الكهرومغناتيسة المنبعثة من الريموت فعلشان كدة تم اللتوصيل على التوالى
فى مثال حضرتك
لازم دائرة الشحن تبوظ لانها معدة علشان تشحن بطارية واحدة فقط مش 2 ومع بعض
الوضع مختلف تماما حضرتك بتتكلم على دائرة شحن وانا بتكلم على دائرة تفريغ شحن
تحياتى

[ayman hamdy]

الكلام دا مش صح عن تجربه هو اه صحيح هيزود مدى الريموت بس مش كويس ع الريموت
انا مش مهندس لكن زمان من حوالي ١٨ سنه مثلا او اكتر كان عندي لعبه بتاخد ٣ بطاريات قلم ٣ فولت
حبيت اعمل ناصح وكان عندي محول الي فيه بكره بتقدر تغير منها الفولت ( اعتقد اسمه ترانس )
عملته على ١٢ فولت ووصلت الموجب والسالب مكان البطاريات وشغلت اللعبه وعلى العلم مكانش فيها اي مقاومات او ترانزيستورات كلها كان عبارة عن ماتور
والعربية كانت بتشب من قوة التيار
لكن مكملتش يومين والماتور دا اتحرق طبعا دا لاني خليت ال ٩ فولت ١٢ ف حالة الريموت الوضع مشابه لكنه اقل انك بتخلي ال ٣ تبقى ٦ مش بتزودها اوي يعني بس دا زي ما قالوا الاخوة الافاضل على المدى البعيد او الله اعلم القريب لانه وضع مش مستقر هيبوظ حاجه ف الريموت ومعتقدش انك علشان تزود ٣٠ متر تضحي بدائرة تمنها ٨٠٠ ج او اكتر عموما لو حد عايز يعمل كده شغال ف الدواير الصيني لانها هتبوظ اخرك ١٠٠ ج وهتجيب ريموت تاني

اولا مثال حضرتك جميل جدا وانا زمان عملت كدة فى عربيات لعبة كتييير وكلهم طبعا باظو
باظو ليه علشان انا وحضرتك وصلنا المحول او الترانس او الادابتور مباشر اى على التوازى بموتور اللعبة اصبحت فى زيادة قوية فى شدة التيار اللى داخلة للموتور لم تتحملها قدرة الموتور فبتالى اتحرق ملفه
عارف لو كنت وصلت حجرين كمان 3 فولت ووصلتهم على التوالى ماكانش الموتور اتحرق وكانت هتشتغل عادى جدا
اما فى حالتنا هذه فهى توصيل حجرين على التوالى وليس على التوازى لزيادة حهد الدائرة لزيادة مساحة وتحسن اشارة ارسال الريموت كنترول وليس منها اى ضرر على الريموت اطلاقا وعن تجربة
تحياتى

[ayman hamdy]

لا كدا كتير يا جماعه


استودعكم الله يا شعب مصر العظيم

هاخد اجازه من المنتدى شويه

بالله عليك متزعلش نفسك وحققك على يا باشمهندس
وبلاش هاخد اجازة دى اصل انت اجازتك طويلة واحنا مجربنها
فعلشان خاطرى طول بالك شوية
ولو سمحتوا يا جماعة اللى يعرف معلومة ومتاكد منها يقولها واللى ميعرفش ميكتبش وينتظر يشوف الصح من الغلط احنا كلنا بنتعلم من بعض ومش عيب وعلشان الراجل احنا ما صدقنا رجعناه للمنتدى ومعندناش استعداد نزعله تانى
حقك على تانى مرة يا باشمهندس وكمل معانا الحوار بصراحة انا باستمتع بالحوار معاك
تقبل خالص تحياتى

[ayman hamdy]

دا فيديو كيفية مضاعفة مدى ريموت فيكترا بى2 وجدته بالصدفه على اليوتيوب

https://www.youtube.com/watch?v=7wcvAUlhh4U

استمتعوا
تحياتى

[ashourashour]

ايه علاقة فولت الريموت بالارسالية او الترددحسب علمى ملوش علاقة ولو ليه ياريت توضح بصورة علمية
وياريت تفسر كلامك بعلم الهندسة الكهربية والصيغ والمعادلات

وسوال لو تسمح هل حضرتك مهندس كهرباء
وشكرا للنقاش

الريموت بيتكون من جزئن اساسيين

1- IC المسؤل عن تكوين ال coding او الشفره لارسالها عبر الموجه الحامله (encoder)

المدخلات لل IC او ال inputs:

a-مفاتيح التحكم الموجوده بالريموت
b-تيار مستمر لتغذيه ال IC


الناتج عن ال IC بيكون الكود المراد ارساله ليتم فكه وتحويله الى outputs للتحكم في دوائر اخرى
والناتج ده بيكون اشاره كهربيه وليست radio frequency waves


2-الجزء الثاني بيكون ال RF transmitter module او وحده ارسال الراديو فريكونسي
والوحده دي بتحتاج مصدر تغذيه في الغالب بيكون نفس مصدر تغذيه ال modulator IC السابق ذكرها
وبتاخد الاشاره الناتجه عن ال IC السابق لتبثها في الاثير في صوره radio frequency ليتم التقاطها عن طريق RF receiver


الencoder IC وال RF modulator transmitter الاتنين ليهم فولتيه موصى بها للعمل بشكل مثالي و توجد نسبه سماحيه بالزياده او النقصان للفولتيه موجوده في ال DATA sheet الخاصه بالمكونات

اذا زاد الفولت على ال IC لن يحدث اي استفاده في تقويه اي مدى ولا اي شئ ولكن يجب ان يكون في ايطار الفولت المسموح به والا يتلف ال IC

اذا زاد فرق الجهد او الفولتيه المغذيه لل RF modulator طبعا لازم لا تتعدي المسموح في هذه الحاله الموديول هيسحب تيار اكتر و هينتج عنه ارسال اقوى و هيستهلك باور اعلى وهذا ما فعله الزميل العزيز

دي صوره لوحده ريموت




بالنسبه للتردد بيتم الحفاظ عليه بالكريستال اوسيلاتور للحفاظ عليه ثابت بغض النظر عن قيمه فرق الجهد


بالنسبه للتوصيل عالتوازي مش هتستفيد منه اي زياده في المدى لانك فقط زودت سعه البطاريه ولكنك مزودتش التيار الفعلي المارر في دائره الريموت فالفرق هيكون في عمر اطول بدون تغيير بطاريه ولن يكون هناك اي فرق في الاداء !!!!!


يعني اه ريموت صغير مفيهوش مقاومه حمل !!!!!! اي دايره كهربيه خلقها ربنا ليها مقاومه و بناءا على فرق الجهد عليها بيمر تيار كهربي فيها !!! حمل ولا مش حمل اهي مقاومه

والريموت مقاومته مازالت ثابته متغيرتش لو ثبت فرق الجهد 3 فولت ووصلت بطاريه سعتها 1 امبير هيمر تيار مساوي لبطاريه سعتها 500 امبير


وحضرتي مهندس ولا لا ! انا لازم اكون مهندس عشان اكلم حضرتك ؟ وياما مهندسين لامواخذه

وانا بشوف اللي بيقعد يقول انا مهندس و يحط "م" قبل اسمه عنده مشكله بصراحه !!

ميشكرش في نفسه الا الشطان

الواحد شاف فنيين برا مصر ب 10 مهندسين في مصر

انا خريج اتصالات واليكترونيات القاهره

ودواير الريموت دي كنت بعملها على ايدي ايام الشباب

وبما انك شكلك في جابكو او الشركه العامه او اي موقع بترول في خليج السويس او شقير اكيد تعرف YOKOGAWA

احنا اللي بنعملكم نظام التحكم والحمايه للمنصات


اتمنى اني اكون على مستوى الحوار مع حضرتك

[ashourashour]

هوا المنتى بقى يردم الصوره باللوجوا كدا ليه ؟؟؟؟؟؟؟؟؟

مش كان علامه مائيه !

[ayman hamdy]

الريموت بيتكون من جزئن اساسيين

1- IC المسؤل عن تكوين ال coding او الشفره لارسالها عبر الموجه الحامله (encoder)

المدخلات لل IC او ال inputs:

a-مفاتيح التحكم الموجوده بالريموت
b-تيار مستمر لتغذيه ال IC


الناتج عن ال IC بيكون الكود المراد ارساله ليتم فكه وتحويله الى outputs للتحكم في دوائر اخرى
والناتج ده بيكون اشاره كهربيه وليست radio frequency waves


2-الجزء الثاني بيكون ال RF transmitter module او وحده ارسال الراديو فريكونسي
والوحده دي بتحتاج مصدر تغذيه في الغالب بيكون نفس مصدر تغذيه ال modulator IC السابق ذكرها
وبتاخد الاشاره الناتجه عن ال IC السابق لتبثها في الاثير في صوره radio frequency ليتم التقاطها عن طريق RF receiver


الencoder IC وال RF modulator transmitter الاتنين ليهم فولتيه موصى بها للعمل بشكل مثالي و توجد نسبه سماحيه بالزياده او النقصان للفولتيه موجوده في ال DATA sheet الخاصه بالمكونات

اذا زاد الفولت على ال IC لن يحدث اي استفاده في تقويه اي مدى ولا اي شئ ولكن يجب ان يكون في ايطار الفولت المسموح به والا يتلف ال IC

اذا زاد فرق الجهد او الفولتيه المغذيه لل RF modulator طبعا لازم لا تتعدي المسموح في هذه الحاله الموديول هيسحب تيار اكتر و هينتج عنه ارسال اقوى و هيستهلك باور اعلى وهذا ما فعله الزميل العزيز

دي صوره لوحده ريموت




بالنسبه للتردد بيتم الحفاظ عليه بالكريستال اوسيلاتور للحفاظ عليه ثابت بغض النظر عن قيمه فرق الجهد


بالنسبه للتوصيل عالتوازي مش هتستفيد منه اي زياده في المدى لانك فقط زودت سعه البطاريه ولكنك مزودتش التيار الفعلي المارر في دائره الريموت فالفرق هيكون في عمر اطول بدون تغيير بطاريه ولن يكون هناك اي فرق في الاداء !!!!!


يعني اه ريموت صغير مفيهوش مقاومه حمل !!!!!! اي دايره كهربيه خلقها ربنا ليها مقاومه و بناءا على فرق الجهد عليها بيمر تيار كهربي فيها !!! حمل ولا مش حمل اهي مقاومه

والريموت مقاومته مازالت ثابته متغيرتش لو ثبت فرق الجهد 3 فولت ووصلت بطاريه سعتها 1 امبير هيمر تيار مساوي لبطاريه سعتها 500 امبير


وحضرتي مهندس ولا لا ! انا لازم اكون مهندس عشان اكلم حضرتك ؟ وياما مهندسين لامواخذه

وانا بشوف اللي بيقعد يقول انا مهندس و يحط "م" قبل اسمه عنده مشكله بصراحه !!

ميشكرش في نفسه الا الشطان

الواحد شاف فنيين برا مصر ب 10 مهندسين في مصر

انا خريج اتصالات واليكترونيات القاهره

ودواير الريموت دي كنت بعملها على ايدي ايام الشباب

وبما انك شكلك في جابكو او الشركه العامه او اي موقع بترول في خليج السويس او شقير اكيد تعرف YOKOGAWA

احنا اللي بنعملكم نظام التحكم والحمايه للمنصات


اتمنى اني اكون على مستوى الحوار مع حضرتك

يا هندسة انت اكبربكتيير من مستوى اى حوار
الله ينور عليك وتسلم ايدك بجد ومعلش ارهقناك بالاسئلة والاستفسارت
وربنا يجعله فى ميزان حسناتك
تقبل خالص احترامى وتقدير لشخصك الكريم

[ayman hamdy]

هوا المنتى بقى يردم الصوره باللوجوا كدا ليه ؟؟؟؟؟؟؟؟؟

مش كان علامه مائيه !

انا كمان نزلت صورة عليها اللوجو كمان بالشكل دة
اكيد فى خطأ فى شئ ما
رجاء من ادارة المنتدى مراجعة المشكلة المذكورة والعمل على حلها
تحياتى

[asd7778]

مين قال ان التيار ثايت بس؟ فرق الجهد لما زاد اكيد الريموت هيسحب تيار اكتر واللي بدوره زود المدي ! والله اعلم البورده وال ic الموجوده عالبورده عالمدى الطويل تحتمل الزياده في الفولت والتيار ولا لا

مقاومه الدائره الكهربيه مازالت كما هيا

التيار=فرق الجهد \المقاومه

انا مش بشكك في تجربتك وان المدى زاد ودا طبيعي لكن انا بوضح ان التيار زاد و الله اعلم مدى احتمال مكونات دائره الريموت


تحياتي

كلام سليم

[hilal]

أرجو من أستاذنا العزيز احمد عاشور أن يتحمل قليلا ويصبر
احنا مش عاوزين نفقدك تاني
انت عارف مقدارك في قسم أوبل وفي المنتدى كله

وأنت لا تحتاج أن تذكر بجوار اسمك أنك مهندس
وأنا لم أذكر أمام إسمي انني دكتور ، لأنني دخلت قسم أوبل كطالب علم ، لأتعلم من الجميع ،
ولكنني فوجئت بالاستاذ فادي يلقبني بهذا اللقب ولا أدري كيف عرف ذلك ،
وتبعه باقي الزملاء

والشاعر القديم يقول:
ملأى السنابل ينحنين تواضعا ..... والفارغات رؤوسهن شوامخ

تحياتي وكل عام وانت بخير

[haisam ali]

أرجو من أستاذنا العزيز احمد عاشور أن يتحمل قليلا ويصبر
احنا مش عاوزين نفقدك تاني
انت عارف مقدارك في قسم أوبل وفي المنتدى كله

وأنت لا تحتاج أن تذكر بجوار اسمك أنك مهندس
وأنا لم أذكر أمام إسمي انني دكتور ، لأنني دخلت قسم أوبل كطالب علم ، لأتعلم من الجميع ،
ولكنني فوجئت بالاستاذ فادي يلقبني بهذا اللقب ولا أدري كيف عرف ذلك ،
وتبعه باقي الزملاء

والشاعر القديم يقول:
ملأى السنابل ينحنين تواضعا ..... والفارغات رؤوسهن شوامخ

تحياتي وكل عام وانت بخير

حبيبى يادكتور والله قولت اللى انا كان نفسى أقوله بالظبط

[ashourashour]

شكرا جزيلا لكم جميعا على مجاملتم

واتمنى ان اكون عند حسن ظنكم و اقدر اساعدكم

وانتو اللي بتخلوا الواحد يكمل

والله انا ممكن اشتر دماغي ومردش ولا احرق في اعصابي ولا اضيع وقتي لكن الواحد بيحاول يعمل خير

يمكن حد يستفيد باي حاجه بقولها

[hilal]

حبيبى يادكتور والله قولت اللى انا كان نفسى أقوله بالظبط

والله يا استاذ هيثم انا اعتبركم اسرتي
ويعلم الله كم حزنت عندما فكرت ان تبيع سيارتك وتغادرنا
والحمد لله انك تراجعت
اعلم انني اكبركم سنا ، ولكنني تلميذ امام كل منكم
تحياتي لسيادتك وشكرا على رقة مشاعرك

[haisam ali]

حبيبى يادكتور والله قولت اللى انا كان نفسى أقوله بالظبط

ربنا يباركلنا فيك يادكتور وفى كل أعضاء اوبل اخواتنا بجد

[مجمود فراج]

دائما متميز