الانسجنيا بعد استخدام ٦ أشهر و ١٦٠٠٠ كم

[dr_medoo]

ردي يعتبر مكرر اولآ ربنا يعوض عليك فى ال300 الف معلش انا اسف فى التعبير بس ببساطه شديده كان فى فيلم فى اوائل الالفينات اسمو Big Fish لتيم بورتون وده مخرج عالمى طبعآ والرقابه فمصر رفضت عرضو مش ﻷنو فيلم خارج لا كان ردهم جميل جدآ انه لا يتوافق مع العقليه المصريه وبعيدآ عن مضمون الفيلم اللى هو عادي جدآ لكن التعبير عجبني وده اللى المفروض الجمارك تراعي فى الناس ان فى عربيات لا تتوافق مع مصر ولا توكيلات مصر ولازم يتوقف استيرادها انا حذرت الناس ومفيش فايده لا اسنرا ولا انسيجنيا ولا مرسيدس اللى هى احترمت نفسها وقفلت مصنعها فمصر دى عربيات لا تقل عن 95 اوكتين واللى فمصر 95 هو اصلآ 92 او 90 غير الميه والجاز اللى بيضيفو على البنزين فى محطات كلنا اتنصب علينا منهم ....
اذا القصه مشاكلك مش هتتحل ﻷنها مشكلة بلد لا عربيه ولا انت نفسك وكيل مستهتر بالناس ومش هيجيبلك حقك وهيمرمطك لحد فترة الضمان ما تخلص وبعدها هتشوف وش ملوش حل يعنى لو روحت تقولو فى نتشه يقولك فتيس وب80 الف او عيب كنترول وب30 الف ومش موجود وضحايا الايزى ترونيك فى كل مكان عربيه كانت ب240 الف وبتتباع ب100 الف بالعافيه لو حاله نضيفه نفس الوضع لباقى الموديلات وانا اتفقت مع ملاك الاسترا والانسيجنا مستنى اخبار مواتيرهم والعربيه عامله 100 الف كيلو مع البنزين ال92 منصور يقول عادي الكركره والكلام ده وعادي برضو افضيلك زيت المتور ومية الريداتير وامشيلك شويه حلوين بالعربيه لكن هتخرب بعد مشوار ....
ردى لنقطه واحده صوت التخبيط اول ما تدور ده صوت البوابات ﻷنها ضغط هو وبتفتح لوحدها لما تبطل العربيه وتقفل اول ما تدور صوتها عالى فكل اوبل وده عدم جودة صناعه ...
والتيل والطنابير برضو عيب صناعه خصب عن اي حد يقول غير كده دى عربيه ما مشيتش اصلآ وبالتوفيق

كلام مليون الميه
المشكله ان اصحاب العربيه مش عاوزين يقتنعوا ان العربيه فيها مشكله وفاكرين كلمنا معاهم اننا عاوزين نعيب فى العربيه وخلاص انا الغرط من كلمنا المصلحه علشان يعرفوا ياخدوا حقهم من التوكيل وهما لسه فى الضمان ما يحصلش معاهم زى الى حصل معانا ملاك الفيكترا سى والاسترا h لما عربيه ب300 الف وفيها المشاكل ديه والتوكيل مش عاوز يعترف بالعيوب الى فى العربيه فكل واحد حر الواحد كل ما يتكلم مع واحد من ملاك الانسجنيا ندخل فى جدل جامد زى ما اكون بشتمه بامه فبكرة الايام تثبت الصح مين

[حسام فتحي]

حلول هو المطلوب

الحقيقة الموقع هنا مختلف ... الناس هنا غاوية العربيات وبالتالي مستواها الفني في فهم السيارة و مشاكلها و لهم القدرة علي التفكير في حلول. ده هو المرجو احنا عارفين ان العربية فيها عيوب ... الحل ؟ الكل يبيع ؟ مش حل لكن ممكن اسأل أهل الخبرة؛ البنزين ال٩٢ ينفع يضاف عليه اي ماده لنحسين فعاليته؟ هل يفضّل استخدام منظف للرشاشات و غيره و لو ينفع اي اقتراح لأنواع معينة و كل كام كلم؟. موضوع التيل و الطنابير، هل حقيقي ان التيل متوقع يستهلك في ١٥٠٠٠ كلم باستهلاك طبيعي؟ هل ممكن التيل يفس الطنابير .... ممكن نعرض المشاكل المتفق عليها و نستفيد من أهل الخبرة هنا الحقيقة انا استغربت من قلة المكتوب عن العربية دي فنياً خاصة ان الملاك محتاجين مساعدة لفهم المشاكل و إيجاد حلول. جزيل الشكر للكل و يا مسهل نلاقي حلول مفيدة.

[احمد فهمى]

الحقيقة الموقع هنا مختلف ... الناس هنا غاوية العربيات وبالتالي مستواها الفني في فهم السيارة و مشاكلها و لهم القدرة علي التفكير في حلول. ده هو المرجو احنا عارفين ان العربية فيها عيوب ... الحل ؟ الكل يبيع ؟ مش حل لكن ممكن اسأل أهل الخبرة؛ البنزين ال٩٢ ينفع يضاف عليه اي ماده لنحسين فعاليته؟ هل يفضّل استخدام منظف للرشاشات و غيره و لو ينفع اي اقتراح لأنواع معينة و كل كام كلم؟. موضوع التيل و الطنابير، هل حقيقي ان التيل متوقع يستهلك في ١٥٠٠٠ كلم باستهلاك طبيعي؟ هل ممكن التيل يفس الطنابير .... ممكن نعرض المشاكل المتفق عليها و نستفيد من أهل الخبرة هنا الحقيقة انا استغربت من قلة المكتوب عن العربية دي فنياً خاصة ان الملاك محتاجين مساعدة لفهم المشاكل و إيجاد حلول. جزيل الشكر للكل و يا مسهل نلاقي حلول مفيدة.

التيل عادى 15 الف كيلو فعربيات كتير ومش دى المشكله وحضرتك نساعد بعض ازاي انا من اول الناس فمصر اللي عملت تقرير عن العربيه دى وكنت راكبها بره بس كانت 2200 سي سي المشكله نفس محرك الفيكترا سي 2200 لكن كالمعتاد جمارك مصر والتخلف تسبب في طلبات خاصه بمحرك لا يتوافق مع البلد بسبب البنزين اللي ملوش حل طبعآ واي اضافات هتبوظ طرمبة البنزين والرشاشات مع التكرار ﻷن كل دى صنعت ﻷستخدام عرضى مش صفه مستمره يعنى لو جالك برد هتاخد مضاد حيوي بس هل ممكن تستمر عليه بعد كده؟

الملاك لهم الله زى ملاك الفيكترا سي والاسترا اتش والتيوتا بفتيس mmt وينتهي المشوار لملاك المرسيدس السي تم تحذير الجميع ومفيش فايده خلاص في ناس بتحب تتعايش مع التوكيل وامل حل المشاكل والوعود الهيكليه وكما حدث لنا جميعآ ضحايا الفيكترا سي والاسترا اتش وكنا ضحايا فيكترا بي اوتوماتيك....

كلامى مؤلم انا عارف بس ده الواقع واحنا مش بنسرق عشان ندفع 300 الف جنيه او 200 الف وندفع قدهم تصليح فكام سنه

[ENG\AHMED]

الإخوة الأفاضل الموضوع ده هو تجربتي الشخصية مع الانسجنيا أرجو ان يفيد وان تفيدني ردودكم.

العربية معي من آخر يونيو ٢٠١٤، انا بدأت ببنزين ٩٥ لمدة شهر و نصف و بعد كده اصبح صعب لسفري لأماكن ليس بها ٩٥. اداء السياره كان خرافي سلاسة و سحب رائع.

نقلت ل٩٢ بعد حوالي شهر و نصف وبدأ الأداء يسوء الي ان غيرت الي ٩٥ تاني من حوالي شهر بعد قراءة موضوع للاستاذ منسق أوبل عن أثر ٩٢ السييء علي الموتور. الأداء تحسن فعلا لكن الغريب اني باقرأ لملاك آخرين انهم بيستخدموا ٩٢ و ممكن مرة في الشهر ٩٥ وسعيدين جداً باداء السيارة. انا اصبح عادي عندي انقل للمانيوال علشان أعدي سيارة او أسرع قليلاً.

من او يوم وانا لاحظت ضعف التكييف و كتبت هنا و في كل صيانة كنت اشكو منه. مع صيانة ال١٥٠٠٠ بنفس المركز قيل لي ان "خرطوم التكييف به ثقب و محتاج تغيير ، ولأنه غير موجود ذهبت الأسبوع التالي وتم التغيير، ما زلت اشكو من ضعف التكييف :) وقالوا ان التبريد يكون جيد لما تضبط الحرارة اقل من ٢٠ ....بعد ثاني و ثالث يوم كنت حاسس بتبريد ولان الجو برد أصلا بطلت اجربه. امس هواء المروحة أبرد منه لابد من رحلة تانية مع التوكيل. الغريب ان احيانا يدخل هواء ساخن من المروحة مع إغلاقي للهواء من الخارج!!! افتح و أقفل تاني يظل هكذا لدقائق و يرجع يدخل هواء ساخن آخرين عندهم نفس الملحوظة.

الفرامل ... بدأت اسمع صفارة من قبل ال ١٠٠٠٠ كلم و عند صيانة ال ١٠٠٠٠ طلبت الكشف عن سبب الصرير مع الفرامل ... نظفوا التيل و ...... و بدأت الاحظ هزة مع الفرامل. عند صيانة إل١٥٠٠٠كلم و بعد تكرار الشكوي النتيجة ان التيل "بلط" والدِيسْك او الطوابير الأمامية "اتلسعت" بحسب مصطلحات المهندس. لابد من تغييرهم تماماً لكن الضمان رد ان الطنابير خارج الضمان و تكرر الرد نفسة عند مركز منصور للصيانة إللي بآخر ميدان الرماية. الي عرفته ان دي مشكلة متكررة مع عربيّات كتير و بدون خوض في تفاصيل كثيرة ساءني ان مهندسي منصور كانوا بيتكلموا و كلن دي مشكلة استخدام و ان الطنابير او الديسكات خارج الضمان. ده بالنسبة لي عيب خطير و تصرف غير مسؤل غير ان المهندس قال لي ان العادي اننا نغير التيل عند ١٥٠٠٠ كلم. مع ان التيل تقريبا جديد و غير متآكل.

في صوت واضح لزنة وكأن في موتور صغير بيزن مثل دينامو لعبة مثلا يدور، وده ملحوظ حتي ٢٠٠٠ (ر ب م) قابلت شخص في التوكيل بنفس الشكوي.

احيانا عند التدوير صباحاً أسمع تخبيط داخل السيارة و كأن في حاجات مرتبكة و بتخبط ... ولان وصف ده صعب ما علقتش و امس وجدت بعض المالكين بِيَتَندروا علي ده و يقولوا "قطة الانسجنيا المحبوسة" طبعا في حاجة غلط.

احد الملاك من يومين شكي من ان العربية ما دارتش معاه، أخذها التوكيل علي ونش و قالوا له انها محتاجة تغيير موتور و طه مُغطي بالضمان - حسب ما فهمت- لكن رفضوا اعطاءه اي تقرير بهذا الشأن وهو مستاء جداً طبعاً.
طبعاً هناك بعض الايجابيات و هي الاوبشن الكثيرة بالسيارة لكن من وجهة نظري كمستخدم ان ده ممكن يكون سبب معظم مشاكلها لانها مصممة لاوروبا و جوها اكتر من عندنا. لو عندي الاختيار تاني اكيد حافر في حاجة غيرها.

أرجو ان يكون الملخص أعلاه مفيد للبعض و دي تجربتي انا و ممكن جداً يكون غيري لهم وجهة نظر اخري ولهم كامل الاحترام.

سياسة الصوت العالى وقلة الادب بتجيب نتيجة فى الحالات دى
منصور مصمم انه يقضى على الباقى من سمعة اوبل فى مصر

[حسام فتحي]

تمام

للاسف الإجابة واضحة رأيكم الفني ان مستقبل العربية سيئ و صعب تفادي المشاكل لانها مشاكل جوهرية و صعب حلها. للكل جزيل الشكر

[احمد فهمى]

سياسة الصوت العالى وقلة الادب بتجيب نتيجة فى الحالات دى
منصور مصمم انه يقضى على الباقى من سمعة اوبل فى مصر

منصور مش فارق معاه اوبل اصلآ ويتمنى تختفى من قدامو هو فرحان بالدايو وكاتربيلر ودى مشكلة مصر احتكار شخص توكيلات عملاقه مستحيل يوفق بينهم

[احمد فهمى]

للاسف الإجابة واضحة رأيكم الفني ان مستقبل العربية سيئ و صعب تفادي المشاكل لانها مشاكل جوهرية و صعب حلها. للكل جزيل الشكر

للأسف كل المعطيات المتوفره برهانها معروف دى عمليه حسابيه مش مجادله منطقيه العربيه دى وحتى الأسترا قصتهم انتهت حاول كده تراجع رابطة مالكي الاسترا وراجع تجاربك وادخل بعدها علي قسم هيونداى او تيوتا هتستوضح كل حاجه شوف كم القطع اللي اتغيرت والسخونه والسوفتوير والتهنيج هنا وشوف هناك المواضيع ايه وطبعآ مش طبيعى ده فعربسه جديده وبالسعر ده ثانيآ لو هنقول اصلها كماليات والخ واداء بس ده هيندرج تحت بند قط سليم ونشيط افضل من اسد مريض

[AhmedNaeem]

دي ضريبة بيدفعها اللي عايز يركب عربية محترمة اوروبي ويدفع فيها تحويشة العمر
مش فاهم اشمعني العربيات ذات المنشاء الاوروبي
فورد و فولكس واوبل وسكودا وماخرا مرسيدس
اكيد العيب فينا احنا لان اكيد الناس دي مش بتعمل تكنولوجيا جديدة اعتباطا وبلا دراسة دي فلوس بتتصرف كتيرة جدا واخترعات وافكار وتكنولوجيا
حلوة علينا العربيات اليباني والكوري والحمد لله رضا

[احمد فهمى]

دي ضريبة بيدفعها اللي عايز يركب عربية محترمة اوروبي ويدفع فيها تحويشة العمر
مش فاهم اشمعني العربيات ذات المنشاء الاوروبي
فورد و فولكس واوبل وسكودا وماخرا مرسيدس
اكيد العيب فينا احنا لان اكيد الناس دي مش بتعمل تكنولوجيا جديدة اعتباطا وبلا دراسة دي فلوس بتتصرف كتيرة جدا واخترعات وافكار وتكنولوجيا
حلوة علينا العربيات اليباني والكوري والحمد لله رضا

طبعآ دى عربيات رقم واحد بره مصر وكما وضحت العيب فمصر وبنزينها والطرق المكسره ودرجة الحراره

[Aboibrahim0100]

محترم يا باشا

[mrefaat82]

و مالها الفيرنا .. قالت لأ؟ :)))))

[amirz]

والله شكل كل العربيات الجديدة متنفعش فى مصر..احنا محتاجين لادا نيفا :)

[الغزالى]

من سنه او اقل كتبت فرابطه الانسجنيا على الفيس على مشكله الماتور والبوجيهات ... وكانت كتابتى مجرد استفسار من ملاك العربيه لو فيه حد عنده ظهر مشاكل او عيوب فالنطقه دي او سمع عنها حتي

ولكن لقيت افراد الرابطه واللى ردوا عليا اشخاص من صورهم وبروفايلهم شكلهم اشخاص محترمين وفمراكز واشغال محترمه ( يعنى من المفترض ناس فاهمين ودارسيين ويقدروا يستعبوا الكلام كويس جدا ويدورا عليه ويوصلوا للصح من الغلط

ولكن لقيت الموضوع اتقلب تريقه واستهجان واني ببوظ سمعه العربيه
ومش معايا انا بس لا ده كمان واحد صاحبى حاول يعترض على كلام غلط مره اترد من الجروب ( وانا كنت سبقته طبعا :d )


فشكرا لصاحب الموضوع انه كتب كل التفاصيل دي وهوا صاحب عربيه انسيجنيا ... وقالها بحق ربنا

وأتمني ان الناس اللى فالرابطه بتاعه الفيس بوك تيجي تقرا الموضوع ده وغيره وغيره .. علشان يعرفوا بس ان الواحد لما بيساعد حد او بيحاول يوضحله معلومه بتكون لمصحلته من مكسب لنفسه

[ashourashour]

من سنه او اقل كتبت فرابطه الانسجنيا على الفيس على مشكله الماتور والبوجيهات ... وكانت كتابتى مجرد استفسار من ملاك العربيه لو فيه حد عنده ظهر مشاكل او عيوب فالنطقه دي او سمع عنها حتي

ولكن لقيت افراد الرابطه واللى ردوا عليا اشخاص من صورهم وبروفايلهم شكلهم اشخاص محترمين وفمراكز واشغال محترمه ( يعنى من المفترض ناس فاهمين ودارسيين ويقدروا يستعبوا الكلام كويس جدا ويدورا عليه ويوصلوا للصح من الغلط

ولكن لقيت الموضوع اتقلب تريقه واستهجان واني ببوظ سمعه العربيه
ومش معايا انا بس لا ده كمان واحد صاحبى حاول يعترض على كلام غلط مره اترد من الجروب ( وانا كنت سبقته طبعا :d )


فشكرا لصاحب الموضوع انه كتب كل التفاصيل دي وهوا صاحب عربيه انسيجنيا ... وقالها بحق ربنا

وأتمني ان الناس اللى فالرابطه بتاعه الفيس بوك تيجي تقرا الموضوع ده وغيره وغيره .. علشان يعرفوا بس ان الواحد لما بيساعد حد او بيحاول يوضحله معلومه بتكون لمصحلته من مكسب لنفسه

في جروبين

واحد بتاع الانسيجنيا و دا جروب عنصري جدا زي العنصريه فالكوره كدا لاقيتهم فيوم بيقولو هنطرد الناس اللي معهاسش انسيجنيا احترمت نفسي و سيب الجروب قبل ماطرد

في جروب تاني بتاع استرا اتش وفكترا سي ... هرايين هري و فتايين فتي .. فوق الفظيع .. اتحرق دمي و سيبت الجروب

[الغزالى]

:c_laugh[1]:


في جروبين

واحد بتاع الانسيجنيا و دا جروب عنصري جدا زي العنصريه فالكوره كدا لاقيتهم فيوم بيقولو هنطرد الناس اللي معهاسش انسيجنيا احترمت نفسي و سيب الجروب قبل ماطرد

في جروب تاني بتاع استرا اتش وفكترا سي ... هرايين هري و فتايين فتي .. فوق الفظيع .. اتحرق دمي و سيبت الجروب

هوا الجروب بتاع رابطه الاسترا والانسجنيا