الانسجنيا بعد استخدام ٦ أشهر و ١٦٠٠٠ كم

[mohamedhfz]

يا جماعه انا عايش في الخلبج بقالي 11 سنه و مفتكرش اني شفت 3 عربيات اوبل علي بعض هنا من ساعه ما جيت
و اعتقد انه دليل كافي بعدم الجوده لانهامش هتقدر تنافس مع العربيات اللي هنا

[Abdo Taha]

للاسف اغلب العربيات التربو اللى فى مصر ومنها المرسيدس c كلاس مفيهاش انتركولر
حضرتك ممكن تشوف ده بكل وضوح
حتمشى ورا خط سحب الهوا من اول فلتر الهوا ومنه الى التربو ومنه مباشره على المانفولد
الانتركولر ده حاجه زي سربنتينه التبريد وفى اغلب العربيات الصالون بيكون خلف الشبكة الاماميه
عشان كده سهل جدا تشوف خط الهوا رايح الاول ناحيته وبعدين يرجع على المانيفولد
الانسيجنيا اللي فى مصر مفيهاش

تحياتي

عموما الانسجنيا فيها intercooler بالفعل

و ادي صورة لموتورها ال 1.6 SIDI

[Abdo Taha]

يا جماعه انا عايش في الخلبج بقالي 11 سنه و مفتكرش اني شفت 3 عربيات اوبل علي بعض هنا من ساعه ما جيت
و اعتقد انه دليل كافي بعدم الجوده لانهامش هتقدر تنافس مع العربيات اللي هنا

عشان ملهاش وكيل في السعودية

لكن هتلاقي في الامارات و البحرين لأن ليها وكلاء هناك فعلاً

[zarkoor]

عموما الانسجنيا فيها intercooler بالفعل

و ادي صورة لموتورها ال 1.6 sidi

الصورة اللي حضرتك حاططها بتاعة ال pro a16sht

حسب علمي اللى بيتزل مصر النسخة ال eco اللي هيه a16xht
ودي مفيهاش انتركوولير وممكن تقارنها بصورة على الطبيعة

عموما انا بس حبيت اشارككم النقاش ومش قصدي الجدال
تحياتي

[Abdo Taha]

الصورة اللي حضرتك حاططها بتاعة ال pro a16sht

حسب علمي اللى بيتزل مصر النسخة ال eco اللي هيه a16xht
ودي مفيهاش انتركوولير وممكن تقارنها بصورة على الطبيعة

عموما انا بس حبيت اشارككم النقاش ومش قصدي الجدال
تحياتي

عادي يا باشا لا جدال و لا حاجة ادينا بنتعلم من بعض و اهلا بيك

بس في الغالب في intercooler لأني شفت عربية عاملة حادثة و كان صاحبها عارض القطع اللي عايزة تتغير بس العربية خدوها على انها total loss فراجعت ال list بتاعتها و على ما اتذكر كان من ضمنها ال intercooler بالفعل

[zarkoor]

عادي يا باشا لا جدال و لا حاجة ادينا بنتعلم من بعض و اهلا بيك

بس في الغالب في intercooler لأني شفت عربية عاملة حادثة و كان صاحبها عارض القطع اللي عايزة تتغير بس العربية خدوها على انها total loss فراجعت ال list بتاعتها و على ما اتذكر كان من ضمنها ال intercooler بالفعل

كلام حضرتك هوه اللى صح
انا سالت وفعلا النسخة اللى بتنزل مصر فيها انتيركولير
اعتذر عن ذكر معلومة خطا
تقبل احترامي

[ahabhady]

أولا أسجل احترامي لكل الاعضاء على أسلوبهم الراقي في الحوار
ثانياً بالنسبة للبنزين في كتالوج السيارة صفحة 272 يذكر أن نوع البنزين المستخدم هو 98/95 هو مفضل recommended ثم يذكر بنزين 91 بأنه مسموح به possible

[mfgebril]

هل اصرف نظر عن هذه السيارة ؟ انا اتفرجت عليها فى معرض منصور بسور نادى الزمالك .. بصراحه تحفه وكمان مسئول المبيعات اكد لى ان المشاكل كلها اتبلغت لألمانيا وتلافوها فى موديل 2015
ارجو افادتى لأنى محتاج اشترى سيارة فورا ومحتار اشترى ايه

[hossam_elwani]

هل فعلا الموتور اتغير تماما من ايكو 170 حصان لسبورت 200 حصان فى داخر دفعه 2015 ؟

[Mr_revenger]

هل فعلا الموتور اتغير تماما من ايكو 170 حصان لسبورت 200 حصان فى داخر دفعه 2015 ؟

كلام مش مظبوط يا فندم،،موتور الانسيجنيا فى ٢٠١٥ هو sidi 170 hp

[unl0veable]

تسلم ايدك عالتقرير

[Elawany13]

ياساتر يارب
هوه مفيش عربيه عدله فى مصر

[akmm]

مازلت مندهش ................بعد كده نعمل ايه ؟

[Colin Chapman]

الإخوة الأفاضل الموضوع ده هو تجربتي الشخصية مع الانسجنيا أرجو ان يفيد وان تفيدني ردودكم.

العربية معي من آخر يونيو ٢٠١٤، انا بدأت ببنزين ٩٥ لمدة شهر و نصف و بعد كده اصبح صعب لسفري لأماكن ليس بها ٩٥. اداء السياره كان خرافي سلاسة و سحب رائع.

نقلت ل٩٢ بعد حوالي شهر و نصف وبدأ الأداء يسوء الي ان غيرت الي ٩٥ تاني من حوالي شهر بعد قراءة موضوع للاستاذ منسق أوبل عن أثر ٩٢ السييء علي الموتور. الأداء تحسن فعلا لكن الغريب اني باقرأ لملاك آخرين انهم بيستخدموا ٩٢ و ممكن مرة في الشهر ٩٥ وسعيدين جداً باداء السيارة. انا اصبح عادي عندي انقل للمانيوال علشان أعدي سيارة او أسرع قليلاً.

من او يوم وانا لاحظت ضعف التكييف و كتبت هنا و في كل صيانة كنت اشكو منه. مع صيانة ال١٥٠٠٠ بنفس المركز قيل لي ان "خرطوم التكييف به ثقب و محتاج تغيير ، ولأنه غير موجود ذهبت الأسبوع التالي وتم التغيير، ما زلت اشكو من ضعف التكييف :) وقالوا ان التبريد يكون جيد لما تضبط الحرارة اقل من ٢٠ ....بعد ثاني و ثالث يوم كنت حاسس بتبريد ولان الجو برد أصلا بطلت اجربه. امس هواء المروحة أبرد منه لابد من رحلة تانية مع التوكيل. الغريب ان احيانا يدخل هواء ساخن من المروحة مع إغلاقي للهواء من الخارج!!! افتح و أقفل تاني يظل هكذا لدقائق و يرجع يدخل هواء ساخن آخرين عندهم نفس الملحوظة.

الفرامل ... بدأت اسمع صفارة من قبل ال ١٠٠٠٠ كلم و عند صيانة ال ١٠٠٠٠ طلبت الكشف عن سبب الصرير مع الفرامل ... نظفوا التيل و ...... و بدأت الاحظ هزة مع الفرامل. عند صيانة إل١٥٠٠٠كلم و بعد تكرار الشكوي النتيجة ان التيل "بلط" والدِيسْك او الطوابير الأمامية "اتلسعت" بحسب مصطلحات المهندس. لابد من تغييرهم تماماً لكن الضمان رد ان الطنابير خارج الضمان و تكرر الرد نفسة عند مركز منصور للصيانة إللي بآخر ميدان الرماية. الي عرفته ان دي مشكلة متكررة مع عربيّات كتير و بدون خوض في تفاصيل كثيرة ساءني ان مهندسي منصور كانوا بيتكلموا و كلن دي مشكلة استخدام و ان الطنابير او الديسكات خارج الضمان. ده بالنسبة لي عيب خطير و تصرف غير مسؤل غير ان المهندس قال لي ان العادي اننا نغير التيل عند ١٥٠٠٠ كلم. مع ان التيل تقريبا جديد و غير متآكل.

في صوت واضح لزنة وكأن في موتور صغير بيزن مثل دينامو لعبة مثلا يدور، وده ملحوظ حتي ٢٠٠٠ (ر ب م) قابلت شخص في التوكيل بنفس الشكوي.

احيانا عند التدوير صباحاً أسمع تخبيط داخل السيارة و كأن في حاجات مرتبكة و بتخبط ... ولان وصف ده صعب ما علقتش و امس وجدت بعض المالكين بِيَتَندروا علي ده و يقولوا "قطة الانسجنيا المحبوسة" طبعا في حاجة غلط.

احد الملاك من يومين شكي من ان العربية ما دارتش معاه، أخذها التوكيل علي ونش و قالوا له انها محتاجة تغيير موتور و طه مُغطي بالضمان - حسب ما فهمت- لكن رفضوا اعطاءه اي تقرير بهذا الشأن وهو مستاء جداً طبعاً.
طبعاً هناك بعض الايجابيات و هي الاوبشن الكثيرة بالسيارة لكن من وجهة نظري كمستخدم ان ده ممكن يكون سبب معظم مشاكلها لانها مصممة لاوروبا و جوها اكتر من عندنا. لو عندي الاختيار تاني اكيد حافر في حاجة غيرها.

أرجو ان يكون الملخص أعلاه مفيد للبعض و دي تجربتي انا و ممكن جداً يكون غيري لهم وجهة نظر اخري ولهم كامل الاحترام.

بداية تلف رولمان بلى التيربو وفشل التيربو عموما !!
في صوت واضح لزنة وكأن في موتور صغير بيزن مثل دينامو لعبة مثلا يدور، وده ملحوظ حتي ٢٠٠٠ (ر ب م)