رابطة ملاك ال301

[Ahmed Amin]

ههههههه مهو لو روحت بالعربية هنبقي ٤ شباب او ٥ في العربية فعلا؛ يعني هنتنفض رسمي؛ الناس كلها قالتلنا زيك كدا؛ الاسر بيعدوا و الشباب او العربيات اللي مفيهاش الجنس اللطيف بيظبطوهم

ههههههههههههه, ما هي دي المشكلة,
يعني كداً لازم ولابد ناخد حماية معانا من الجنس اللطيف.
شوفت منقدرش نعيش من غيرهم إزاي.!

تروحو وتيجو بالسلامة يا كبير.

[medori]

ههههههههههههه, ما هي دي المشكلة,
يعني كداً لازم ولابد ناخد حماية معانا من الجنس اللطيف.
شوفت منقدرش نعيش من غيرهم إزاي.!

تروحو وتيجو بالسلامة يا كبير.

طيب و اللي لسة single يجيب الجنس اللطيف منين :) ادي ميزة الجواز الوحيدة ؛) بس سيبك انت لو الواحد متجوز مكنش ممكن ابدا تطلع شرم انت و صحابك في راس السنة كان هيبقي "دونها الرقاب" ههههههه :)
الله يسلمك يا ابو حميد

[amrelsaqqa]

ههههههههه تروح وترجع بالسلامة يا باشا :)

[Mandosiom]

طيب و اللي لسة single يجيب الجنس اللطيف منين :) ادي ميزة الجواز الوحيدة ؛) بس سيبك انت لو الواحد متجوز مكنش ممكن ابدا تطلع شرم انت و صحابك في راس السنة كان هيبقي "دونها الرقاب" ههههههه :)
الله يسلمك يا ابو حميد

اسف انى ادخلت فى الموضوع.. بس حبيت اقولك انى بعملها و بسافر مع صحابى عادى..
بس غصب عنك لازم تعوضها بسفريه هى كمان.. يا مقدما يا لاحقا.. بس لازم..

[medori]

ههههههههه تروح وترجع بالسلامة يا باشا :)

الله يسلمك يا عمور؛ عقبال ما ال٣٠١ الحبيبة ترجعلك بالسلامة هي كمان و ربنا يحرسهالك و يحفظهالك

[medori]

اسف انى ادخلت فى الموضوع.. بس حبيت اقولك انى بعملها و بسافر مع صحابى عادى..
بس غصب عنك لازم تعوضها بسفريه هى كمان.. يا مقدما يا لاحقا.. بس لازم..

يا باشا اتدخل براحتك؛ احنا بنتكلم علي قارعة الطريق قدام الناس كلها :) ممكن طبعا تعمل اللي بتقول علية بس اكيد مش في راس السنة ؛)
هي تيجي بس و انا ادلعها اخر دلع ؛) قعدة الرجالة بميت ست صحيح انما لو جت الست ........ :)

[gehadag05]

يا باشا اتدخل براحتك؛ احنا بنتكلم علي قارعة الطريق قدام الناس كلها :) ممكن طبعا تعمل اللي بتقول علية بس اكيد مش في راس السنة ؛)
هي تيجي بس و انا ادلعها اخر دلع ؛) قعدة الرجالة بميت ست صحيح انما لو جت الست ........ :)

هههههههههه
ياباشا ربنا يكرمك ان شاء الله .... وتروح وتيجي بالسلامة

[Hussam301]

السلام عليكم
ما شاء الله .. الواحد يغيب شويه يلاقى الصفحات والمشاركات فى الطالع ... ربنا يزيد ونستفيد
سؤالى ... هو غريب شويه بس معلش ........... هل صيانة 2500 ضرورى ؟؟؟؟
على اساس ان مفيش تغيير زيت ولا فلاتر يعنى
اصلى انا مقيم بسوهاج والصيانة فى القاهرة
وتحياتى لجميع اعضاء الجروب

[Ahmed Amin]

السلام عليكم
ما شاء الله .. الواحد يغيب شويه يلاقى الصفحات والمشاركات فى الطالع ... ربنا يزيد ونستفيد
سؤالى ... هو غريب شويه بس معلش ........... هل صيانة 2500 ضرورى ؟؟؟؟
على اساس ان مفيش تغيير زيت ولا فلاتر يعنى
اصلى انا مقيم بسوهاج والصيانة فى القاهرة
وتحياتى لجميع اعضاء الجروب

وعليكم السلام,
صيانة ال 2500 ضرورية للتأكد من إن مفيش مشاكل بالعربية,, وتربيط علي العفشة والكشف علي مستوي السوائل من زيت ومية, وبيشوفو لو الكمبيوتر مسجل أي أخطاء عشان لو فيه أي مشكلة تتعالج بدري بدل ما تزيد أو يكون فيها خطر علي العربية زي لو كان فيه زيت ناقص أو فيه تسريب.
وبرضه التربيط علي العفشة والمراجعه عليها مهم عشان ميبقاش فيه خطر عليك وأنت ماشي علي الطريق.

ممكن تراجع المشاركتين دول تستفاد منهم أكتر

http://www.nilemotors.net/Nile/377484-301.html#post3875172924

http://www.nilemotors.net/Nile/378463-301-2500-a.html

[Hussam301]

وعليكم السلام,
صيانة ال 2500 ضرورية للتأكد من إن مفيش مشاكل بالعربية,, وتربيط علي العفشة والكشف علي مستوي السوائل من زيت ومية, وبيشوفو لو الكمبيوتر مسجل أي أخطاء عشان لو فيه أي مشكلة تتعالج بدري بدل ما تزيد أو يكون فيها خطر علي العربية زي لو كان فيه زيت ناقص أو فيه تسريب.
وبرضه التربيط علي العفشة والمراجعه عليها مهم عشان ميبقاش فيه خطر عليك وأنت ماشي علي الطريق.

ممكن تراجع المشاركتين دول تستفاد منهم أكتر

http://www.nilemotors.net/nile/377484-301.html#post3875172924

http://www.nilemotors.net/nile/378463-301-2500-a.html

شكرا استاذ احمد على اهتمامك وردك المفيد

[Ahmed Amin]

شكرا استاذ احمد على اهتمامك وردك المفيد

الشكر لله يا أستاذ حسام,

[معتز سامي]

يا جدعان حد يساعدني ............. أنا نفخت العجل نيتروجين بس ظبطه علي 30 مع إن مكتوب علي القايم 22.2 و 22.3 بار وده يعني 33 و 34.5 psi بس أنا حسيت انه كتير مش عارف بقي الكلام ده صح ولا غلط يا ريت لو حد يفهم في الموضوع يرد عليا..

[Ahmed Amin]

يا جدعان حد يساعدني ............. أنا نفخت العجل نيتروجين بس ظبطه علي 30 مع إن مكتوب علي القايم 22.2 و 22.3 بار وده يعني 33 و 34.5 psi بس أنا حسيت انه كتير مش عارف بقي الكلام ده صح ولا غلط يا ريت لو حد يفهم في الموضوع يرد عليا..

أقراء دا,

http://www.nilemotors.net/Nile/394585-a.html#post3875328575

[medori]

يا جدعان حد يساعدني ............. أنا نفخت العجل نيتروجين بس ظبطه علي 30 مع إن مكتوب علي القايم 22.2 و 22.3 بار وده يعني 33 و 34.5 psi بس أنا حسيت انه كتير مش عارف بقي الكلام ده صح ولا غلط يا ريت لو حد يفهم في الموضوع يرد عليا..

هو المفروض ان ورا و قدام علي ٣٢ لو مش محمل وزن كتير او ٣٢ قدام و ٣٥ ورا لو محمل وزن كتير. دة اللي مكتوب علي القايم. بس اي حاجة من ٣٠ ل ٣٢ ورا و قدام عادي فال٣٠ بتاعتك هتديك ثبات زيادة بس برضة هتديك تآكل اسرع في الكاوتش عن ٣٢

[OSAMAMERA]

بسم الله الرحمن الرحيم
مش هتندم تحت اي ظرف انك جبتها مانيوال مع اول زحمة ، يبقى خليك في المانيوال عربية حلوة وزي الفل ومش مستاهلة الحيرة

انما لو طريقك كله زحمة وهتزهق من المانيوال ورجلك توجعك من الدبرياج يبقى حقك تحتار ، الـ 16 الف فرق كبير ، ويخوف برضه ، يعنى يبين ان الفتيس الاوتو غالى واي مشكلة فيه هتبقى نفخ اساسا .. وفي نفس الوقت الاوتوماتيك راحة بال في الزحمة

بالنسبة لى انا مش من النوع اللى شايل المانيوال من دماغى تماما زي كتير من الناس ، مع ذلك حبى للمانيوال لسة موجود فمكنش عندى الحيرة دى اوى ، لقيت الـ 16 الف فرق كبير واقعد اوجع دماغى نتشة ومش نتشة ، ومع كل كيك داون وقرص ع الفتيس ضميرك يأنبك وتحس انك بتهين العربية ، لا على ايه ، قمت توكلت ع الله وجبت المانيوال والحمد لله مش ندمان