Tweet
المشاركة الأصلية كتبت بواسطة ali wika
مشاهدة المشاركة
-
وعليكم السلام نعم يمكن اضافة 5 اجهزة ولكن يعمل جهاز واحد فقط لايمكن عمل جهازين مع بعضGamal2000 سابقا -
اصدقائى الاعزاء فى منتدى الجميلة فلوانس - بل هى جميلة الجميلات فى فئتها وسعرها
أنا عضو جديد فى المنتدى وشكر خاص لأخونا بوكلا - واحد من الناس اللى حطوا عينى على العربية وحببونى فيها - أنا نازل من نوبيرا تو - وكانت عينى على الفانتازيا - بس لقيت الفلوانس ترضى غرورى
انا اشتريت الفئة اللى بفتحة سقف وبارك سينسور و فرش نص جلد - أعتقد هى e3s - موديل 2013 - اشتريتها أخر شهر فبراير - وعامل بيها 1325 كيلو - وانطباعاتى عنها كلاتى:
1- عربية فخمة و كلاس و رزينة
2- صالون تحفىة واسع جدا ومريح فى اى مكان سواء فى الامام او فى الخلف
3- جودة الخامات مقارنة بالكورى و اليابانى اكثر من رائع
4- العربية ناعمة جدا سواء موتور او عفشة
5- ثبات تحسد عليه السيارة مع تورشن بيم
6- خلوص من الارض مش طبيعى ودى كانت مشكلتى مع النوبيرا - اما الفلوانس اعتقد انها انهت عقدتى من المطبات - او لما اركن جنب رصيف عالى
7- الكماليات هايلة و خاصة البلو توث - نقلة حضارية رائعىة - اما الكروز كونترول ومحدد السرعة فايه الجمال ده
8- التكييف - لسة مقدرش احكم عليه لان الجو عندنا فى بورسعيد لسة جميل اوى
9- الباور الكهرباء هايل - وتقله التناسبى مع السرعة رائع
10- شكرا لمهندسى رينو على الديزاين الجميل برة و جوة
لسة ماروحتش التوكيل لانى كما عرفت من حضراتكم اول صيانة عند 5000 كيلو - بس ممكن حد يدلنى ازاى اروح توكيل العبور من طريق اسماعلية الصحراوىنعيب زماننا والعيب فينا - وما لزماننا عيب سوانا
اللهم احمى مصرComment
-
نسيت اخبركم انى اشتريت من بورسعيد بسعر 160000 - فهل السعر ده معقول ولا غالى على e3s الوقتى والدولار عامل 730 قرش
وتقبلوا مرورىنعيب زماننا والعيب فينا - وما لزماننا عيب سوانا
اللهم احمى مصرComment
-
الف مبروك على العربية وربنا يديك خيرها ويكفك شرها هى عربية جامدة فعلا انا جايبها من السعودية لانى حاليا فيها وان شاء الله ناوى انزلها بعد ان اسدد اقساطها انا جايب الفئة اللى تحتك تقريبا بس اللى فى السعودية تقفيل كورى مش تركى وبالنسبة لتوكيل العبور انا طبعا مرحتوهش ولكن انت هتفضل ماشى على طريق الاسماعيلية الصحراوى حتى يقابلك مدخل مدينة العبور هتعديه فى اتجاهك لموقف العاشر وهتمسك يمينك واعتقد انه هيكون قريب من غبور على يمينك هيجى غبور اسال هناك وياريت حد من الاخوة فى مصر يفيدك اكتر ومبروك مرة تانية ومرحب بأهلنا البورسعيدية الجدعانالمشاركة الأصلية كتبت بواسطة ali wika مشاهدة المشاركةGamal2000 سابقاComment
-
الف الف مبروك يا زعيمالمشاركة الأصلية كتبت بواسطة ali wika مشاهدة المشاركة
و ربنا يديك خيرها و يكفيك شرها
و السعر ده مناسب
و بالنسبه لتوكيل العبور
هتمشي في طريق الاسماعيليه و تدخل مدخل العبور
و هتدخل من تاني ميدان شمال عند توكيل فولكس و فورد
و من تاني تقاطع تدخل شمال هتلاقيه علي بعد 200 متر كده علي ايدك اليمين
و انت ماشي هتلاقي اليفط بتاعة رينو تدلك فين من اول ما تدخل العبور فمفيش توهان ان شاء اللهSharief Mansy شريف منسي
شكرا نايل موتورز
[SIGPIC][/SIGPIC]
Farewell my Cayenne, you were the best car i ever had and drivenComment
-
الحمد لله بعد مشاورات وجهد كبير .. استلمت الفلوينس يوم الاتنين اللي فات من بورسعيد والحقيقة حاسس اني خدت أخر عربية فلوينس الشكل الحالي قبل نزول الشكل الجديد لان لو حد سأل رينو نفسهم دلوقتي مش هيلاقي العربية اختفت فجأة من أسبوع تقريباً ..
الموديل e3 لون فيراني فاتح وبعد تجربة القيادة من بورسعيد للقاهرة الحقيقة لازم أحمد ربنا على اختياري بإصرار على العربية دي من وسط عدد كبير من الموديلات في نفس الفئة السعرية.
طبعاً احساس الفخامة والكماليات الغير طبيعية بجد مش معقول والمقارنة بالكيا سيراتو اللي معايا من خمس سنين هتكون مقارنة غير عادلة على الإطلاق
أسأل الله أن يجعل لي فيها كل الخير وأن يقيني شر الطريق.
ويسعدني التواصل مع الزملاء الأعزاء في أي استفسار .. وشكراً لكم.Comment
-
الف الف مبروك وربنا يديك خيرها ويكفيك شرهاالمشاركة الأصلية كتبت بواسطة ahmed ghazy مشاهدة المشاركةGamal2000 سابقاComment
-
أحمد بك غازى - أولا ألف مبروك على الفلوانس وربنا يديك خيرها ويبعد عنك شرها - وفعلا اختيار موفق انشاء الله - ربنا يبارك لك فيها - ويكفيك شر الطريقالمشاركة الأصلية كتبت بواسطة ahmed ghazy مشاهدة المشاركة
1- أتمنى انك فى طريق عودتك من بورسعيد الى القاهرة ماتكونش عديت السرعة عن 100 وماتكونش شغلت التكييف - وهاتتبع حضرتك التعليمات دى اول 3000 كيلو بقدر الامكان لتليين الموتور بالشكل الامثل
2- ممكن حضرتك تقول لنا اشتريت ال e3 بكام - وهل فيه زيادة فى السعر او اوفر برايز
3- انا اشتريت e3s برضه من بورسعيد - من معرض على مسعد فى شارع 23 يوليو - والحقيقة معرض محترم - وجهزلى ورق العربية بعد يومين - هل حضرتك سافرت من بورسعيد الى القاهرة بدون ورق السيارة
اخيرا - الف مبروك على الفلوانسنعيب زماننا والعيب فينا - وما لزماننا عيب سوانا
اللهم احمى مصرComment
-
اخوانى الاعزاء فى احلى منتدى - انا ملاحظ ان فيه نوع من الخمول فى منتدى حائزى الجميلة فلوانس - وبعد ماكان المنتدى يوصف بالنشط - اصبح كسول - الفلوانس لسة برضه عربية جديدة وعايزيين نتبادل الخبرات والتجارب
الاخ العزيز لBukla - اين انت - أتمنى تكون بخير - طمنا عليكنعيب زماننا والعيب فينا - وما لزماننا عيب سوانا
اللهم احمى مصرComment
-
-
اشكركم جميعاً على كلماتكم الطيبة واتمنى التواصل دائماً ان شاء الله
علي باشا ويكا .. الصدفة السعيدة اني اشتريت من عي مسعد برضه ومعاك حق هو شخصياً راجل محترم ووفى بوعده ورحت لقيته مجهز ورق العربية بالكامل ورخصت العربية النهاردة الصبح والحمد لله
بخصوص موضوع السرعة انت معاك حق طبعاً أنا فعلاً ماعدتش الــ 100 غير مرة أو اتنين لمدة ثواني بس عشان أطلع من عربية نقل مش أكتر والحقيقة استغليت الكروز كنترول بشكل كبير وشايفه اوبشن في قمة العبقرية والأهمية خاصة على طرق السفر وكمان ما استخدمتش التكييف أبداً لإني تعمدت أرجع القاهرة بعد المغرب عشان الجو يكون أحسن وكمان المرور أخف وأسهل
العربية يا سيدي زي ماقلت لقيتها بصعوبة بالغة لاني الحقيقة اتلكعت شويتين في القرار وكانت العربية اختفت تماما من كل معارض وموزعين رينو في القاهرة ودا الللي أجبرني أسافر بورسعيد أشتريها من هناك بعد ما فيه واحد قريبي لقاها هناك وحجزهالي ب 5000 جنيه جدية حجز
السعر كان ارتفع واشتريتها بـــ 155 ألف من علي مسعد ومع ذلك ماحسيتش اني سايق عربية بأعلى من قيمتها السعرية بالعكس رأيي الشخصي ان قيمتها أعلى من سعرها حتى بعد الزيادة
طبعاً ما خبيش عليكو أنا بقالي 3 أيام كل شوية أنزل افتح العربية وأقعد أجرب في الأوبشن زي القروي الساذج !!!
ويمكن الحاجة اللي عاوز اسال عليها الخبراء هي إزاي ألغي الــ auto answer للموبايل لان حاجة سخيفة ان العربية ترد لوحدها على أي رقم بيتصل !!!Comment
-
اشكركم جميعاً على كلماتكم الطيبة واتمنى التواصل دائماً ان شاء الله
علي باشا ويكا .. الصدفة السعيدة اني اشتريت من عي مسعد برضه ومعاك حق هو شخصياً راجل محترم ووفى بوعده ورحت لقيته مجهز ورق العربية بالكامل ورخصت العربية النهاردة الصبح والحمد لله
بخصوص موضوع السرعة انت معاك حق طبعاً أنا فعلاً ماعدتش الــ 100 غير مرة أو اتنين لمدة ثواني بس عشان أطلع من عربية نقل مش أكتر والحقيقة استغليت الكروز كنترول بشكل كبير وشايفه اوبشن في قمة العبقرية والأهمية خاصة على طرق السفر وكمان ما استخدمتش التكييف أبداً لإني تعمدت أرجع القاهرة بعد المغرب عشان الجو يكون أحسن وكمان المرور أخف وأسهل
العربية يا سيدي زي ماقلت لقيتها بصعوبة بالغة لاني الحقيقة اتلكعت شويتين في القرار وكانت العربية اختفت تماما من كل معارض وموزعين رينو في القاهرة ودا الللي أجبرني أسافر بورسعيد أشتريها من هناك بعد ما فيه واحد قريبي لقاها هناك وحجزهالي ب 5000 جنيه جدية حجز
السعر كان ارتفع واشتريتها بـــ 155 ألف من علي مسعد ومع ذلك ماحسيتش اني سايق عربية بأعلى من قيمتها السعرية بالعكس رأيي الشخصي ان قيمتها أعلى من سعرها حتى بعد الزيادة
طبعاً ما خبيش عليكم أنا بقالي 3 أيام كل شوية أنزل افتح العربية وأقعد أجرب في الأوبشن زي القروي الساذج !!!
ويمكن الحاجة اللي عاوز اسال عليها الخبراء هي إزاي ألغي الــ auto answer للموبايل لان حاجة سخيفة ان العربية ترد لوحدها على أي رقم بيتصل !!!Comment
-
الف الف مبروك استاذ احمد فعلا العربية حلوة واختيار صائب بأمر الله ومن جمال العربية مبعتش العربية التانية اهو بتخبط بيها وبركن برحتى فى الايام الغريبة دى .... واجبة سوالك على الغاء رد العربية مباشرة على المكالمات
دة بيتظبط من الكاسيت نفسه ....من ال settings
بالظبط بتخلى ال Hold على Manual مش Automatic فى كاسيت العربيةComment
-
شكراً يا أستاذ حلمي .. هجرب اللي قلته وأشوف ..Comment
-
قولولي يا جماعة انا وقفت بالعربية شوية والتكييف شغال فلاحظت انها بتنزل ميه من تحت ده طبيعي عشان الحر هنا فالخليج ولا ايهComment
Comment