اول تجربة شد.... شكرا بيجو

[Ahmed.Fahmy]

السلام عليكم ورحمة الله وبركاته

الحمد لله يا رجالة، اخيرا حد رضى يشد معايا...

اصل انا كنت نفسى اشد مع حد عشان اشوف العربية ادائها عامل ازاى سحب وجرى وكدا

المهم انا كنت ماشى فى امان الله الفجر كدا على الدائرى لقيت 2009-2012 BMW 320i E90 بيحاول يسخننى المهم خليته سبقنى اد 100 متر كدا وقمت دايس على الS ودايس كيك داون والعربية تتعامل بقى وقولت اشوف هجيبه وللا لا

احنا كنا ماشيين تقريبا 100 بس اللى انا ما توقعتهوش انى قربت منه بسرعة جدا وهو زى ما يكون اتخض لقانى جمبه راح كابس بنزين جامد المهم فضلت اقربله لغاية ما اتساوينا فى اقل من 1/2 كم بدأت اعديه

قولت اشوف الFull throttle اللى الاخ Formulator قاللى عليها دى قمت دايس التكة اللى فى اخر دواسة البنزين لقيت العربية نطت سنة كدا وانطلقت بفرق عربيتين على سرعة حوالى 170

شكرا بيجو......

[ahmad--ezzat]

ابو حميد

بتاع البي ام حمار حصاوي اكيد :)

[hany63]

ابو حميد

بتاع البي ام حمار حصاوي اكيد :)

لا يافندم المواتير التربو تشد مع الفئه الخامسه كمان
عشان العزم العالي على الار بي ام الواطي
انا كنت مكسر الدنيا بالtsi واسمه كان 1400 سي سي

[lanos2004]

ياريت تكتب مواصفات عربيتك البيجو

[S O P H O S]

ما شاء الله
ربنا يباركلك فيها ويستر طريقك ..

[eng.m7md.ali]

عربيات محترمة
اداء
خامات وتقفيل
شكل
راحة
صالون
بس للاسف ملهاش دعوة مصر خالص سواء بيجو او ستروين

[Ahmed.Fahmy]

ابو حميد

بتاع البي ام حمار حصاوي اكيد :)

ممكن بس هو كان شاب ومقطع شوية عربيات تانية وكان بيرمى نفسه تحت تريلا عشان يعدينى وفشل

لا يافندم المواتير التربو تشد مع الفئه الخامسه كمان
عشان العزم العالي على الار بي ام الواطي
انا كنت مكسر الدنيا بالtsi واسمه كان 1400 سي سي

مش كدا بردو...

ياريت تكتب مواصفات عربيتك البيجو

هى 156 حصان 240 نيوتن

ما شاء الله
ربنا يباركلك فيها ويستر طريقك ..

الله يباركلك متشكر جدا

عربيات محترمة
اداء
خامات وتقفيل
شكل
راحة
صالون
بس للاسف ملهاش دعوة مصر خالص سواء بيجو او ستروين

+111

[lanos2004]

156 حصان ونيوتن كتيررررررررررررررررر يا نهار ابيض -ربنا يبارك فيها
دة انا معايا 140 نيوتن بس ابعتلى شويه من فضلك

[kaza]

هههههههههههههه اكيد دي نكتة ..ياسادة موتور ال اي 90 بالذات عزم دورانة مسطح من اول ال1700 لفة وحتي ال6300 لفة وبالتالي اندفاع العربية بكون محترم جدا بالمقارنة بالمحركات الصغيرة الجديدة المشحونة بتوربين وضاغط وبالتالي مافيش وجه للمقارنة اللهم ان سائق البي ام كان مهيس شوية او مالوش مزاج ليس الا وبعدين لو بدعة المواتير المشحونة كويسة كان تم تعميمها من قبل جميع صانعي السيارات ولازم نعرف انه تم اللجوء ليها واعتمادها من بعض الصانعين كمحاولة لتخفيض انبعاثات ثاني اكسيد الكربون والحجم الدمج لتسهيل تجهيز السيارات بالمحركات الكهربية والبطاريات اللازمة لها في السيارات الهجين ومن ثم مافيش حد من الصانعين استغني عن تقنية المحركات ذوات السعات الكبيرة لتجهيز سيارات صالون رياضية او سيارات رودستار او كوبية رياضي

[Ahmed.Fahmy]

هههههههههههههه اكيد دي نكتة ..ياسادة موتور ال اي 90 بالذات عزم دورانة مسطح من اول ال1700 لفة وحتي ال6300 لفة

ال 508 من 1400 لفة الى 6000 و240 نيوتن/متر مش 210

وبالتالي اندفاع العربية بكون محترم جدا بالمقارنة بالمحركات الصغيرة الجديدة المشحونة بتوربين وضاغط وبالتالي مافيش وجه للمقارنة اللهم ان سائق البي ام كان مهيس شوية او مالوش مزاج ليس الا

مافيش واحد بينط من 100 الى 170-180 فجأة لما تيجى عربية جمبه وياخد غرز عشان يتقدم ومالوش مزاج.... امال لو ليه مزاج المفروض يمشى لفوق يعنى؟؟

وبعدين لو بدعة المواتير المشحونة كويسة كان تم تعميمها من قبل جميع صانعي السيارات ولازم نعرف انه تم اللجوء ليها واعتمادها من بعض الصانعين كمحاولة لتخفيض انبعاثات ثاني اكسيد الكربون والحجم الدمج لتسهيل تجهيز السيارات بالمحركات الكهربية والبطاريات اللازمة لها في السيارات الهجين ومن ثم مافيش حد من الصانعين استغني عن تقنية المحركات ذوات السعات الكبيرة لتجهيز سيارات صالون رياضية او سيارات رودستار او كوبية رياضي

الBMW 2013 من اول ال116i وال 118i تيربو 8 سرعات 1.6l 137 حصان و 170 حصان
الاوبل الاسترا الجديدة تيربة و 170 حصان
كل الفولكس والاودى والسيات 1.4 تيربو
كل الشركات الاوروبية بتلجأ لها عشان البنزين عندهم غالى جدا واهم الاعتبارات عندهم توفير الوقود

اكمل ولا كفاية كدا

يعنى بيستغنوا عن السعة اللترية الكبيرة وبيستخدموا البدعة دى اللى هى التيربو عشان التوفير فى الوقود مع عدم فقدان الباور اللزمة للاحساس بالمتعة

اه على فكرة الكوبيه والرودستار والحاجات دى كلها يا تيربو يا توين تيربو زى الاودى TT كدا مثلا توين تيربو

[Mohab.Nabil]

هههههههههههههه اكيد دي نكتة ..ياسادة موتور ال اي 90 بالذات عزم دورانة مسطح من اول ال1700 لفة وحتي ال6300 لفة وبالتالي اندفاع العربية بكون محترم جدا بالمقارنة بالمحركات الصغيرة الجديدة المشحونة بتوربين وضاغط وبالتالي مافيش وجه للمقارنة اللهم ان سائق البي ام كان مهيس شوية او مالوش مزاج ليس الا وبعدين لو بدعة المواتير المشحونة كويسة كان تم تعميمها من قبل جميع صانعي السيارات ولازم نعرف انه تم اللجوء ليها واعتمادها من بعض الصانعين كمحاولة لتخفيض انبعاثات ثاني اكسيد الكربون والحجم الدمج لتسهيل تجهيز السيارات بالمحركات الكهربية والبطاريات اللازمة لها في السيارات الهجين ومن ثم مافيش حد من الصانعين استغني عن تقنية المحركات ذوات السعات الكبيرة لتجهيز سيارات صالون رياضية او سيارات رودستار او كوبية رياضي

الكلام ده غير صحيح اطلاقا مع احترامى لحضرتك

و اللينيا الـ 120 حصان تربو بتتكلم مع الـ 320i عادى و اسمها 120 حصان و 1400 سى سى

يعنى البيجو الـ 156 حصان تتكلم و نص مع الـ 320 و ممكن تسبقها كمان .. على فكرة الـ 320 150 حصان يعنى حتى على الورق و الاحصنة البيجو تكسب طبعا غير عزم التربو الكبير دا فى مصلحة البيجو

و بى ام على فكرة بدأت تستخدم التربو فى معظم عربياتها تقريبا ..

ربنا يبارك لك فى عربيتك يا باشا محترمة اوى و حافظ عليها و متشدش كتير عشان المواتير ديه مغرية و الطرق فى مصر زى الزفت

ربنا يستر طريقك ان شاء الله

[maskeen]

والفئه الخامسه ال 520 موديل 2012 اللى لسه نازله 2000 سى سى فقط وتوين تربو

اللى اشتروا ال 523 و 528 موديل 2011 بيضربوا نفسهم جزم :) ضرايب فلكيه تبدا من 11 الف جنيه وبنزين اكتر من الموديل الجديد

[kaza]

الbmw 2013 من اول ال116i وال 118i تيربو 8 سرعات 1.6l 137 حصان و 170 حصان
الاوبل الاسترا الجديدة تيربة و 170 حصان
كل الفولكس والاودى والسيات 1.4 تيربو
كل الشركات الاوروبية بتلجأ لها عشان البنزين عندهم غالى جدا واهم الاعتبارات عندهم توفير الوقود

اكمل ولا كفاية كدا

يعنى بيستغنوا عن السعة اللترية الكبيرة وبيستخدموا البدعة دى اللى هى التيربو عشان التوفير فى الوقود مع عدم فقدان الباور اللزمة للاحساس بالمتعة

اه على فكرة الكوبيه والرودستار والحاجات دى كلها يا تيربو يا توين تيربو زى الاودى tt كدا مثلا توين تيربو

لا طالما الموضوع كدا كمل مين قال ان محركات التوربو بتوفر وقود في اللي ذكرتة كمثال بل بالعكس هات نفس المحرك بنفس السعة وشوف استهلاكة بالتوربة وبدون هيكون ازاي وقارن
وموضوع المحركات التي اس اي دى تكنولوجيا جديدة بتعمل علي تجهية السارة باقل مساحة ممكن يشغلها محرك احتراق داخلي ودي موضة شوية وهتروح زي موضوع الموبايل ابو 2 كاميرا اول ما نزل لكن تعالي للاعتمادية وتكاليف الصيانة للمحركات دي هنا نتكلم تكاليف الريكونشن للتوربين كام والوحدة الجديدة بكام وبتتغير كل ادي اية وبعدين موضوع المحركات المشحونة قتل بحثا هنا في المنتدي وسعادتك لو كلفت خاطرك وبصيت هتلاقي معلومات مفيدة للاخوة الاعضاء بالخصوص دة وبرضة نظرة سريعة علي النت مش هتضر خلاصتها ان محركات التوربو كويسة وبتدي طاقة عالية بس علي دورات عالية وبتزيد في المحركات المتعددة الصبابات عنها في الصبابات الاحادية بس في النهاية العزم والهورسباور اعلي ومشاكلها انها بتحتاج عناية فائقة بدورة الزيت وضرورة التبريد قبل ايقاف المحرك وفي الموضوع دة مشابة للديزل وبرضة حضرتك هتلاقي اهتمام بالغ من قبل الصانعين بمحركات الديزل ذوات الحقن الاليكتروني وابحاث اكتر عليها بالمقارنة بالمحركات التي اس اي كذلك الابحاث في المحركات الكبيرة في انظمة الحقن وكيفيتة مباشر داخل غرف الاحتراق والتغلب علي نسب الانضغاط العالية بتغيير سعة غرف الاحتراق دونا عن الشحن بالتوربين ..سيدي المحترم عالم صناعة السيارات في تطور مستمر ويخدمة سياسات البيع ورغبات العميل وبالتالي الموضات المختلفة سواء في التصاميم او تقنية المحركات لا تتوقف فية الاستثمارات لبيع اكثر وارباح اعلي
وبالتالي احنا هنا في المنتدي مش ديوك بتتعارك ومافيهاش تنطيط واللي بكلمك علىةمواصفات قياسية مافيهاش لعب اومجال للفتي وبالتالي انا باتكلم من هذه الجهه ومع كامل احترامي لقدرات حضرتك في القيادة وفحولتك في سحق البي ام تبقي البي ام بي ام والبيجو بيجو ولا اخفيك ان هنا في المنتدي بعض الاخوة وبفيات اونو توربو قادرين علي اللعب باعصابك في مواضيع الشد والجري دي
اكرر سيدي احنا مش بنطنطط علي بعض وياريت نتبني ونحافظ علي لغة الحوار واحترام الاخر وبلاش التهديد والوعيد في الاخر احنا كلنا مصريين ومحدش فينا صنع العربية دي او دي انما احنا مستهلكين جيدين وبنتكبر علي بعض ليس الا ..تحياتي لشخصك الكريم

[kaza]

الكلام ده غير صحيح اطلاقا مع احترامى لحضرتك

و اللينيا الـ 120 حصان تربو بتتكلم مع الـ 320i عادى و اسمها 120 حصان و 1400 سى سى

يعنى البيجو الـ 156 حصان تتكلم و نص مع الـ 320 و ممكن تسبقها كمان .. على فكرة الـ 320 150 حصان يعنى حتى على الورق و الاحصنة البيجو تكسب طبعا غير عزم التربو الكبير دا فى مصلحة البيجو

و بى ام على فكرة بدأت تستخدم التربو فى معظم عربياتها تقريبا ..

ربنا يبارك لك فى عربيتك يا باشا محترمة اوى و حافظ عليها و متشدش كتير عشان المواتير ديه مغرية و الطرق فى مصر زى الزفت

ربنا يستر طريقك ان شاء الله

سيدي الفاضل الموضوع مش هورس باور بس الموضوع عزم دوران من دورات كام ونسبتة اد اية ومستمر لغاية كام وكمان وزن العربية كام وشكلها الايروديناميكي اية وبتخترق الهواء بمعامل اد اية وانا ماتكلمتش علي التوربو وتجهيز السارات بة انا اتكلمت علي مقارنة بين عربيتين مختلفتين تماما من حيث الاستخدام والمحرك والسعة والتجهيز ..سيدي اقرا انا باتكلم علي اية وواضح انك صديق حميم للاخ الكريم وتوليت الدفاع عنة

[Mohab.Nabil]

سيدي الفاضل الموضوع مش هورس باور بس الموضوع عزم دوران من دورات كام ونسبتة اد اية ومستمر لغاية كام وكمان وزن العربية كام وشكلها الايروديناميكي اية وبتخترق الهواء بمعامل اد اية وانا ماتكلمتش علي التوربو وتجهيز السارات بة انا اتكلمت علي مقارنة بين عربيتين مختلفتين تماما من حيث الاستخدام والمحرك والسعة والتجهيز ..سيدي اقرا انا باتكلم علي اية وواضح انك صديق حميم للاخ الكريم وتوليت الدفاع عنة

طيب يا استاذى الفاضل ما عزم دوران عند دورات كام دا البيجو مكتسحة فيه عشان التربو .. وزن العربية مش هيكون فى صالح البى ام الاثنين متقاربين و الايروديناميكية حضرتك شوف شكل البيجو عامل ازاى

و لا انا اتكلمت على التجهيزات و لا الاوبشنز

و كلنا هنا عارفين الفرق بين العربيتين كفئة .. البيجو هاى لاين بـ 240 الف و الـ 320 كانت بـ 365 الف يعنى فرق حوالى نص ثمن البيجو

احنا بنتكلم على نقطة معينة و هى ان العربية ديه تشد مع ديه و ممكن تعدى منها .. و البيجو على الورق و فى الحقيقة ممكن تسبق البى ام الـ 320 احنا مش بنتكلم على 330 مثلا فنقول مستحيل

انا مقولتش كلام من دماغى و قريت كلام حضرتك كويس و فاهمه

و للاسف انا معرفش الاستاذ ahmed.fahmy و ده تقريبا اول رد ليا فى موضوع من مواضيعه

و اساسا انا مش متولى الدفاع عن حد لأن مفيش حد متهم اصلا .. الراجل ناقل تجربته اللى على الورق برضه و بالارقام منطقية .. مجاش يقول انا سبقت 330 او x3 3 liters عشان نقول الراجل بيفتى او بيشتغلنا

تحياتى لحضرتك