رينو داستر الشكل الجديد - الآن في مصر

[mokh21]

صيانة ال 5000كلم مابتخدش وقت (حدود ساعتين) وبالنسبة لتوكيل العامرية ممكن تسأل gogo هو جربه

مشكور يا بيبو انا النهارده روحت عملت صيانة ال ٥٠٠٠ ك في القطاميه وفعلا الحكاية اخدت ااقل من ساعتين واخدت طقم الدواسات الهدية بس المشكله مفيش عندهم ضبط زوايا بس للامانه هما ناس ذوق في التعامل وعبقال صيانة ال١٠٠٠٠ كلم بس دي هتبقي السنة الجاية ان شاء الله

[gogo2012]

كل سنه وكل الناس الحلوين طيبين فى اتم صحه وحال

[bebo2000]

وانت طيب يا جوجو باشا وبالف صحة وسلامة والف شكر على تهنئة العيد الجميلة دي

[mokh21]

وانت بالف صحة وهناء وسرور وكل اعضاء المنتدي وخصوصا الداسترويه ومصر كلها

[bebo2000]

رجالة الداستر اللى عربياتهم عملت ازيد من 10 الاف كلم وغيروا الزيت فى التوكيل ايه رأيكم فى الزيت التوتال كوارتز واخباره ايه مع صوت الماتور علشان انا بصراحة عاوز احط ليكوى مولي علشان عامل معايا شغل كويس فى الافيو مقلل الصوت ومخلى استجابة الماتور سريعة جدا زي ما كانت جديدة بالظبط

[mokh21]

والله يا بيبو كان نفسي افيدك يا بس انا رفعت السيارة وسافرت وانا عامل ٧٥٠٠ ابقي بعد ما تغير الزيت طمنى انت بقى موفق ان شاء الله

[atefadel]

هل في معلومات عن الشكل الجديد من الداخل هيتوفر امتي في مصر

[MohammedAladel]

ألف مبروك يا باشا على العربية الجميلة

انا معاك إن اليابانى شكله مش قوى فى المجمل العام يحتل رأس القائمة السيفيك الجديدة بالنسبة لسعرها

طبعا التيدا شكلها غير مقبول بالنسبة لى نهائى أنا حاسس إنى لو رسمت بقلم رصاص عربية هطلع واحدة أحسن منها مع إنى مبعرفش أرسم

ولكن لانسر شارك عربية شكلها جميل بصراحة ومنافس ويعتبر هى والإمبريزا أجمل مافى اليابانى حاليا

حتى الصنى الجديدة شفتها ع الواقع برضه شكلها مش قد كدا


بالنسبة للداستر أنا أعرف إنها تبع داتشيا هى ولوجان

بس هى عربية مجمل جميلة مقابل سعرها هى عربية حضرتك دفع رباعى ولا لأ

وهل فيها أمكانية فصل الدفع الرباعى 4wd ولا awd ?

وألف مبروك ربنا يحافظلك عليها ويحميك

[Amr_Moh]

هو التوكيل مش ناوي ينزلها أوتوماتيك باءة....امتي

[bebo2000]

عربيتي دفع رباعي والداستر فيها زرار فصل وتشغيل الدفع الرباعي مع خاصية اوتو ودي بتحدد نوع الدفع حسب الطريق وده نفس الزرار بتاع النيسان الاكس تريل بنفس التكنولوجيا الياباني بدون تعديل

[bebo2000]

هو التوكيل مش ناوي ينزلها أوتوماتيك باءة....امتي

بعد تجربتي للنيسان قاشقاي الاوتو ( تست درايف على الطريق الصحراوى ) نصيحة بلاش عربية suv اوتو على ماتور 1600 سي سي لان النتيجة مش تمام خالص

[Amr_Moh]

مش فرقة عند الأداء أوي المهم أوتوماتيك

أنا عايزها لزوجتي


.

[prince_bondok1st]

داستر الشكل الجديد بس مش في مصر
انا بحب العربيه دي اوي
بس اللي هما عاملينه فيها بسيط وفي نفس الوقت شيك جدا
شوفوا وقولولي رايكوا

[youtube]http://www.youtube.com/watch?v=etTc-0Te0Uk&feature=related[/youtube]

[prince_bondok1st]

ودي بقي الليموزين عشان محرمش حد من حاجه

[youtube]http://www.youtube.com/watch?feature=endscreen&NR=1&v=FpaFcPzQlaA[/youtube]http://www.youtube.com/watch?feature=endscreen&NR=1&v=FpaFcPzQlaA

[prince_bondok1st]

[youtube]http://www.youtube.com/watch?feature=endscreen&NR=1&v=FpaFcPzQlaA[/youtube]