رابطة ملاك ال301

[medori]

بشرة خير برضة يا جماعة عشان لو حد بيدور على العربية، و انا مروح امبارح على الدائرى شوفت عربية نقل عربيات شايلة 8 عربيات 301 بس كلهم كانوا بيز لاين الحقيقة، مكنش فية ولا واحدة بجنوط

الملاحظ ان الضغط الكبير على ال301 و الwaiting list الكتير ابتدت تريح شوية مع استلام الدفعة اللى فاتت و كان فى معارض فاضل عندها عربيات بعد ما سلمت كل اللى حاجزين معاها، بس التجار عمالين يكبروا الموضوع و يخبوا العربيات عشان يبيعوا باوفر عالى، ف لو حد ناوى يشترى قريب ميسمعش كلام المعرض و ميدفعش اوفر اكتر من 3000 جم او 4000 فى الهاى لاين عشان هى توافرها اقل من البيز لاين شوية

[medori]

مبروك عليك العربية وربنا يديك خيرها ان شاء الله. .. انا محتجتش في الحقيقة اني استخدم النمط ال رياضي للفتيس حسيته بيحرق علي الغيارات جامد وهيستهلك بنزين اكتر اكيد .. وبالنسبة لموضوع النتشة هي فعلاً بتعتمد علي اسلوب سواقتك وفهمك للفتيس . والحمد لله التوكيل كويس انا روحت المركز اللي في صلاح سالم وكانت المقابلة كويسة وهيبان اكتر الشغل في صيانة ال ١٠٠٠٠ كم ان شاء الله

هو كلة راح التوكيل؟ محدش جرب يروح مركز من مراكز الخدمة المعتمدة؟

انا فى واحد زميلى معاة ال307 من حوالى 5 سنين و بيشكر فى مركز الخدمة اللى ورا نادى السكة و بيقول احسن من التوكيل و الصنايعية اللى فية فاهمين و اسعار قطع الغيار فية اقل بنسبة 20% تقريبا عن التوكيل

[medori]

الساعة بتظبتها من الsettings بتاعت الكاسيت

هتخش الاول على الoptions بتاعت الكاسيت من زرار الmenu و هتحرك بالبكرة

هتلاقى تظبيط الساعة من اخر panel اللى هى بتاعت الpersonalization-configuration



هتلاقى الdate & time settings فى الdisplay settings اللى هى أخر حاجة تقريبا فى الoptions بتاعت الpanel دي

[Hema_Basha]

هتخش الاول على الoptions بتاعت الكاسيت من زرار الmenu و هتحرك بالبكرة

هتلاقى تظبيط الساعة من اخر panel اللى هى بتاعت الpersonalization-configuration



هتلاقى الdate & time settings فى الdisplay settings اللى هى أخر حاجة تقريبا فى الoptions بتاعت الpanel دي

انا اقصد الساعة اللي في التابلوه وبعدين انا عندي كاسيت عادي مش بلت ان

[medori]

انا اقصد الساعة اللي في التابلوه وبعدين انا عندي كاسيت عادي مش بلت ان

أة، انا عندى الاتنين ظبطوا مع بعض تقريبا

اللى فى الinsturment panel بتتظبط من الزرار اللى تحت الشاشة دة، بتدوس علية دوسة طويلة لحد لما يبدا يغير فى الدقائق تظبتها و بعدين تدوس علية دوسة طويلة هيغير فى الساعات تظبطها برضو و بعد كدة تظبط 12 ولا 24




بس تقريبا لازم تعمل كدة و العربية مش دايرة عشان لما بتدوس دوسة طويلة و العربية دايرة بيعمل reset للdistance counter

[Hema_Basha]

أة، انا عندى الاتنين ظبطوا مع بعض تقريبا

اللى فى الinsturment panel بتتظبط من الزرار اللى تحت الشاشة دة، بتدوس علية دوسة طويلة لحد لما يبدا يغير فى الدقائق تظبتها و بعدين تدوس علية دوسة طويلة هيغير فى الساعات تظبطها برضو و بعد كدة تظبط 12 ولا 24




بس تقريبا لازم تعمل كدة و العربية مش دايرة عشان لما بتدوس دوسة طويلة و العربية دايرة بيعمل reset للdistance counter

نا عملتها خلاص يا باشا تسلم

[3arbi4ever]

الله يبارك فيك يا باشا انا برضوا مستلم البيزلاين من المصرية وخدت معاها كل اللي انت قولته بس ماعدا الكتالوج العربي والضمان قالي مع ورق العربية وقعد يحلفلي ان مش جاي معاها غير الكتالوج ده ووراني عربية تانية برضوا فيها واحد بس وطبعا ده او ده الاتنين فرنساوي مش حتي انجليزي وفي حاجة كمان انت مخدتش اي حاجة للجنوط وانت عندك كام سماعة

لا ما ادونيش حاجة للجنوط . هي طاسة عندي فا مفيش حاجة بتيجي .. العربية عندي فيها سماعتين بس قدام ومجهزة بفتحتين ورا لو عاوز تزود . وبتنزل في الهاي لاين ب ٤ سماعات. وانا سألت في التوكيل عشان اركب سماعتين كمان .. بس للاسف مكانوش موجودين فا قلتله لو مجاتش علي صيانة العشرة هجيبهم من بره وهما يركبوها .. عشان طبعاً مش هعرف اركبهم بره عشان الضمان

[3arbi4ever]

حضرتك متأكد انى ممكن اجيبة من بيجو صلاح سالم عشان انا مستلمتوش مع العربية و كل ما اكلمهم يقولوا بندور علية :n_no[1]:

اه يا باشا والله . انا جبته من بيجو صلاح سالم عشان مكنتش اسلمته من المعرض بس بعد ما ترخص ان شاء الله. انا فضلت سايبه عندهم واستلمته لما روحت اعمل صيانة ٢٥٠٠كم قولت اخليه مشوار واحد . بس كنت اتصلت قبلها بخدمة العملاء وفهمت منهم وهما اللي قالولي استلمه من هناك . ورقم خدمة العملاء هتلاقي ملصوق استيكرز علي الزجاج الخلفي للعربية

[3arbi4ever]

ربنا يباركلك فيها يا فندم و يديك خيرها و يكفيك شرها

و انت على ال180 بقى مخدتش مطب هوا مثلا، او كنت بتحس لو الطريق مش مظبوط بقلق فى الدركسيون

الفتيس كويس فعلا و ذكى بس النتشة دية بتحس بتاثيرها حسب تحميل رجلك على دواسة البنزين

لا خالص فعلاً محستش بأي قلق في الدركسيون انا عادةً كمان بسوق علي ١٢٠ -١٤٠وبكون ماسك الدريكسيون بايد واحدة وفعلاً مش بحس ولو بهزة في الدركسيون وموضوع مطبات الهوا والنقر البسيطة اللي في الطريق محستش بقلق معاها والفرامل ممتازة بصراحة . انا يومياً علي طريق السويس او الاسماعيلة فكل تجربتي للعربية علي طريق مفتوح . هي فعلاً ممتازة .. والنتشة دي ان مبقتش بحس بيها خالص والموتور فعلاً بقي سحبه افضل بكتيييييير

[Hema_Basha]

لا ما ادونيش حاجة للجنوط . هي طاسة عندي فا مفيش حاجة بتيجي .. العربية عندي فيها سماعتين بس قدام ومجهزة بفتحتين ورا لو عاوز تزود . وبتنزل في الهاي لاين ب ٤ سماعات. وانا سألت في التوكيل عشان اركب سماعتين كمان .. بس للاسف مكانوش موجودين فا قلتله لو مجاتش علي صيانة العشرة هجيبهم من بره وهما يركبوها .. عشان طبعاً مش هعرف اركبهم بره عشان الضمان

طب مجربتش تركب فوجات

[medori]

لا خالص فعلاً محستش بأي قلق في الدركسيون انا عادةً كمان بسوق علي ١٢٠ -١٤٠وبكون ماسك الدريكسيون بايد واحدة وفعلاً مش بحس ولو بهزة في الدركسيون وموضوع مطبات الهوا والنقر البسيطة اللي في الطريق محستش بقلق معاها والفرامل ممتازة بصراحة . انا يومياً علي طريق السويس او الاسماعيلة فكل تجربتي للعربية علي طريق مفتوح . هي فعلاً ممتازة .. والنتشة دي ان مبقتش بحس بيها خالص والموتور فعلاً بقي سحبه افضل بكتيييييير

عامة هى كويسة فعلا على الطريق بس انا كان عندى مشكلة فى ضغط النيتروجين، لما روحت اتاكدت فى check point لقيتة 37 فى 3 فرد و 35 فى فردة ، فشكلهم هوا مش نيتروجين معى انى عاملة فى Ashrafco اللى مفروض محل كبير و محترم انما الصنايعية بجد بقو حاجة مقرفة، ممكن بكرة او بعدة بقى اروح Bridgestone عشان اظبطهم تظبيطة محترمة كدة

حضرتك بقى مسألتش فى التوكيل على الesp والcruise control & speed limiter؟
انا اعتقد انها محتاجة الesp فعلا عشان طويلة شوية فلو خدت غرزة جامدة فجأة بتحس ان الشنطة رمت على برة حاجة بسيطة اوى، فالesp هيبقى مفيد فعلا. انما الCC و الSL دول لزوم الدلع بقى

[Hema_Basha]

عامة هى كويسة فعلا على الطريق بس انا كان عندى مشكلة فى ضغط النيتروجين، لما روحت اتاكدت فى check point لقيتة 37 فى 3 فرد و 35 فى فردة ، فشكلهم هوا مش نيتروجين معى انى عاملة فى ashrafco اللى مفروض محل كبير و محترم انما الصنايعية بجد بقو حاجة مقرفة، ممكن بكرة او بعدة بقى اروح bridgestone عشان اظبطهم تظبيطة محترمة كدة

حضرتك بقى مسألتش فى التوكيل على الesp والcruise control & speed limiter؟
انا اعتقد انها محتاجة الesp فعلا عشان طويلة شوية فلو خدت غرزة جامدة فجأة بتحس ان الشنطة رمت على برة حاجة بسيطة اوى، فالesp هيبقى مفيد فعلا. انما الcc و الsl دول لزوم الدلع بقى

طيب عايز اركب فوجات الافيها فين

[3arbi4ever]

طيب عايز اركب فوجات الافيها فين

اسأل عليها في التوكيل بلاش تركبها بره عشان الضمان.

[Hema_Basha]

اسأل عليها في التوكيل بلاش تركبها بره عشان الضمان.

طب انت معملتش حاجة او مركبتش اي حاجة في العربية اصل انت جايب نفس الفئة اللي انا جايبها

[medori]

طيب عايز اركب فوجات الافيها فين

ممكن تشترى الفوجات من برة و تركبها فى التوكيل او اى مركز خدمة اوفر عشان ميخرجولكش الضفيرة برة الضمان.

ممكن تشترى الفوجات استيراد كمان اوفر برضة