رابطة ملاك ال301

[معتز سامي]

لمبة الموتور نورت عندي في 301 وكانت عملتها قبل كده قبل صيانة ال2500 والمهندس قاللي من البنزين مع اني ما بحطش غير من توتال والوطنيه ودلوقتي لما نورت تاني مخليه صوت الموتور عالي والمروحه سريعه جدا وروحت فرع صلاح سالم قالي بوجيهات وروح فرع غمره وروحت قاللي بوجيهات برضوا بس هتغيرها علي حسابك عليشان هي مش في الضمان مع اني لسه معدي ال5000
ياريت حد يرد عليا بسرعه ويقولي الكلام ده صح ولا غلط ولو غلط اعمل معاهم ايه. ...وشكرا

[wel781]

لمبة الموتور نورت عندي في 301 وكانت عملتها قبل كده قبل صيانة ال2500 والمهندس قاللي من البنزين مع اني ما بحطش غير من توتال والوطنيه ودلوقتي لما نورت تاني مخليه صوت الموتور عالي والمروحه سريعه جدا وروحت فرع صلاح سالم قالي بوجيهات وروح فرع غمره وروحت قاللي بوجيهات برضوا بس هتغيرها علي حسابك عليشان هي مش في الضمان مع اني لسه معدي ال5000
ياريت حد يرد عليا بسرعه ويقولي الكلام ده صح ولا غلط ولو غلط اعمل معاهم ايه. ...وشكرا

المشكلة بوجيهات وبتتغير فى الضمان

وماتسيبش حقك

[معتز سامي]

الحمد لله روحت النهارده وقعدت اكتر من اربع ساعات ورخمت علي قد ما اقدر وخليتهم يكشفوا علي كل حاجه وقلتلهم لازم اعرف العيب فين والحمد لله طلعت في الاخر الموبينه وغيروها و كشفوا علي العربيه تاني وطلع واحد جربها والحمد لله بقي كله تمام ومادفعتش مليم

[abohend]

مبروك

الحمد لله روحت النهارده وقعدت اكتر من اربع ساعات ورخمت علي قد ما اقدر وخليتهم يكشفوا علي كل حاجه وقلتلهم لازم اعرف العيب فين والحمد لله طلعت في الاخر الموبينه وغيروها و كشفوا علي العربيه تاني وطلع واحد جربها والحمد لله بقي كله تمام ومادفعتش مليم

الله ينور
ده المنتظر من كل الملاك عشان ياخدوا حقهم

[bikatsho55555]

يا جماعه ازاى العربيه مفيهاش esp مع ان الكتالوج كاتب ان فيه ولما سالت فى الخط الساخن قالولى فيها هما نصابين ولا ايه اصلى انا حاجز العربيه وهل لو حبيت اكنسل الحجز بسترد الفلوس كامله ولا لا؟ وكمان حته ان العربيه مش رشه دواخل ده غباء جدا والجنط الاستبن 15 ازاى يعنى لو جنط 16 باظ هركب ده مكانه الزاى العربيه هتمشى تحجل ب 3 عجلات 16 وعجله 15 ولا ايه ؟ افيدونى اكنسل الحجز ولا اكمل

[abohend]

عادي

يا جماعه ازاى العربيه مفيهاش esp مع ان الكتالوج كاتب ان فيه ولما سالت فى الخط الساخن قالولى فيها هما نصابين ولا ايه اصلى انا حاجز العربيه وهل لو حبيت اكنسل الحجز بسترد الفلوس كامله ولا لا؟ وكمان حته ان العربيه مش رشه دواخل ده غباء جدا والجنط الاستبن 15 ازاى يعنى لو جنط 16 باظ هركب ده مكانه الزاى العربيه هتمشى تحجل ب 3 عجلات 16 وعجله 15 ولا ايه ؟ افيدونى اكنسل الحجز ولا اكمل

تكنسل و لا لأ دي ترجعلك

لكن الحاجات اللي أنت معترض عليها عادية جداً

العربية فعلا مفيهاش esp و عادي جداً حتى لو مكتوب في الكتالوج لأن دي مواصفات قياسية-دي بتختلف من بلد بلد
و في بلدنا العظيمة اللي بتاخد جمارك على لمبة درج التابلوة - العربية لو نزلت ب esp , إنذار وحدة رفع إلخ إلخ....سعرها هيغلى أوي و تدخل في فئة مختلفة تماما

و في عربيات كتييييييييييير مقاس الأستبن فيها بيبقى مختلف عن اللي راكب
و الأستبن بيعتبر للظروف الأستثنائية فقط

رأيي لو تقدر توصل ل150 ألف هات الكروز وش

[bikatsho55555]

هل فى مراكز صيانه للبيجو فى المنصوره او حتى صنايعيه فاهميين فيها برا التوكيل ولا هبقى مضطر اصينا فى القاهره

[Hussam301]

الحمد لله روحت النهارده وقعدت اكتر من اربع ساعات ورخمت علي قد ما اقدر وخليتهم يكشفوا علي كل حاجه وقلتلهم لازم اعرف العيب فين والحمد لله طلعت في الاخر الموبينه وغيروها و كشفوا علي العربيه تاني وطلع واحد جربها والحمد لله بقي كله تمام ومادفعتش مليم

اخ معتز ... ياريت تقولى انهو مركز اللى رحتله عشان لمبه الموتور نورت عندى النهاره ومش عايزه تطفى والمروحه اشتغلت لوحدها وصوتها كان واضح وبعد كده بطلت لوحدها الكتالوج بيقول ( نظام منع التلوث به خلل ) انا قولت يمكن فلتر البنزين ... وفى خطر لو مشيت مسافه واللمبه منوره
انا عملت صيانة ال 2500 فى غمره
عندى سؤال كمان ممكن الواحد يعمل صيانة 10000 قبلها يعنى على 8500 كيلو
هستنى ردك واكون شاكر

[معتز سامي]

اخ معتز ... ياريت تقولى انهو مركز اللى رحتله عشان لمبه الموتور نورت عندى النهاره ومش عايزه تطفى والمروحه اشتغلت لوحدها وصوتها كان واضح وبعد كده بطلت لوحدها الكتالوج بيقول ( نظام منع التلوث به خلل ) انا قولت يمكن فلتر البنزين ... وفى خطر لو مشيت مسافه واللمبه منوره
انا عملت صيانة ال 2500 فى غمره
عندى سؤال كمان ممكن الواحد يعمل صيانة 10000 قبلها يعنى على 8500 كيلو
هستنى ردك واكون شاكر

انا عملتها في غمرة ويستحسن ما تمشيش بيها كتير علشان هتقعد ترجرج منك والمروحة هتفضل شغاله بسرعه ............. ولما تروح هيقولولك بوجيهات ومعرفش ايه وعيب بنزين وأي كلام والحاجه دي مش في الضمان قولهم العربية لسه زيرو وانا مابحطش غير من بنزينات نضيفه ويستحسن لو من توتال علشان الشركة بتوصي بيها هيقولك كده هنطول وهناخد عينة من البنزين علشان نعرف العيب مننا ولا منك ......... قولهم براحتكوا بس انا مش هدفع حاجه في عربيه زيرو

هما عملوا معايا نفس الكلام وفي الاستقبال كان عايزني اغير بوجيهات وفلتر بنزين علي حسابي ويريح نفسه لكن طبعا لما رخمت وقولتلوا مش دافع حاجه وخد الوقت اللي انت عاوزه قعدوا يفصصوا في العربيه حته حته ويحطها شوية علي الكمبيوتر وياخد عينه من البنزين وقعدوا اكتر من تلات ساعات يجربوا كل حاجه وفي الاخر طلعت الموبينه اللي بايظه وغيروها ورجليهم غصب عنهم ومادفعتش حاجه طبعا والحمد لله العربيه تمام دلوقتي

[عيد الرحمن]

استلمت العربية يوم 6/6 وعملت 700 كيلو ... فجأة في مشوار الدنيا كانت حر لقيت العربية مكلبشة ومبتسحبش لدرجة مش بتستجيب لدواسة البنزين خصوصا من الثبات ... بدوس والعربية مش بتتحرك ومش بتستجيب غير بعد 5 ثواني مثلا والسحب بقي زفت علي كل السرعات كأن في حاجة مكلبشة العربية في الارض .... يا ريت حد حصل معاة الموضوع ده يقولي اعمل ايه ولكم جزيل الشكر .

[waleed acc]

استلمت العربية يوم 6/6 وعملت 700 كيلو ... فجأة في مشوار الدنيا كانت حر لقيت العربية مكلبشة ومبتسحبش لدرجة مش بتستجيب لدواسة البنزين خصوصا من الثبات ... بدوس والعربية مش بتتحرك ومش بتستجيب غير بعد 5 ثواني مثلا والسحب بقي زفت علي كل السرعات كأن في حاجة مكلبشة العربية في الارض .... يا ريت حد حصل معاة الموضوع ده يقولي اعمل ايه ولكم جزيل الشكر .

بص يا ستاذ عبد الرحمن هو نفس الوضع حصل معايا الخميس اللى فات بس أنا معايا اليزيه بس كنت لسه ممون من بنزينه غير اللي بمون منها فمش عارف عيب بنزين و لا في مشكلة في العربية
بس كده يبقى في حاجه مش سليمة لان ده فعلا نفس اللي حصل معايا بالظبط
لو حد حصل معاه كده ممكن يشركنا الموضوع
و شكرا

[عيد الرحمن]

شكرا أستاذ waleed acc وتقريبا ده اللي حصل لأن فعلا كان بعد ما مونت من بنزينة تانية ... لكن يا ريت حد مر بالتجربة دي يقولنا الحل ايه لأن الموضوع ده معكنني علي الآخر والعربية مش بتتظبط ... استني لما البنزين ده يخلص ولا أمون بنزين تاني معاه ولا أعمل ايه ؟؟

[tseifin]

انا رايح اعمل صيانة ال 10000 يوم السبت والعربية فيها بعض المشاكل زى التكييف ضعيف جدا على 1 والشبكة الامامية كلبساتها ضعيفه كل ما اركبها تتفك مش عارف هل فى حل للكلبسات دى ولا لاء ؟
ومش عارف صيانة ال 10000 تتكلف كام ؟؟؟؟؟؟

[2ndlt.oscar]

انا بتحصل معايا علي طول،، الموضوع مالهوش علاقه بالبنزين خالص،، انا روحت التوكيل في صيانه العشره قولتلهوم طبعا ولا عارفين العيب ولا عملوا حاجه قالولي كشفوا علي البوجيهات،،، اي كلام وخلاص،،، علي العموم الموضوع ده بيحصل مع الحر الجامد وانتا مشغل التكييف يعني لو الحراره 39 فيما فوق،،، انا كنت شاكيك في زيت الموتور بس ادينا غيرتوا ولا فرق،،، دلوقتي انا شاكيك في زيت الفتيس او سنسور ليه علاقه بالفتيس،،، علي فكره المازدا 3 فيها نفس العيب تقريبا الفتيس ال 4 سرعات فيه مشكله مع الحراره

[airac2002]

انا حصل معايا الموضوع دة ولما اتصلت بالتوكيل قالوا ان دة من البنزين وفعلا انا كنت مفول وركنت العربية كام يوم ولما استخدمتها صباحا بدون تكييف كان الامور عادية واثناء العودة للمنزل ظهرا يوم الحر الشديد شغلت التكييف فظهرت هذه المشكلة لدرجة اني قفلت التكييف علشان تتحرك العربية وسارت الامور عادية الي حد ما بدون تكييف ........عموما انا حاجز يوم الاحد في فرع غمرة وحروح اشوف حايعملوا اية