استلام رينو داستر - تقرير محايد

[gogo2012]

نسيت اقول حاجتين مهمين:
اول حاجة شكر واجب ل 3 اشخاص غاليين على قلبى و كان ليهم دور كبير فى اقناعى بالعربية و لم يوفروا اى مجهود لتعميم معلومات مهمة و مفيدة عن العربية و الموضوع ببساطة معاهم كان لية تدفع اكتر لما ممكن تدفع اقل و تاخد عربية حلوة و امكانياتها هى هى و يمكن اقوى من عربيات اغلى منها ب 30 و 35 الف جنية و الغاليين دول هم:
1- stonecold
2- bebo2000
3- gogo
التلاتة دول ربنا يكرمهم و عاوز اشكرهم جدا.
الحاجة التانية نسيت اذكر فى المميزات ان اهم ميزة طبعا ان العربية 4x4 و بتقنية و تعليق و عفشة نيسان x-trail و دى عفشة و تعليق مشهود لها بالكفاءة.

الف مبروك على الداســـتر
معلش جت متأخر شويه
بالنسبه لصوت الحزام ممكن تركب الحزام على الكرسى فى وضع دائم وبكده تكون اتخلصت من الزن فى المسافات القصيره
حاجه تانيه من وسائل الامان الى اكتشفتها . لو انت مشغل السياره بالمفتاح بدون ريموت وانت بره السياره او جواها حاول تقفل او تفتح بمفتاح الريموت هتلاقيه موش شغال ......
ومتنســـــاش الحزام امان

[beeronasr]

الف مبروك على الداســـتر
معلش جت متأخر شويه
بالنسبه لصوت الحزام ممكن تركب الحزام على الكرسى فى وضع دائم وبكده تكون اتخلصت من الزن فى المسافات القصيره
حاجه تانيه من وسائل الامان الى اكتشفتها . لو انت مشغل السياره بالمفتاح بدون ريموت وانت بره السياره او جواها حاول تقفل او تفتح بمفتاح الريموت هتلاقيه موش شغال ......
ومتنســـــاش الحزام امان

ربنا يخليك يا جوجو باشا و دايما كدة تدخلاتك ايجابية جدا - طول ما انا مسافر طبعا لابس الحزام - بي فى مكان داخلى (جوة فندق مثلا) و لمسافة قصيرة و طريق داخلى بصراحة الحزام ملوش لازمة و صوتة عالى لدرجة مستفزة - بس فكرتك خلصت الموضوع كدة نهائيا.
الاكتشاف التانى برضو جديد و العربية بأمانة جميلة فى وسائل الامان و شكرا جزيلا ليك يا مستر جوجو على مداخلاتك و افاداتك المتكررة

[Sa6ry]

ربنا يبارك ليك ويرزقك خيرها ويبعد عنك شرها

بعد اذنك عشان بفكر اشتري داستر, بس ساعات لما شوفت تقفيلها خوفت

انا كنت عاوز اعرف

عزل العربية كويس؟
الباب بيقفل كويس ولا لازم ترزعه .

التقفيل في المجمل اخباره ايه معاك؟ وعلي السرعات العالية في تسريب هواء .الخ؟

[jackson_75]

ألف مبروك يا باشا علىى العربية وربنا يديك خيرها ويكفيك شرها , أنا على فكرة شغال فى السياحة وعايش فى جنوب سيناء وكنت بفكر أجيب واحدة زيها وأرخصها سياحة وعلى فكرة لما قرأت تعليق حضرتك على العربية وتعليقك على خناقة الأولأد بالجلوس فى الحتة اللى فى النص ضحكت جداً لأن أولأدى من نفس المرحلة العمرية اللى بيها أولأدك ولأنى برده كان معايا لأنسر قبل كده وكمان شغال فى السياحة وبسافر كتير .. شفت بقى الصدف (((-:
عامتاً أنا عاوز أسال حضرتك سؤال مهم ( هو المارش فى العربية نظام سوستة للأمام ولأ نظام مارش للخلف زى التويوتا ومعظم العربيات )
كمان عاوز أعرف هل حضرتك جربت تدوس بيها فى الرمال وتجرب الدفع الرباعى عامل أيه؟!
مبروك مرة أخرى وفى أنتظار الرد وربنا يحوش عنك العين ويسترها معاك ومع أولأدك ,, تقبل تحياتى

[jackson_75]

معلش كنت عاوز أضيف كام سؤال كمان
هو ليه فى بعض الصور الموجودة على النت بيظهر الجير بوكس مكون من ست سرعات والمارش سوستة للأمام ؟
وليه فى بعض الصور الأخرى يظهر الجير بوكس مكون من 5 سرعات والمارش للخلف زى اللوجان ؟
هل لأزم أستخدام بنزين 95 وهل أستخدام ال 92 بيأثر على الأداء وبيخلى صوت الماتور عالى ؟
من فضلك عاوز أعرف , هى السيارة مفيهاش ساعة فى التابلوه وهل يوجد ساعة على شاشة الكاسيت ؟
أنا عاوز أعرف كمان هو المسند والفرش تركيبهم بيتكلف كام فى جينز كار وياترى أسعارهم كويسة وخدمة ممتازة ولأ حضرتك تنصح بأيه ؟
شاكر لحضرتك مقدماً وسامحنى على كثرة الأسئلة بس أصل بصراحة العربية دى وكلة دماغى أوى وهاتجنن عليها
أنا فى أنتظار الرد

[mazher_m]

مبروك يا باشا
ربنا يديك خيرها ويكفيك شرها

[beeronasr]

ربنا يبارك ليك ويرزقك خيرها ويبعد عنك شرها

بعد اذنك عشان بفكر اشتري داستر, بس ساعات لما شوفت تقفيلها خوفت

انا كنت عاوز اعرف

عزل العربية كويس؟
الباب بيقفل كويس ولا لازم ترزعه .

التقفيل في المجمل اخباره ايه معاك؟ وعلي السرعات العالية في تسريب هواء .الخ؟

متشكر يا باشا - اللة يبارك فى حضرتك.
عزل العربية كويس جدا لانك لو مقفل الزجاج مش بتسمع حاجة من برة و الابواب عليها طبقتين كاوتش واحدة دايرة على الباب من برة و التانية لافة علية من جوة و لذلك مقارنة مثلا باللانسر البومة 2008 اللى معايا - بأمانة عزل الداستر احسن.
الباب لازم تزقة شوية مش ترزعة يعنى تزود الزقة الخفيفة بتاعة باب اللانسر لانة بيقفل براحة لكن الداستر لازم تزود الزقة شوية و يمكن دة بسبب الطبقتين كاوتش اللى على الباب.
التقفيل فى المجمل تمام و مافيش اى تسريب هواء داخل للعربية على اى سرعة عالية.
تقبل تحياتى و اى خدمة انا تحت امرك.

[kar!m]

الف مبروك .. ربنا يبارك لك فيها و يحفظهالك.

تقرير ممتاز.

[beeronasr]

ألف مبروك يا باشا علىى العربية وربنا يديك خيرها ويكفيك شرها , أنا على فكرة شغال فى السياحة وعايش فى جنوب سيناء وكنت بفكر أجيب واحدة زيها وأرخصها سياحة وعلى فكرة لما قرأت تعليق حضرتك على العربية وتعليقك على خناقة الأولأد بالجلوس فى الحتة اللى فى النص ضحكت جداً لأن أولأدى من نفس المرحلة العمرية اللى بيها أولأدك ولأنى برده كان معايا لأنسر قبل كده وكمان شغال فى السياحة وبسافر كتير .. شفت بقى الصدف (((-:
عامتاً أنا عاوز أسال حضرتك سؤال مهم ( هو المارش فى العربية نظام سوستة للأمام ولأ نظام مارش للخلف زى التويوتا ومعظم العربيات )
كمان عاوز أعرف هل حضرتك جربت تدوس بيها فى الرمال وتجرب الدفع الرباعى عامل أيه؟!
مبروك مرة أخرى وفى أنتظار الرد وربنا يحوش عنك العين ويسترها معاك ومع أولأدك ,, تقبل تحياتى

يا باشا اللة يبارك فيك و يكرمك و يوفقك فى مشاكل السياحة اللى بنشوفها عندنا من ساعة الثورة المجيدة!!
صدفة جميلة طبعا و فعلا اوجة التشابة كتيرة حتى فى خناقة الاولاد.
مارش العربية بتاعتى سوستة لفوق و شمال و دة لانها 4x4 و 6 نقلات عادية .
بصراحة مجربتهاش خالص فى الصحراء و لا رمال كتيرة - جربتها بس مع خاصية ال4x4 على رملة سطحية فى ارض غير ممهدة فقط - كانت كويسة بس دة مش اختبار ليها لان اى عربية سيدان كانت تقدر تمشى عليها - و بعدين بصراحة انا مش جايب ال 4x4 علشان ادخل بيها الصحراء - انا جايبها علشان التصفح الحديدى اسفل العربية و العفشة المختلفة بتاعة نيسان x-trail اللى موجودة فى ال 4x4 بس مش السحب الامامى.

[beeronasr]

معلش كنت عاوز أضيف كام سؤال كمان
هو ليه فى بعض الصور الموجودة على النت بيظهر الجير بوكس مكون من ست سرعات والمارش سوستة للأمام ؟
وليه فى بعض الصور الأخرى يظهر الجير بوكس مكون من 5 سرعات والمارش للخلف زى اللوجان ؟
هل لأزم أستخدام بنزين 95 وهل أستخدام ال 92 بيأثر على الأداء وبيخلى صوت الماتور عالى ؟
من فضلك عاوز أعرف , هى السيارة مفيهاش ساعة فى التابلوه وهل يوجد ساعة على شاشة الكاسيت ؟
أنا عاوز أعرف كمان هو المسند والفرش تركيبهم بيتكلف كام فى جينز كار وياترى أسعارهم كويسة وخدمة ممتازة ولأ حضرتك تنصح بأيه ؟
شاكر لحضرتك مقدماً وسامحنى على كثرة الأسئلة بس أصل بصراحة العربية دى وكلة دماغى أوى وهاتجنن عليها
أنا فى أنتظار الرد

يا باشا انت تؤمر...
الداستر نازلة نوعين - نوع سحب امامى و دى خمس سرعات و المارش للخلف لكن ال4x4 نازلة 6 نقلات و بالتالى المارش سوستة للامام شمال.
الساعة فى التابلوة ديجيتال بتبان لما تدور العربية و مكانها ثابت تحت عداد الكيلومترات - شاشة الكاسيت مفيهاش ساعة لكن بتكتب اللى بتذيعة زى مثلا على 100.6 بتكتب "Nogom FM" .
البنزين مكتوب على غطاء التانك 95 و 98 بس انا و مصر كلها كلة ماشى ب 92 و الحياة جميلة و زى الفل.
المسند لوحدة هيعمل حوالى 200 جنية لانة تفصيل و الفرش من 800 الى 1900 جنية حسب نوع الجلد اللى هتختارة لكن الحاج احمد بعد كدة ممكن يعمل تخفيض و يدخل الاتنين فى بعض و بالنسبة للخدمة و الخامات و التقفيل بصراحة ممتازين
و ربنا يكرمك و تجيبها قريب و اى خدمة انا تحت امرك.

[beeronasr]

مبروك يا باشا
ربنا يديك خيرها ويكفيك شرها

ربنا يبارك فى حضرتك و متشكر جدا

[beeronasr]

الف مبروك .. ربنا يبارك لك فيها و يحفظهالك.

تقرير ممتاز.

اللة يبارك فى حضرتك و متشكر لذوق سيادتك.

[jackson_75]

يا باشا انت تؤمر...
الداستر نازلة نوعين - نوع سحب امامى و دى خمس سرعات و المارش للخلف لكن ال4x4 نازلة 6 نقلات و بالتالى المارش سوستة للامام شمال.
الساعة فى التابلوة ديجيتال بتبان لما تدور العربية و مكانها ثابت تحت عداد الكيلومترات - شاشة الكاسيت مفيهاش ساعة لكن بتكتب اللى بتذيعة زى مثلا على 100.6 بتكتب "nogom fm" .
البنزين مكتوب على غطاء التانك 95 و 98 بس انا و مصر كلها كلة ماشى ب 92 و الحياة جميلة و زى الفل.
المسند لوحدة هيعمل حوالى 200 جنية لانة تفصيل و الفرش من 800 الى 1900 جنية حسب نوع الجلد اللى هتختارة لكن الحاج احمد بعد كدة ممكن يعمل تخفيض و يدخل الاتنين فى بعض و بالنسبة للخدمة و الخامات و التقفيل بصراحة ممتازين
و ربنا يكرمك و تجيبها قريب و اى خدمة انا تحت امرك.

ألف شكر لحضرتك ولأهتمامك بالرد
بس أنا كنت سمعت أن عشان تحط بنزين 92 لأزم تروح للتوكيل وهما بيظبطوها عشان تقبل 92 لأن هى فى الأول مش هاتقول لأ بس بعد كده هيبان تأثير ال 92 على العربية ( ياريت تسأل على الكلأم ده صح ولأ غلط فى التوكيل ؟)
معلش سامحنى أخر سؤال - أنا كنت عاوز أعرف هى العربية بتنزل فاميه وهل بيتم أثباته على الرخصة ويا ترى أيه رأيك فى صوت الكاسيت وقوة السمعات ؟
أخيراً أدعوا لك من القلب بالخير وسعة الرزق والبركة فى الأمور كلها
وجزاك الله خيراً

[beeronasr]

ألف شكر لحضرتك ولأهتمامك بالرد
بس أنا كنت سمعت أن عشان تحط بنزين 92 لأزم تروح للتوكيل وهما بيظبطوها عشان تقبل 92 لأن هى فى الأول مش هاتقول لأ بس بعد كده هيبان تأثير ال 92 على العربية ( ياريت تسأل على الكلأم ده صح ولأ غلط فى التوكيل ؟)
معلش سامحنى أخر سؤال - أنا كنت عاوز أعرف هى العربية بتنزل فاميه وهل بيتم أثباته على الرخصة ويا ترى أيه رأيك فى صوت الكاسيت وقوة السمعات ؟
أخيراً أدعوا لك من القلب بالخير وسعة الرزق والبركة فى الأمور كلها
وجزاك الله خيراً

و اللة على حد علمى ان البنزين ال 95 دة بيبقى لمواتير زى مثلا الكيا سبورتاج - و مواتير مشابهة - لكن موتور الداستر زية زى موتور اللانسر اللى كانت معاك و معايا - مكتوب برضو على تانك اللانسر 95 لكن الموتور شغال عادى مع 92 و اعتقد انة نفس موتور اللوجان او مشابة لية اوى.
العربية بتنزل فامية و بيتم كتابة دة فى الرخصة و لازم تأكد على مهندس الفحص علشان ما ينساش و مكتوب على ظهر الرخصة بالنص: "زجاج ملون فابريقة"
صوت ال CD مقبول جدا بس مش زى طبعا ما انت تركب sound system لعربيتك لكن مقبول لحد كبير و بيقبل CD , MP3 .
و شكرا لذوقك و دعوتك الجميلة و ربنا يكرمك بيها ان شاء اللة.

[jackson_75]

و الله على حد علمى ان البنزين ال 95 دة بيبقى لمواتير زى مثلا الكيا سبورتاج - و مواتير مشابهة - لكن موتور الداستر زية زى موتور اللانسر اللى كانت معاك و معايا - مكتوب برضو على تانك اللانسر 95 لكن الموتور شغال عادى مع 92 و اعتقد انة نفس موتور اللوجان او مشابة لية اوى.
العربية بتنزل فامية و بيتم كتابة دة فى الرخصة و لازم تأكد على مهندس الفحص علشان ما ينساش و مكتوب على ظهر الرخصة بالنص: "زجاج ملون فابريقة"
صوت ال CD مقبول جدا بس مش زى طبعا ما انت تركب sound system لعربيتك لكن مقبول لحد كبير و بيقبل CD , MP3 .
و شكرا لذوقك و دعوتك الجميلة و ربنا يكرمك بيها ان شاء الله.

أشكر حضرتك مرة أخرى على سرعة الرد والأهتمام
على فكرة أنا اصبحت مقتنع بالعربية دى 100 فى 100 بعد كل المشاركات اللى قرأتها لحضرتك ولأستاذ gogo .stonecold.bebo2000
بصراحة مشاركاتكم كلكم أكثر من رائعة وفعلأً أنا أتصلت بالوكيل عشان أسأل عليها لو هستلمها فى الميناء وأرخصها سياحة تبع شركة سياحة وكان الرد أنها بتتسلم فى الميناء ب 15800 دولأر وده لفئة الدفع الرباعى بس بعد البحث مع شركة سياحة متخصصة فى ترخيص العربيات سياحة فوجئت أن العربية هايوصل سعرها بعد خمس سنين من الدفع لشركة السياحة إلى 141000 يعنى أغلى من سعرها كاش بعد ما دخلت وأتجمركت فى مصر ومش عارف بصراحة الناس دى بتحسبها أزاى وهى دى النقطة الوحيدة المعصلجة فى الشراء , تفتكر فى حد فى المنتدى ممكن يفيدنا برأيه فى الموضوع ده ويقول لنا تكاليف العربية بعد ترخيصها سياحة هاتتكلف كام ؟
مرة أخرى شاكر لحضرتك