استلام رينو داستر - تقرير محايد

[beeronasr]

الف الف الف مبروك ربنا يهنيك بيها و يجعلها وش الخير علي حضرتك و يكفيك شر طريقها يا رب معلهش مدخلتش بقالي فترة

اللة يبارك فيك يا كبييييير - دة انت اكتر واحد اقنعنى انى اجيب العربية دى و انتهز مشاركة سيادتك علشان اشكرك للافادات الكتيرة لكل اللى بيفكر يشترى العربية دى بصفة عامة و لى انا بصفة خاصة
الف شكر يا باشا

[Land_Cruiser]

طيب ايه اخبار التكييف ؟ ايه تقييمه بالنسبه لكم من حيث تخفيض درجه الحراره و تأثيره على السحب و استهلاك البنزين بالمره

[beeronasr]

ربنا يديك خيرها ويكفيك شرها

الف شكر يا باشا و عقبال ما نباركلك على الفلونس ان شاء اللة

[beeronasr]

طيب ايه اخبار التكييف ؟ ايه تقييمه بالنسبه لكم من حيث تخفيض درجه الحراره و تأثيره على السحب و استهلاك البنزين بالمره

اسف على التأخير يا باشا - التكييف فية ميزة انة لو انت لوحدل و الجو حر تقوم تفتح اللى فى وشك بس و هيخلى وشك يسقع بجد - لو معاك ناس بالامام و الخلف يبقى لازم تشغلة على الاخر و تشغل الفتحات اللى امام الوجة و الى تحت الكراسى لانها بتشتغل من تحت كرسى الراكب و اللى حنبة للكراسى اللى ورا - طبعا فى الليل بيبقى تلاجة و لو بالصبح و الشمس جامدة بياخد وقت شوية يمكن علشان العربية صالونها اكبر - زى ما قال بيبو.
السحب فعلا اكنة مالوش دعوة بالتكييف.
استهلاك البنزين بيتراوح فى التكييف لو زحمة اولانى فى تانى بيبقى 10.5 لتر فى 100 كيلو و لو سفر بيبقى 8.2 لتر بس.
فى المجمل اعتقد ان التكييف و استهلاكة و سحب العربية على موتور 1600 بيعتبر معادلة محترمة فى العربي دى بأمانة شديدة.

[mokh21]

انا عارف ان إحنا تعبناك معانا قوي في الأسئلة لكن معلهيش ربنا يخليك لينا سؤالي بمناسبة أزمة البنزين اللي في البلد اليومين دول ممكن اعرف تانك الداستر سعته كام ليتر ومشكور مقدما

[bebo2000]

50 لتر

[مدحت البلبيسى]

هل قطع غيارها زى اللوجان انا سمعت كدة يعنى لوحصل حاجة تنفع قطع غيار اللوجان واصلا قطع غيار اللوجان متوفرة ولا لاانا محتار بينها والنترا2012 وكيا سول انصحونى لانى بجد مقتنع بيها 90% انا تعبتكم معايا معلش بس انتوا عارفين ومجربين قرار الشراء مش سهل جزاكم الله خيرا عنا

[Land_Cruiser]

اسف على التأخير يا باشا - التكييف فية ميزة انة لو انت لوحدل و الجو حر تقوم تفتح اللى فى وشك بس و هيخلى وشك يسقع بجد - لو معاك ناس بالامام و الخلف يبقى لازم تشغلة على الاخر و تشغل الفتحات اللى امام الوجة و الى تحت الكراسى لانها بتشتغل من تحت كرسى الراكب و اللى حنبة للكراسى اللى ورا - طبعا فى الليل بيبقى تلاجة و لو بالصبح و الشمس جامدة بياخد وقت شوية يمكن علشان العربية صالونها اكبر - زى ما قال بيبو.
السحب فعلا اكنة مالوش دعوة بالتكييف.
استهلاك البنزين بيتراوح فى التكييف لو زحمة اولانى فى تانى بيبقى 10.5 لتر فى 100 كيلو و لو سفر بيبقى 8.2 لتر بس.
فى المجمل اعتقد ان التكييف و استهلاكة و سحب العربية على موتور 1600 بيعتبر معادلة محترمة فى العربي دى بأمانة شديدة.

الف شكر يا باشا و ربنا يباركلك فيها

[mokh21]

50 لتر

معنى كده ان التانك يعمل تقريبا متوسط ٥٠٠ كيلو متر

[Land_Cruiser]

معلش - و اسف على كثره الاسئله - كان عندى سؤال تانى يا ترى ايه الفروق اللى بين النسخه العاديه و الدفع الرباعى من حيث الفتيس و العفشه و الكماليات و شكرًا مقدما

[bebo2000]

الفروق بين الدفع الرباعي والثنائي:-

1- تصفيح اسفل السيارة
2- الاستبن داخل الشنطة في الدفع الرباعي وحواليه اماكن لتخزين العدد وخلافه ( الدفع الثنائي الاستبن اسفل السيارة )
3- الكشافات في الدفع الرباعي بتبقى سبور ( سوداء وبعدسات ) الثنائي عادية ( نيكل )
4- الرباعي 6 غيار خلاف المارش ( الثنائي 5 كالمعتاد )
5- الرباعي عفشة خلفية نيسان اكس تريل ( مالتي لينك ) بالاضافة الى الزرار بتاع التحكم في الدفع ( ثنائي - رباعي - اوتو ) الثنائي عفشة تورشين بيم ( قنطرة )
6- الثنائي السرعة القصوى اعلى من الرباعى وبرضه من صفر الى 100 اسرع ( الرباعى اتقل ب 100 كيلوجرام )
7- استهلاك البنزين في الرباعي ازيد وخصوصا لو شغلت الدفع الرباعي

[beeronasr]

هل قطع غيارها زى اللوجان انا سمعت كدة يعنى لوحصل حاجة تنفع قطع غيار اللوجان واصلا قطع غيار اللوجان متوفرة ولا لاانا محتار بينها والنترا2012 وكيا سول انصحونى لانى بجد مقتنع بيها 90% انا تعبتكم معايا معلش بس انتوا عارفين ومجربين قرار الشراء مش سهل جزاكم الله خيرا عنا

أعتقد قطع غيار للموتور و سيورة و خلافة دى زى بتاعة اللوجان و اكيد متوفرة لان اللوجان دلوقتى منتشرة جدا و صدقنى حتى الداستر دلوقتى بدأ انتشارها يظهر بشكل ملحوظ و انا فى القاهرة و الغردقة بدأت اشوفها اكتر من اللى متعودينة منها و استاذ بيبو قال انة شافها كتير فى الاسكندرية و بصراحة دى حاجة تفرح ملاكها لانة كل ما العربية تنتشر كل ما قطع غيارها تزيد - لكن بالنسبة لحيرتك بين العربيات دى اولا اذواق - ثانيا انت عاوز سيدان ولا 4x4 ولا cross over لانك حاطط الثلاث فئات مع بعضهم - انا استبعدت الالنترا لانها سيدان وانا كنت عاوز اركب عالى - و استبعدت الكيا سول لانها اصغر كتير من الداستر - نصيحتى ليك: ارجع لراحتك النفسية لانك انت اللى هتركب و علشان انت تبقى مبسوط بيها. التلات عربيات حلوين بصراحة.

[beeronasr]

الفروق بين الدفع الرباعي والثنائي:-

1- تصفيح اسفل السيارة
2- الاستبن داخل الشنطة في الدفع الرباعي وحواليه اماكن لتخزين العدد وخلافه ( الدفع الثنائي الاستبن اسفل السيارة )
3- الكشافات في الدفع الرباعي بتبقى سبور ( سوداء وبعدسات ) الثنائي عادية ( نيكل )
4- الرباعي 6 غيار خلاف المارش ( الثنائي 5 كالمعتاد )
5- الرباعي عفشة خلفية نيسان اكس تريل ( مالتي لينك ) بالاضافة الى الزرار بتاع التحكم في الدفع ( ثنائي - رباعي - اوتو ) الثنائي عفشة تورشين بيم ( قنطرة )
6- الثنائي السرعة القصوى اعلى من الرباعى وبرضه من صفر الى 100 اسرع ( الرباعى اتقل ب 100 كيلوجرام )
7- استهلاك البنزين في الرباعي ازيد وخصوصا لو شغلت الدفع الرباعي

يا سلام يا كابتن بيبو يا كبييييييير

[beeronasr]

معنى كده ان التانك يعمل تقريبا متوسط ٥٠٠ كيلو متر

و اكتر من 500 على اعتبار ان متوسط استهلاك البنزين من 8.2 الى 9.5 فى متوسط الاستهلاك العادى

[mokh21]

و اكتر من 500 على اعتبار ان متوسط استهلاك البنزين من 8.2 الى 9.5 فى متوسط الاستهلاك العادى

بصراحه حاجه تفرح وتوفر كمان بس إحنا بردوا مش هننسى انك وعدتنا تنزل صور سيارتك ربنا يبارك لك فيها على فكرة انا سيارتي وصلت المعرض خلاص وهستلمها الاسبوع القادم انا كنت محتار بين الاسود والنحاسي واللي وصلت الاسود ان شاء الله لما استلمها هبقي انزل صورها