رابطة ملاك ال301

[dmeedo]

ياترى ينفع نعمل جروب على الفيس بوك باسم الرابطة دي علشان تبادل المعلومات يكون اسهل والكل يستفيد ويكون أحمد بيه هو الادمن برضه :)

[Ahmed Amin]

ياترى ينفع نعمل جروب على الفيس بوك باسم الرابطة دي علشان تبادل المعلومات يكون اسهل والكل يستفيد ويكون أحمد بيه هو الادمن برضه :)

ياباشا المنتدي أفضل,
وهيا هيا نفس الفكرة بالظبط, هنا بنتبادل المعلومات وبنستفاد من بعض هنا.

وميزة المنتدي إن المواضيع بتبقي مركزة علي خبر واحد أو مشكلة واحدة,,
وممكن تحط أكتر من صورة أو فيديو في المشاركة الواحدة وتكبر الخط مثلاً.

الكلام دا مش موجود في الفيس, والمشاركات القديمة في الفيس بيبقي صعب توصلها بسهولة زي المواضيع هنا,
وساعات بتضيع أو بتتمسح علي الفيس علي عكس المنتدي ممكن أطلع لك مواضيع من ٢٠٠٧. فيها معلومات قيمة جداً للعربيات اللي نزلت في السنين دي زي ال ٣٠٧ وبعدها ال ٣٠٨ والعربيات القديمة كمان.
الفيس أي حاجة بيعدي عليها سنة او أتنين بيبقي صعب تطلعها وتشوفها خصوصاً لو المشاركات كتير وبياخد ميموري من جهازك وبيحمل علي الرامات جامد وهوا بيحمل لك الحاجات القديمة في الصفحة عشان تشوفها.
كمان مواضيع زي اللي فيها شرح بأكتر من صورة مش هينفع تتعمل في مشاركة واحدة أو لينك واحد.

وكمان لو حد رفع فيديو عليه حقوق ملكية أكتر من مرة,
الفيس ممكن يقفل الجروب وهتضيع كل المعلومات القيمة اللي الناس شاركت بيها.

[Akram.Gamal]

والله يا اكرم بيه كله تمام والنتشه مش مش محسوسه قوي ساعات بحس بتاخير فى الطلعه بعد الوقفه فى الزحمه انا دلوقتى عامل 200 كيلو ولسه بحسس عليها بس لما الفتيس يبقى علىd بسمع صوت ورره هو ده طبيعى ولا لا

لا ياباشا اطمن هو الفتيس كده زي ما احمد قالك

و بالنسبه للطلعه لسا هتتحسن كتير جدا طول مانت ماشى و خصوصا لو سافرت بيها

[Ahmed Amin]

غير كدا كمان فتيس الأوروبي كمان مش بيغيب في الطلعة,,
بس مش بينط لقدام زي فتيس الياباني والكوري أول لما تدي له الغيار d أو r

يعني ممكن لما تدي له d العربية متطلعش إلا لما تدوس لها بنزين عشان لو قدامك حاجة متنطش بيك وتدخل فيها.
بتطلع واحدة واحدة خالص اللي هيا سواقة السلانسية لو كان الطريق مستوي ومظبوط, وضغط الهوا في كاوتشك مظبوط.
أما لو واقف علي مطلع أو الطريق بيميل لمطلع او كاوتشك مريح وأديتها d مش هتتحرك إلا لما تبدأ تدوس بنزين.

الانسر بومة ونفس الكلام في الهيونداي كنت لما بديها d بتطلع بيا علي طول في أقل من ثانية وبتكون جمعت سرعة حوالي ١٠ ل ١٥ كيلومتر.!!
ودا مش حلو ومش مريح لأنها بتاخدني علي خوانة وخصوصاً لو كنت واقف في زحمة أو بركن العربية لأن رجلي كان لازم تبقي علي الفرامل دايماً وانا بدي الغيار d أو r يا أما بتنط بيا.

لكن في البيجو ممكن تدي الغيار من غير ما تريح رجلك علي الفرامل لأن العربية بتطلع بسرعة السلانسية حوالي ٥ ل ٨ كيلومتر, وبيبقي سهل جداً التحكم فيها وحركتها.

[S.Hasan]

ازاي يا جماعة اعرف المسافة المقطوعة في اخر مشوار انا جربت اجيبها من الدراع بتاع كمبيوتر الرحلات بس بصراحة مش لاقيها وبرده موضوع استهاك البنزين بعد اخر تفويلة مش عارف اطلعها القراءة اللي بتطله بتبقي غير منطقية فياريت حد يفيدني في المضووع ده

[Ahmed Amin]

ازاي يا جماعة اعرف المسافة المقطوعة في اخر مشوار انا جربت اجيبها من الدراع بتاع كمبيوتر الرحلات بس بصراحة مش لاقيها وبرده موضوع استهاك البنزين بعد اخر تفويلة مش عارف اطلعها القراءة اللي بتطله بتبقي غير منطقية فياريت حد يفيدني في المضووع ده

المسافة المقطوعة في أخر مشوار بتصفر عداد الرحلات ال Trip Computer
وتشوف أنت قطعت كام كيلو من وقت ما صفرت العداد,,
راجع الكتالوج براحة عشان تفهم تعملها إزاي من زرار دراع المساحات.

وبالتسبة لموضوع أستهلاك البنزين فالرقم اللي قدامك دا متغير طول الوقت علي حسب نمط سواقتك,,
(١)يعني لو رجلك تقيلة علي دواسة البنزين أو بتجري هيحسبها وهيديك رقم قليل متوقع إن العربية تمشيه بالبنزين اللي فيها لأنك بتحرق بنزين كتير,,
(٢)ولو ماشي براحة هيحسبها تاني ويديك رقم أعلي ممكن تمشيه بنفس البنزين اللي معام,
لأن علي نمط سواقتك الهادي لأن أستهلاك البنزين هيكون أقل.

وبرضه لو سايق جوا البلد هتلاقي الرقم دا بيقل بسرعة لأن أستهلاك البنزين جوا البلد بيكون عالي,,
وكل العزم علي الغيارات الصغيرة أول وتاتي وتالت بيستهلكو بنزين بشكل أكبر لأنك بتفضل دايس عشان تجمع سرعة.
لكن أول ما تطلع علي طريق سريع ورجلك تبقي ثابتة علي الدواسة, الكمبيوتر هيحسبها تاتي وساعتها لو ماشي بسرعة ١٠٠ كم علي الرابع هيبقي أستهلاكك في أقل حالاته وكمان وثابت علي سرعة ,
هتلاقي الكمبيوتر بيحسبها تاتي والرقم بتاع النسافة النتبقية اللي ممكن تمشيها بالبنزين اللي معاك بتزيد قدامك لحد ما تقف عند رقم معين,, ويفضل يقل من بعدها علي حسب المسافة اللي بتمشيها وتعرف أنت ممكن تمشي قد أيه بالبنزين اللي معاك.

أتمني تكون فهمتني,
ومتركزش مع الرقم دا في سواقة جو البلد لأنه مش هيديك قراية مظبوطة لانك بتدوس بنزين وتسيب كل شوية والعربية بتنقل غيارات كتير,, وشوية بتجري وشوية بتمشي براحة,
فهوا هيديك معدل متغير طول الوقت, وكل العربيات كدا,, فا ركز مع مؤشر البنزين بس جو البلد.
لكن علي السريع ممكن تركز معاه وهتلاقيه بيدي قرايات مظبوطة,

[S.Hasan]

المسافة المقطوعة في أخر مشوار بتصفر عداد الرحلات ال trip computer
وتشوف أنت قطعت كام كيلو من وقت ما صفرت العداد,,
راجع الكتالوج براحة عشان تفهم تعملها إزاي من زرار دراع المساحات.

وبالتسبة لموضوع أستهلاك البنزين فالرقم اللي قدامك دا متغير طول الوقت علي حسب نمط سواقتك,,
(١)يعني لو رجلك تقيلة علي دواسة البنزين أو بتجري هيحسبها وهيديك رقم قليل متوقع إن العربية تمشيه بالبنزين اللي فيها لأنك بتحرق بنزين كتير,,
(٢)ولو ماشي براحة هيحسبها تاني ويديك رقم أعلي ممكن تمشيه بنفس البنزين اللي معام,
لأن علي نمط سواقتك الهادي لأن أستهلاك البنزين هيكون أقل.

وبرضه لو سايق جوا البلد هتلاقي الرقم دا بيقل بسرعة لأن أستهلاك البنزين جوا البلد بيكون عالي,,
وكل العزم علي الغيارات الصغيرة أول وتاتي وتالت بيستهلكو بنزين بشكل أكبر لأنك بتفضل دايس عشان تجمع سرعة.
لكن أول ما تطلع علي طريق سريع ورجلك تبقي ثابتة علي الدواسة, الكمبيوتر هيحسبها تاتي وساعتها لو ماشي بسرعة ١٠٠ كم علي الرابع هيبقي أستهلاكك في أقل حالاته وكمان وثابت علي سرعة ,
هتلاقي الكمبيوتر بيحسبها تاتي والرقم بتاع النسافة النتبقية اللي ممكن تمشيها بالبنزين اللي معاك بتزيد قدامك لحد ما تقف عند رقم معين,, ويفضل يقل من بعدها علي حسب المسافة اللي بتمشيها وتعرف أنت ممكن تمشي قد أيه بالبنزين اللي معاك.

أتمني تكون فهمتني,
ومتركزش مع الرقم دا في سواقة جو البلد لأنه مش هيديك قراية مظبوطة لانك بتدوس بنزين وتسيب كل شوية والعربية بتنقل غيارات كتير,, وشوية بتجري وشوية بتمشي براحة,
فهوا هيديك معدل متغير طول الوقت, وكل العربيات كدا,, فا ركز مع مؤشر البنزين بس جو البلد.
لكن علي السريع ممكن تركز معاه وهتلاقيه بيدي قرايات مظبوطة,

شكرا يا احمد علي ردك هحاول اقرا الكتالوج واعمل بنصيحتك مع اني بصيت عليه بسرعة قبل كده

[Abu Malek]

السلام عليكم ورحمة الله وبركاتة
اعرفكم بنفسى مهندس محمد عادل تخصص كهرباء الكترونيات واتصالات
اولا احب احييكم جميعا على الجهد الرائع فى الموضوع ده واللى بصراحة اول مرة اقرا موضوع كبير زى ده بكل مشاركاته من غير ماازهق او امل بل بالعكس مستمتع بتفاعل الاعضاء وملاك العربية مع بعض والرد المتكامل على جميع الاستفسارات

ثانيا كان لى حبة استفسارات اتمنى الاقى جميع اجابتها عندكم
بصراحة انا بفكر لسه اجيب اول عربية فى حياتى وقارنت كتير بين العربيات وعيوبها ومميزاتها فى رينج اسعار من 110 ال 140 الف بصراحة مبقتش شايف الا البيجو 301 واللى بسببها بقيت كاره اى عربية تانية والانطباع ده جه من سعرها وامكانيتها وكلام الناس هنا اللى بصراحة نادرا اما الاقى شكوى من حد وفى نفس الوقت كان بيبقى ليها حلولها الفورية هنا بعكس العربيات التانية اللى ناس كتير بتشتكى منها
انا ان شاء الله ناوى اجيب تقسيط وممكن المقدم والمرتب ميسعفونيش انى اجيب الهاى لاين واتمتى اجيبها ان شاء الله
فاستفساراتى بخصوص المانوال (وانتم بتجاوبونى اعملوا حسابكم انى ابيض فى العربيات :d )
هل فى مشاكل ظهرت فى المانوال ومش موجودة فى الهاى لاين؟
شاشة المعلومات اللى مش موجودة فى المانول اللى مقصود بيها كومبيوتر الرحلات ولا ايه؟
هل ينفع اركب فى المانوال بارك سنسور فى التوكيل؟ ولو ينفع سعره كام؟
ايه الفرق بين المانوال والهاى لاين فى الشكل الخارجى؟

[abohend]

السلام عليكم ورحمة الله وبركاتة
اعرفكم بنفسى مهندس محمد عادل تخصص كهرباء الكترونيات واتصالات
اولا احب احييكم جميعا على الجهد الرائع فى الموضوع ده واللى بصراحة اول مرة اقرا موضوع كبير زى ده بكل مشاركاته من غير ماازهق او امل بل بالعكس مستمتع بتفاعل الاعضاء وملاك العربية مع بعض والرد المتكامل على جميع الاستفسارات

ثانيا كان لى حبة استفسارات اتمنى الاقى جميع اجابتها عندكم
بصراحة انا بفكر لسه اجيب اول عربية فى حياتى وقارنت كتير بين العربيات وعيوبها ومميزاتها فى رينج اسعار من 110 ال 140 الف بصراحة مبقتش شايف الا البيجو 301 واللى بسببها بقيت كاره اى عربية تانية والانطباع ده جه من سعرها وامكانيتها وكلام الناس هنا اللى بصراحة نادرا اما الاقى شكوى من حد وفى نفس الوقت كان بيبقى ليها حلولها الفورية هنا بعكس العربيات التانية اللى ناس كتير بتشتكى منها
انا ان شاء الله ناوى اجيب تقسيط وممكن المقدم والمرتب ميسعفونيش انى اجيب الهاى لاين واتمتى اجيبها ان شاء الله
فاستفساراتى بخصوص المانوال (وانتم بتجاوبونى اعملوا حسابكم انى ابيض فى العربيات :d )
هل فى مشاكل ظهرت فى المانوال ومش موجودة فى الهاى لاين؟
شاشة المعلومات اللى مش موجودة فى المانول اللى مقصود بيها كومبيوتر الرحلات ولا ايه؟
هل ينفع اركب فى المانوال بارك سنسور فى التوكيل؟ ولو ينفع سعره كام؟
ايه الفرق بين المانوال والهاى لاين فى الشكل الخارجى؟

يا أهلا بيك يا هندسة
نورت المنتدى ( عضو جديد بيستقبل عضو أجدد منه)
الفرق بين المانيوال و الهاي لاين هو فتيس و كماليات (عمر مهيبقى في مشكله فالمانيوال و مش فالهاي لاين لأن الفتيس المانيوال مفيهوش تكنولوجيا و مصنعي السيارات أتقنوا صناعته من زمان)
أيوه شاشة المعلومات اللي فالمانيوال هي كمبيوتر الرحلات (المسافة المقطوعة-إستهلاك البنزين-البنزين المتبقي يمشيك قد ايه-...)
أظن في حد من الأعضاء سأل عن موضوع الباركينج سنسور قبل كده-لكن حتى الآن معرفش حد ركب فالتوكيل غير الspeed limiter و الفوجات
لكن السماعات الخلفية و الباركنج سنسور معرفش إن حد ركبهم فالتوكيل
و ده سؤال من أحد الأعضاء للمهندس هيثم من توكيل بيجو عن إمكانية تركيب كاسيت الهايلاين في المانيوال
كل الشكر والتقدير للمهندس هيثم علي المجهود الجبار
ممكن سؤال بعد أذن سيادتك ؟
أنا ناوي بأذن الله اشتري بيجو301 الفئة الأولى (المانيوال) فهل ممكن أغير كاسيت العربية بالكاسيت اللي موجود في الفئة الثالثة (هاي لاين) وهل ذلك يخرج السيارة من الضمان أم لا
الرد: للأسف ميفعش

أما الإختلافات في الشكل الخارجي
فالملاك يفيدوك أكتر مني

[carizma1]

السلام عليكم ورحمة الله وبركاته

مساء الخير علي أعضاء المنتدي الكرام

اخوكم دكتور صيدلي محمود شوقي بعمل بالرياض وحبيت اتعرف علي حضراتكم كمالكي 301 وحبيت أبدي إعجابي المتواضع بالسيارة الشكليا متواضعه كحجم فدول الخليج اما في مصر فيه حجمها فارهه
وكا إمكانيات غير متواضعه بالمرة ولله الحمد.

السلام عليكم ورحمة الله وبركاته

[Hema_Basha]

يا أهلا بيك يا هندسة
نورت المنتدى ( عضو جديد بيستقبل عضو أجدد منه)
الفرق بين المانيوال و الهاي لاين هو فتيس و كماليات (عمر مهيبقى في مشكله فالمانيوال و مش فالهاي لاين لأن الفتيس المانيوال مفيهوش تكنولوجيا و مصنعي السيارات أتقنوا صناعته من زمان)
أيوه شاشة المعلومات اللي فالمانيوال هي كمبيوتر الرحلات (المسافة المقطوعة-إستهلاك البنزين-البنزين المتبقي يمشيك قد ايه-...)
أظن في حد من الأعضاء سأل عن موضوع الباركينج سنسور قبل كده-لكن حتى الآن معرفش حد ركب فالتوكيل غير الspeed limiter و الفوجات
لكن السماعات الخلفية و الباركنج سنسور معرفش إن حد ركبهم فالتوكيل
و ده سؤال من أحد الأعضاء للمهندس هيثم من توكيل بيجو عن إمكانية تركيب كاسيت الهايلاين في المانيوال
كل الشكر والتقدير للمهندس هيثم علي المجهود الجبار
ممكن سؤال بعد أذن سيادتك ؟
أنا ناوي بأذن الله اشتري بيجو301 الفئة الأولى (المانيوال) فهل ممكن أغير كاسيت العربية بالكاسيت اللي موجود في الفئة الثالثة (هاي لاين) وهل ذلك يخرج السيارة من الضمان أم لا
الرد: للأسف ميفعش

أما الإختلافات في الشكل الخارجي
فالملاك يفيدوك أكتر مني

علي فكرة يا ابو هند انا كنت سالت وانا بعمل صيانة علي الكاسيت قالي بيجي بالطلب خلا 21 يوم لاني معايا البيزلاين

[Abu Malek]

يا أهلا بيك يا هندسة
نورت المنتدى ( عضو جديد بيستقبل عضو أجدد منه)
الفرق بين المانيوال و الهاي لاين هو فتيس و كماليات (عمر مهيبقى في مشكله فالمانيوال و مش فالهاي لاين لأن الفتيس المانيوال مفيهوش تكنولوجيا و مصنعي السيارات أتقنوا صناعته من زمان)
أيوه شاشة المعلومات اللي فالمانيوال هي كمبيوتر الرحلات (المسافة المقطوعة-إستهلاك البنزين-البنزين المتبقي يمشيك قد ايه-...)
أظن في حد من الأعضاء سأل عن موضوع الباركينج سنسور قبل كده-لكن حتى الآن معرفش حد ركب فالتوكيل غير الspeed limiter و الفوجات
لكن السماعات الخلفية و الباركنج سنسور معرفش إن حد ركبهم فالتوكيل
و ده سؤال من أحد الأعضاء للمهندس هيثم من توكيل بيجو عن إمكانية تركيب كاسيت الهايلاين في المانيوال
كل الشكر والتقدير للمهندس هيثم علي المجهود الجبار
ممكن سؤال بعد أذن سيادتك ؟
أنا ناوي بأذن الله اشتري بيجو301 الفئة الأولى (المانيوال) فهل ممكن أغير كاسيت العربية بالكاسيت اللي موجود في الفئة الثالثة (هاي لاين) وهل ذلك يخرج السيارة من الضمان أم لا
الرد: للأسف ميفعش

أما الإختلافات في الشكل الخارجي
فالملاك يفيدوك أكتر مني

جزاك الله كل خير يابو هند وان شاء الله تبقى من ملاكها قريب
على فكرة انا كنت قريت هنا فى المنتدى ان السماعات الخلفية فى التوكيل بـ 1000
فى كلامك قلت ان شاشة المعلومات بالبيانات اللى ذكرتها(كومبيوتر الرحلات)موجودة فى المانوال
طيب ايه هى الشاشة اللى مكتوب فى الموقع انها مش موجودة فى المانوال؟

[abohend]

جزاك الله كل خير يابو هند وان شاء الله تبقى من ملاكها قريب
على فكرة انا كنت قريت هنا فى المنتدى ان السماعات الخلفية فى التوكيل بـ 1000
فى كلامك قلت ان شاشة المعلومات بالبيانات اللى ذكرتها(كومبيوتر الرحلات)موجودة فى المانوال
طيب ايه هى الشاشة اللى مكتوب فى الموقع انها مش موجودة فى المانوال؟

آمين
ربنا يخليك و يبارك فعمرك
أنا منفتش إمكانية التركيب لأي شئ
أنا نقلت كلام م-هيثم من توكيل بيجو بالنسبة للكاسيت
و قلت إني معرفش حد ركب حاجة غير الفوجات و السبيد ليميتر
إمكانية تركيب أي حاجة نقدر نعرفها من التوكيل-بس حتى الآن على حد علمي محدش قال إنه ركب فعلياأي حاجة غير الفوجات و السبيد لمييميتر
في شاشتين فالعربية الهايلاين
Instrument panel

Monochrome screen

الأولى بس اللي موجودة فالمانيوال و البيزلاين
التانية فالهايلاين بس

كمبيوتر الرحلات بيتعرض فالشاشتين
ككنترول هو موجود فالمانيوال و البيزلاين و الهايلاين
بس بيتعرض فالهايلاين فالشاشتين


تقبل تحياتي

[kimo-81]

باركولى يا اخوانى
الحمد لله حجزت ال ٣٠١ النهاردة
بعد حيرة كبيرة بس الفضل يرجع لحضراتكم فى المنتدى الرائع بعد ربنا سبحانه وتعالى
فعلا استفدت كتير جدا من الكلام بتاع حضراتكم
وارجو ان تتقبلونى عضو فى الرابطه بس لما استلم انشاء الله

[abohend]

علي فكرة يا ابو هند انا كنت سالت وانا بعمل صيانة علي الكاسيت قالي بيجي بالطلب خلا 21 يوم لاني معايا البيزلاين

ده معناه أن الكاسيت بالبلوتوث بالUSB بشاشة الmonochrome ممكن تتركب
ده خبر كويس
في إنتظار التنفيذ من جانب التوكيل
و ياريت أي حد يركب أي حاجة من كماليات الهايلاين يبلغنا على طول
عايزين ندلع المانيوال شوية