رابطة حائزى الفلوينس

[Hany Saad]

السلام عليكم ورحمة الله

سؤال لو تكرمكم يا أفاضل:

هل يوجد مؤشر ضغط الهواء في الإطارات (tyre pressure sensor )في الفلوانس e3 ؟ أنا مش لاقيه في المواصفات بس حاسس إنه أكيد موجود في عربية فيها كل المزايا دي

ألف شكر مقدما :)

للأسف مش متوافر فى التجهيزات و لا حتى فى فئة الهاى لاين

تحياتى

[ahmed_magdy_71]

للأسف مش متوافر فى التجهيزات و لا حتى فى فئة الهاى لاين

تحياتى

ألف شكر يا أستاذ هاني على سرعة الرد :)

[M. Hassan]

شباب

أنا شاري e3 2015 هاي لاين شهر 12 اللي الفات. يعني بقالي 7 شهور بس.
في الفترة دي العربية تعرضت لكم لا بأس به من الخدوش - كلهم وهي واقفة مركونة

المهم. أنا مضايق من شكل الخدوش دي وسمعت إن في قلم كدا بيمشي على الدهان ياخد من اللون ويحط على الخدش عشان ميبقاش باين. وفي حد قاللي على نوع دهان (زي الكريم كدا) بيتباع في محطات البنزين وقاللي أنه بيتحط على المنطقة المصابة وبيعالجها.

الكلام دا صحيح؟ وهل بيأثر على لون الأماكن السليمة اللي جنب الخدوش؟ لو نجح، بيبقى باين اختلاف اللون؟

أفيدوني لو سمحتم

[waseem raafat]

الحمد لله تسلمت فلوانس 2016 - e3 نبيتي من معرض الليثي بمدينة نصر و الحقيقة المعرض ممتاز و منتظر الأوراق للترخيص

عندي حاجة غريبة مش فاهمها في لوك الأبواب لأن البصمة مش شغال بانتظام يعني مرة يشتغل و كذا مرة ما يشتغلش ... أرجو الإفادة و شكرا .

[Hany Saad]

الحمد لله تسلمت فلوانس 2016 - e3 نبيتي من معرض الليثي بمدينة نصر و الحقيقة المعرض ممتاز و منتظر الأوراق للترخيص

عندي حاجة غريبة مش فاهمها في لوك الأبواب لأن البصمة مش شغال بانتظام يعني مرة يشتغل و كذا مرة ما يشتغلش ... أرجو الإفادة و شكرا .

ألف مبروك العربية و إن شاء الله هتنبسط منها جداً

راجع الموضوع ده هتلاقى فيه إجابة لموضوع البصمة:

http://www.nilemotors.net/Nile/471116-a.html

تحياتى

[drhosamuldeen]

سؤال للاخوه في الرابطه --هل يمكن اضافه esp او esc للفلوانس في التوكيل بمصر وهل تمت اضافته للموديلات الحديثه-علما بانه موجود في السياره خارج مصر من فتره و مشروح في كتيب السياره من عده سنوات

[EL-ARABY]

السلام عليكم،
اشكر هذا الجروب الجميل على كل المعلومات القيمة التي استفادتها منه، هذه أو مشاركة لي في هذا الجروب، لقد قررت بأذن الله تعالى أن اشتري فلوانس e3، ولكني لاحظت أن هناك بعض الاعضاء يتكلمون عن بعض الـ options التي تم الغاءها من العربية، برجاء الافادة عن الفروق فيما بين موديل الموديل المعروض للبيع حاليا في المعارض والموديلات السابقة بالنسبة لـ e3.
كذلك ارجو الافادة عن أفضل معرض يمكن الشراء منه وافضل خصم ممكن احصل عليه، وما هي الاشياء التي يجب علي البحث عنها عند استلام الفلوانس.
وألف شكر على المساعدة

[Hany Saad]

سؤال للاخوه في الرابطه --هل يمكن اضافه esp او esc للفلوانس في التوكيل بمصر وهل تمت اضافته للموديلات الحديثه-علما بانه موجود في السياره خارج مصر من فتره و مشروح في كتيب السياره من عده سنوات

للأسف لم يتم إضافة خاصية ال ESP فى الموديلات الحديثة (2016) للسيارة حتى الأن

النظام يتكون من أربع حساسات على الأربع عجلات ثم توصيله بنظام ال ABS المتوافر فى السيارة ثم تركيب Control unit أو Logic unit علشان تقرا من الأربع حساسات و توصل الأوامر لنظام ال ABS و هذه ال control unit هتتوصل بال Master control unit بتاعة السيارة و طبعاً دفيرة الكهربا الخاصة بها.....

النظام سعره فى حدود 2500 دولار أمريكانى، مع مكسب التوكيل و مصنعية التركيب ده فى حالة القدرة على تركيبه و ضبطه من قبل فني التوكيل هيكون مبالغ فيه جداً

تحياتى

[waseem raafat]

ألف مبروك العربية و إن شاء الله هتنبسط منها جداً

راجع الموضوع ده هتلاقى فيه إجابة لموضوع البصمة:

http://www.nilemotors.net/nile/471116-a.html

تحياتى

أشكر سيادتك و الله يبارك فيك يا هاني بك

كمان الكاسيت محتاج كود و المعرض قال لي ان هذا الكود بنطلبه من التوكيل هل هذه الكلام صحيح ؟

[Hany Saad]

أشكر سيادتك و الله يبارك فيك يا هاني بك

كمان الكاسيت محتاج كود و المعرض قال لي ان هذا الكود بنطلبه من التوكيل هل هذه الكلام صحيح ؟

مظبوط...حضرتك هتكلم 16202 و يكون معاك رقم الشاسيه كما هو مكتوب فى الرخصة أو رقم ال vin الموجود أسفل البارابريز الأمامى
بتديهم الرقم بيملوك كود الكاسيت

تحياتى

[nolimits]

السلام عليكم،
اشكر هذا الجروب الجميل على كل المعلومات القيمة التي استفادتها منه، هذه أو مشاركة لي في هذا الجروب، لقد قررت بأذن الله تعالى أن اشتري فلوانس e3، ولكني لاحظت أن هناك بعض الاعضاء يتكلمون عن بعض الـ options التي تم الغاءها من العربية، برجاء الافادة عن الفروق فيما بين موديل الموديل المعروض للبيع حاليا في المعارض والموديلات السابقة بالنسبة لـ e3.
كذلك ارجو الافادة عن أفضل معرض يمكن الشراء منه وافضل خصم ممكن احصل عليه، وما هي الاشياء التي يجب علي البحث عنها عند استلام الفلوانس.
وألف شكر على المساعدة

ألغيت الستاير الجانبية في كل الفئات و ما يسمى حساس الاوكرة (فوتو سيل Photo Cell ) التي كانت ببعض الفئات قبل سنتين ... تم اضافة نيكل خلفي للاسم بعرض الشنطة و زاد عرض الكاوتش في الفئة اقل من S3 إلى 16 بوصة و اضيفت اضائة ليد للاشارات و ليد امامي وخلفي لبعض الفئات "كما اعتقد" ... والله اعلم ...

انا اشتريت 2016 E3SR ولم انتبه للستاير الجانبية وتغاضيت عن المبالغة في بعض التفاصيل في مقابل كماليات كثيرة للغاية في سيارة محترمة فعلا .. اتكل على الله مع العلم ان التوكيل ومركز خدمته لا يهتمون بشكل كافي بك وبسيارتك ;)

[EL-ARABY]

[QUOTE=nolimits;3875991234]ألغيت الستاير الجانبية في كل الفئات و ما يسمى حساس الاوكرة (فوتو سيل Photo Cell ) التي كانت ببعض الفئات قبل سنتين ... تم اضافة نيكل خلفي للاسم بعرض الشنطة و زاد عرض الكاوتش في الفئة اقل من S3 إلى 16 بوصة و اضيفت اضائة ليد للاشارات و ليد امامي وخلفي لبعض الفئات "كما اعتقد" ... والله اعلم ...

انا اشتريت 2016 E3SR ولم انتبه للستاير الجانبية وتغاضيت عن المبالغة في بعض التفاصيل في مقابل كماليات كثيرة للغاية في سيارة محترمة فعلا .. اتكل على الله مع العلم ان التوكيل ومركز خدمته لا يهتمون بشكل كافي بك وبسيارتك ;)[/QUOTE

يا باشا ألف ألف شكر على الرد والاهتمام، وان شاء الله هاخد بنصيحتك

[Muhammed Saleh]

ممكن حد ينزل صور للتابلوه بتاع اول فئة اوتو وهل التكييف بكر عادي ولا زي الفئات الاعلي والكاسيت هو هو ولا ايه وشكرا مقدما

[Muhammed Saleh]

لو عايز اشتري الفئة الاول من بنك ابوظبي ايه الاجرائات اللي المفروض تتعمل وعايز القسط يكون 2750 في الشهر يبقي المقدم كام ؟

[nolimits]

كتالوج 2016

م. هاني او أحد الأعضاء القدامى،

فين اقدر الاقي كتالوج المستخدم لفلوينس فيس ليفت وخصوصا 2016 .. حاولت مواقع كتيرة و اكتر من بلد أولربي وعربي لم أجده .. عربي أو انجليزي ان كان احدهما متوفر

شكرا جزيلا