رابطة حائزى الفلوينس

[Hany Saad]

مظبوط أن كباس التكييف لما بيقوم بيعمل حمل على الموتور، لكن مش لدرجة أن العربية تنتش و خصوصاً و أنت دايس بنزين فمخلى الموتور يطلع عزم معقول انه يعمل تسارع و كمان يقوم الكباس

لو و أنت ممور و واقف بالعربية فى إشارة, وارد أنك تحس بالكباس و هو بيقوم و يفصل و هتلاحظ ده كمان فى عداد ال rpm

إنما و العربية ماشية صعب قوى تحس بالكباس و هو بيقوم و يفصل ناهيك عن حدوث نتشة

الكلام كده مش مضبوط و لازم حل من التوكيل، لأنى مسمعتش الشكوى دى قبل كده و معايا 2014 و مفهاش كده

تحياتى

[asherif1177]

مظبوط أن كباس التكييف لما بيقوم بيعمل حمل على الموتور، لكن مش لدرجة أن العربية تنتش و خصوصاً و أنت دايس بنزين فمخلى الموتور يطلع عزم معقول انه يعمل تسارع و كمان يقوم الكباس

لو و أنت ممور و واقف بالعربية فى إشارة, وارد أنك تحس بالكباس و هو بيقوم و يفصل و هتلاحظ ده كمان فى عداد ال rpm

إنما و العربية ماشية صعب قوى تحس بالكباس و هو بيقوم و يفصل ناهيك عن حدوث نتشة

الكلام كده مش مضبوط و لازم حل من التوكيل، لأنى مسمعتش الشكوى دى قبل كده و معايا 2014 و مفهاش كده

تحياتى

[justify]السلام عليكم

باشمهندس هاني أخبار حضرتك؟ انا مبسوط ان حضرتك مهتم بالموضوع معانا واتمنى ان حضرتك تقدر تساعدنا فيه بخبرتك مع رينو خصوصاً إنى اتعلمت حاجات كتير من مشاركات حضرتك

بالنسبة لو انت ممور أو واقف بالعربية فعلا كلام حضرتك سليم 100% وبيبان بوضوح أنه بيفصل وبيقوم بس المشكلة بقى إنه بيحصل معايا والعربية ماشية وخصوصاً في مرحلة التسارع لو كنت مهدي وطالع من شارع جانبي او عامل U-turn دي اكتر المرات اللي بتحصل معايا صحيح ان معدل تكرارها مش ثابت.

المشكلة بقى ان التوكيل هنا قالولي ده العادي بتاع العربية خصوصاً ان مهندس الصيانة اول ما ركب معايا وحصل الموضوع ده لقيت رده على طول حاضر ان ده من التكييف زي ما يكون الموضوع مش جديد عليه ولما لقاني مش مقتنع قالي الدليل ان كمبيوتر العربية مش قاري ان في errors، ده غير ان في ناس هنا انا وقفتهم في الشارع وسألتهم قالولي انه بيحصل معاهم وده اللي خلاني سكت لحد ما لقيت المشاركة اللي فتحت الموضوع على الموقع وحضرتك رضيت عليها انه ممكن يكون من البنزين

سؤالي لحضرتك ممكن ده يكون ليه حساس مسئول عن الموضوع ده وساعات بيعلق لكن بيرجع يشتغل تاني فعلشان كده مش عارفين يحددوا ولا دي موجودة في العربيات الخليجي والمقولة اللي على طول بنسمعها إن التكييف بتاع العربيات الخليجي أقوى علشان الحر الشديد ولا مشكلة في الكومبريسور نفسه عيب صناعة مثلا في عربيات معينة؟

تحياتي وأسف على الإطالة[/justify]

[asafan1970]

السلام عليكم استاذ asherif
انا بقال فترة بركب العربيى قليل جدا ولذلك منسوب البنزين لسه فوق النص النتشة دى مظهرتشي معايا منذ ان تحدثنا غير مرة واحدة وفعلا كانت السيارة فى بداية مطلع وانا مكنتش كابس لها جامد شوية فحسيت بالنتشة دى بس كانت خفيفة جدا للأمانة.
وبعدين قلت اجرب تاني (بعد ما استأذنت من المدام طبعا :) ) فرجعت واخدت المطلع تاني وكنت كابس شوية المرة دى الموضوع مظهرش قلت الف كمان مرة وطبعا استأذنت تاني :) والمرة دى مكبستش وكانت ذى اول طلعه برده مظهرتش
هوه شيئ عشوائي وملوش قواعد

[asafan1970]

عموما انا ان شاء الله رايح التوكيل بعد العيد.....وهقولك الأخبار ان شاء الله

[asherif1177]

عموما انا ان شاء الله رايح التوكيل بعد العيد.....وهقولك الأخبار ان شاء الله

ربنا يظهر الحل من عنده ان شاء الله وشكراً على رد حضرتك

[asafan1970]

استاذ asherif
عندى سؤالين من فضلك
1- النتشة الي بتظهر والتكييف شغال هل بتظهر ايضا ليلا (حيث درجات الحرارة اقل نسبيا) طبعا والتكييف شغال برده
2- هل هية مرتبط ان العربية بتتسارع علي بداية مطلع ولا اي تسارع حتى لو الطريق عدل (مش مطلع يعنى)

شكرا مقدما

[Mostafakappary]

يا جماعة في حل لزر الاوك اللي من الطارة
كان في ناس كاتبين ليه حل
يا ترى في طريقة

[asherif1177]

استاذ asherif
عندى سؤالين من فضلك
1- النتشة الي بتظهر والتكييف شغال هل بتظهر ايضا ليلا (حيث درجات الحرارة اقل نسبيا) طبعا والتكييف شغال برده
2- هل هية مرتبط ان العربية بتتسارع علي بداية مطلع ولا اي تسارع حتى لو الطريق عدل (مش مطلع يعنى)

شكرا مقدما

أخبار حضرتك عذراً إتأخرت عليك في الرد

بالنسبة لموضوع بتحصل بالليل والتكيف شغال اقول لحضرتك أه بتحصل حتى انا كنت كتبت لحضرتك كده بس تقريباً حضرتك مخدتش بالك

السلام عليكم ورحمة الله وبركاته،،،

أخبار حضرتك ان شاء الله تكون أمورك تمام

[justify]استكمالاً لكلامنا احب اقول لحضرتك إني عملت زي ما قلتلي وفولت العربية مرتين الاسبوع اللي فات ده وغيرت محطة البنزين اللي انا متعود احط منها، وفضلت مراقب الموضوع وللإسف الموضوع حصل معايا تاني، مرة والعربية التنك فل ومرتين تانيين واحد والتنك أعلى من النص بشرطة ودي كانت بليل واتكررت اكتر من مرة في نفس المشوار والتانية كانت والتنك تحت النص وكانت في يوم تاني
[/justify]

بس في نفس الوقت انا زي ما قلت لحضرتك الأول انا لاحظت ان الموضوع ده مستمر مع التكييف وان طول ما التكييف شغال والكومبريسور مش فاصل الموضوع مش بيحصل

يا ترى حضرتك وصلت لحاجة مع التوكيل؟؟

تحياتي،،،

أما بخصوص التسارع فهي بتحصل بنسبة أكبر لو على بداية مطلع لكن بردوا حصلت معايا والطريق عدل خصوصاً لو كنت مهدي وطالع من شارع جانبي او عامل U-turn دي اكتر المرات اللي بتحصل معايا

يا ترى حصل جديد عند حضرتك؟؟

تحياتي

[asafan1970]

السلام عليكم استاذ asherif
ان شاء الله انا بعد العيد مباشرة عندى حجز مع التوكيل وهروح اوصف لهم المشكلة واسمع منهم
بس عموما انا بعد ماجمعت بعض المعلومات وسالت بعض الأصدقاء وخصوصا الي ليهم خبرة سابقة مع رينو او العربيات الأوربية بصفة عامة ووصفت لهم المشكلة كما تحدث معي وهوه اني بشعر ان العربية بيحصل فيها خنقة لحظية وتشعر ان العربية لاتستجيب لدوسة البنزين لوقت قصير جدا مما ينتج عنه الشعور بهذه النتشة......وهي بالتاكيد ملهاش علاقة بنتشة الفتيس الي كانت بتحصل فى موديلات ماقبل 2014
المهم المعلومة الي اخذتها حتى الأن من اهل خبرة الأوربى ان دى مشكلة وبنسبة 90% فى طرمبة البنزين وعندهم حالات سابقة مماثلة فى عربيات اوربية كثيرة ومنهم الرينو.....بس هما بردوا قالولي ان مشكلة طرمبة البنزين المفروض تكون تصاعدية يعنى تذيد مع الوقت حتي تصبح مستمرة فى العربية يعني العربية يبدأ يكون فيها مشكلة فى انك تدورها او ان معدل التقطيع ده يزيد وهكذا
عموما هروح التوكيل بعد العيد والله المستعان
اسف للأطالة وكل عام وحضرتك والأسرة بالف خير

[asafan1970]

يا جماعة في حل لزر الاوك اللي من الطارة
كان في ناس كاتبين ليه حل
يا ترى في طريقة

اظن انهم كانوا بيتكلموا عن ان دى ممكن تتحل بسوفتوير جديد
بس انا اعتقد ان اخر سوفتوير متاح يبقى علي المشكلة كما هى بدون حل

[asherif1177]

السلام عليكم استاذ asherif
ان شاء الله انا بعد العيد مباشرة عندى حجز مع التوكيل وهروح اوصف لهم المشكلة واسمع منهم
بس عموما انا بعد ماجمعت بعض المعلومات وسالت بعض الأصدقاء وخصوصا الي ليهم خبرة سابقة مع رينو او العربيات الأوربية بصفة عامة ووصفت لهم المشكلة كما تحدث معي وهوه اني بشعر ان العربية بيحصل فيها خنقة لحظية وتشعر ان العربية لاتستجيب لدوسة البنزين لوقت قصير جدا مما ينتج عنه الشعور بهذه النتشة......وهي بالتاكيد ملهاش علاقة بنتشة الفتيس الي كانت بتحصل فى موديلات ماقبل 2014
المهم المعلومة الي اخذتها حتى الأن من اهل خبرة الأوربى ان دى مشكلة وبنسبة 90% فى طرمبة البنزين وعندهم حالات سابقة مماثلة فى عربيات اوربية كثيرة ومنهم الرينو.....بس هما بردوا قالولي ان مشكلة طرمبة البنزين المفروض تكون تصاعدية يعنى تذيد مع الوقت حتي تصبح مستمرة فى العربية يعني العربية يبدأ يكون فيها مشكلة فى انك تدورها او ان معدل التقطيع ده يزيد وهكذا
عموما هروح التوكيل بعد العيد والله المستعان
اسف للأطالة وكل عام وحضرتك والأسرة بالف خير

وعليكم السلام،،،
وحضرتك والأسرة الكريمة بخير وربنا يعيد علينا جميعاً الأيام بالخير والبركة

احب اقول لحضرتك ان انا لسه موصلتش للي الناس قالتلك عليه ده بس انبارح كنت خارج بالعربية بالليل والموضوع حصل معايا أكثر من مرة لما قعدت أغير في درجات الحرارة بتاعت التكييف وسرعة المروحة والانتقال من حالة ال auto لحالة تثبيت درجة حرارة معينة وسرعة مروحة معينة وبعدين رجعت تاني لل auto خصوصاً اني عملت الموضوع ده أكثر من مره واللي ساعدني على كده اني كنت في مشوار طويل والدنيا كانت زحمة والكومبريسور كان بيشتغل ويفصل كتير.

فأنا لازلت مقتنع بإن الموضوع متعلق بالتكييف خصوصاً ان زي ما قلت لحضرتك قبل كده ان الموضوع بيختفي تماماً طول ما التكييف مش شغال وكمان طول فترة الشتاء.

كنت عايز أسألك الناس اللي انت سألتهم قالولك كان كمبيوتر العربية بيقرا ان في error ولا الموضوع مكنش بيسمع في الكمبيوتر اساساً وانهم غيروا الطرمبة إجتهادي، لإني لما قلتلهم هنا في التوكيل ان ممكن يكون عيب في حاجة قالولي ان اي مشكلة بتحصل في العربية بتسمع في الكمبيوتر وطالما ان كمبيوتر العربية مش قاري اي errors يبقى منقدرش نلعب في حاجة

فيا ريت حضرتك تتأكدلي من النقطة دي لو سمحت او لو في حد من الأعضاء اللي عندهم خبرة يفيدنا في النقطة دي هل لازم كمبيوتر العربية يقرا اي error بيحصل ولا مش لازم.

تحياتي،،،

[عمر مصطفي محمد]

السلام عليكم يا جماعة ..كويس جدأ ان الموضو ده اتفتح هنا عشان انا بيحصل عندي فعلاً بس مكنتش مركز معاه بيحصل في انهي مرحلة في التنك ...بس اللي انا متأكد منه انه بيحصل والتكييف شغال وبالاخص لما يجي كباس التكييف يشتغل سواء الجو حر او مش حر طالما التكييف شغال والكباس بيبدأ ...بس المشكلة اللي بحسها عندي برضه ان كباس التكييف بيشتغل ويطفي كتير مبيلحقش يقوم ويطفي علي طول وبالتالي النتشة دي بتحصل...هل ده عادي ولا الكباس فيه حاجة ...ياريت حد يفهمنا ...

[عمر مصطفي محمد]

كان عندي استفسار تاني ..انا حجزت صيانة ال 10 ألاف في التوكيل فرع ابو رواش...هل ده افضل فرع فيهم ولا فيه فروع افضل منه في الخدمة ...الميكانيكيون العرب كانوا كلموني قالولي ان عندهم خصم علي المصنعيات وقطع الغيار فهل هما نفس كفاءة التوكيل ولا اخليني مع التوكيل افضل؟؟

[asherif1177]

السلام عليكم يا جماعة ..كويس جدأ ان الموضو ده اتفتح هنا عشان انا بيحصل عندي فعلاً بس مكنتش مركز معاه بيحصل في انهي مرحلة في التنك ...بس اللي انا متأكد منه انه بيحصل والتكييف شغال وبالاخص لما يجي كباس التكييف يشتغل سواء الجو حر او مش حر طالما التكييف شغال والكباس بيبدأ ...بس المشكلة اللي بحسها عندي برضه ان كباس التكييف بيشتغل ويطفي كتير مبيلحقش يقوم ويطفي علي طول وبالتالي النتشة دي بتحصل...هل ده عادي ولا الكباس فيه حاجة ...ياريت حد يفهمنا ...

وعليكم السلام ورحمة الله وبركاته،،،
اتفق مع حضرتك تماما في اللي قولته وهو ده اللي بيحصل معايا بالظبط، والحمد لله ان في حد حالته شبه حالتي بالظبط، احسن الموضوع ده قالبلي دماغي وكان محسسني ان انا اللي غريب او عربيتي غريبة
ربنا يوفقك ان شاء الله في التوكيل ويقولو لحضرتك تفسير او حل للموضوع ده
تحياتي،،،

[asherif1177]

كل عام وانتم بخير وعيد سعيد على كل الأعضاء وأسأل الله لكم دوام الأعياد والفرحة فى حياتكم.