إعـــــــلان

Collapse

.

,
See more
See less

مشاكل فى بيجو 301 ورد فعل التوكيل

Collapse
X
 
  • Filter
  • الوقت
  • Show
Clear All
new posts

  • #16
    انا حاجز 301 شكلي هسحب فلوسي من كتر مشاكل العربيه وهي لسه جديده طب لما نوصل ل 70000 كم هتعمل ايه ...
    شويه مشاكل نتشه ومشاكل تكيف ومشاكل بوجيهات ومشاكل جيربوكس هو في ايه ؟؟ ياخوفي لتكون زي 307
    فعلا مافيش زي اعتماديه الكوري والياباني

    Comment


    • #17
      المشاركة الأصلية كتبت بواسطة m eissa مشاهدة المشاركة
      انا حاجز 301 شكلي هسحب فلوسي من كتر مشاكل العربيه وهي لسه جديده طب لما نوصل ل 70000 كم هتعمل ايه ...
      شويه مشاكل نتشه ومشاكل تكيف ومشاكل بوجيهات ومشاكل جيربوكس هو في ايه ؟؟ ياخوفي لتكون زي 307
      فعلا مافيش زي اعتماديه الكوري والياباني
      المشاركة الأصلية كتبت بواسطة m eissa مشاهدة المشاركة
      ana kont 7yran zyak kda we lesa la3ý el 7agz mn 6 sa3at :d we haro7 agyb rioooo
      هو انت حاجز بيجو 301 و لا حاجز نيسان و لا حتشتري ريوا و لا بتقارن بين الريو و السيراتو و لا انت الاكونت ده شركه بين مجموعه بيفكروا يشتروا عربيات ؟!!!
      فعلا مش فاهمك :)

      Comment


      • #18
        المشاركة الأصلية كتبت بواسطة m eissa مشاهدة المشاركة
        انا حاجز 301 شكلي هسحب فلوسي من كتر مشاكل العربيه وهي لسه جديده طب لما نوصل ل 70000 كم هتعمل ايه ...
        شويه مشاكل نتشه ومشاكل تكيف ومشاكل بوجيهات ومشاكل جيربوكس هو في ايه ؟؟ ياخوفي لتكون زي 307
        فعلا مافيش زي اعتماديه الكوري والياباني
        هل كان هناك شكاوى من الفتيس او وجود نتشة في 301؟ ارجو الافادة

        Comment


        • #19
          المشاركة الأصلية كتبت بواسطة m eissa مشاهدة المشاركة
          انا حاجز 301 شكلي هسحب فلوسي من كتر مشاكل العربيه وهي لسه جديده طب لما نوصل ل 70000 كم هتعمل ايه ...
          شويه مشاكل نتشه ومشاكل تكيف ومشاكل بوجيهات ومشاكل جيربوكس هو في ايه ؟؟ ياخوفي لتكون زي 307
          فعلا مافيش زي اعتماديه الكوري والياباني
          هارد عليك لتانى مرة (الرد الاول كان لنفس تعليقك اللى انت كاتبه هنا بالحرف فى موضوع رابطة ملاك 301):
          انت كتبت نفس التعليق فى مشاركتين
          فين هيا مشاكل الجيربوكس و البوجيهات
          و النتشة دى مش موجودة بالمرة بشهادة كل ملاك العربية و انا واحد منهم و الحمد لله
          انت بتجيب الكلام ده منين
          تصدق بالله....... لو حضرتك مش عاجباك البيجو و هتجيب عربية غيرها و تلغى حجزك(إن كنت حاجز بيجو فعلا)
          هيكون توكيل بيجو و اصحاب العربية هما الكسبانين

          Comment


          • #20
            المشاركة الأصلية كتبت بواسطة samyyousef مشاهدة المشاركة
            هل كان هناك شكاوى من الفتيس او وجود نتشة في 301؟ ارجو الافادة
            ا. سامي اقرا باقي تعليقاته و مشاركات العضو ده الاول بالترتيب و خد بالك من التاريخ و الساعه و بعد كده قولنا انت شايف ايه :)

            Comment


            • #21
              برافو عليك يا استاذ محمد
              فعلا صاحى
              كلام غريب و اسلوب أغرب
              قول انك مش حابب بيجو.....هو فى هيضربك على ايدك و يجبرك تشتريها
              العربية رقم واحد لازم يكون الواحد حاببها و بيتمناها
              مش لازم بالورقة و القلم تكون احسن عربية فى الكون

              Comment


              • #22
                اسف يا رجالة لو اتأخرت فى كتابة اللى حصل فى التوكيل امبارح

                دى كانت اول زيارة ليا لتوكيل بيجو وكانت فى فرع شارع بورسعيد، وصاحبى طلع معروف هناك من كتر ما راح بسبب المشكلة اللى فى العربية :)

                اللى استلم العربية مهندس اسمه احمد وقالنا دقايق ورجع جاب مهندس اسمه مينا، سمع مننا المشكلة وقالنا مش ها ادخلها الورشة وها اشتغل فيها قدامكم فى مكان الQuick Service عشان تبقوا متابعين العربية.

                مبدأيا قالنا دى مشكلة بنزين (نفس السبب القديم اللى اتقال قبل كده وطلبوا من صاحبى يمون من محطات معينة وصاحبى التزم بكلامهم) وقال ها نكشف ونشوف ايه الموضوع.

                طلعوا فلتر البنزين ونزلوا شوية بنزين اسود وقالولنا ده البنزين اللى نازل من الفلتر (طب ما هو طبيعى ان الفلتر يكون فيه ترسبات والمفروض ان الفلتر كده قام بدوره ونقى البنزين من اى Impurities وكان المفروض يجيب شوية بنزين من الرشاشات عشان نشوف البنزين داخل الموتور حالته عاملة ايه)

                طلبوا ان فلتر البنزين نغيره اضمن (على حسابنا) وغيروا هما البوجيهات (على حساب الضمان)

                حطوا العربية على الكومبيوتر ويالا بينا نجرب العربية.

                انطباعى ان العربية صوتها رجع طبيعى بعد ما كان عالى بعد اخر زيارة ليهم.

                طبعا المشكلة مش عارف ها ترجع تانى ولا لأ بس ادينا ها نجرب ونشوف.

                طلبت من المهندس مينا اننا نحط محسن اوكتان للبنزين فقالنا احنا بنبيع حاجة من انتاجنا قمنا اشتريناها العلبة ب120 جنيه قبل الضريبة وبتستخدم كل 10 الاف كم.

                ================================================== ======

                شوية ملحوظات كده:
                1- المهندسين محترمين (خصوصا المهندس مينا والمهندس محمد حسن)
                2- رغم انتباهم لكلامنا لكن حسيتهم مش بيسمعوا للعميل قوى (راجع لاعتقادهم انهم عارفين اكتر)
                3- بيهتموا بكل العربيات اللى عندهم بدرجة اهتمام واحدة.
                4- وهما بيركبوا البوجيهات لقيتهم ماسكين علبة زيت باور مش عارف بيضيفوا الزيت مع البوجيهات ولا ايه، لأن بعد كده فضلوا دايسين بنزين كتير شوية لحد العربية ما جابت زيت بس للأسف مخدتش بالى الزيت كان طالع من الشكمان ولا من حوض الموتور (لما سألتهم قالولى لا طبعا احنا حطينا الزيت للتنضيف عند الموتور والدخان طالع من قدام مش من الشكمان)
                5- سألت المهندس محمد حسن لو ينفع اجيب الزيت معايا فى صيانة ال10 الاف قالى ممنوع ولازم الزيت بتاعهم موبيل
                6- واحنا بنجرب العربية مع المهندس مينا قولتله على زميلنا اللى عربيته بابها اتخبط عندهم قالى محصلش وفى ناس بتدخل اونلاين من الوكلاء الاخرين لتشويه سمعة بيجو وووو

                اخيرا مقدرتش اكون انطباع عن التوكيل لأنها اول زيارة ليهم بس بردو مقدرش اقول ابدا انهم توكيل وحش لكن لسه موصلتش انى اقول انهم توكيل كويس

                [CENTER]
                [/CENTER]

                Comment


                • #23
                  شكرا علي تقريرك المحترم الحيادي
                  و عن نفسي انا اطمنت اكتر من كلامك برغم انك من النوع اللي بيحب يتاكد بزياده و دي حاجه كويسه
                  :)

                  Comment


                  • #24
                    شكرا علي تقريرك المحترم الحيادي
                    و عن نفسي انا اطمنت اكتر من كلامك برغم انك من النوع اللي بيحب يتاكد بزياده و دي حاجه كويسه
                    :)
                    اعتقد ان في مصر بنزين 95 هو المناسب او فعلا لو بنزينه التنكات فيها محترمه يبقي الواحد يمسك فيها و يمون 92
                    و ربنا يرحمنا من اضرار الغش

                    Comment


                    • #25
                      شكرا ياباشا بس انا ليا تعقيب على كلام المهندس المحترم

                      6- واحنا بنجرب العربية مع المهندس مينا قولتله على زميلنا اللى عربيته بابها اتخبط عندهم قالى محصلش وفى ناس بتدخل اونلاين من الوكلاء الاخرين لتشويه سمعة بيجو وووو


                      وهو متأكد كدة ازاى انه ما حصلش ، سبحان الله ! وايه تشويه سمعة بيجو دى ، يعنى هى دى كمان هيبقى فيها لجان الكترونية مثلا ! وانا ايه مصلحتى اشوه سمعة التوكيل وانا واحد معاه فعلا العربية والناس كلها عارفة وشافت عربيتى ! ويهمنى انها تبيع وتنتشر ومحدش يعزف عنها وحاجتها تنتشر وسوقها يمشى ..

                      ربنا يهدي والله ، فيها ايه لما يقول ان الموقف قد يكون حصل ، او انه ما يعرفش الموضوع ده ، او قد يكون حصل بدون قصد، بدل ما يسارع بالنفى تماما ! ، كونه ينفى تماما بكل ثقة كدة ، ده معناه انه سوري في الكلمة كداب هجاص كبير :)

                      على فكرة بما انى لجان الكترونية بقى ، علبة الدركسيون في التوكيل ده بـ 20 الف جنيه واللى مش مصدق يسأل، والكوبلن
                      الواحد بـ 3106 ، والقنطرة بـ 4456 و شمعدان العجل بـ 1893 و طاسة العجل البلاستيك الواحدة بـ 493 جنيه !! والمقص بـ 1300 ، كل ده من غير ضريبة طبعا :)

                      اللى فاكر ان الاسعار كلها من عينة قاعدة موتور بـ 350 و مساعد بـ 640 وشداد ميزان بـ 85 ياخد باله ..
                      في امان الله :)

                      Comment


                      • #26
                        المشاركة الأصلية كتبت بواسطة amrelsaqqa مشاهدة المشاركة
                        شكرا ياباشا بس انا ليا تعقيب على كلام المهندس المحترم



                        وهو متأكد كدة ازاى انه ما حصلش ، سبحان الله ! وايه تشويه سمعة بيجو دى ، يعنى هى دى كمان هيبقى فيها لجان الكترونية مثلا ! وانا ايه مصلحتى اشوه سمعة التوكيل وانا واحد معاه فعلا العربية والناس كلها عارفة وشافت عربيتى ! ويهمنى انها تبيع وتنتشر ومحدش يعزف عنها وحاجتها تنتشر وسوقها يمشى ..

                        ربنا يهدي والله ، فيها ايه لما يقول ان الموقف قد يكون حصل ، او انه ما يعرفش الموضوع ده ، او قد يكون حصل بدون قصد، بدل ما يسارع بالنفى تماما ! ، كونه ينفى تماما بكل ثقة كدة ، ده معناه انه سوري في الكلمة كداب هجاص كبير :)

                        على فكرة بما انى لجان الكترونية بقى ، علبة الدركسيون في التوكيل ده بـ 20 الف جنيه واللى مش مصدق يسأل، والكوبلن
                        الواحد بـ 3106 ، والقنطرة بـ 4456 و شمعدان العجل بـ 1893 و طاسة العجل البلاستيك الواحدة بـ 493 جنيه !! والمقص بـ 1300 ، كل ده من غير ضريبة طبعا :)

                        اللى فاكر ان الاسعار كلها من عينة قاعدة موتور بـ 350 و مساعد بـ 640 وشداد ميزان بـ 85 ياخد باله ..
                        في امان الله :)

                        يابني أنت مش شرط اللي قال كدا أنو حضر الموقف بتاعك,,
                        وأي حد ممكن مكانه هيقول كدا لما يتقاله إن فيه عربية جات عندكم وأتحكت أو أتخبطت,
                        زي الناس اللي بتلاقيها بتدخل هنا وبتقولك أحنا أشترينا البيجو وبعناها بعد يومين.!

                        وأسعار الكوبلن والشمعدان والقنطرة كل دي أسعار عادية, وعلبة الدركسيون غالية في كل العربيات
                        الطاسة هيا اللي غالية فعلاً والمفروض تقل عن كدا,,
                        LeitoSR سابقا

                        Comment


                        • #27
                          المشاركة الأصلية كتبت بواسطة damasry مشاهدة المشاركة
                          5- سألت المهندس محمد حسن لو ينفع اجيب الزيت معايا فى صيانة ال10 الاف قالى ممنوع ولازم الزيت بتاعهم موبيل
                          علي فكرة أنا مغير بزيت شيل مرة في غمرة,
                          ومرتين في صلاح سالم, ومرتين في أبو رواش
                          ومفيش ولا مرة روحت فيها بالزيت معايا وطلبت أغير بيه وحد رفض.

                          لو صاحبك حب يغير بزيت شيل وهيروح غمرة ممكن يبقي يكلم مهندس محمد الشرقاوي ويقوله أنا عايز أغير بزيت شيل وجايبة معايا وهيغير له بيه من غير مشاكل.

                          أنا بعمل كدا وبدفع بس تمن الفلتر ومصنعية تغير الزيت,
                          LeitoSR سابقا

                          Comment


                          • #28
                            المشاركة الأصلية كتبت بواسطة amrelsaqqa مشاهدة المشاركة
                            شكرا ياباشا بس انا ليا تعقيب على كلام المهندس المحترم



                            وهو متأكد كدة ازاى انه ما حصلش ، سبحان الله ! وايه تشويه سمعة بيجو دى ، يعنى هى دى كمان هيبقى فيها لجان الكترونية مثلا ! وانا ايه مصلحتى اشوه سمعة التوكيل وانا واحد معاه فعلا العربية والناس كلها عارفة وشافت عربيتى ! ويهمنى انها تبيع وتنتشر ومحدش يعزف عنها وحاجتها تنتشر وسوقها يمشى ..

                            ربنا يهدي والله ، فيها ايه لما يقول ان الموقف قد يكون حصل ، او انه ما يعرفش الموضوع ده ، او قد يكون حصل بدون قصد، بدل ما يسارع بالنفى تماما ! ، كونه ينفى تماما بكل ثقة كدة ، ده معناه انه سوري في الكلمة كداب هجاص كبير :)

                            على فكرة بما انى لجان الكترونية بقى ، علبة الدركسيون في التوكيل ده بـ 20 الف جنيه واللى مش مصدق يسأل، والكوبلن
                            الواحد بـ 3106 ، والقنطرة بـ 4456 و شمعدان العجل بـ 1893 و طاسة العجل البلاستيك الواحدة بـ 493 جنيه !! والمقص بـ 1300 ، كل ده من غير ضريبة طبعا :)

                            اللى فاكر ان الاسعار كلها من عينة قاعدة موتور بـ 350 و مساعد بـ 640 وشداد ميزان بـ 85 ياخد باله ..
                            في امان الله :)

                            خير يا عمرو انت هترعبنا ليه من العربية انت عرفت اسعار الحاجات دى ازاى انت فى موضوع اختبار التصادم لمحت انك خبطت العربية بس بدون تفاصيل طمنا ايه اللى حصل ويارب تكون سليمه

                            Comment


                            • #29
                              هي الاسعار دي عادي ولة اية ؟

                              Comment


                              • #30
                                المشاركة الأصلية كتبت بواسطة smsm2004w مشاهدة المشاركة
                                خير يا عمرو انت هترعبنا ليه من العربية انت عرفت اسعار الحاجات دى ازاى انت فى موضوع اختبار التصادم لمحت انك خبطت العربية بس بدون تفاصيل طمنا ايه اللى حصل ويارب تكون سليمه
                                هوا أنت متوقع إن الأسعار المفروض تكون كام ؟؟
                                أسعار الكوبلن والشمعدان والقنطرة كل دي أسعار عادية,, وعلبة الدركسيون غالية في كل العربيات.
                                ممكن تشوف أسعار قطع غيار العربيات الكوري والياباني اللي في نفس الفئة من ١١٠ ولحد ١٥٠ ألف وتشوفهم عاملين كام قبل ما تترعب كدا.!

                                المشاركة الأصلية كتبت بواسطة mohamed hussei مشاهدة المشاركة
                                هي الاسعار دي عادي ولة اية ؟
                                عادية جداً.
                                LeitoSR سابقا

                                Comment

                                Working...
                                X