رينو داستر الشكل الجديد - الآن في مصر

[bebo2000]

طاب يا رجالة مادام الموضوع طلع عام ومش عندي لوحدي ما تيجوا معايا نعتصم ونطالب ان اليوم فى مصر يبقى على الاقل 30 ساعة بدل 24
يعنى هى جت علينا ووقفت
على الاقل ده هايبقى اول مطلب فئوي هدفه ان الناس تلحق تعمل اللى وراها مش تبطل شغل

هه مين معايا في الاعتصام

[sead]

بجد الف شكر للاستاذ بيبو والاعضاء للمعلومات القيمة دى عن العربية والفرش انا كان معايا لوجان مانوال وبعتها عشان اجيب اتوماتيك بس بعد التقرير الممتاز ده انا بدات افكر فى الداسترا بجد وربنا يسهل

[beeronasr]

توكل على اللة ياباشا - العربية مكتوب عنها كلام جامد اوى فى اروبا - و انت عارف انهم مش بيهزروا فى تقييم العربيات

[bebo2000]

انا كنت شغلت التكييف قبل كدة علشان اجربه لما جبت العربية بس طبعا الكلام ده كان في الشتاء والدنيا برد لوحدها فمش مقياس
المهم النهاردة وانا راجع من الشغل الجو كان نار فاشغلت التكييف لاول مرة في درجة حرارة عالية وعندى ملاحظتين

الاولى:- لاول مرة في حياتي اركب عربية سحبها بالتكييف زى من غيره انا طول عمرى متعود انى لما اشغل التكييف كانى بشغل نظام البطة البلدى بتاع العربية علطول تلاقى العربية ماتت منك ولو طريقك ماشى عجلة عجلة يبقى انت كدة وربنا معاك
لكن الداستر ولا الهوا مفيش اى فرق بس ده ممكن يكون بسبب العزم الكبير بتاع الغيارات لو حد معاه ال2*4 ممكن يفيدنا فى الموضوع ده لان عزم الغيارات بتاعتها زى اى عربية خمسة غيار

الملاحظة التانية:- مش عارف حاسس ان التكييف بتاع الافيو احسن منها بس مش متأكد لانى كنت راكن في الشمس والعربية مولعة وده بيخلى التكييف يبقى ضعيف شوية عموما انا هاجرب تانى في كذا وضع وهاشوف النتائج ولو حد فى المنتدى معاه داستر وجرب التكييف في الصيف يقولنا تقييمه برضه يمكن انا عندى مشكلة في التكييف

[beeronasr]

خد بالك راجع درجة التبريد على اعلى تبريد ولا أقل؟ انا مش عارف درجات تبريد الداستر اية؟
وربنا يطمنك على موضوع السحب دة.
على فكرة - بناء على كلامكم عن موضوع اللون الاسود: امبارح اقنعت الحكومة بتغيير اللون و كلمت حسين فى الطارق و غيرت للفضى - يارب يكون جميل.

[hexll]

بسم الله ما شاء الله
ربنا يباركلك فيها يا رب ويكفيك شر الطريق
شكرا على الافادة

[bebo2000]

خد بالك راجع درجة التبريد على اعلى تبريد ولا أقل؟ انا مش عارف درجات تبريد الداستر اية؟
وربنا يطمنك على موضوع السحب دة.
على فكرة - بناء على كلامكم عن موضوع اللون الاسود: امبارح اقنعت الحكومة بتغيير اللون و كلمت حسين فى الطارق و غيرت للفضى - يارب يكون جميل.

عارف يا beeronasr انا اساسا كان نفسي اجيب الفضي علشان فيه ميزة مفيش حد بياخد باله منها وهي ان كل العربيات الداستر المرايات بتاعتها فضى وبيبقى شكلها غريب لما بتبقى العربية بلون تاني
عاملة بالظبط كانهم اتكسروا وملقتش نفس لون العربية فجبت لون تانى لكن الفضي بيبقى كل العربية لون واحد
ربنا يكرمك وتستلم على خير وابقى طمنى عملت ايه اول باول

بسم الله ما شاء الله
ربنا يباركلك فيها يا رب ويكفيك شر الطريق
شكرا على الافادة

العفو يا باشا والف شكر لك

[gogo2012]

اذيكم يا جماعه اخباركم ايه اتمنى الكل يكون بخير واسف لعدم الكتابه بأنتظام لظروف العمل

[bebo2000]

اذيكم يا جماعه اخباركم ايه اتمنى الكل يكون بخير واسف لعدم الكتابه بأنتظام لظروف العمل

جوجو باشا واحشني يا راجل
كنت عاوز اسأل عنك من زمان بس قولت تلاقى الحال من بعضه انا برضه ذيك الدنيا ملخبطة معايا ومش لاقى وقت اعمل اى حاجة
بس المهم انك بخير ونشوفك قريب ان شاء الله

[beeronasr]

[QUOTE=bebo2000;3874230198]عارف يا beeronasr انا اساسا كان نفسي اجيب الفضي علشان فيه ميزة مفيش حد بياخد باله منها وهي ان كل العربيات الداستر المرايات بتاعتها فضى وبيبقى شكلها غريب لما بتبقى العربية بلون تاني
عاملة بالظبط كانهم اتكسروا وملقتش نفس لون العربية فجبت لون تانى لكن الفضي بيبقى كل العربية لون واحد
ربنا يكرمك وتستلم على خير وابقى طمنى عملت ايه اول باول



ربنا يخليك يا بيبو باشا - لسة واصل امبارح من الغردقة و النهاردة ربنا اكرمنى و استلمت الداستر من الطارق - الحمد للة لونها طلع جميل و كانوا مخلصين كل الورق و طبعا اكنى راكب مركب و حاسس ان ابعادها مختلفة تماما عن اللانسر و كمان بقالى اربع سنين ماسقتش مانيوال فكنت عامل زى اللى اول مرة يسوق.
على فكرة التابلوة مش وحش اوى ولا حاجة و شكلة بالليل احلى بكتير من النهار.
بكرة الساعة 7 ان شاء اللة هروح مرور رابعة علشان الترخيص و ربنا يسهل.
وبالليل اروح لجينس كار اشوف موضوع الفرش و المسند لانة مهم اوى وطبعا حابب اشوفك قريب قبل ما اسافر.

[ahroshdy]

beeronasr مبروك ألف مبروك وربنا يكفيك شرها إن شاء الله ويديك خيرها يارب ويحفظ طريقك
كدة يا جماعة العربية ما شاء الله ممكن نكون اتحاد ملاك داستر :) وعليك والنصائح والارشادات بتاعت أول 2000 كيلو عشان بتفرق كتير وإن شاء الله ربنا يبارلك فيها

[gogo2012]

[QUOTE=beeronasr;3874246060]

عارف يا beeronasr انا اساسا كان نفسي اجيب الفضي علشان فيه ميزة مفيش حد بياخد باله منها وهي ان كل العربيات الداستر المرايات بتاعتها فضى وبيبقى شكلها غريب لما بتبقى العربية بلون تاني
عاملة بالظبط كانهم اتكسروا وملقتش نفس لون العربية فجبت لون تانى لكن الفضي بيبقى كل العربية لون واحد
ربنا يكرمك وتستلم على خير وابقى طمنى عملت ايه اول باول



ربنا يخليك يا بيبو باشا - لسة واصل امبارح من الغردقة و النهاردة ربنا اكرمنى و استلمت الداستر من الطارق - الحمد لله لونها طلع جميل و كانوا مخلصين كل الورق و طبعا اكنى راكب مركب و حاسس ان ابعادها مختلفة تماما عن اللانسر و كمان بقالى اربع سنين ماسقتش مانيوال فكنت عامل زى اللى اول مرة يسوق.
على فكرة التابلوة مش وحش اوى ولا حاجة و شكلة بالليل احلى بكتير من النهار.
بكرة الساعة 7 ان شاء الله هروح مرور رابعة علشان الترخيص و ربنا يسهل.
وبالليل اروح لجينس كار اشوف موضوع الفرش و المسند لانة مهم اوى وطبعا حابب اشوفك قريب قبل ما اسافر.

الف الف مبروك على الداستر ومستنيين اخبارك الجميله

[bebo2000]

مليون مبروك يا beeronasr وربنا يباركلك فيها ويكفيك شرها وتكون عند حسن ظنك فيها وازيد شوية
انا عارف ان النقلة من اوتوماتيك لمانيوال تانى ده شئ مش سهل ده غير ان ابعاد العربية بتخضك شوية فى الاول ان لما جيت بيها من العجوزة لمدينة نصر كنت عامل زى احمد حلمى في فيلم عسل اسود
بس ان شاء الله مع الاستخدام اليومي ولما تتعود عليها هاتحس بفرق رهيب بينها وبين السيدان ايا كان نوعها انا دلوقتى لما بركب عربية سيدان بحس انى قاعد على الارض ده غير انى نسيت موضوع المطبات والنقر ولسة من كام يوم واخد عربية اخويا حسيت ان عفشتها فكت منى على ما رجعتهاله لان بالداستر مش بهدى غير في الحفر فوق المتر ونص فياريت لما تركب سيدان تاني تبقى تعمل حساب النقطة دي علشان عربية اخويا صعبت عليا اوى
واحب انتهز الفرصة واشكر الناس بتوع الطارق لانهم فعلا ناس محترمين جدا جدا ومش بيتعبوك فى موضوع الورق زي اغلب المعارض
ولو تحب اقابلك لما تروح لجينز كار انا معاك وربنا يباركلك فيها مرة تانية ويكون وشها حلو عليك باذن الله
على فكرة انت استلمت العربية عاملة كام كلم ؟؟؟

[الصيداح]

بقوللك إيه يا عم بيبو
هو الواحد لما يحب يشتري يجيب من الطارق ولا الأفضل من التوكيل مباشرة أصل بفضل من التوكيل مباشرة
ولا مش هتفرق ولا رأيك إيه؟

[bebo2000]

من خلال تجربتى مع الافيو والبروتون والداستر
الواحد يشوف موزع معتمد احسن الف مرة من التوكيل وهقولك ليه
الموزع المعتمد كدا كدا بيبقى ليه حصة لازم بياخدها ( على سبيل الامانة يعنى مش دافع تمنها )سواء فى ناس حاجزين عنده او لأ علشان كدة تلاقى الموزع علشان يخليك تحجز عنده مستعد يديك خصم بس لازم تفاصل شوية ده غير انه فى الاغلب بيبقى عنده بضاعة حاضرة ( يعنى تدفع وتاخد عربيتك وتمشي ) ولو معندوش برضه يعرف يجبلك العربية من اى تاجر او موزع تاني

لكن فى التوكيل:-
1- العربية من غير خصم جنيه واحد مهما تعمل ولو ليك معرفة جامدة جوا التوكيل هايديك نفس الخصم بتاع الموزع ويمكن اقل
2- لازم هايسلمك من الدفعة الجديدة اللى لسة هاتيجى لانه مابيسبش عنده غير عربيات على قد اللى حاجزين عنده والباقى بيديه للموزعين والتجار يبيعوه بمعرفتهم مقابل نسبة من تمن العربية