اول تجربة شد.... شكرا بيجو

[yyy]

الموتور دا جامد ماشاء الله عليه
جربتو في 3008 سحبو جامد جدااا

[kaza]

معلش هو حضرتك اخر مرة اتعاملت مع توكيل بيجو كانت امتى ؟؟
يا ريت حضرتك تشوف الوكيل الجديد (معدش وجيه اباظة خلاص) عامل إيه و بعدين تحكم, بلاش ال stereotyping ده و الكلام المحفوظ زي دي قطع غيارها كذا ولا دي مش عارف توكيلها ماله ...

الكلام اللي حضرتك بتقول محفوظ وبيجيب احباط دة عن حقيقة التعامل مع وجية اباظة ورضا عشماوي تاجر ووكيل قطع غيار واللي للاسف بيدوا قطع الغيار الصيني للزبون اللي زي حضرتك علي انها بندكس وسيفا فرنساوي وباسعار وارباح بعيدة عن احلامك وللاسف انا اشتغلت عند الناس دي لفترة من عمري وشفت اساليب الغش والتحايل عي الزباين وللاسف والحمد لله عدم وجود رقابة مخلي الناس دي بتبرطع في الفساد ..ياراجل دة مرة من المرات كان فية رسالة لمقصات امامي بيجو 307 بسعر 1.75 دولار للقطعة وجاية من الصين وتم تعبئتها في اكياس سيفا وختمت بالعلامة التجارية علي انها اصلي ونزلت السوق بسعر 400 جنية المقص وبعد نزع البيضة منهم كمان
واضيف لسيادتك لو تعمل مقارنة صغيرة بين اسعار ال508 والسي سي الالماني لفولكس فاجن وشوف المقارنة لصالح مين وياريت لو نظرة لاسعار اعادة البيع للسيارة نفسها ومش هاديك مثل لكن لو اخدت من وقتك 5دقايق للنظر في اسعار السيارات الاوروبي وليكن مثلا في انجلترا او اي دولة اوروبية وشوف معامل الاهلاك والخسارة في السعر لاي عربية اوروبي والسيارات الفرنسية عموما وبعدين قارن
سيدي الفاضل الكلام دة مش فتي ولا افتكاسة مني لاني للاسف بقالي في سوق السيارات واشتغلت مهندس صيانة لدي العديد من توكيلات السيارات في مصر وايضا كان لي شرف الاحتكك بالعديد علي مدي 26 سنة من عمري وللاسف السيارات الفرنسية بيبقي فية تخوف من امتلاكها لدي العديد من المستخدمين في الخارج نظرا للتقنية التي بتحاول مجموعة بي اس ايه ابتكارها وبتحاول الانفراد بها دوما مثل الوضعيات الغريبة للمحركات وسيرفو الفرامل واستخدام التورشن بيم بديلا عن التعليق العادي بالسوست التقليدية وطبعا تفرد سيتروين في التعليق البينيوماتيك والعديد من الافكار التي تتبناها المجموعة والتي تختلف عن منتجي السيارات بانحاء العالم




بمناسبة بس الجملة دي, موتور البيجو ده عاملينه بيجو و bmw مع بعض و اخد engine of the year في فئة ال 1.4-1.8 للسنة الخامسة على التوالي ف مش موتور سهل بالمرة [/quote]

عادي ياسيدي موضوع الاشتراك في تكنولوجيا المواتير بين الشركات بدليل استخدام بي ام لموتور من انتاج كرايسلرالامريكية في السيارة الميني الانجليزية
ولو رجعنا ورا شوية العربية اللادا السمارا معمولة بالتعاون مع شركة بورش الالمانية هل دة معناه انها كويسة وموتور سهل او مش سهل مش القصة لاني لما اتكلمت في الاول اتكلمت علي مقارنة بين سيارتين مختلفتين تماما وان المقارنة ظالمة بين الاثنين ..ياراجل دة حتي توب جير او اوتو كار ودي مجلات عريقة في مجال السيارات لما بيقارنوا بيقارنوا بين عربيات متقاربة في الخصائص والفئة السعرية مش بالطريقة دي
وبعدين سعادتك بتقول ان محرك بيجو الجبار دة واخد انجن اوف ذي يير طيب ادي ياسيدي النتائج وموش للبريفورمانس انجن للجرين انجين واللي ذكرتالفئة منه بالاساس ومن موقع انترناشيونال انجين اوف ذي يير اهيه
(engine)
(points)
1. gm 1.4-litre range extender
(chevrolet volt, opel ampera)
197
2. ford 999cc three-cylinder turbo
(ford focus )
159
3. nissan electric powertrain
(nissan leaf)
145
4. toyota 1.8-litre gasoline-hybrid
(toyota prius, auris hybrid, lexus ct 200h)
133
5. fiat 875cc two-cylinder turbo
(fiat 500, 500c, panda, lancia/chrysler ypsilon, alfa romeo mito)
128
6. psa peugeot citroën 2-litre diesel-hybrid
(peugeot 3008, 508 rhx, citroën ds5 hdi-hybrid)
105
واظن النتايج واضحة ومافيهاش فتي ولا مبالغة ولا اي تشوية مني [/quote]


و ربنا يبارك لصاحب الموضوع في بيجوهايته و إن شاء الله دايما رافعة راسك على الطريق[/quote]
اللهم امين وواله انا بادعيله ياسيدي بس الاعتراف بالحق فضيلة

[Ahmed.Fahmy]

لا طالما الموضوع كدا كمل مين قال ان محركات التوربو بتوفر وقود في اللي ذكرتة كمثال بل بالعكس هات نفس المحرك بنفس السعة وشوف استهلاكة بالتوربة وبدون هيكون ازاي وقارن ذ

[gdwl]انا كان معايا اوكتافيا A4 1.6L وكانت بتعمل 10-12 لتر/100 كم فى الزحمة ودى نفس سعة الموتور بتستهلك 8-10 لتر/100 كم وانا مجرب بنفسى[/gdwl]

وموضوع المحركات التي اس اي دى تكنولوجيا جديدة بتعمل علي تجهية السارة باقل مساحة ممكن يشغلها محرك احتراق داخلي ودي موضة شوية وهتروح زي موضوع الموبايل ابو 2 كاميرا اول ما نزل

[gdwl]الTSI تكنولوجيا؟؟ طيب THP بقى هه.... دا تكنولوجيا اتستخدام محركات صغيرة لتوليد نفس الطاقة او اعلى[/gdwl]

[gdwl]اعتقد هما عاملين موضوع ال 1.4L اما للدول اللى فيها جمارك كتير التوكيل بيقلل فى الجمارك عشان يحافظ على تمن العربية او الدول اللى فيها البنزين غالى جدا والا ماكانوش نزلوا مواتير 1.8 و 2.0 واعلى وكلهم تيربو بردو "هتلاقيهم على Wikipedia"[/gdwl]

لكن تعالي للاعتمادية وتكاليف الصيانة للمحركات دي هنا نتكلم تكاليف الريكونشن للتوربين كام والوحدة الجديدة بكام وبتتغير كل ادي اية

[gdwl]انا على فكرة كنت كاتب عن الاداء مش الصيانات، هو ايه علاقة الكلام دا بالموضوع عموما التوربينة لمعلوماتك انت بس بتتغير عند 100-150 الف كم حسب حالتها اللى هتتاثر بطريقة القيادة بس مش موضوعنا... ايه اللى جاب القلعة جنب البحر[/gdwl]

وبعدين موضوع المحركات المشحونة قتل بحثا هنا في المنتدي وسعادتك لو كلفت خاطرك وبصيت هتلاقي معلومات مفيدة للاخوة الاعضاء بالخصوص دة وبرضة نظرة سريعة علي النت مش هتضر خلاصتها ان محركات التوربو كويسة وبتدي طاقة عالية بس علي دورات عالية وبتزيد في المحركات المتعددة الصبابات عنها في الصبابات الاحادية بس في النهاية العزم والهورسباور اعلي ومشاكلها انها بتحتاج عناية فائقة بدورة الزيت وضرورة التبريد قبل ايقاف المحرك وفي الموضوع دة مشابة للديزل وبرضة حضرتك هتلاقي اهتمام بالغ من قبل الصانعين بمحركات الديزل ذوات الحقن الاليكتروني وابحاث اكتر عليها بالمقارنة بالمحركات التي اس اي كذلك الابحاث في المحركات الكبيرة في انظمة الحقن وكيفيتة مباشر داخل غرف الاحتراق والتغلب علي نسب الانضغاط العالية بتغيير سعة غرف الاحتراق دونا عن الشحن بالتوربين ..سيدي المحترم عالم صناعة السيارات في تطور مستمر ويخدمة سياسات البيع ورغبات العميل وبالتالي الموضات المختلفة سواء في التصاميم او تقنية المحركات لا تتوقف فية الاستثمارات لبيع اكثر وارباح اعلي

[gdwl]ديزل ايه وزيت قبل ايقاف المحرك ايه ومتعددة صبابات ايه بس، لا اله الا الله صلى على النبى كدا

هو فعلا الموضوع دا قتل بحثا كلف خاطرك انت واقراها تانى عشان تعرف ان اللى بتقولةه غلط... صحيح هتلاقى لى مواضيع انا عاملها او متكلم جواها كتير بتعلم بردو لو بتتابع وتقرا اسم صاحب المشاركة بردو هتبقى عارف وعموما استثمارات البيع والابحاث مالهاش علاقة بالموضوع.... ايه علاقة الابحاث بالدائرى[/gdwl]

وبالتالي احنا هنا في المنتدي مش ديوك بتتعارك

[gdwl]انا يا باشا مش بتعارك مع حد وكل واحدحر انه يقول رأيه[/gdwl]

ومافيهاش تنطيط واللي بكلمك علىةمواصفات قياسية مافيهاش لعب اومجال للفتي وبالتالي انا باتكلم من هذه الجهه ومع كامل احترامي لقدرات حضرتك في القيادة وفحولتك في سحق البي ام تبقي البي ام بي ام

[gdwl]للمرة التالتة ايه علاقة المواصفات القياسية باللى حصل........ انا الحمد لله عندى من الفحولة لسحق اى حد وهدعيلك تبقى زيى[/gdwl]

والبيجو بيجو ولا اخفيك ان هنا في المنتدي بعض الاخوة وبفيات اونو توربو قادرين علي اللعب باعصابك في مواضيع الشد والجري دي

[gdwl]اونو تيربو؟؟ قشطة قشطة ماهم ممكن يلعبوا فى اعصابك بردو الحاجات دى مالهاش كبير وانا عارف كده
[/gdwl]
اكرر سيدي احنا مش بنطنطط علي بعض وياريت نتبني ونحافظ علي لغة الحوار واحترام الاخر وبلاش التهديد والوعيد في الاخر احنا كلنا مصريين ومحدش فينا صنع العربية دي او دي انما احنا مستهلكين جيدين وبنتكبر علي بعض ليس الا ..تحياتي لشخصك الكريم

[gdwl]سيدى انا لم اقل ان العربية دى معمولة على يد ابن خالتى ولا عمرى فكرت اشترى بيجو ابدا لحبى الشديد للالمانى وانا مش بتنطط، تعريف التنطيط هو انى اقوللك انت كذا وانا كذا مش احكيلك انى عملت حاجة انت مالكش علاقة بيها....... ويا ريت توجه لنفسك نفس النصيحة بتاعة لغة الحوار والحاجات دى، اقرا ردك الاول على الملئ بالاستخفاف بكلامى وكلام الناس، عموما انا مش بهزر معاك.. انا ما اعرفكش اساسا[/gdwl]

[kaza]

ال thp engines دا إنتاج مشترك بين بيجو وبى ام ومسمينة prince engine وعلى فكرة بيجو مساهمة فى تقنياته أكتر من بى ام

thp engines ليها أربعة مستويات للقوة :

140 حصان فى ال 308 الموديل القديم الأتوماتيك 4 نقلات (detuned for the trans.)
156 حصان (بيجو 308 6 نقلات مانيوال - و 3008 و 508 و ستروين c4و ds4, ds3 and c5 -فتيس أتوماتيك 6 نقلات - gt 207 فتيس مانيوال 5 أو 6 نقلات ).
175 حصان ( بيجو 207 rc - و بيجو 308 ومينى كوبر s ).

المواتير ديه كلها vti على ال intake cam فقط

موتور 200 - 210 حصان ( بيجو rcz - بيجو 308 gti - مينى كوبر jcw - سيتروينracing ds3)

الموتور ده فقط هو الـdouble-vanos يعنى vti على both intake and exhaust cams

bmw خدت نفس فكرة الموتور وبرده الـdouble-vanos وطورته عشان يناسب الجر الخلفى وأصبح من 136-170) حصان والموتور ده فعلاً detuned وممكن مع ال remap يعدى ال200 حصان مستريح

كل المواتير ديه فى تكنولوجيا الـtwin-scroll وبى ام مسمياه twin power (افتكاسه يعنى) وده مش معناه إنها twin turbo زى ما بعض الإخوه كاتبين هنا مافيش حاجة اسمها موتور 2000 سى سى توين تربو .
الفكرة إن ال turbo inlet بيبقى متقسم جزئين (فتحتين) وكذلك ال turbo manifold متقسم جزئين (تجميع 2 سلندر فى كل جزء (فتحة) عشان يدى fast spooling مع أى كمية exhaust

على فكرة بردوا الaudi tt مش توين تربو (موتور tfsi 2000 cc turbo) وقدرته من 200 لحد 272 حصان

كلام سليم 100 %الله ينور بس بعد اذنك اضيف حتة صغيرة ان تقنية الفي اي تي والفانوس موجودة عند بي ام قبل بيجو بفترة وبي ام قلدت تقنية هوندا اللي بتعتبر الاب الشرعي للتقنية دي ومسجل براءة الاختراع باسمها علما بان اول من اخترعها الفاروميو الايطالية في اوائل الستينات
بس مشاركة جيدة واشكرك علي المعلومات

[mada_diab]

ممكن اللى خدمك حاجتين الوزن رقم واحد ورقم اتنين الايرو ديناميك لان البيجو بتخترق الهوا سهل عشان تصميمها بس البي ام لو كنت كملت معاة وربنا كنت اتعقدت عشان الخلفى خد من احلى اكسلريشن بعد ال 150 وانا راكب بي ام وعارف ال 320 فى الموديل بتاعى بتبقي 150 حصان بس موديل 1997 وكمان موتور 6 سلندر مش 4 زى ال90 بس انا شديت مع 90 كذا مرة بفرق عنو تحت ال 100 بشب عنو الرفرف بس وبعيد بنبقي جمب بعض لغاية 200

[mada_diab]

كلام سليم 100 %الله ينور بس بعد اذنك اضيف حتة صغيرة ان تقنية الفي اي تي والفانوس موجودة عند بي ام قبل بيجو بفترة وبي ام قلدت تقنية هوندا اللي بتعتبر الاب الشرعي للتقنية دي ومسجل براءة الاختراع باسمها علما بان اول من اخترعها الفاروميو الايطالية في اوائل الستينات
بس مشاركة جيدة واشكرك علي المعلومات

الفانوس والدبل فانوس تقريبا من سنة 88 فى بي ام وهو هو نفس تقريبا الفى تيك بتاع الهوندا عشان يدى تسارع اكتر وويوفر بنزين مش عارف بقي قصة الفاروميو دى صراحة

[kaza]

[gdwl]انا كان معايا اوكتافيا A4 1.6L وكانت بتعمل 10-12 لتر/100 كم فى الزحمة ودى نفس سعة الموتور بتستهلك 8-10 لتر/100 كم وانا مجرب بنفسى[/gdwl]
يااستاذ احمد انا اتكلمت علي نفس المحرك المجهز بالسيارة شيل منه التيربو وشوف استهلاكة اية التربو وبدون مش موتور تاني مختلف في التصميم لشركة اخري


[gdwl]الTSI تكنولوجيا؟؟ طيب THP بقى هه.... دا تكنولوجيا اتستخدام محركات صغيرة لتوليد نفس الطاقة او اعلى[/gdwl]
ياه انت ماصدقت مسكت في كلمة ماشي ياسيدي تقنية وهي فعلا توليد طاقة عالية من محركات صغيرة

[gdwl]اعتقد هما عاملين موضوع ال 1.4L اما للدول اللى فيها جمارك كتير التوكيل بيقلل فى الجمارك عشان يحافظ على تمن العربية او الدول اللى فيها البنزين غالى جدا والا ماكانوش نزلوا مواتير 1.8 و 2.0 واعلى وكلهم تيربو بردو "هتلاقيهم على Wikipedia"[/gdwl]
دة اعتقاد سعادتك بس الاساس في عمل المواتير دي الحجم المدمج لتوفير مساحة ووزن لامكان تحميل السيارة بمحرك كهربي بملحقاتة بالاضافة للحجم المدمج الاستهلاك المتدني للوقود وعلشان كدة بيتم تصنيف المحركات دي علي انها صديقة للبيئة او جرين انجين
بس دي حاجة ومحرك ال2000 حاجة تانية وتصنيف تاني مينفعش اقارن بينهم

[gdwl]انا على فكرة كنت كاتب عن الاداء مش الصيانات، هو ايه علاقة الكلام دا بالموضوع عموما التوربينة لمعلوماتك انت بس بتتغير عند 100-150 الف كم حسب حالتها اللى هتتاثر بطريقة القيادة بس مش موضوعنا... ايه اللى جاب القلعة جنب البحر[/gdwl]
قلعة اية وبحر ايةياسيدي انا باتكلم عن الهندسة الميكانيكية للمحركات وياسيدي شكرا علي المعلومة الجامدة دي وفعلا التيربو بيتعمر كل 100 الف كم بس بيتعمر بكام والتيربو الجديد بكام وموتورك زي ماهو وعمل 100 الف كم ووالموتور الكامل البي ام بكام ونقارن

[gdwl]
ديزل ايه وزيت قبل ايقاف المحرك ايه ومتعددة صبابات ايه بس، لا اله الا الله صلى على النبى كدا

هو فعلا الموضوع دا قتل بحثا كلف خاطرك انت واقراها تانى عشان تعرف ان اللى بتقولةه غلط... صحيح هتلاقى لى مواضيع انا عاملها او متكلم جواها كتير بتعلم بردو لو بتتابع وتقرا اسم صاحب المشاركة بردو هتبقى عارف وعموما استثمارات البيع والابحاث مالهاش علاقة بالموضوع.... ايه علاقة الابحاث بالدائرى
[/gdwl]



اللهم ماصلي علي النبي وايوة ياسيدي المحركات المشحونة ما بتتوقفش عن الدوران مباشرة بعد الجري بالعربية لان التوربين بتكون حرارتة مرتفعة جدا والايقاف المفاجئ ليها في الحالة دي بيعمل علي تفحم الزيت الموحود لتزييت المحامل والاكس وبالتالي التلف المبكر للشاحن والكلام دي اي حد راكب كلرته توربو هيقولة لسعادتك وفي الحالة دي مشابة لاستخدام الديزل اللي بيتساب يبرد بعد مشوار لعدم تلف التوربو او اساتك البساتم
وبالمناسبة الكلام دة قالوهولنا واحنا في الكلية من 28 سنة واكتشفت بعد كدة انة عام في توكيلات السيارات هنا وفي ايطاليا
ياريت سعادتك تنورنا انا غلطت في اية
وبعدين انت بتتكلم علي اية اساسا انك قابلت بي ام في الدايري وشديت معاة وانك 100 100 ونظام اوعي الوحش وكدة وانا حبيت اصحح المعلومة علميا نتيجة دراستي وخبرة مجال عملي اللي باكل منه عيش

انا يا باشا مش بتعارك مع حد وكل واحدحر انه يقول رأيه
والله انا مش باتعارك معاك لكن الواحد قابل في المنتدي العديد من الاخوة اللي بتاخدهم الجلالة وبتسرح معاه العملية وللاسف باضطر اتدخل للحفاظ علي مصداقية المعلومة ليس الا

[gdwl]للمرة التالتة ايه علاقة المواصفات القياسية باللى حصل........ انا الحمد لله عندى من الفحولة لسحق اى حد وهدعيلك تبقى زيى[/gdwl]
طيب ياسيدي دعواتك لينا وياريت تاخدنا تحت باطك وهاجيب البخور معايا
اعتقد هما عاملين موضوع ال 1.4L اما للدول اللى فيها جمارك كتير التوكيل بيقلل فى الجمارك عشان يحافظ على تمن العربية او الدول اللى فيها البنزين غالى جدا والا ماكانوش نزلوا مواتير 1.8 و 2.0 واعلى وكلهم تيربو بردو "هتلاقيهم على Wikipedia"
اعتقد هما عاملين موضوع ال 1.4L اما للدول اللى فيها جمارك كتير التوكيل بيقلل فى الجمارك عشان يحافظ على تمن العربية او الدول اللى فيها البنزين غالى جدا والا ماكانوش نزلوا مواتير 1.8 و 2.0 واعلى وكلهم تيربو بردو "هتلاقيهم على Wikipedia"

[gdwl]اونو تيربو؟؟ قشطة قشطة ماهم ممكن يلعبوا فى اعصابك بردو الحاجات دى مالهاش كبير وانا عارف كده[/gdwl]
كلام سليم 100 *100 احييك علية

[gdwl]سيدى انا لم اقل ان العربية دى معمولة على يد ابن خالتى ولا عمرى فكرت اشترى بيجو ابدا لحبى الشديد للالمانى وانا مش بتنطط، تعريف التنطيط هو انى اقوللك انت كذا وانا كذا مش احكيلك انى عملت حاجة انت مالكش علاقة بيها....... ويا ريت توجه لنفسك نفس النصيحة بتاعة لغة الحوار والحاجات دى، اقرا ردك الاول على الملئ بالاستخفاف بكلامى وكلام الناس، عموما انا مش بهزر معاك.. انا ما اعرفكش اساسا[/gdwl]
والله انا مااستخفيت بكلامك لكن المقارنة ضحكتني فعلا وبعدين شوف ردك ازاي وبعد كدة اضطريت ارد وياسيدي مافيش خصومة ولا حاجة وياسيدي انا مش عايزك تهزر معايا ولا انا اعرفك برضة ويشرفني انتمائي للمنتدي والاخوة هنا

[kaza]

الفانوس والدبل فانوس تقريبا من سنة 88 فى بي ام وهو هو نفس تقريبا الفى تيك بتاع الهوندا عشان يدى تسارع اكتر وويوفر بنزين مش عارف بقي قصة الفاروميو دى صراحة

اشكرك علي ردك الكريم والتقنية الاصلية لالفا وممكن تدخل علي وكيبيديا وهتلاقي هناك معلومة كاملة..يحياتي وصباحك زي الفل

[mada_diab]

اشكرك علي ردك الكريم والتقنية الاصلية لالفا وممكن تدخل علي وكيبيديا وهتلاقي هناك معلومة كاملة..يحياتي وصباحك زي الفل

صباحك مشرق ان شاء الله

[Unendlich]

واظن النتايج واضحة ومافيهاش فتي ولا مبالغة ولا اي تشوية مني

[/QUOTE]
فعلا واضحة, و على فكرة للمرة السادسة مش الخامسة كمان

ممكن اللى خدمك حاجتين الوزن رقم واحد ورقم اتنين الايرو ديناميك لان البيجو بتخترق الهوا سهل عشان تصميمها ب0

معلش هي إييييييييييييه الجملة اللي ملهاش أي 30 لازمة دي
وزن إيه و بتاع إيه !!! محسسني إن البيجو دي وزنها زي الفيرنا
البيجو بتخترق الهوا أسهل ؟! على أساس إن BMW دول سنة أولي تصميم لسة !!!
الكلام ده مش بيتحكم عليه من نظرتك الثاقبة الفاحصة لشكل فانوس و كبوت العربية, في حاجة اسمها drag coefficient هو اللي يحكم. كفاية فهلوة بقى.

[TFSI]

أنا مش عارف إنتوا بتتناقشوا وبتتخانقوا فى ايه!!!!!!!!!!!!!1
الخلاصة هل موتور البيجو فى 508 قوى وممتع الإجابة أيوه
هل البيجو 508 تطلع من بى ام 320 أيوه تطلع
هل البيجو 508 تطلع من أى موتور 2000 سى ىسى أيوه تطلع
هل البيجو 508 جودتها تضاهى بى ام 320 أيوه وتتفوق عليها كمان واللى يقاوح ينزل يشوفها

الكلام ده من خبرة 4 سنين فى الموتور thp فى عربيتى

هل موتور التربو أمتع فى السواقة طبعاً أمتع واللى ما جربش يقول هجص
هل موتور التربو موفر أكتر فى البنزين ايوه موفر وأى حد ما جربش امتلاك عربية تربو ما يخشش يفتى أنا بأركب عربيات تربو من 12 سنة

[eng.m7md.ali]

ياجماعة استهدو بالله
احنا نعمل قاعدة عرب ونبعت نجيب العبقري فورمليتور

[Ahmed.Fahmy]

لا حول ولا قوة الا بالله
اعتذر لتوقفى عن الكتابة فى الموضوع
انا غلطان اساسا

[horas3000]

ياجماعة استهدو بالله
احنا نعمل قاعدة عرب ونبعت نجيب العبقري فورمليتور

+111111111111
انا مستني مشاركته

لا حول ولا قوة الا بالله
اعتذر لتوقفى عن الكتابة فى الموضوع
انا غلطان اساسا

ليه بس يا باشا
لا تعتذر و لا حاجه
و كمل الموضوع موضوعك
و متاخدش في بالك
و ربنا يبارك لك في عربيتك

[benmatar]

مفيش مشكلة، ومحدش يزعل، الخلاف محسوم، والمتغاظ يستهدى كده ويروق،
بس لازم يعرف إن البيجو بيجــــــــــــــــو والأسد الفرنسي لا يستهان به