استلام رينو داستر - تقرير محايد

[beeronasr]

السلام عليكم
الحمد للة استلمت الداستر من حوالى عشرة ايام بعد اللانسر البومة الاتوماتيك و كانت اصيلة جدا طوال اربع سنين.
طبعا كنت خايف من المانيوال بعد الاتوماتيك لكن الموضوع طلع سهل و انا اصلا بحب السواقة المانيوال اوى.
فيما يلى ذكر بعض العيوب و المزايا للعربية حتى الان و دة تقرير مبدئى:
اولا العيوب:

الاشارات لا تحدد الاتجاة المطلوب فى التابلوة – يعنى عملت اشارة شمال زى يمين – فى الحالتين السهمين هينوروا مع بعض فى التابلوة.
صوت تنبية عالى فى حالة عدم ارتداء حزام الامان اول ما السرعة تعدى 20 و دة مش جميل لانك لو ماشى بالعربية مشوار قصير جدا فى شوارع داخلية – برضو هتضطر تلبس الحزام لان الصوت بيضايق و عالى – و طبعا الناس هتتريق عليك
اماكن زراير الزجاج فى التابلوة مش فى الابواب – دى مش مشكلة هتتعود عليها بس المشكلة ان الزجاج الخلفى زرايرة بالخلف برضو و بالتالى معندكش تحكم فية غير انك تمد ايدك ورا زراع الهاند بريك (هى سهلة بس محتاجة تعود).
العربية 6 نقلات و النقلات قصيرة جدا يعنى الاول يدوب يحرك العربية و التانى للعشرين و التالت للاربعين و الرابع لل 65 و الخامس بيفتح لل 90 و ممكن اكتر طبعا بس انا بقول ان دة فى التليين و بدون قرص على العربية و لفات الموتور متزيدش عن 3 او 3.5 زى ما الاخوة ملاك الداستر قالوا
المكان اللى بنحط فية السجاير و الولاعة تحت الكاسيت (زى اللانسر مثلا) مش موجود – انت عندك البابين فقط اللى تقدر تشيل فيهم حاجات كبيرة زى شنطة السيديهات و اى ملفات ورق مهم – الجرابين بتوع الابواب الصراحة كبار جدا و كمان درج التخزين اللى ادام الراكب اللى جنبى برضو كبير و اكبر من اللانسر
مافيش مسند بين الكرسيين (arm rest) و دة ياما تشترية جاهز ب 60 جنية ياما تعمل اختراع مستر بيبو اللى بيتفصل مخصوص فى جينز كار و دة احسن لانة بيفتح و بيشيل حاجات جوة (مساحة تخزين اضافية) و انا عملت زى بيبو و تبقى المشكلة اتحلت
فرش الفابريكة مش شيك اوى لكن طبعا كلنا بنركب الفرش و اللون اللى نحبة و لو فرش شيك هيظهر العربية اوى لان الصالون ما شاء اللة كبير
فى اللانسر ركبت و سافرت على طول و جبت 180 علشان شديت مع تيوتا و نسيت انى فى التليين – الداستر اعتقد لازم تلين زى ما قالوا كل الاخوة – الصوت بيعلى شوية فعلا لما لفات الموتور بتبقى عند تلاتة و نصف بس بعد كدة الصوت بيروح تانى و العربية جابت معايا 135 على عدد لفات قرب الاربعة و بعدين رفعت رجلى و هديت تانى – بس الصراحة العربية بتسحب و بتجرى كويس.
الفتيس حلو لكن الدبرياج بصراحة طويل و تعب رجلى الشمال شوية لما كنت فى القاهرة – يمكن يلين شوية مع الوقت.
استلمت العربية بدون طفاية حريق ولا مثلث عاكس و لا شنطة اسعافات رغم انهم كانوا نازلين مع اللانسر – طبعا عند الترخيص لازم تشترى الحاجات دى.
ثانيا المزايا:

زى ما النقلات القصيرة عيب لكنها برضو ميزة و بتدى عزم شديد جدا للعربية لدرجة انها فركت منى من غير ما اقصد لما رفعت الدبرياج فجأة – ملاك الداستر بيقولوا ان السحب بيزيد اوى بعد الالفين و اكتر بعد الخمسة مع الوضع فى الاعتبار ان السحب الحالى برضوا مرضى جدا على عربية بالحجم دة.
استهلاك البنزين رائع و كان 8.2 لتر و انا ماشى على سرعة 125 و دة تقريبا زى اللانسر او ازيد حاجة بسيطة جدا.
كمبيوتر رحلات مفيد جدا و بالذات للى بيسافر ذى حالاتى و بيدى معلومات عن متوسط السرعة – كام كيلو مشيتها من اخر تفويلة – كام كيلو مشى ناقص على البنزين ما يخلص – متوسط استهلاك البنزين على مشيك و سرعتك الحالية – بجد معلومات حلوة فى السفر.
العربية كبيرة و جميلة و ابعادها حلوة و مجال الرؤية جميل و الشنطة بدون طى الكراسى بتشيل كتير 475 لتر.
العربية اتزانها لغاية سرعة 140 و فى ملفات السفر كان جميل و كانت متزنة لابعد الحدود.
زجاج غامق ملون و بالترخيص.
فرامل قوية و كاسيت CD صوتة كويس – سماعة فى كل باب من الاربعة.
مش بتسخن خالص و مؤشر الحرارة دايما فى النصف لا بيزيد و لا بيقل مهما كانت العربية ماشية و لا واقفة (زى حرارة اللانسر بالظبط)
التابلوة مش جميل اوى بي مش وحش زى الناس ما كانت كاتبة.
دة تقييم اولى لغاية دلوقتى و لو ظهر اى حاجة مع الاستخدام هقولها و اللة بكل صراحة
مع الشكر

[تامر.محمد]

السلام عليكم
الحمد لله استلمت الداستر من حوالى عشرة ايام بعد اللانسر البومة الاتوماتيك و كانت اصيلة جدا طوال اربع سنين.

الف مبروك :)

طبعا كنت خايف من المانيوال بعد الاتوماتيك لكن الموضوع طلع سهل و انا اصلا بحب السواقة المانيوال اوى.
فيما يلى ذكر بعض العيوب و المزايا للعربية حتى الان و دة تقرير مبدئى:
اولا العيوب:

الاشارات لا تحدد الاتجاة المطلوب فى التابلوة – يعنى عملت اشارة شمال زى يمين – فى الحالتين السهمين هينوروا مع بعض فى التابلوة.

شيء غبي , بس عموما ممكن نعديه

صوت تنبية عالى فى حالة عدم ارتداء حزام الامان اول ما السرعة تعدى 20 و دة مش جميل لانك لو ماشى بالعربية مشوار قصير جدا فى شوارع داخلية – برضو هتضطر تلبس الحزام لان الصوت بيضايق و عالى – و طبعا الناس هتتريق عليك

كل العربيات المحترمة كده عموما

اماكن زراير الزجاج فى التابلوة مش فى الابواب – دى مش مشكلة هتتعود عليها بس المشكلة ان الزجاج الخلفى زرايرة بالخلف برضو و بالتالى معندكش تحكم فية غير انك تمد ايدك ورا زراع الهاند بريك (هى سهلة بس محتاجة تعود).

سخيفة جدا برده , و دي بقى ما نعديهاش , كده كأن العربية 2 زجاج كهربائي بس

العربية 6 نقلات و النقلات قصيرة جدا يعنى الاول يدوب يحرك العربية و التانى للعشرين و التالت للاربعين و الرابع لل 65 و الخامس بيفتح لل 90 و ممكن اكتر طبعا بس انا بقول ان دة فى التليين و بدون قرص على العربية و لفات الموتور متزيدش عن 3 او 3.5 زى ما الاخوة ملاك الداستر قالوا

عموما ال6 نقلات الناس كلها شكرت فيها , و بتوفر بنزين لما تكون ماشي عادي , بس اظنها في المانيوال تزهق شوية

المكان اللى بنحط فية السجاير و الولاعة تحت الكاسيت (زى اللانسر مثلا) مش موجود – انت عندك البابين فقط اللى تقدر تشيل فيهم حاجات كبيرة زى شنطة السيديهات و اى ملفات ورق مهم – الجرابين بتوع الابواب الصراحة كبار جدا و كمان درج التخزين اللى ادام الراكب اللى جنبى برضو كبير و اكبر من اللانسر

معوضة بعضها

مافيش مسند بين الكرسيين (arm rest) و دة ياما تشترية جاهز ب 60 جنية ياما تعمل اختراع مستر بيبو اللى بيتفصل مخصوص فى جينز كار و دة احسن لانة بيفتح و بيشيل حاجات جوة (مساحة تخزين اضافية) و انا عملت زى بيبو و تبقى المشكلة اتحلت
فرش الفابريكة مش شيك اوى لكن طبعا كلنا بنركب الفرش و اللون اللى نحبة و لو فرش شيك هيظهر العربية اوى لان الصالون ما شاء الله كبير
فى اللانسر ركبت و سافرت على طول و جبت 180 علشان شديت مع تيوتا و نسيت انى فى التليين – الداستر اعتقد لازم تلين زى ما قالوا كل الاخوة – الصوت بيعلى شوية فعلا لما لفات الموتور بتبقى عند تلاتة و نصف بس بعد كدة الصوت بيروح تانى و العربية جابت معايا 135 على عدد لفات قرب الاربعة و بعدين رفعت رجلى و هديت تانى – بس الصراحة العربية بتسحب و بتجرى كويس.
الفتيس حلو لكن الدبرياج بصراحة طويل و تعب رجلى الشمال شوية لما كنت فى القاهرة – يمكن يلين شوية مع الوقت.
استلمت العربية بدون طفاية حريق ولا مثلث عاكس و لا شنطة اسعافات رغم انهم كانوا نازلين مع اللانسر – طبعا عند الترخيص لازم تشترى الحاجات دى.
ثانيا المزايا:

زى ما النقلات القصيرة عيب لكنها برضو ميزة و بتدى عزم شديد جدا للعربية لدرجة انها فركت منى من غير ما اقصد لما رفعت الدبرياج فجأة – ملاك الداستر بيقولوا ان السحب بيزيد اوى بعد الالفين و اكتر بعد الخمسة مع الوضع فى الاعتبار ان السحب الحالى برضوا مرضى جدا على عربية بالحجم دة.
استهلاك البنزين رائع و كان 8.2 لتر و انا ماشى على سرعة 125 و دة تقريبا زى اللانسر او ازيد حاجة بسيطة جدا.
كمبيوتر رحلات مفيد جدا و بالذات للى بيسافر ذى حالاتى و بيدى معلومات عن متوسط السرعة – كام كيلو مشيتها من اخر تفويلة – كام كيلو مشى ناقص على البنزين ما يخلص – متوسط استهلاك البنزين على مشيك و سرعتك الحالية – بجد معلومات حلوة فى السفر.
العربية كبيرة و جميلة و ابعادها حلوة و مجال الرؤية جميل و الشنطة بدون طى الكراسى بتشيل كتير 475 لتر.
العربية اتزانها لغاية سرعة 140 و فى ملفات السفر كان جميل و كانت متزنة لابعد الحدود.
زجاج غامق ملون و بالترخيص.
فرامل قوية و كاسيت cd صوتة كويس – سماعة فى كل باب من الاربعة.
مش بتسخن خالص و مؤشر الحرارة دايما فى النصف لا بيزيد و لا بيقل مهما كانت العربية ماشية و لا واقفة (زى حرارة اللانسر بالظبط)
التابلوة مش جميل اوى بي مش وحش زى الناس ما كانت كاتبة.
دة تقييم اولى لغاية دلوقتى و لو ظهر اى حاجة مع الاستخدام هقولها و الله بكل صراحة
مع الشكر :b4_556:

تسلم ايدك على التقرير و الف مبروك مرة تانية :)

[hossam_elwani]

الف مبروك عليك.......

[الصيداح]

حبيييييييييييييييب قلبي أخيييييييييييرا يا راجل ده أنا قولت إنك نسيت
فين يا عم الصور ومقلتلناش لون العربية إيه
ألف مبروووووووووووووووووك يا كبير وربنا يعطيك خيرها ويكفيك شرها
ولا تنسى الصور ثم الصور ثم التقرير المصور

[crayvor]

ألف مبروك.. ربنا يديك خيرها ويبعد عنك شرها ان شاء الله

[Hosam_Optrawy]

مبروك ربنا يباركلك فيها ويكفيك شرها

[mokh21]

مبروك يا برنس يعطيك خيرها ويكفيك شرها عايزين نشوف الصور بقي

[beeronasr]

الف مبروك :)



تسلم ايدك على التقرير و الف مبروك مرة تانية :)

اللة يبارك فى حضرتك و متشكر يا باشا على ردك و افادتك.

[beeronasr]

الف مبروك عليك.......

اللة يبارك فيك يا باشا و عقبال ما تجيب اللى احسن منها ان شاء اللة او تجيب اللانسر شارك هاى لاين ان شاء اللة

[beeronasr]

حبيييييييييييييييب قلبي أخيييييييييييرا يا راجل ده أنا قولت إنك نسيت
فين يا عم الصور ومقلتلناش لون العربية إيه
ألف مبروووووووووووووووووك يا كبير وربنا يعطيك خيرها ويكفيك شرها
ولا تنسى الصور ثم الصور ثم التقرير المصور

اللة يبارك فيك يا كبيييير اوى و ان شاء اللة فرحتنا تكمل لما نتقابل و انت برضو معانا بالداستر بتاعتك بشخصك و بصفتك منسق مقابلة أسود الداستر.
العربية جبتها فضى بعد ما كنت اتفقت علي الاسود لان الزملاء خوفونى منها - بعدها كلمت استاذ حسين فى الطارق و طلبت منة يغير اللون لفضى لو دة امكن (و دة كان بعد 15 يوم من الحجز اللى كان مدتة شهر) - الراجل فى قمة الذوق قالى هرد عليك بكرة و فعلا اتصل تانى يوم و قالى انة بيغير ورق المرور و ان اللون هيكون موجود و جاهز و قد كان.
ميعادنا كان 15 ابريل و فعلا العربية كانت جاهزة و الورق كلة كان خلصان و حتى ورق الزجاج الملون كان خلصان و بالتالى مروحتش الدراسة زى ما بعض الزملاء راحوا علشان خاطر الزجاج - كل الترخيص خلص فى اقل من ساعتين زمن فى مرور رابعة العدوية.
الصور ان شاء اللة يومين تلاتة لانى لسة راجع الشغل وورايا حاجات كتير للاسف.
و شكرا مرة تانية يا كبير.

[beeronasr]

ألف مبروك.. ربنا يديك خيرها ويبعد عنك شرها ان شاء الله

اللة يبارك فيك يا باشا و عقبال ما نباركلك قريب ان شاء اللة

[beeronasr]

مبروك ربنا يباركلك فيها ويكفيك شرها

اللة يبارك فيك يا أستاذ حسام و متشكر جدا على ذوقك.

[beeronasr]

مبروك يا برنس يعطيك خيرها ويكفيك شرها عايزين نشوف الصور بقي

اللة يبارك فيك يا باشا و الصور هعملها قريب مع انى لسة هشوف و اللة دى هرفعها ازاى؟
بس اكيد هعرف ان شاء اللة.

[amr_2010]

الف مبروك ربنا يديك خيرها و يكفيك شرها
تسلم ايدك على التقرير

[الصيداح]

الله يبارك فيك يا كبيييير اوى و ان شاء الله فرحتنا تكمل لما نتقابل و انت برضو معانا بالداستر بتاعتك بشخصك و بصفتك منسق مقابلة أسود الداستر.
العربية جبتها فضى بعد ما كنت اتفقت علي الاسود لان الزملاء خوفونى منها - بعدها كلمت استاذ حسين فى الطارق و طلبت منة يغير اللون لفضى لو دة امكن (و دة كان بعد 15 يوم من الحجز اللى كان مدتة شهر) - الراجل فى قمة الذوق قالى هرد عليك بكرة و فعلا اتصل تانى يوم و قالى انة بيغير ورق المرور و ان اللون هيكون موجود و جاهز و قد كان.
ميعادنا كان 15 ابريل و فعلا العربية كانت جاهزة و الورق كلة كان خلصان و حتى ورق الزجاج الملون كان خلصان و بالتالى مروحتش الدراسة زى ما بعض الزملاء راحوا علشان خاطر الزجاج - كل الترخيص خلص فى اقل من ساعتين زمن فى مرور رابعة العدوية.
الصور ان شاء الله يومين تلاتة لانى لسة راجع الشغل وورايا حاجات كتير للاسف.
و شكرا مرة تانية يا كبير.

حبيب قلبي والله ربنا يجعلها قدم السعد عليك ويعطيك خيرها
وبإذن الله نتقابل على خير في ميعادنا في 18-5 القادم بإذن الله ويا رب يكون الوضع هدي ومفيش مظاهرات
دعواتك كدة بقى أصلي خلاص مش قادر هموت وأجيب الداستر بس لسة إن شاء الله على السنة الجديدة

بس إيه حكاية الزجاج الملون دي يعنى هو جاي فاميه ولا إيه الحكاية ودي بالطلب ولا كل العربيات كدة؟

ومرة أخرى لا تنس الصور