رابطة ملاك ال301

[medori]

أنا أعرف اللي بيكون عنده مشكلة في البوجيهات بتتغير,
ونفس الكلام مع الموبينة,, بس محدش ظهر عنده مشاكل في الموبينة لدلوقتي,,
كلها بوجيهات بتبقي مرطبة بس,, وممكن تسافر بالعربية عادي متقلقش,
قلت لك المشكلة دي بسيطة وبتبقي في الغالب من بوجيه واحد مرطب وعامل misfire فيهخلي العربية مبرجلة الأول بعدين هيعلي صوت الموتور لو دوست عشان هيبقي شغال بس مش بكامل كفائته زي باقي ال 3 سلندرات التانية,

ولما تروح هيعرفو أنو سيلندر اللي كان فيه misfire ويغيرو البوجيه دا أو الطقم,
المهم أنك تقدر تمشي بيها عادي من غير قلق, والfault متمسحش من علي الكمبيوتر زي مانت عارف وهيعرفو كان من أيه بالظبط لما تروح لهم.

لأ انا كدة كدة مش مسافر بيها، مشوارى صعب فى الصحراء، بالطيارة إن شاء الله
لو التوكيل كدة يبقى اروحلهم اول ما ارجع إن شاء الله

[Ahmed Amin]

لأ انا كدة كدة مش مسافر بيها، مشوارى صعب فى الصحراء، بالطيارة إن شاء الله
لو التوكيل كدة يبقى اروحلهم اول ما ارجع إن شاء الله

تمام, تروح وترجع بالسلامة يا معلم,

[amrelsaqqa]

انا حصل معايا موضوع ترطيب البوجيهات ده او التتليت ده ، كان اول يوم في المطرة ، العربية كانت جاية من مشوار الصبح زي الفل ما شاء الله وماشى ع المحور 130 والدنيا لوز

ركنت ع العربية وطلعت الشغل ، الدنيا مطرت عليها وهى متغطية والغطا ووتر بروف ، ما لحقتش ادخلها الجراج قلت مش مشكلة


نزلت المغرب دورت وطلعت عادى جدا ، لما طلعت ع الدائري العربية كل شوية وانا ماشى الاقى ايدي بتروح لا اراديا ع الهاند كأنها مشدودة وهنزلها ، يعنى حاسس ان العربية متكتفة ، قلت بيتهيألى يمكن عشان مرهق ومش حاسس بالسرعة ، المهم ركزت في الطريق ، لغاية ما دخلت جوة مصر الجديدة وبدأت اركز مع العربية في الزحمة ، لقيتها زي ما تكون بالظبط متلتة ، الصراحة اتخنقت يومها خنقة ما يعلم بيها الا ربنا

المهم انها تانى يوم اتظبطت شوية ، اليوم اللى بعده اتظبطت بنسبة 95% ، بعدها العربية رجعت طبيعية تماما حتى لما مطرت تانى

والغريب في الموضوع ان ولا لمبة اتشك نورت ، ولا مروحة اشتغلت ولا رسالة ايرور من اللى بتقولوا عليها ولا اي حاجة من دى ... العربية برجلت ورجعت ظبطت تانى لوحدها



مشكلة تانية ، كان عندى مشكلة تنتيش في الزحمة ع الاول والتانى (مانيوال) لما اكون ماشى في الزحمة بقالى فترة ، يعنى مش كل المشى البطيء للعربية ، لازم يبقى بقالها فترة (مثلا وقفة اكتوبر او وقفة قليوب وانت جاي من الزراعى) ، المهم معرفش ايه خلانى فصلت حساس الشكمان منى لنفسى كدة

العربية بقت لوز ، وناعمة جدا ، قلت يبقى هتاكل بنزين او تهبب الشكمان ، ماحصلش الكلام ده ، العربية ناعمة جدا ومفيش لمبة اتشك ولا استهلاك زيادة ولا ريحة ولا لون مختلف للعادم ، المهم فضلت ماشى كدة بتاع 300 كيلو ،

وبعدين قلت كفاية كدة ارجع كل حاجة زي ما كانت ولو المشكلة رجعت تانى ابقى اقولهم في التوكيل ، ركبت الحساس تانى ، في الاول حسيت نفسيا كأن في اختلاف وكأن المشكلة هترجع ، ولكن الحمد لله المشكلة ما رجعتش والعربية اتظبطت من يومها يعنى بقالها بتاع اسبوع كدة مظبوطة تماما معايا الحمد لله وحاسس انها اتلينت فعلا وبقت انعم في الزحمة عن الاول بعد ما عدت 3200 كيلو

[Hema_Basha]

ايوه عند ال 20 كم بالظبط
و الحزام لو مش لابسه هيصفر من عند 40 كم و لمدة دقيقتين

مش تقولي حمدلله علي السلامة لسه جاي من السويس مشوار مرهق بس بامانة العربية زي الفل لا وايه حمولة 5 ركاب بس عايز اسالك علي حاجة يا اكرم انا مش عارف احسب استهلكت اد ايه بس انا صفرت عداد الرحلات عملت في السفرية دي 500 كم خدت بحوالي 100ج بمزين وكنت طول ما انا ماشي مشغل التكييف وسرعة 150 كده تمام ولا ايه

[modysasazin]

السلام عليكم
يارب تكونوا بخير وصحة وفي احسن حال ان شاء الله
بخصوص مشكلة البرجلة الغريبة في موتور 301
هي ماحصلتش معايا تاني من ساعتها والعربية مشيها كويس وزي الفل
وانا ان شاء الله رايح الاسبوع الجاي التوكيل عشان اعمل صيانة 2500
وهسألهم على المشكلة دي وان شاء الله احكيلكم على اللي هيقولوهولي
وان شاء الله تطلع بسيطة
اخوكم د/ محمود صالح

[Akram.Gamal]

مش تقولي حمدلله علي السلامة لسه جاي من السويس مشوار مرهق بس بامانة العربية زي الفل لا وايه حمولة 5 ركاب بس عايز اسالك علي حاجة يا اكرم انا مش عارف احسب استهلكت اد ايه بس انا صفرت عداد الرحلات عملت في السفرية دي 500 كم خدت بحوالي 100ج بمزين وكنت طول ما انا ماشي مشغل التكييف وسرعة 150 كده تمام ولا ايه

حمدالله ع السلامه يا ابراهيم
100 ج.م بنزين 92 عملت 500 كم بالتكييف كمان لا و ايه 5 راكب
بسم الله ماشاء الله ده كده حاجه لز اللوز :0002014a:

[Hema_Basha]

حمدالله ع السلامه يا ابراهيم
100 ج.م بنزين 92 عملت 500 كم بالتكييف كمان لا و ايه 5 راكب
بسم الله ماشاء الله ده كده حاجه لز اللوز :0002014a:

الله يسلمك يا اكرم طب طمنتني بس عايز اقولك الكرسي متعب شوية قطملي ضهري بصراحة

[Akram.Gamal]

الله يسلمك يا اكرم طب طمنتني بس عايز اقولك الكرسي متعب شوية قطملي ضهري بصراحة

هو فعلا الكرسى ناشف شويه
بس انت المفروض لما يبقا معاك حموله تقوم مطلع الظهر لقدام حشان ميتعبكش

[wel781]

المهم معرفش ايه خلانى فصلت حساس الشكمان منى لنفسى كدة

فصلته أزاى ؟

[amrelsaqqa]

فصلته أزاى ؟

هو الحساس راكب في فرن الشكمان عادى وفيشته معدية جنب مقاس الزيت كدة ، فكيتها :d

[wel781]

هو الحساس راكب في فرن الشكمان عادى وفيشته معدية جنب مقاس الزيت كدة ، فكيتها :d

أه انا كنت فاكر إن فى طريقة من زراير العربية من جوه

زى الزرار اللى موجود فى صندوق التابلوه و بيفصل الوسادة اللى جنب السائق

[Akram.Gamal]

هو الحساس راكب في فرن الشكمان عادى وفيشته معدية جنب مقاس الزيت كدة ، فكيتها :d

العلم و العلماء بيقفوا عاجزين امام عبقرية سيادتك يا عمرو بيه

بس متعملش كده تانى

[amrelsaqqa]

العلم و العلماء بيقفوا عاجزين امام عبقرية سيادتك يا عمرو بيه

بس متعملش كده تانى

العربية ظبطت من يومها ، اسكت اسكت ، عبقرية علمية معملية فذة :d

[mahmed0100]

عمرو بيه .. رجل التجارب في المنتدي :))

[amrelsaqqa]

عمرو بيه .. رجل التجارب في المنتدي :))

ماهو لو هتكل ع التوكيل بس مش هخلص :d

على فكرة ده مبدأ في كل حاجة في حياتى ، حاجات كتير لو اعتمدت ع اللى المفروض يعملها، مش بتخلص ، فبحاول انجز نفسى على قد ما اقدر :d
والحمد لله ماشية :d