رابطة ملاك ال301

[medori]

يا جماعة عايزين نعمل موضوع يجمع كل ملاك ال301 عشان نعرف نوصل لبعض بسرعة لو فية استفسارات او لو حصل لحد مشاكل مع العربية لا قدر الله

هبدأ بنفسى طبعا

أحمد السيد / مهندس / 301 هاى لاين / silver / مستلم العربية من اسبوع بالضبط / طريقى المعتاد من جسر السويس للمعادى عن طريق الدائرى (تقريبا 45 كم رايح جاى)

مميزات العربية:

• سحب كويس،
• عفشة ناعمة،
• لسة مركزتش مع استهلاك البنزين بس انا فولت لما استلمتها و العداد دلوقتى عامل 350 كم تقريبا و لسة فية 1/4 التانك،
• صوت الموتور هادى و مش بسمعة جوا العربية قبل ال120 - 130 و لو مشغل الكاسيت مش هتحس بية قبل ال140-150،
• الفتيس ناعم فى الacceleration على طريق مفتوح لما تكون عايز سحب بسرعة و محمل علية،
• الشنطة واسعة و مساحة الارجل فى الكنبة كويسة جدا،
• قعدتها مريحة و دة احساس داخلى مش عارف تبع اية فى العربية بس لما ركبت العربية ارتحتلها غير الاسترا الجديدة اللى هى عربية رائعة بكل المقاييس بس قعدتها و قوايمها مكنتش مستريح فيهم مش عارف لية
• التكييف كويس بس عندى احساس انة محتاج فريون، و هو تكييف مانيوال متنكر فى شكل اوتوماتيك
• العربية شكلها شيك و فخم
  

عيوب العربية:

• الفتيس كعادة التيب ترونيك فى نتشة فى التانى لو طالع واحدة واحدة
• الفتيس برضة ساعات بيبقى فية سنة تردد او تاخير فى الاستجابة لما تفرمل عشان تهدى حاجة بسيطة و انت على 70-80 مثلا و بعدين تدوس تانى بحس ان العربية هنجت منى ثانية كدة و مبقتش عارفة تاخد انهى غيار و بعدين تجمع الغيار الصح و تشد
• الثبات بتاع العربية اكتر حاجة مضيقانى لحد دلوقتى، عشان بقارنها بالميجان اللى كانت معايا قبل كدة و اللى كانت عاملة زى الطوبة الصراحة، 180 و اخد مطب الهوا على الدائرى ولا كأن حاجة حصلت، المهم دلوقتى ال301 130-140 ببدء احس بعيوب الطريق فى الدركسيون و لو خدت مطب هوا او فاصل بحس بلبة كدة مش لطيفة فى العربية
• القزاز مفيهوش وحدات رفع، لازم تقفل القزاز كلة قبل ما تنزل، و دية حاجة مضيقانى عشان انا كنت متعود انزل من غير ما ابص اية المفتوح و اية المقفول و اقفل سنتر و امشى، دلوقتى ساعات بعد ما امشى ابص على العربية الاقى فية ازاز مفتوح

دة كل اللى فاكرة دلوقتى و لو فيى حاجة تانية افتكرتها هبقى ازودها إن شاء الله


فى انتظار المشاركات من باقى ملاك الجميلة ال301

[Hema_Basha]

انت كده هتقلقني يا استاذ احمد

[haissam24h]

كل شى وعلى قد فلوسه
عمرك ما هتاخد ثبات خرافى وكل الاوبشن بعربيه 120 مثلا
كل ما تعوذ ثبات محترم وابشن اعلى وكفائه ترفع فى السعر طبعا انا بتكلم على العربيات المحترمه مش الصينى
والصراحه انا شايفها عربيه مناسبه قوى على فلوسها وتقفيها ممتاز بالمقارنه بعربيات تانيه فى نفس فئتنها
يكفى انها مش كورى بعد سنتين ولا حاجه هلاتقيها خرده السنين

[medori]

انت كده هتقلقني يا استاذ احمد

يا باشا مفيش قلق ولا حاجة انا بحكى تجربتى مع العربية من وجهة نظرى!! و عرضت مميزات كتير و عيوب اقل، انا بس طبيعة سواقتى سريعة شوية عشان سكتى دائرى فموضوع الثبات دة مهم جدا جدا بالنسبة ليا، و كمان عشان انا كنت بقارنها بالميجان اللى هى متميزة اصلا فى قصة الثبات دية عن عربيات تانية كتير

عامة ممكن يكون انا عندى حاجة مش مضبوطة او مش متربطة كويس فى العربية عشان باقى الملاك سالتهم قبل ما اشترى و قالوا ثباتها كويس!!! يمكن لو عملنا مقابلة قريب نقدر نجرب عربيات بعض و نعرف ساعتها لو فى عيوب فردية فى اى عربية

[medori]

كل شى وعلى قد فلوسه
عمرك ما هتاخد ثبات خرافى وكل الاوبشن بعربيه 120 مثلا
كل ما تعوذ ثبات محترم وابشن اعلى وكفائه ترفع فى السعر طبعا انا بتكلم على العربيات المحترمه مش الصينى
والصراحه انا شايفها عربيه مناسبه قوى على فلوسها وتقفيها ممتاز بالمقارنه بعربيات تانيه فى نفس فئتنها
يكفى انها مش كورى بعد سنتين ولا حاجه هلاتقيها خرده السنين

متفق معاك تماما، هى فعلا عربية مناسبة جدا فى حاجات كتير و فيها برضة حاجات ناقصة و انا عمرى ما بصيت على عربية كورى او صينى فى حياتى، عشان مش مقتنع بيهم اصلا، بس برضة كل واحد عايز يشترى العربية من حقو يبقى عارف مميزات و عيوب العربية كاملة

انا كنت ممكن اتنازل عن حاجات كتير من اللى فى العربية مقابل ان الsuspension system يبقى fully- او حتى semi-independant

عامة هى صفقة رابحة بالنسبة لسعرها و انا مش ندمان انى اشترتها

[medori]

افتكرت كام حاجة كدة

مميزات - كمالة :

• فرامل العربية كويسة جدا و بتلم العربية بسرعة
• الباور ناعم و العربية بتستجيب بسرعة، انا غيرت الlane بتاعتى على الدائرى عشان واحد فرمل ادامى فجأة فى 2 متر اعتقد، فرامل جامدة فجائية و تغيير lane و رد تانى فى ثانية اعتقد و انا على 120 تقريبا على فاصل فوق كوبرى السويس (و ما ادراك ما فواصل كوبرى السويس، اجدعها عربية بتاخد الفواصل دية مراجيح)، المهم العربية اتلمت بسرعة و مسكت نفسها بسرعة من غير اى مشاكل
• الsound system مرضى الى حدا ما رغم انة فقير شوية ب 4 سماعات بس انما توزيع الصوت حلو و نقاء الصوت كويس برضة فانا عن نفسى Satisfied منة بدرجة كبيرة، خاصة مع وجود الblue tooth و الusb

[mohjarr]

يا جماعة عايزين نعمل موضوع يجمع كل ملاك ال301 عشان نعرف نوصل لبعض بسرعة لو فية استفسارات او لو حصل لحد مشاكل مع العربية لا قدر الله

هبدأ بنفسى طبعا

أحمد السيد / مهندس / 301 هاى لاين / silver / مستلم العربية من اسبوع بالضبط / طريقى المعتاد من جسر السويس للمعادى عن طريق الدائرى (تقريبا 45 كم رايح جاى)

مميزات العربية:

• سحب كويس،
• عفشة ناعمة،
• لسة مركزتش مع استهلاك البنزين بس انا فولت لما استلمتها و العداد دلوقتى عامل 350 كم تقريبا و لسة فية 1/4 التانك،
• صوت الموتور هادى و مش بسمعة جوا العربية قبل ال120 - 130 و لو مشغل الكاسيت مش هتحس بية قبل ال140-150،
• الفتيس ناعم فى الacceleration على طريق مفتوح لما تكون عايز سحب بسرعة و محمل علية،
• الشنطة واسعة و مساحة الارجل فى الكنبة كويسة جدا،
• قعدتها مريحة و دة احساس داخلى مش عارف تبع اية فى العربية بس لما ركبت العربية ارتحتلها غير الاسترا الجديدة اللى هى عربية رائعة بكل المقاييس بس قعدتها و قوايمها مكنتش مستريح فيهم مش عارف لية
• التكييف كويس بس عندى احساس انة محتاج فريون، و هو تكييف مانيوال متنكر فى شكل اوتوماتيك
• العربية شكلها شيك و فخم
  

عيوب العربية:

• الفتيس كعادة التيب ترونيك فى نتشة فى التانى لو طالع واحدة واحدة
• الفتيس برضة ساعات بيبقى فية سنة تردد او تاخير فى الاستجابة لما تفرمل عشان تهدى حاجة بسيطة و انت على 70-80 مثلا و بعدين تدوس تانى بحس ان العربية هنجت منى ثانية كدة و مبقتش عارفة تاخد انهى غيار و بعدين تجمع الغيار الصح و تشد
• الثبات بتاع العربية اكتر حاجة مضيقانى لحد دلوقتى، عشان بقارنها بالميجان اللى كانت معايا قبل كدة و اللى كانت عاملة زى الطوبة الصراحة، 180 و اخد مطب الهوا على الدائرى ولا كأن حاجة حصلت، المهم دلوقتى ال301 130-140 ببدء احس بعيوب الطريق فى الدركسيون و لو خدت مطب هوا او فاصل بحس بلبة كدة مش لطيفة فى العربية
• القزاز مفيهوش وحدات رفع، لازم تقفل القزاز كلة قبل ما تنزل، و دية حاجة مضيقانى عشان انا كنت متعود انزل من غير ما ابص اية المفتوح و اية المقفول و اقفل سنتر و امشى، دلوقتى ساعات بعد ما امشى ابص على العربية الاقى فية ازاز مفتوح

دة كل اللى فاكرة دلوقتى و لو فيى حاجة تانية افتكرتها هبقى ازودها إن شاء الله


فى انتظار المشاركات من باقى ملاك الجميلة ال301

هل قمت بضبط ضغط الكاوتش؟ و مبروك على العربية

[medori]

هل قمت بضبط ضغط الكاوتش؟ و مبروك على العربية

اللة يبارك فيك يا باشا، اول ما استلمتها 32 نيتروجين ال 4 عجلات

[mohjarr]

اللة يبارك فيك يا باشا، اول ما استلمتها 32 نيتروجين ال 4 عجلات

تمام كده يا باشا ... ان شاء الله أداء السيارة سيتحسن أكثر بعد اول صيانة فعلية على 10000 كيلومتر . السيارة صفقه رابحه بكل المقاييس بالنسبه لسعرها .. قارنها بكل السيارات فى نفس الفئة السعرية و ستجد انها تتفوق كافضل قيمه مقابل السعر.

[medori]

تمام كده يا باشا ... ان شاء الله أداء السيارة سيتحسن أكثر بعد اول صيانة فعلية على 10000 كيلومتر . السيارة صفقه رابحه بكل المقاييس بالنسبه لسعرها .. قارنها بكل السيارات فى نفس الفئة السعرية و ستجد انها تتفوق كافضل قيمه مقابل السعر.

ان شاء اللة، اية رأيك يا باشا فى موضوع رابطة الملاك دة، لية لازمة ولا نفكسلة

[Hema_Basha]

تمام كده يا باشا ... ان شاء الله أداء السيارة سيتحسن أكثر بعد اول صيانة فعلية على 10000 كيلومتر . السيارة صفقه رابحه بكل المقاييس بالنسبه لسعرها .. قارنها بكل السيارات فى نفس الفئة السعرية و ستجد انها تتفوق كافضل قيمه مقابل السعر.

طب الكلام ده واحد كاتبه علي صفحة بيجو علي الفيس ايه رائيكوا فيه
ﺍﺳﺘﻠﻤﺖ ﺑﻴﺠﻮ ..301 ﻭ ﻛﻨﺖ ﺧﺎﻳﻒ ﻣﻦ ﻣﻮﺿﻮﻉ ﺳﻮﺀ ﻣﺤﻄﺎﺕ
ﺍﻟﺨﺪﻣﻪ ﻭ ﻗﻄﻊ ﺍﻟﻐﻴﺎﺭ ... ﻭ ﻃﻠﻊ ﺧﻮﻓﻰ ﻓﻰ ﻣﺤﻠﻪ ... ﻃﺎﺳﺎﺕ ﺍﻟﻌﺠﻞ
ﺍﺗﺴﺮﻗﺖ ﻓﺎﺗﺼﻠﺖ ﺑﺎﻟﺘﻮﻛﻴﻞ ﻗﺎﻟﻮﻟﻰ ﻣﻌﻨﺪﻧﺎﺵ ﻗﻠﺖ ﻟﻬﻢ ﺍﺯﺍﻯ ﺍﻧﺘﻢ
ﻣﺶ ﺍﻟﺘﻮﻛﻴﻞ؟ ﻃﺐ ﺍﺷﺘﺮﻳﻬﻢ ﻣﻨﻴﻦ , ﻗﺎﻟﻮﻟﻰ ﻣﺎﻧﻌﺮﻓﺶ .. ﺃﻣﺎ ﺃﻭﻝ ﻳﻮﻡ
ﺍﺳﺘﻠﻤﺖ ﺍﻟﻌﺮﺑﻴﻪ ﻛﻠﻤﺘﻬﻢ ﺑﺮﺿﻪ ﻋﺸﺎﻥ ﻋﺎﻭﺯ ﺃﺭﻛﺐ ﻣﺴﻨﺪ ﻟﻠﺰﺭﺍﻉ
) ﺍﻟﻠﻰ ﺏ 3 ﺻﺎﻍ ﻓﻰ ﺃﻯ ﺣﺘﻪ ( ﻗﺎﻟﻮﻟﻰ ﻣﺎﻓﻴﺶ ﻭ ﻟﻮ ﺭﻛﺒﺘﻪ ﺑﺮﻩ
ﺗﺨﺮﺝ ﻣﻦ ﺍﻟﻀﻤﺎﻥ .. ﺍﺳﺘﻨﻰ ﺍﻝ 3 ﺳﻨﻴﻦ ﻭ ﺑﻌﺪﻳﻦ ﺭﻛﺒﻪ ﺑﺮﻩ ....
ﺍﻟﺨﻼﺻﻪ: ﻟﺒﺴﺖ ﺍﻟﺒﻴﺠﻮ ﻭ ﺳﺄﻧﺸﺮ ﻗﺼﺘﻰ ﻓﻰ ﻛﻞ ﺍﻟﻤﺠﻼﺕ ﻭﺍﻟﻤﻮﺍﻗﻊ
ﺣﺘﻰ ﻻ ﻳﻘﻊ ﻓﻰ ﺍﻟﻔﺦ ﺿﺤﻴﻪ ﻏﻴﺮﻯ

[wella3330]

العربية كويسة كمجمل بس بعد عمل تيست دريف لها اتاكدت من موضوع نتشة الفتيس بوضوح وللاسف حتي السحب لم يكن مرضي بالنسبة لي.

و للامانة اداء التكييف كان جيد جدا .

تقبلوا مروري

[mohjarr]

ان شاء اللة، اية رأيك يا باشا فى موضوع رابطة الملاك دة، لية لازمة ولا نفكسلة

ياريت بس نستنى شوية لحد لما عدد أكبر يستلم... فيه ناس كتير حاجزة تبع التوكيل و لسه ما أستلمتش و كل لما العدد يكتر تكون الإستفادة أكبر بين مالكين السيارة

[3arbi4ever]

انا العربية معايا بقالها شهرين بالظبط دلوقتي والحمد لله اصبحت راضي جداً عنها والتوكيل بتاعها في صيانة ال ٢٥٠٠ كانوا ممتازين جداً في تعاملهم معايا ومهتمين بالعربية جداً . انا عامل بالعربية ٧٠٠٠ كم ... العربية محتاج تفهمها بس عشان تعرف تتعامل مع الفتيس .. وده انا عرفته مع الوقت وفهمهوني برضه المهندس بتاع الصيانة في التوكيل وطلع جرب معايا بعد ما خلصنا ... تكييف العربية ميقلش عن تكييف الياباني وعلي مدار الشهرين مش بشغله غير علي ٢ . ثبات العربية ممتاز انا جبت بيها ١٨٠ علي طريق السويس وكانت ما شاء الله محستش بقلق خالص وفراملها كويسة جدااا .. صوت الموتور بيكون مسموع بعد ال١٣٠ بس صوته جميل .. وبالنسبة للفتيس مبقتش بحس بنتشة خالص وهو فعلا فتيس ذكي جدااااً بيتعامل حسب نوع سواقتك .. وتجميع الموتور واستجابته للسرعة جيد جدااااً ... وانا كنت عامل موضوع عن العربية وكنت حاطط صور للعربية .

[Hema_Basha]

انا العربية معايا بقالها شهرين بالظبط دلوقتي والحمد لله اصبحت راضي جداً عنها والتوكيل بتاعها في صيانة ال ٢٥٠٠ كانوا ممتازين جداً في تعاملهم معايا ومهتمين بالعربية جداً . انا عامل بالعربية ٧٠٠٠ كم ... العربية محتاج تفهمها بس عشان تعرف تتعامل مع الفتيس .. وده انا عرفته مع الوقت وفهمهوني برضه المهندس بتاع الصيانة في التوكيل وطلع جرب معايا بعد ما خلصنا ... تكييف العربية ميقلش عن تكييف الياباني وعلي مدار الشهرين مش بشغله غير علي ٢ . ثبات العربية ممتاز انا جبت بيها ١٨٠ علي طريق السويس وكانت ما شاء الله محستش بقلق خالص وفراملها كويسة جدااا .. صوت الموتور بيكون مسموع بعد ال١٣٠ بس صوته جميل .. وبالنسبة للفتيس مبقتش بحس بنتشة خالص وهو فعلا فتيس ذكي جدااااً بيتعامل حسب نوع سواقتك .. وتجميع الموتور واستجابته للسرعة جيد جدااااً ... وانا كنت عامل موضوع عن العربية وكنت حاطط صور للعربية .

يا باشا انت برنس والله والعربية بسم الله ماشاء الله ما هو زي ما الناس بتقولي العربية ممتازة جدا بالنسبة لسعرها والرينج بتاع تمنها حتي بتاع المصرية شكرلي فيها وقالي مفيش عربية تانية هتبقي كويس بالسعر ده وقالي عليها طلب جامد