أعطال الكليو و طريقة الإصلاح واماكن الاصلاح من ملاكها

[mokbel_est]

احبائى محبى الرينو شكرا جزيلا لكل من تفضل بالرد وربنا مايحرمنى منكم نويت الغير البوبينة بس هابعت اجيبها من القاهرة لان اسعار الشركة مبالغ فيها شوية لكن ارجو الافادة عن اذا كانت هناك انواع منها وايه احسن نوع وهل ممكن الاقى الاصلى ؟ وهل صناعته تركى ولا فرنساوى؟ واعذروني لعدم خبرتى وربنا يسهل فى الشحن، اذا كان جوان غطاء التاكيهات اتشحن من يوم 27/1 ولحد دلوقتى موصلش مش عارف يظهر بعتوه على بسكليته نظرا لازمة السولار وربنا موجود وشكرا جزيلا مرة اخرى

[medohai510]

أعراض تلف الأيدل (حساس الهواء) بالكليو 1400

السلام عليكم،،،
أمبارح بدور العربية كالمعتاد لاقيت الموتور بيروج جامد ولما أرفع رجلي من علي دواسة البنزين تبطل علي طول، قلت أسخنها شوية يمكن تظبط لكن دون جدوي.
أتصلت بالميكانيكي بتاعي قالي أكيد كويل أو ممكن كمان يكون كويلين. قولت ربنا يستر
لما جه وشاف العربية طلع فيها الأتي:
-كويل قاطع خالص - الأيدل لا يعمل
تم تغير الكويل بجديد Valaoمن عند سان جورج بــ200 جم
وتم تغير الأيدل بواحد أستيراد من زعتر في الحرفيين بــ150 جم
والحمد لله العربية رجعت تمام التمام

[عمرو عمارة]

كيف حالك يا بشمهندس محمد

أنا مش فاهم يعني إيه كويل واحد إلي بايظ وهو حضرتك غيرت الكويل ده بس ؟...إزاي ؟

ولا غيرت المجموعة كاملة بـ200جم ......وده كده يبقى سعر رخيص جداً ومقلق

مش حضرتك 1200 سي سي ولا غيرت للـ 1400 سي سي ؟

[medohai510]

السلام عليكم،،،
كيفك يا عمرو باشا وكل سنة وأنت طيب
أنا بصراحة غيرت العربية من حوالي سنتين وجبت 1400 سي سي أتوماتيك فول أوبشنز
والعربية الــ1400 موتورها زي موتور الميجان بالظبط لكن ينقصها ترس الدفريزير وأنها 1400 بدلاً من 1600 في الميجان
وفي هذا الموتور كل بوجيه له بوبينة خاصة به زي الميجان ولما بتقطع بتتغير، أما في الــ1200 سي سي البوبينة جزء واحد ولها 4 مخرج لكل بوجية سلك، والله الموفق

[عمرو عمارة]

السلام عليكم،،،
كيفك يا عمرو باشا وكل سنة وأنت طيب
أنا بصراحة غيرت العربية من حوالي سنتين وجبت 1400 سي سي أتوماتيك فول أوبشنز
والعربية الــ1400 موتورها زي موتور الميجان بالظبط لكن ينقصها ترس الدفريزير وأنها 1400 بدلاً من 1600 في الميجان
وفي هذا الموتور كل بوجيه له بوبينة خاصة به زي الميجان ولما بتقطع بتتغير، أما في الــ1200 سي سي البوبينة جزء واحد ولها 4 مخرج لكل بوجية سلك، والله الموفق

ما شاء الله ...مبارك عليك السيارة......مش تقول يا راجل عشان نباركلك

أنا أيضاً بفكر جدياً أخذ هذه الخطوة قريباً إن شاء الله وبدور على واحدة....لكن المعروض قليل ويكاد يكون منعدم من موديلات 2005 الأتوماتيك

العربية عاملة معاك إيه ؟.....حاسس بفرق بين الـ1200 والـ1400 وأخبار الأتوماتيك معاها إيه ؟ إحكلنا شوية عن العربية

[medohai510]

الله يبارك فيك يا عمرو باشا
والله العملية كانت بسرعة لأني لا أتحمل الحرمان من العربية أبداً
أنا بعت الأولي لأنها بدأت (تفتح بوقها) وكانت محتاجة شوية مصاريف موتور وعفشة وكلام من دة
المهم الــ1400 ممتازة فعلاً في سحبها وثباتها علي الأرض حتي في السرعات العالية مع العلم أنها نفس العفشة وكل شيء لكن قوة موتورها مديها عزم كويس جداً مع خفة وزنها لكن برضة سحب الاتوماتيك أقل من العادة في جميع أنواع العربيات.
وعلي فكرة قطع الغيار الأستيراد بالأخص أرخص كتير جداً من الــ1200 لأنها موجودة كثير جداً أستيراد وغير منتشرة فعلاً في مصر لأن معظم العربيات الكليو الموجودة 1200 سي سي فعلاً، وبالنسبة لفتيس اللأتوماتيك فهو ممتاز وليس به أي مشاكل أهم حاجة أنك تهتم بالزيت بتغيرة في مواعيده وتلاحظة عند أي تسييل ولو نقطة منه (كما قالي الميكانيكي).
لكن بالأمانة أنا لاحظت أن صوتة بدء يعلي في النقلات فقالي الميكانيكي أن السولونايد محتاج يتغير أو ممكن يتنظف بـWD14 فقط علي حسب قوة الصوت، لكن أنا مأجل العملية دي شوية.
أتمني لك التوفيق وأنا تحت أمرك وأمر أي أخ في المنتدي للاستفسار عن أي شيء في العربية بتاعتي.
وأحب أبلغك أني منتظر المقابلة القادمة أن شاء الله حتي ألتقي بالناس المحترمة في المنتدي الكريم بتاعنا

[ELBiLDoZeR]

بسم الله الرحمن الرحيم

-الى كل من يملك هذه السياره الشقيه الى تدعى الرينو كليو التفضل بكاتبه ما واجه من اعطال سواء ميكانيكيه او كهربائيه ,العفشه او اى عارض واجه يحول دون سير السياره بطريقه طبيعيه وامينه .
-العرض من هذا الموضوع ان يكون مرجع لجميع ملاك الكليو سواء الحالين او اللاحقين يشمل وصف اعراض العطل وتحديد العطل وكفيه التغلب عليه والامكان التى تم الاصلاح فيها وان امكن عنوانها ورقم الهاتف وتقيم هذا المكان والتكلفه الاجماليه لتصليح العطل .
-من يتفضل بالمشاركه فى هذا الموضوع يجب ان يكون من ملاك السياره سواء كان مالك سابق او حالى .
-يفضل ذكر موديل السياره وعدد الكليومترات التى قطعتها ونوعيه الاستخدام (هل داخل المدينه ام خارجها او فى طرق مهشمه ..............وهكذا ) لان هذا الموضوع لم يفيد الملاك فقط وانما يساعد من يريد اقنتاء هذه السياره فى المستقبل فى موازنه الاعطال مع مع عدد الكليومترات مع نوعيه الاستخدام كى يستخلص هل السياره مناسبه ام لا ,جيده ام سيئه
شكرا لكم جميعا وجزاكم الله كل خير

بجد موضوع هايل

[eject]

يا جماعة الخير عايز اجيب العربيه مصر اعملها عمره كامله هيا عاملة 180 الف كيلو مستوردها من فرنسا كليو موديل 2003 اتوماتيك

عايز احسن ميكانيكي في مصر لاني في السعودية وتكلفة شحن السيارة 3 الاف ريال لحد مصر

[medohai510]

يا جماعة الخير عايز اجيب العربيه مصر اعملها عمره كامله هيا عاملة 180 الف كيلو مستوردها من فرنسا كليو موديل 2003 اتوماتيك

عايز احسن ميكانيكي في مصر لاني في السعودية وتكلفة شحن السيارة 3 الاف ريال لحد مصر

السلام عليكم،،،
أنا رأي بدلاً من الشحن والعمرة الكاملة والكلام دة أشتري موتور (شورت بلوك) من السعودية لو موجود أو ممكن تشحنة من بورسعيد لو غي متاح في السعودية لأن تكلفة الشحن تفوق سعر الموتور كامل، والله الموفق

[eject]

تكلفة شحن السيارة 5300 ريال بما يعادل 8500 جنية بخلاف الصيانة او العمره الكامله للسيارة

والتوكيل قالي صيانة العمره بتكلفة 16 الف ريال وسعر السيارة اصلا مش يتعدي ال 10 الاف ريال

[eject]

تكلفة شحن السيارة 5300 ريال بما يعادل 8500 جنية بخلاف الصيانة او العمره الكامله للسيارة

والتوكيل قالي صيانة العمره بتكلفة 16 الف ريال وسعر السيارة اصلا مش يتعدي ال 10 الاف ريال

[ahmedhusseny]

ألف ألف شكر يا باشا ، معلش الرد جه متأخر بس كنت مسافر و مدخلتش على المنتدى من زمان ، و أنا إن شاء الله هروح للمهندس على و أقولك أنا عملت معاه إيه .

[mokbel_est]

احبائى وحوش الرينو بعد صباح الخير نويت اغير طلمبة الميه وقالولى فى التوكيل لازم تغير معاها سير الكتينة بعت مصر واشتريت طلمبة ميه ب150 جنيه وسير كتينه ب75 جنيه من محل فى التوفيقية طلمبة الميه شكلها نضيف وغالبا صناعة تركى وسير الكتينة مطبوع عليه بالازرق انه made in France لكن شاكك فى جودته بسبب سعره المنخفض بالمقارنة بما اقرأه فى منتدانا المحترم هل سعره معقول واتوكل على الله واركبه ولا بلاش واجيب من التوكيل؟ تانى حاجة ايه العلاقة بين سير الكتينة وطلمبة المياه يعنى اشمعنى يتغيروا مع بعض! وشكرا لاهتمامكم وربنا موجود

[ramy_gamal]

احبائى وحوش الرينو بعد صباح الخير نويت اغير طلمبة الميه وقالولى فى التوكيل لازم تغير معاها سير الكتينة بعت مصر واشتريت طلمبة ميه ب150 جنيه وسير كتينه ب75 جنيه من محل فى التوفيقية طلمبة الميه شكلها نضيف وغالبا صناعة تركى وسير الكتينة مطبوع عليه بالازرق انه made in france لكن شاكك فى جودته بسبب سعره المنخفض بالمقارنة بما اقرأه فى منتدانا المحترم هل سعره معقول واتوكل على الله واركبه ولا بلاش واجيب من التوكيل؟ تانى حاجة ايه العلاقة بين سير الكتينة وطلمبة المياه يعنى اشمعنى يتغيروا مع بعض! وشكرا لاهتمامكم وربنا موجود

صباح الفل
اولا عشان تغير طلمبه الميه لازم تفك سير الكاتينه وسير الدينامو تانى حاجه لما طلمبه الميه بتبوظ بتنزل ميه مولعه على سير الكاتينه طبعا هيسرع بتشقق السير بس انا لما غيرت الطلمبه مغيرتش السير معاها لانه كان كويس
انا شاكك بصراحه فى سعر الاتنين انا غيرت سير الكاتينه من 5 شهور كان ب 130وطبعا مش اوريحنال والطلمه غيرتها من سنه كانت ب 350

[mohabselim]

الله يبارك فيك يا عمرو باشا
والله العملية كانت بسرعة لأني لا أتحمل الحرمان من العربية أبداً
أنا بعت الأولي لأنها بدأت (تفتح بوقها) وكانت محتاجة شوية مصاريف موتور وعفشة وكلام من دة
المهم الــ1400 ممتازة فعلاً في سحبها وثباتها علي الأرض حتي في السرعات العالية مع العلم أنها نفس العفشة وكل شيء لكن قوة موتورها مديها عزم كويس جداً مع خفة وزنها لكن برضة سحب الاتوماتيك أقل من العادة في جميع أنواع العربيات.
وعلي فكرة قطع الغيار الأستيراد بالأخص أرخص كتير جداً من الــ1200 لأنها موجودة كثير جداً أستيراد وغير منتشرة فعلاً في مصر لأن معظم العربيات الكليو الموجودة 1200 سي سي فعلاً، وبالنسبة لفتيس اللأتوماتيك فهو ممتاز وليس به أي مشاكل أهم حاجة أنك تهتم بالزيت بتغيرة في مواعيده وتلاحظة عند أي تسييل ولو نقطة منه (كما قالي الميكانيكي).
لكن بالأمانة أنا لاحظت أن صوتة بدء يعلي في النقلات فقالي الميكانيكي أن السولونايد محتاج يتغير أو ممكن يتنظف بـwd14 فقط علي حسب قوة الصوت، لكن أنا مأجل العملية دي شوية.
أتمني لك التوفيق وأنا تحت أمرك وأمر أي أخ في المنتدي للاستفسار عن أي شيء في العربية بتاعتي.
وأحب أبلغك أني منتظر المقابلة القادمة أن شاء الله حتي ألتقي بالناس المحترمة في المنتدي الكريم بتاعنا :b4_564:

السلام عليكم,,,
انا لسه في موضوع الرينو جديد وانا لسه شاري رينو كليو 2005 اوتوماتيك وكنت عايز ميكانيكي كويس علشان أتعامل معاه, فممكن تقوللي علي الميكانيكي بتاعك وممكن تقولي لو في حاجه عايز أشتريها للعربيه أجيبها منين.
وشكرا