بيجو 301..نص الشكوى

[Ashraf Fawzy]

كنت إتفقت مع الأعضاء في الموضوع ده

http://www.nilemotors.net/nile/414445-a.html

على تقديم شكوى جماعية نظراً لأرتفاع أسعار الصيانات و تغيير قطع الغيار خارج الضمان

ده نص الشكوى


يا ريت تقولولي آرائكم و إقتراحتكم
بعد الإتفاق على النص إن شاء الله سيتم مخاطبة بيجو مصر
و إعطاء مهلة مناسبة (شهر مثلاً)

في حالة عدم إهتمام الوكيل و إستمرار إستنزاف العملاء سيتم مخاطبة الشركة الأم

في إنتظار إقتراحاتكم

تحياتي

شكراً جزيلاً على المجهود الرائع المبذول لإعداد الصيغة, وعايز اعرف هل هانضيف إمكانية إضافة الكماليات (وحدة رفع الزجاج - نظام التنبيه الصوتى) حالياً ولا نخليها قدام؟

بعد الإتفاق على الصيغة النهائية إن شاء الله, هل كل واحد هايقوم بإرسالها عن طريق الإيميل لبيجو مصر بعد كتابة بياناته؟ و إيه هو الإيميل لبيجو مصر؟

أنا برده بأيد فكرة الإتصال 19207 و تقدم شكوى محدده بالصيغة اللى نتفق عليها.

و على رأيك, لما الواحد هايفاصل فى التوكيل يبقى لزمته إيه, ماننزل على اقرب ورشه على الناصية احسن؟!!

و بالمناسبه دليل على غياب المصداقية فى التعامل مع التوكيل عدم نشر المصنعية عند تركيب و تغيير القطع, على سبيل المثال لما سألت فى أبو رواش على تكلفة تركيب محدد السرعة قالولى 1000 جنيه, علماً إن كثير من الأعضاء قالوا إنهم ركبوها بحوالى 600 جنيه شاملة المصنعية و الضريبة فى مراكز تانيه زى صلاح سالم.

[abohend]

فورمة الشكوى

دي فورمة الشكوى بصيغة docx
مركز تحميل الصور ، تحميل الصور، موقع تحميل الصور ، رفع الملفات، تحميل الملفات

و دي بصيغة doc عشان أفيس 2003
مركز تحميل الصور ، تحميل الصور، موقع تحميل الصور ، رفع الملفات، تحميل الملفات

برجاء من الأعضاء الإنتظار و عدم إرسال شكاوى بالميل قبل يوم الأثنين 14-04-2014
حتى يتم الإرسال بشكل جماعي

سيتم الإرسال للبريد الإلكتروني للوكيل (لم أصل إليه حتى الآن)
سيتم رفعها على صفحة بيجو على الفيس (المشكلة إن المعلومات هتبقى معروضة)
سيتم نشرها على جروبات الملاك و الفانز على الفيس (المشكلة إن المعلومات هتبقى معروضة)

سيتم الشكوى شفهياً عن طريق الرقم المختصر 19207 بداية من اليوم مع ذكر النقاط الموجودة بالفورمة و إضافة أي مشكلة أخري يتعرض لها المالك

في إنتظار إقتراحاتكم لأي جهة أو وسيلة أخرى ننشر الشكوى من خلالها
و رجاء من أي عضو يصل للبريد الإلكتروني الخاص بالوكيل رفعه على المنتدى

تحياتي

[Ashraf Fawzy]

دي فورمة الشكوى بصيغة docx
مركز تحميل الصور ، تحميل الصور، موقع تحميل الصور ، رفع الملفات، تحميل الملفات

و دي بصيغة doc عشان أفيس 2003
مركز تحميل الصور ، تحميل الصور، موقع تحميل الصور ، رفع الملفات، تحميل الملفات

برجاء من الأعضاء الإنتظار و عدم إرسال شكاوى بالميل قبل يوم الأثنين 14-04-2014
حتى يتم الإرسال بشكل جماعي

سيتم الإرسال للبريد الإلكتروني للوكيل (لم أصل إليه حتى الآن)
سيتم رفعها على صفحة بيجو على الفيس (المشكلة إن المعلومات هتبقى معروضة)
سيتم نشرها على جروبات الملاك و الفانز على الفيس (المشكلة إن المعلومات هتبقى معروضة)

سيتم الشكوى شفهياً عن طريق الرقم المختصر 19207 بداية من اليوم مع ذكر النقاط الموجودة بالفورمة و إضافة أي مشكلة أخري يتعرض لها المالك

في إنتظار إقتراحاتكم لأي جهة أو وسيلة أخرى ننشر الشكوى من خلالها
و رجاء من أي عضو يصل للبريد الإلكتروني الخاص بالوكيل رفعه على المنتدى

تحياتي

إتفقنا, يبقى ميعاد ارسال الشكوى الجماعية بالإيميل يبدأ يوم الإثنين القادم بإذن الله.

بالنسبة للإيميل بتاع بيجو مصر: Customercare@Peugeot.com.eg

صفحتهم على تويتر: https://twitter.com/PeugeotCDCM

صفحتهم على الفيسبوك: https://www.facebook.com/PeugeotEgypt

صفحتهم على اليوتيوب: PeugeotFansInEgypt - YouTube

دى الصفحة اللى جبت منها الإيميل و اللينكات www.peugeot-eg.com/contact-us

[abohend]

تم تقديم شكوى تليفونية

لسه قافل مع بيجو
كلمت الرقم المختصر 19207
إخترت الشكاوى و المقترحات

المندوب رد على طول بيتكلم بكل ذوق و أدب
رقم التليفون متسجل عندهم عشان كلمتهم قبل كده في فترة الحجز
بيطلب منك رقم الشاسيه و اللوحات (حضرهم قبل المكالمة)

نص المكالمة
المندوب: سبب الشكوى
أنا: صيانة ال10.000
المندوب:حضرتك عملت صيانة 10.000 وقابلك مشاكل؟؟
أنا: لأ..لكن زمايلي عملوها و قابلتهم بعض المشاكل...ممكن تعتبرها شكوى و ممكن تعتبرها إقتراح
المندوب: ايه المشاكل اللي قابلتهم؟؟
أنا: تغيير بوجيهات (رغم إنها في جدول الصيانة بيتبص عليها كل 20.000)
تغيير تيل أمامي (و ده مش عيب إستخدام لأن كل زمايلي غيروه)
إجبار العميل على زيت موبيل بخلاف الموصى به من المصنع

المندوب:في مشاكل تانية يا فندم؟؟
أنا: اه بس ملهاش علاقة بالصيانة
المندوب: ايه المشكلة؟؟
أنا: عدم وجود شبكة حماية على مروحة الرادياتير
قبل مكمل كلامي
رد المندوب:
و ده بيؤدي لقطع خرطوم الراجع من الرادياتير ساعة الترخيص..تمام يا فندم
أنا: يبقى الموضوع متكرر..بالضبط كده
المندوب: شكراً لإتصالك و أنا بعتذر عن أي مشكلة واجهتك
سيتم الرد خلال 48 ساعة على نفس الرقم اللي حضرتك طلبت منه

أنا:شكراً و أنا بكلمكم عشان المشكلة اللي واجهت زمايلي متتكررش معايا
المندوب:تحت أمرك
أنا: شكراً...سلام عليكم

إن شاء الله أي حد يكلمهم يبقى يقولنا عمل ايه
تحياتي

[goldfinger2]

لا يا باشا أسباني مش فرنساوي

و مش معنى كده إن كل القطع هتبقى أسباني

هتلاقي الفانوس مغربي...عادي

مش مشكلة

المهم الآداء و الإعتمادية مش بلد المنشأ

بس الواضح إن الإعتمادية زفت..ربنا يستر

انا ملاحظ ان مش كل قطع الغيار صناعة واحدة فلتر الهوا فرنساوى ، وفلتر البزين تونسى والكشافات مغربى ،،،،،،،،، دة ان دل فانما يدل على اننا هنووووووود ، دااحنا حتى لو هنود مش هايعملوا فينا كدة
ان شاء الله هصورلكوا علبة الفلتر وعليها الصناعة

[Mohamed GEMY]

بجد شغل عالي واثق ان شاء الله انه هيقي فيه رد فعل لصلحنا
بس كنت عاوز اعرف ليه برده في نفس الوقت منرسلش شكوي لفرنسا الشركه الام؟

[abohend]

السبب

بجد شغل عالي واثق ان شاء الله انه هيقي فيه رد فعل لصلحنا
بس كنت عاوز اعرف ليه برده في نفس الوقت منرسلش شكوي لفرنسا الشركه الام؟

أنا دخلت على صيغة دعوى ضد شركة سيارات كان عاملها مكتب محاماه في أمريكا

أول سؤال بيسأله
(هل خاطبت الموزع اللي إنت إشتريت منه؟؟ و كان ايه رده؟؟ و الخطوات اللي خدها لحل المشكلة؟؟)
عشان منبقاش بنضيع وقت على الفاضي و نبقى إحنا الغلطانين في إننا مطلبناش بحقنا بالطريقة المضبوطة

[Hema_Basha]

أنا دخلت على صيغة دعوى ضد شركة سيارات كان عاملها مكتب محاماه في أمريكا

أول سؤال بيسأله
(هل خاطبت الموزع اللي إنت إشتريت منه؟؟ و كان ايه رده؟؟ و الخطوات اللي خدها لحل المشكلة؟؟)
عشان منبقاش بنضيع وقت على الفاضي و نبقى إحنا الغلطانين في إننا مطلبناش بحقنا بالطريقة المضبوطة

طيب كلام جميل يا ابوهند ما التوكيل عارف ان العربية تيل الفرامل بتاعها مش كويس وفي نفس الوقت بيدفع الناس تمنه وييضحك عيهم يقولك سوء استخدام وكذلك البوجيهات اللي 100% بتتغير من غير ما يبص عليها حتي وده ان دل علي ان الناس دي متهماش غير مصلحتهم اولا مالوش دعوة بالعميل

[abohend]

حد كلم الوكيل؟؟

طيب كلام جميل يا ابوهند ما التوكيل عارف ان العربية تيل الفرامل بتاعها مش كويس وفي نفس الوقت بيدفع الناس تمنه وييضحك عيهم يقولك سوء استخدام وكذلك البوجيهات اللي 100% بتتغير من غير ما يبص عليها حتي وده ان دل علي ان الناس دي متهماش غير مصلحتهم اولا مالوش دعوة بالعميل

أنا متأكد يا hema من كلامك و إن التوكيل عارف المشكلة و بيستغل الناس
و مش بيجو بس
كل الوكلاء في مصر طماعين و مفيش قانون أو آليات تحمي المستهلك
لكن زي موضحت لmohamed gemy
ده بيبقى أول سؤال و رد هيجيلك من الشركة الأم
هل خاطبت الوكيل بمصر
لو قلتله اه
هيقولك ايه كان رد الفعل؟؟و على أساس رد فعل الوكيل هيتم فحص المشكلة و التعامل مع الوكيل في مصر

لو قلتله لأ هيقولك خاطبه
يبقى خلينا ناخد الموضوع واحدة و احدة و منتسربعش
و مممكن في النهاية الشركة الأم تقولك إحنا غير مختصين بالرد على شكاوى مصر
ده اللي أنا متوقعه
لكن هنبقى عملنا قلق و أثرنا على سمعة الوكيل و هزينا صورته أمام الشركة الأم
و ممكن يقرصوا ودنه من تحت لتحت و تبدأ تلاقيه يستجيب


إحنا نعمل اللي علينا و ربنا يسهل بعد كده

[gdwl] [/gdwl][gdwl][/gdwl][gdwl]
المهم حد كلم الرقم المختصر و لا الناس طنشت
دي مكالمة تليفون يا جماعة مش هتكلف حاجة بس هتثبت إن المطالب جماعية و تخلي الوكيل يهتم
[/gdwl]

تحياتي

[Amr Hussain]

يا جماعة احنا لازم نقف جنب بعض و ناخد الموضوع بجد علشان مايضحكش علينا
لان مافيش بوجيهات بتتغير على 10000 و فلتر هواء و فلتر تكييف و فلتر بنزين و تيل فرامل خدوا بالكم الى حد ما الكلام دة معقول بالنسبة انهم ممكن فى الصانات الى اعلى من كدة هتلاقيهم بيزودوا قطع غيار اعلى (طرمبة مياة - سيور - الخ ) فلازم نحط حد

[mahmed0100]

متابع بإهتمام

[abohend]

مؤشر مش كويس

الواضح إن الناس مستصعبة مكالمة التليفون
محدش حتى الآن قدم شكوى هاتفية
و ده مؤشر مش كويس
و بيدل إن الشكوى مش هتبقى بالقوة أو العدد المتوقع

إن شاء الله هقدم الشكوى الكتابية بالميل يوم الأتنين زي ما أتفقنا
يا ريت الناس تبعت و متكسلش و اللي يبعت يقول عشان نبقى عارفين العدد كام و إحنا بنتكلم باسم كام مالك

و ربنا يقدر الخير من عنده

تحياتي

[eslam.maghawry]

يا شباب محدش عمل مكالمة غير أبو هند ليه
انا لسه مستلمتش ومستني بفارغ الصبر وأولما استلم هكون اكتيف معاكم بإذن الله تعالى

[mshenshen]

العربية ظهر فيها مشاكل الموتور صوته عالي و التكييف لما بيشتغل بيكلبش العربية تيل الفرامل بيصفر و العربية عاملة 3000 كيلو و ناس كتير غيرته بدري علي 7000 و التوكيل مابيرحمش

[ABOMO3AZ HASBO]

موضوع جيد وفعال والشكر لابو هند علي الاهتمام