اكذوبة ضعف تكييف الفيكترا بى

[فادى محمد]

بسم الله ماشاء الله ربنا يباركلكم على المشاركات الجميلة دى ياريت كل المنتدى زى قسم أوبل
وفى رأى الشخصى ان اغلب العربيات تكاد تكون متساوية فى قوة التبريد ده باعتبار سلامة دورة التكييف يعنى بدون عك الصنايعية لكن الفرق الحقيقى مابين عربية والتانية هى نقطة العزل الداخلى والخارجى لدورة التكييف ودى نحط تحتها 100 خط وده بيوصلنا لان لو عايز تزود كفائة التكييف فى مختلف الظروف وخصوصا الحر والشمس المباشرة ابتدى بنقطة عزل العربية واهتم انك تزوده بشكل أفضل وده احسن من البحث عن تعديل للكومبروسر اللى مش هيدى برده النتيجة الجبارة اللى منتظرها بسبب العزل الردىء
تحياتى للجميع

لو فرضنا ياباشا ان نظريتك صح وانا مش معترض ابدا . بس خليني اوضح حاجه ليها علاقه بالجو الداخلي للاوبل.الاوبل عربيات شتوي .. الجمله دي باسمعها من ناس كتير , ليه؟؟
لو ركنت عربيه اوبل في الشمس ساعه واحده , مش هتقدر تلمس الدركسيون حتي !!
الفرش القطيفه والجلد اللي في كل حته والفبرات كل ده بيبقي نااااااار
كل ده لازم ياثر علي كفاءه التبريد او بالاخص سرعه التبريد .. تقبل تحياتي

[ayman hamdy]

بسم الله ماشاء الله ربنا يباركلكم على المشاركات الجميلة دى ياريت كل المنتدى زى قسم أوبل
وفى رأى الشخصى ان اغلب العربيات تكاد تكون متساوية فى قوة التبريد ده باعتبار سلامة دورة التكييف يعنى بدون عك الصنايعية لكن الفرق الحقيقى مابين عربية والتانية هى نقطة العزل الداخلى والخارجى لدورة التكييف ودى نحط تحتها 100 خط وده بيوصلنا لان لو عايز تزود كفائة التكييف فى مختلف الظروف وخصوصا الحر والشمس المباشرة ابتدى بنقطة عزل العربية واهتم انك تزوده بشكل أفضل وده احسن من البحث عن تعديل للكومبروسر اللى مش هيدى برده النتيجة الجبارة اللى منتظرها بسبب العزل الردىء
تحياتى للجميع

وحهة نظر مضبوطة ونصيحة مهمة جدا
شكرا يا عمرو باشا ونورت الموضوع
تقبل تحياتى

[ayman hamdy]

لو فرضنا ياباشا ان نظريتك صح وانا مش معترض ابدا . بس خليني اوضح حاجه ليها علاقه بالجو الداخلي للاوبل.الاوبل عربيات شتوي .. الجمله دي باسمعها من ناس كتير , ليه؟؟
لو ركنت عربيه اوبل في الشمس ساعه واحده , مش هتقدر تلمس الدركسيون حتي !!
الفرش القطيفه والجلد اللي في كل حته والفبرات كل ده بيبقي نااااااار
كل ده لازم ياثر علي كفاءه التبريد او بالاخص سرعه التبريد .. تقبل تحياتي

معلش يا فادى انا معترض فى مقولةان الاوبل عربية شتوى !!!
مفيش حاجة اسمها عربية شتوى وعربية صيفى بدليل شركة اوبل او جينرال موتورز لما صنعت عربياتها وصدرتها لجميع دول العالم لم تختص دولة بعينها حسب جوها او درجة حرارتها وبدليل كمان دول الخليج من اكبر مستوردى ومستهلكى سيارت جىنرال موتوز والسيارت الامريكى عموما فى العالم وخصوصا السعودية ودرجة حرارة الجو هناك لاتتطاق بمعنى الكلمة زى ما كلنا عارفنن وسيارت اوبل منتشرة هناك وبدون اى مشاكل تذكر فى التكييف وخلافه الا مشاكل الصيانة المعتادة ودى فى اى عربية لان لو فى مشاكل فى التكييف بالذات فى الدول دى ما كنوش استوردوا العربيات دى لحد الان محققة انتشارا واضحا فى هذه الدول
الموضوع يا جماعة يلزمه نظرة تأمل شوية ونشوف ايه اسباب انخفاض مستوى التكييف عندنا ونعالجهامش هنقول يبقى ثلاجة علشان فى ناس معترضة على الكلمة دى هنقول يبقى تكييف سيارة كويس زى اغلب تكيفيات السيارت
ممكن يكون العزل مش كويس يتعالج بوضع الفاميه على زجاج السيارة او شماسات على الزجاج عند ركنها فى الشمس زى اغلب السيارت ومعالجة العزل الداخلى بمواد العزل المشهورة وسد اى اماكن يكون فيها العزل مش كويس
الاهتمام بالصيانة الدورية للتكيف وبدورة التبريد بالذات
عدم العبث او اللعب او التعديل فى ضفيرة دورة التبريد والتكييف بالذات وتفضل فبريكة هتحس فعلا بالتكييف
عدم الاهتمام بظهور عطل وعدم اصلاحه يؤدى ان العطل بيجيب عطل تانى لذا لابد من اصلاحه اول باول
اما بالنسبة لمواسير التكييف وقربها من فرن الشكمان هى معزولة ولو عايز تزود العزل يبقى تمام
يارب اكون قد ضفت معلومة مفيدة علشان تستمتعوا بالتكييف صيفا وشتاءا
تحياتى

[ENG\AHMED]

معلش يا فادى انا معترض فى مقولةان الاوبل عربية شتوى !!!
مفيش حاجة اسمها عربية شتوى وعربية صيفى بدليل شركة اوبل او جينرال موتورز لما صنعت عربياتها وصدرتها لجميع دول العالم لم تختص دولة بعينها حسب جوها او درجة حرارتها وبدليل كمان دول الخليج من اكبر مستوردى ومستهلكى سيارت جىنرال موتوز والسيارت الامريكى عموما فى العالم وخصوصا السعودية ودرجة حرارة الجو هناك لاتتطاق بمعنى الكلمة زى ما كلنا عارفنن وسيارت اوبل منتشرة هناك وبدون اى مشاكل تذكر فى التكييف وخلافه الا مشاكل الصيانة المعتادة ودى فى اى عربية لان لو فى مشاكل فى التكييف بالذات فى الدول دى ما كنوش استوردوا العربيات دى لحد الان محققة انتشارا واضحا فى هذه الدول
الموضوع يا جماعة يلزمه نظرة تأمل شوية ونشوف ايه اسباب انخفاض مستوى التكييف عندنا ونعالجهامش هنقول يبقى ثلاجة علشان فى ناس معترضة على الكلمة دى هنقول يبقى تكييف سيارة كويس زى اغلب تكيفيات السيارت
ممكن يكون العزل مش كويس يتعالج بوضع الفاميه على زجاج السيارة او شماسات على الزجاج عند ركنها فى الشمس زى اغلب السيارت ومعالجة العزل الداخلى بمواد العزل المشهورة وسد اى اماكن يكون فيها العزل مش كويس
الاهتمام بالصيانة الدورية للتكيف وبدورة التبريد بالذات
عدم العبث او اللعب او التعديل فى ضفيرة دورة التبريد والتكييف بالذات وتفضل فبريكة هتحس فعلا بالتكييف
عدم الاهتمام بظهور عطل وعدم اصلاحه يؤدى ان العطل بيجيب عطل تانى لذا لابد من اصلاحه اول باول
اما بالنسبة لمواسير التكييف وقربها من فرن الشكمان هى معزولة ولو عايز تزود العزل يبقى تمام
يارب اكون قد ضفت معلومة مفيدة علشان تستمتعوا بالتكييف صيفا وشتاءا
تحياتى

كان معانا فكترا 98
العربية بدون اى تعديلات زى يوم ماطلعت من المصنع ومتفيمة
الفامية قلل لسعة الشمس بس الحرارة زى ماهيا .. مفيش اى تسريبات لحرارة من الموتور او الكونسول او اى حاجة ... العربية لو واقفة فى الشمس الصالون ولا الفرن البلدى
افرش القطيفة بيلم حرارة بطريقة مش طبيعية .. التكييف بيكح تراب عبال لما يسقع الصالون والعكس تماما لو واقفة فى الجراج
لو مسافر والجو كويس واخر النهار ومفيش شمس التكييف بيقلب غباوة

التكييف باظ بسبب غباء صنايعى .. بالرغم من انى مصلحة فى التوكيل وصارف الوفات مرجعش زى الاول , مش بنفس الكفاءة

نقطة مواسير التكييف والفرن ... درجة حرارة التغشيل عالية وبالتالى الحرارة المنبعثة من الفرن مع ضيق مساحة الحوض وقرب مواسير التكييف مأثر على كفاءة التبريد .. مجموعة المواسير والخراطيم وحساسات الضغوط اللى اودام الفرن دى كلها فى الجحيم

العربية مش منتشرة فى الخليج

[amr elsisi]

تخيل يا ايمن انا كنت عازل مواسير التكييف
من شدة الحرارة سيحت العازل
واصبح الورق الامونيا بس هوا الي موجود
المرة القادمة حعزل بصوف حلراري الصيف الي جاي وعليك خير مع فريون امريكي

[medosalah]

علي العموم انا رايح يوم الاربع ان شاء الله اظبط التكييف عند عبقرينو اللي في الحي السابع

وهعملكم تقرير مصور عن التكييف وكفائته ونوع الفريون وزيت الفريون والمجفف

بس يا ريت حد يقولي الكومريسور بياخد اد ايه زيت وكمان الزيت بينضاف للدوره ازاي ؟؟

وهل فيه تنظيف للدوره الفريون لازم يتعمل الاول ولا لا؟؟؟

[ayman hamdy]

علي العموم انا رايح يوم الاربع ان شاء الله اظبط التكييف عند عبقرينو اللي في الحي السابع

وهعملكم تقرير مصور عن التكييف وكفائته ونوع الفريون وزيت الفريون والمجفف

بس يا ريت حد يقولي الكومريسور بياخد اد ايه زيت وكمان الزيت بينضاف للدوره ازاي ؟؟

وهل فيه تنظيف للدوره الفريون لازم يتعمل الاول ولا لا؟؟؟

ربنا يوفقك يا دكتور
الكمبروسر بياخد 295 سم3 زيت حسب الكتالوج
الزيت بيضاف عن طريق الكمبروسر
عمواما دا شغل فنى التكييف
بالنسبة لتنظيف دورة الفريون اعتقد فى بعض الاجهزة الحديثة الان بتعمل تنظيف للدورة
بس طال ما حضرتك حتغير الدراير او[ فلتر الفريون ] بيقى ان شاء الله الدورة هتكون نظيفة
بالتوفيق ان شاء الله

[Hesham.H]

ايه يا رجاله التألق ده .. انا قاعد نص ساعه اراجع الردود اللى فاتتنى وبصراحه كلها ممتعه وقيمه ... تحياتى لأيمن صاحب الموضوع وتحياتى لكل الزملاء العظماء

لاحظت كذا رد بيتكلم عن الفاميه العازل اللى يفضل يكون شفاف عشان المشاكل مع المرور .. وافتكرت كلام واحد صاحبى كان اشترى عربيه مستعمله من كام سنه وكان لسه الفاميه العازل نازل جديد .. بيقولى انا اشتريت العربيه بعد الراجل ما ركبه بيومين وكانت لسه فاتورته فى الطابلوه ( حوالى ١٨٠٠ جنيه ساعتها ) وكان بيحكيلى قد ايه العازل ده مؤثر مع التكييف ومع ركنه العربيه فى الشمس وانه كان بيشغل التكييف على درجه ١ وبيفصله كل شويع عشان البروده .. ومن كلامه استنتجت ان لو عربيه تكيفها ضعيف ( مش كويس زى الفكترا بس عزلها وحش ) هايكون التبريد جميل جدا مع العازل

يا ترى ايه رأيكو ومين جرب الشغل ده

بالمناسبه يا ايمن انا زى ما قلتلك انى شحنت التكييف بالجهاز اللى نازل جديد وهو اتوماتيك بيغسل الدوره ويحط الزيت والفريون على حسب المعلومات اللى جايه معاه .. الفكترا مثلا كان مكتوب ٩٥٠ جرام فريون و ٣٠ جرام زيت ونوع الفريون المستخدم هارب انجليزى وبقى الحمد لله مرضى جدا بالرغم من ضعف الكباس عندى
تحياتى

[ayman hamdy]

كان معانا فكترا 98
العربية بدون اى تعديلات زى يوم ماطلعت من المصنع ومتفيمة
حضرتك متأكد ان العربية بدون تعديلات ؟
الفامية قلل لسعة الشمس بس الحرارة زى ماهيا .. مفيش اى تسريبات لحرارة من الموتور او الكونسول او اى حاجة ... العربية لو واقفة فى الشمس الصالون ولا الفرن البلدىزيها رى اى عربية واقفة فى الشمس ولا الفيكترا مش عربية زى باقى العربيات
افرش القطيفة بيلم حرارة بطريقة مش طبيعية .. التكييف بيكح تراب عبال لما يسقع الصالون والعكس تماما لو واقفة فى الجراج
مش كل الفيكترا فيها فرش قطيفة على الرغم ان معظم العربيات اللى فى البلد بتنزل بفرش قطيفة ومسمعناش عن موضوع السخونية دا الا فى الفيكترا
لو مسافر والجو كويس واخر النهار ومفيش شمس التكييف بيقلب غباوة
بيقلب غباوة قصدك تلاجة يعنى
التكييف باظ بسبب غباء صنايعى .. بالرغم من انى مصلحة فى التوكيل وصارف الوفات مرجعش زى الاول , مش بنفس الكفاءة
يعنى تبريد التكييف كان كويس اهو

نقطة مواسير التكييف والفرن ... درجة حرارة التغشيل عالية وبالتالى الحرارة المنبعثة من الفرن مع ضيق مساحة الحوض وقرب مواسير التكييف مأثر على كفاءة التبريد .. مجموعة المواسير والخراطيم وحساسات الضغوط اللى اودام الفرن دى كلها فى الجحيم
انا مع حضرتك فى الجزئية دى بس مش لدرجة الجحيم
حضرت متنساش ان مروحة الراديتير بالذات ومروحة التكييف بترمى هواءعلى المنظومة دى وان كان هواء دافى فهو ملطف للاجزاء دى مش جحيم

العربية مش منتشرة فى الخليج

انا فى سنة من السنين اذكر كانت سنة2002 تقريبا كنت اعمل فى المملكة العربية السعودية فى واحد من اكبر مراكز التراث والثقافة بمنطقة الرياض على مستوى المملكة اسمه مركز البابطين للتراث والثقافة فى شارع الصحافة وكنت اعمل فيه اخصائى ترميم المخطوطات النادرة بالمركزبطبيعة عملى لاننى اعمل اخصائى ترميم مخطوطات بالهيئة العامة لدار الكتب والوثائق القومية بكونيش النيل وهو افتتح فى نفس السنة دى وحضر الافتتاح الامير سلمان امير منطقة الرياض ان ذاك وكنت انا اول المكرمين فى المركز من الامير سلمان وتشرفت بالتصوير معاه فى الافتتاح وتم نشر الصور فى جريدة الرياض اللى عايز يشوفها يروح دار الكتب[ كورنيش النيل ]ويعمل بحث مجانى فى قسم الميكروفيلم عن جريدة الرياض- مركز البابطين للتراث والثقافة ويشوف الجريدة كاملة
مدة العمل كانت سنة واحدة لاننى بعدها سافرت الى اوروبا الى الان
المهم فى هذه السنة كانت بمثابة رحلة ترفيهية لفيت فيها المملكة بالكامل وطبعا فى الوقت دا كان اللى يركب فيكترا بى 2 دا يعنى العظماء وعلى الرغم من كدا كانت فيكترا بى 1 منتشرة جدا ومليا البلد وكله عايز يحدث ويجيب بى2 وفى اثناء هذه السنة والى نهايتها كنت الاحظ تزايد اعداد الاوبل فيكترا بى2 فى جميع شوارع المملكة عدد لابأس به يعنى علشان كدة انا قلت منتشرة وكنت مغرم بها جدا فى الوقت دا ولازلت
انا اسف لو كنت طولت عليكم انا قولت ندردش شوية فى الليل الهادى دة
تقبلو جميعا تحياتى

[ENG\AHMED]

كان معانا فكترا 98
حضرتك متأكد ان العربية بدون تعديلات ؟
متأكد طبعا .. العربية بتاعتى ومبيركبش فيها غير قطع غيار اصلى والتكييف لحد اللى حصل فيه كان زيرو ومتصلح فى التوكيل ب 7الاف جنيه وبالرغم من كده مرجعش زى الاول

ازيها رى اى عربية واقفة فى الشمس ولا الفيكترا مش عربية زى باقى العربيات
فى النقطة دى لأ مش زيها زى باقى العربيات .. وعن تجربة ليها ولعربيات كتير جدا سواء بتاعتى ولا لأ الفكترا سيئة فى الموضوع ده ولو عايز تتأكد ادخلها فى الشتا هتلاقى العربية دافيه جدا عكس الصيف ناااار لدرجة انك مش عارف تلمس حاجة فى العربية

مش كل الفيكترا فيها فرش قطيفة على الرغم ان معظم العربيات اللى فى البلد بتنزل بفرش قطيفة ومسمعناش عن موضوع السخونية دا الا فى الفيكترا

فى عربيات فيها قطيفة ايوه بس مش الكراسى بالكامل وفرش الابواب بالكامل وعارف ان ال بى 2 فرش الابواب بس مش قطيفة ومتنساش الزجاج التعبان بتاعها مع حرارة الموتور

بيقلب غباوة قصدك تلاجة يعنى
لو مسافر واخر النهار ومفيش شمس حامية والطريق مفتوح مع طول مدة التشغيل بيقلب ايوه وده قبل مايتصلح

انا مع حضرتك فى الجزئية دى بس مش لدرجة الجحيم
حضرت متنساش ان مروحة الراديتير بالذات ومروحة التكييف بترمى هواءعلى المنظومة دى وان كان هواء دافى فهو ملطف للاجزاء دى مش جحيم

ياباشا مروحة الرادياتير بترمى من الرادياتير اللى هوا اصلا سخن من حرارة الموتور وترمى على مجموعة التكييف اللى هى اصلا مرمية فى منطقة سخنة من الشكمان
اقولك والعربية دايرة والمراوح شغالة حط ايدك فى المنطقة بين الفرن والرادياتير
احدى مشاكل التكييف ده الشجرة والجزء الامامى منها بس اللى هى الضغط العالى بحساسات الضغوط .. تفتكر ليه؟؟
متنساش كمان ان المواتير ال 1.6 الكامة مواتير قذرة شوية وكفائتها قليلة وبالتالى الheat loss فيها عالى
العربية مش منتشرة فى الخليج

[hagagatc]

ايه يا رجاله التألق ده .. انا قاعد نص ساعه اراجع الردود اللى فاتتنى وبصراحه كلها ممتعه وقيمه ... تحياتى لأيمن صاحب الموضوع وتحياتى لكل الزملاء العظماء

لاحظت كذا رد بيتكلم عن الفاميه العازل اللى يفضل يكون شفاف عشان المشاكل مع المرور .. وافتكرت كلام واحد صاحبى كان اشترى عربيه مستعمله من كام سنه وكان لسه الفاميه العازل نازل جديد .. بيقولى انا اشتريت العربيه بعد الراجل ما ركبه بيومين وكانت لسه فاتورته فى الطابلوه ( حوالى ١٨٠٠ جنيه ساعتها ) وكان بيحكيلى قد ايه العازل ده مؤثر مع التكييف ومع ركنه العربيه فى الشمس وانه كان بيشغل التكييف على درجه ١ وبيفصله كل شويع عشان البروده .. ومن كلامه استنتجت ان لو عربيه تكيفها ضعيف ( مش كويس زى الفكترا بس عزلها وحش ) هايكون التبريد جميل جدا مع العازل

يا ترى ايه رأيكو ومين جرب الشغل ده

بالمناسبه يا ايمن انا زى ما قلتلك انى شحنت التكييف بالجهاز اللى نازل جديد وهو اتوماتيك بيغسل الدوره ويحط الزيت والفريون على حسب المعلومات اللى جايه معاه .. الفكترا مثلا كان مكتوب ٩٥٠ جرام فريون و ٣٠ جرام زيت ونوع الفريون المستخدم هارب انجليزى وبقى الحمد لله مرضى جدا بالرغم من ضعف الكباس عندى
تحياتى

١٨٠٠ فاميه نوعه ايه ده يا اتش ادينا فكره عنه يمكن اتجنن واركبه عشان انا بحس اني دخلت فرن بلدي والعربيه راكنه في الشمس انا اخر مره فايمت عربيه كانت ب ٦٠ جنيه ههههههههه

[ayman hamdy]

شكرا يا باشمهندس احمد على التوضيح
واضح ان فى اجماع على ان تكييف الفيكترا والعزل بتاعها سيئ للغاية وتصميم غير موفق لمكان منظومة التكييف وخصوصا فى جو بلدنا الحبيبة مصر
اذا ما الحل من وجهة نظركم يا شباب لتحسين اداء التكييف على الاقل يكون عادى مش سيئ؟
اى حد من الاعضاء عنده اقتراح بخصوص الجزئية دىيتفضل مشكورا بطرحه
وشكرا جزيلا لكل من تفضل بالمشاركة فى الموضوع
ومنتظر اقتراحاتكم بخصوص هذا الموضوع وطبعا زميلنا هشام اول من اقترح فكرة الفاميه الشفاف انا شايفها فكرة ممتازة ايه رأيكم يا شباب؟
تحياتى للجميع

[ayman hamdy]

١٨٠٠ فاميه نوعه ايه ده يا اتش ادينا فكره عنه يمكن اتجنن واركبه عشان انا بحس اني دخلت فرن بلدي والعربيه راكنه في الشمس انا اخر مره فايمت عربيه كانت ب ٦٠ جنيه ههههههههه

هههههههه ابو 60 جنيه دة معقول كمان بس هتدفع قدهم 30 مرة مخلفات يعنى هتدفع برده ال 1800 جنيه ههههههههه نصيحتى لك يا عبد الرحمن ركبه واخلص
تحياتى

[hagagatc]

هههههههه ابو 60 جنيه دة معقول كمان بس هتدفع قدهم 30 مرة مخلفات يعنى هتدفع برده ال 1800 جنيه ههههههههه نصيحتى لك يا عبد الرحمن ركبه واخلص
تحياتى

انا فعلا ركبته ب ٦٠ جنيه من ٢٠٠٩ ممكن يكون غلي وبقي ب١٨٠٠ هههههههههه
انا والله مفهمش في الانواع بتعته غير درجات التعتيم بتعته بس هو اكيد بيعكس اشعه الشمس فبتالي تاثيره علي التكييف حيبقي كويس جدا

[Hesham.H]

١٨٠٠ فاميه نوعه ايه ده يا اتش ادينا فكره عنه يمكن اتجنن واركبه عشان انا بحس اني دخلت فرن بلدي والعربيه راكنه في الشمس انا اخر مره فايمت عربيه كانت ب ٦٠ جنيه ههههههههه

لا يا عبد الرحمن الفاميه العازل غير الفاميه العادى اللى بنركبه خاااالص ... ده بيوصل نسبه عزله لحراره الجو الخارجى ٧٠ ٪
يعنىى تخيل لو درجه الحراره بره العربيه ٤٠ درجه .. هاتوصلك كام جوه العربيه ؟!!
واحد فى شارع دمشق كان حاطط بره المحل حوضين زجاج زى بتاع السمك كده وجوه كل واحد حاطط لمبه ٥٠٠ وات حوض منهم عامله بالعازل والتانى لأ .. وشوف الفرق بقى .. اللى من غير عازل ما تقدرش تحط ايدك قريب منه انما التانى ولا كأن فيه لمبه
السعر ده كان سعر الامريكى اول ما نزل
الاسعار دلوقتى اكيد اختلفت سمعت ان الكورى وصل ٧٠٠ جنيه للعربيه كلها فى شارع دمشق الامريكى ممكن يبقى ١٠٠٠ او اقل حاجه بسيطه
انا واخد قرار انى اعمله ان شاء الله بس للأسف مش عارف افضى نفسى يوم اعمله فى شارع دمشق
تحياتى