للاسف اشتريت ميجان

[ashraf3]

لا تقلق ...... فيه صنايعية كتير فى صقر قريش والحرفيين ......... التوكيل أسعاره عالية بالنسبة لهم ..... العربية مش معقدة وناس كتير بتشتغل فيها ....... بالنسبة ل check gearbox ممكن يكون حاجة مش فاكر اسمها سولونيد للفتيس بتتغير ... أو ممكن تكون كويل ضارب وهتحسه لو فيه رجة فى العربية ..... بالنسبة للون : وديها أى car care يلمعوها
بالنسبة للسى ديهاية زى وإنت بتضغط على زر الأخراج استعمل اسطوانة تانى دخلها بطريقة معينة هتطلع معاك الأسطوانة المحشورة بإذن الله
بالنسبة للكارت عرفت منين إنه بايظ ..... ممكن يكون البطارية بتاعته فارغة ... جرب تشغل بيه العربية كدا ؟؟ ..... على العموم هو بيتصلح http://www.nilemotors.net/nile/3874509924-post3.html وابحث ع يوتيوب فيه فيديوهات تانى
عايزك تتأكد من إنه الكارت الأًلى للعربية قارن بين الكارتين اللى معاك ....... كل كارت بيبقى فيه مفتاح احتياطى بيفتح الباب فى حالة عدم عمل الكارت ..... جرب تفتح بيه العربية من الكارتين عشان تتأكد إن الكروت دى خاصة بعربيتك ومش متغيرة قبل كدا بواحد مش أصلى

هو في كارت اصلي وكارت مش اصلي ؟ وما هو الفارق بينهما ؟
طب تنصحني بأشخاص معينيين في صقر قريش او الحرفيين
ولك مني كل شكر وتقدير

[sfgtrehk]

وعليكم السلام ورحمه الله
شكراً جزيلاً لك عزيزي sfgtrehk

العفو يا فندم

ان شاء الله بالتوفيق

على فكرة الفتيس الاتوماتيك كان فى عربيتى الكرولا كان مش كويس ومفيش سحب وفيه لغبطة والغيارات كانت بتتاخر و الرابع كان بيجى او ميجيش

عملت سيرش عالاعطال ووصلت لان فى السريع اعمل الاتى
اغير زيت الفتيس
وانظف فلتره الخاص بيه الشبك
وانظف الماغناطيسات اللى بتلقط وساخة الزيت

كل دا فى متناول الايد لقيت بلاوى والميكانيكى بتاعى خد ساعتها فى نص ساعة شغل 30ج هههههه
بعد ما كنت خلاص هغيره
وبعد 1000كم عدت اللى عملته تانى
ومن ساعتها مشى زى الساعة والعربية اتغيرت خالص حضرتك
لان سعادتك انت الفتيس عند حضرتك مفهوش حاجة غير ان لازم بتعمل كده او صيانة شبيهة للى عملتها طبقا لنوع السيارة سيادتك

حضرتك لو بايظ مش هتسافر بيك العربية اصلا ولا هتجيب 100كم على بعض ولو بايظ وجابت مش هتقاوم لعدد من ال كم كبير كده

وبالتوفيق ان شاء الله

[ashraf3]

العفو يا فندم

ان شاء الله بالتوفيق

على فكرة الفتيس الاتوماتيك كان فى عربيتى الكرولا كان مش كويس ومفيش سحب وفيه لغبطة والغيارات كانت بتتاخر و الرابع كان بيجى او ميجيش

عملت سيرش عالاعطال ووصلت لان فى السريع اعمل الاتى
اغير زيت الفتيس
وانظف فلتره الخاص بيه الشبك
وانظف الماغناطيسات اللى بتلقط وساخة الزيت

كل دا فى متناول الايد لقيت بلاوى والميكانيكى بتاعى خد ساعتها فى نص ساعة شغل 30ج هههههه
بعد ما كنت خلاص هغيره
وبعد 1000كم عدت اللى عملته تانى
ومن ساعتها مشى زى الساعة والعربية اتغيرت خالص حضرتك
لان سعادتك انت الفتيس عند حضرتك مفهوش حاجة غير ان لازم بتعمل كده او صيانة شبيهة للى عملتها طبقا لنوع السيارة سيادتك

حضرتك لو بايظ مش هتسافر بيك العربية اصلا ولا هتجيب 100كم على بعض ولو بايظ وجابت مش هتقاوم لعدد من ال كم كبير كده

وبالتوفيق ان شاء الله

بصراحة في بعض الاخوة الاعضاء هنا جعلتني ردودهم ارتاح نفسياً الى حد ما بعد ان كنت لا ارغب في قيادتها حتى
فشكراً لك ولجميع الاخوة الاعضاء الذين مرو على الموضوع

[MohammedAladel]

أصبر متغيرش زيت الفتيس إلا أما تعرف إيه اللى فيه ...... أنا شايف إن الاعطال اللى عندك عادية جدا وتقريبا حصلت مع أعضاء هنا

أما تزييق الباب دا هو اللى غريب شوية وإنت م تأكد إن الأبواب هى اللى بتزيق مش العفشة

بالنسبة للناس اللى بتقول لازم تشترى العربية بكشف التوكيل ....... هو طبعا أضمن

بس لو حد فاهم ومجرب العربية دى قبل كدا هيقدر يقيمها إن شاء الله لوحده بس التوكيل طبعا أشمل وأعم والموضوع دا مركز فيه على شوية حاجات بالنسبة لمعرفة حالة السيارة أ عتقد اللى هيقرأه وخصوصا لو كان عنده عربية قبل كدا ........ز مش هينضحك عليه بسهولة

http://www.nilemotors.net/Nile/318383-a.html

أحنا عندنا فى نايل موتورز مواضيع محترمة عن الميجان بكل ما يخصها من وظائف وأعطال اللى هيقرأها هيستفاد جامد إن شاء الله

بالنسبة للكارت لو حضرتك ركزت فى كلامى .... قلتلك جرب تشغل العربية بالكارتين وشوف أى رسايل هتظهرلك مع الكارت لو مرضيش يشغل العربية ......... شوف المفاتيح اللى جنب الكروت اللى بتفتح بيها باب السائق فى حالة عدم عمل الكارت لو المفتاحين للكارتين بيفتحوا العربية يبقى الاتنين كروتها عايزك تشوف الموضوع دا هيفيدك بالنسبة لموضوع مفتاح الكارت

http://www.nilemotors.net/Nile/309369-a.html

بالنسبة لمشكلة الباب زى مال الأعضاء قالولك ممكن تستخدم wd40 على مفصلات الباب وتفتح وتقفل عشان المنظف دا يزيت المفصلات وعلى قفل الباب الشنكل اللى بيشبك فى جسم العربية فى اللوك و الباب يتقفل


عايزك تتأكد الأول إن التزييق جاى من الأبواب ولا من العفشة

بالنسبة للباب عايزك تفتحه وتهزه بإيدك فوق وتحت المفروض إنه ميتحركش معاك لو اتحرك بص على مفصلات الباب هيبقى المشكلة فيها إن شاء الله

بالنسبة للباب فيه طبعا مسامير بتبقى مثبتاه فى جسم العربية ألانكيه نجمة ألتروكس شوفها مربوطة كويسة ولا لأ

لو الباب من عند المفصلات تمام........... تبص على الحتة الحديد اللى فى الباب اللى بتشبك فى جسم العربية وتشوفها مربوطة كويس ولا لأ

لو كل دا تمام يبقى غالبا العيب فى القفل بتاع الباب

[Moratoz]

انا والله معنديش ميجان بس بحب اخوي هنا وأشوف تفاعل الاعضاء وخدمتهم لبعض

[ashraf3]

أصبر متغيرش زيت الفتيس إلا أما تعرف إيه اللى فيه ...... أنا شايف إن الاعطال اللى عندك عادية جدا وتقريبا حصلت مع أعضاء هنا
المشكلة اني في شرم حالياً ومعرفش اكشف عليها فين

أما تزييق الباب دا هو اللى غريب شوية وإنت م تأكد إن الأبواب هى اللى بتزيق مش العفشة
هو رجرجة او سمية تخبيط من الابواب مش تزييق

بالنسبة للناس اللى بتقول لازم تشترى العربية بكشف التوكيل ....... هو طبعا أضمن

بس لو حد فاهم ومجرب العربية دى قبل كدا هيقدر يقيمها إن شاء الله لوحده بس التوكيل طبعا أشمل وأعم والموضوع دا مركز فيه على شوية حاجات بالنسبة لمعرفة حالة السيارة أ عتقد اللى هيقرأه وخصوصا لو كان عنده عربية قبل كدا ........ز مش هينضحك عليه بسهولة

الحمد لله على كل شئ
أحنا عندنا فى نايل موتورز مواضيع محترمة عن الميجان بكل ما يخصها من وظائف وأعطال اللى هيقرأها هيستفاد جامد إن شاء الله
انا بحاول اقرأ كل المواضيع فعلاً

بالنسبة للكارت لو حضرتك ركزت فى كلامى .... قلتلك جرب تشغل العربية بالكارتين وشوف أى رسايل هتظهرلك مع الكارت لو مرضيش يشغل العربية ......... شوف المفاتيح اللى جنب الكروت اللى بتفتح بيها باب السائق فى حالة عدم عمل الكارت لو المفتاحين للكارتين بيفتحوا العربية يبقى الاتنين كروتها عايزك تشوف الموضوع دا هيفيدك بالنسبة لموضوع مفتاح الكارت
حاولت فعلاً اشغل العربية بالكارت التاني مبيشتغلش ومش بيدي اي رسائل الكلام دة كان امبارح ولما جين ادورها النهاردة بالكارت السليم جالها سكتة قلبية فافتكرت الجملة اللي قالتهالي صبتها السابقة ( ما تحولش تشغلها بالكارت دة اصل بطاريتة فاضية ) ومش عارف اذا كان الكارت لة علاقة بانها متشتغلش بعد كدة ولا اية
بالنسبة لمشكلة الباب زى مال الأعضاء قالولك ممكن تستخدم wd40 على مفصلات الباب وتفتح وتقفل عشان المنظف دا يزيت المفصلات وعلى قفل الباب الشنكل اللى بيشبك فى جسم العربية فى اللوك و الباب يتقفل
زي ما قلت لحضرتك هي تخبيط مش تزييق


عايزك تتأكد الأول إن التزييق جاى من الأبواب ولا من العفشة

بالنسبة للباب عايزك تفتحه وتهزه بإيدك فوق وتحت المفروض إنه ميتحركش معاك لو اتحرك بص على مفصلات الباب هيبقى المشكلة فيها إن شاء الله

بالنسبة للباب فيه طبعا مسامير بتبقى مثبتاه فى جسم العربية ألانكيه نجمة ألتروكس شوفها مربوطة كويسة ولا لأ

لو الباب من عند المفصلات تمام........... تبص على الحتة الحديد اللى فى الباب اللى بتشبك فى جسم العربية وتشوفها مربوطة كويس ولا لأ

لو كل دا تمام يبقى غالبا العيب فى القفل بتاع الباب

حشيك على الابواب زي ما انت شرحت وربنا يسهل الامور ان شاء الله
شاكر جداً جداً لاهتمامك وسعة صدرك

[MohammedAladel]

للعلم الكارت لو شغال العربية هتقرأه عادى حتى لو شايل منه البطارية بس هتجيبلك رسالة بتغيير البطارية للكارت

[ashraf3]

للعلم الكارت لو شغال العربية هتقرأه عادى حتى لو شايل منه البطارية بس هتجيبلك رسالة بتغيير البطارية للكارت

الكارت مش شغال خالص والبطارية اللي فية سليمة لاني جربتها على الاكارت التاني
بس المفتاح الي في الكارت بيفتح ويفل عادي
شكراً لك

[MohammedAladel]

كدا يبقى الكارت فعلا بايظ ........... زى ما قلت لحضرتك ممكن يتصلح بسهولة :)

[ashraf3]

كدا يبقى الكارت فعلا بايظ ........... زى ما قلت لحضرتك ممكن يتصلح بسهولة :)

شكراً يا أخي
بس هو بيتصلح برة التوكيل ولا لأ ؟
والفتيس فية اربع سرعات ولا خمسة
وشكراً على كل شئ واسف على الاسئلة الكتير دي اصلي ُمحدث ميجان

[MohammedAladel]

إسأل براحتك ......... بالنسبة للكارت بيتصلح برا التوكيل بس أنا ملاحظ إن الناس بتبالغ فى ثمن تصليحه برغم إنه مبيعملش حاجة إبداع يعنى .......... أنا جبت لحضرتك فوق اللنك اللى بيوريك أزاى تصلحه ....... بالنسبة للتصليح برا فيه ناس هنا صلحته بأسعار تترواح من 150 ل 250 ....... بالنسبة للفتيس الأوتو 4 غيار والغيار التانى بينقل على مرتين .... المانيوال 5 غيار طبعا أكيد المانيوال أشد فى السحب من الأوتو والسرعة القصوى وصوت الموتور معاه هيكون أهدى على السرعات العالية وأثناء الحرق كمان

[ashraf3]

إسأل براحتك ......... بالنسبة للكارت بيتصلح برا التوكيل بس أنا ملاحظ إن الناس بتبالغ فى ثمن تصليحه برغم إنه مبيعملش حاجة إبداع يعنى .......... أنا جبت لحضرتك فوق اللنك اللى بيوريك أزاى تصلحه ....... بالنسبة للتصليح برا فيه ناس هنا صلحته بأسعار تترواح من 150 ل 250 ....... بالنسبة للفتيس الأوتو 4 غيار والغيار التانى بينقل على مرتين .... المانيوال 5 غيار طبعا أكيد المانيوال أشد فى السحب من الأوتو والسرعة القصوى وصوت الموتور معاه هيكون أهدى على السرعات العالية وأثناء الحرق كمان

اولاً من حقك علية اني اوجة لك جزيل الشكر على سرعة ردودك وكل تلك تلك المعلومات
اما بخصوص الكارت هحاول اعمل زي ما شفت في الفيديو دة لو الموضوع موضوع لحام فقط
اما بخصوص عدد النقلات فانا كنت بسأل لاني لاحظت ان الغيار المانيوال بيجيب لد الرابع فقط ومفيش خامس فهل معنى كدة ان في عندي حاجة غلط ؟ ولا اية الموضوع
وشكراً لك مرة ثانية وثالثة ورابعة وووووووووووووووووووووووووو

[MohammedAladel]

هو بالفعل 4 غيارات فقط ..... 1,2,3,4 ...... بالنسبة للغيار التانى هتحس بإنه بينقل على مرتين

[ashraf3]

هو بالفعل 4 غيارات فقط ..... 1,2,3,4 ...... بالنسبة للغيار التانى هتحس بإنه بينقل على مرتين

يعني اما احول الفتيس على المانيوال بيجيب لربع سرعات بس ؟
عموماً طمنتني كنت فاكر ان فية مصيبة تانية
على فكرة العربية بقت على سرعة 90كم بتترجرج بطريقة غريبة جداً
شكرا جزيلاً على كل شئ

[wael-mohamed]

انا اسف يا جماعة بس انتوا حسستونا ان الراجل شاري مشنة مش عربية وعلشان مشاكل مش ضخمة يعني ومن فضل حضرتك توضح الاتي :
1- العربية فيها خبطات كتير ورشه والا لا
2- بالنسبة لموضوع الصوت في الابواب الاخ الفاضل الذي نصح برش WD40 مظبوط وده بيترش على الاوكر وكوالين الباب
3- بالنسبة للسيدي مفيش مشكلة والا معناه ان العربية ايجار وكلام من ده انا عربيتي فلوانس الفئة الثالثة 2012 والسي دي اتحشرت لخطاء مني ومصلحتهاش لغاية دلوقتي يعني عادي بيحصل
4- بالنسبة لعدم السحب سيادتك بعد ماشتريت العربية المفروض تعمل طقم صيانة يعني تغير مجموعة كاتينة وبوجيهات وفلاتر ( زيت وهواء وتكييف ) وتخلي حد يكشف على مباين العربية علشان موضوع checkgearbox ( انصحك بواحد اسمه عادل في المعادي صقر قريش ) ده مشهور وعملنا العيب ده في عربية واحد صحبي قبل كده
5- بالطبع لما تغير الحاجات دي ان شاء الله هتنبسط من العربية جدا
6- بالنسبة للون فممكن من الركنه في الشمس 7 سنين يدوبك و ممكن تلمعها عند اي بتاع دوكو واعمل للعربية كار كير وروقها كده هتنبسط منها ان شاء الله
ولا داعي نهائيا من هذا التشاؤم واستعجال الخسارة لان كل الي ربنا بيجيبه كويس وربنا يباركلك فيها ويكفيك شرها وعلى فكرة الكلام الي بقولوا ده عن خبرة مش اي كلام يعني