عايز ابيع الميجان

[Super_Star_h]

بصراحه انا متردد فى البيع ! وقدامى ناس عايزه تخلص فيها
وصعبان عليا العربيه بعد ما ضبطتها
ومحتار اركب ايه
ولكن عايز عربيه قطع غيارها رخيصه واعتماديه ومشاكلها قليله وصيانتها بسيطه
ترشحولى ايه فى حدود 70 الف ؟ ده اخرى
انا قدامى عربيه نيسان صنى سوبر صالون حالتها نضيفه جدآ ولكن معرفش حاجه عن العربيه دى

[msenosy]

هى دى مشكلة الميجان بجد .................. حتركب ايه بعدها
المشكله جرب العربية اللى حتجيبها الاول وشوف حتملى عينك كعربية بعد الميجان ولا لأ
الصنى ظريفه وبياعه وصيانتها اسهل من الميجان طبعا بس ثبات اقل شويه على السرعات العاليه لو بتحب تجرى او بتسافر كتير.
بس فعلا فى رينج السعر ده مفيش حاجه تتفوق على الميجان اللى حالتها نضيفه

[Super_Star_h]

هى دى مشكلة الميجان بجد .................. حتركب ايه بعدها
المشكله جرب العربية اللى حتجيبها الاول وشوف حتملى عينك كعربية بعد الميجان ولا لأ
الصنى ظريفه وبياعه وصيانتها اسهل من الميجان طبعا بس ثبات اقل شويه على السرعات العاليه لو بتحب تجرى او بتسافر كتير.
بس فعلا فى رينج السعر ده مفيش حاجه تتفوق على الميجان اللى حالتها نضيفه

ما هو رغم ان الميجان مقرفه فى صيانتها ومشاكلها كتير وقطع غيار غاليه
ولكن هى ركوبه مالهاش حل بصراحه كفايه ثباتها غير طبيعى ودى اكتر حاجه عجبتنى فيها لان انا معظم مشاويرى مسافات طويله وسفر
بدخل بيها ملفات على اي سرعه ولا يهمها حاجه ,, ظلطه على الطريق
شديت بيها مع عربيات كتير وبى ام ومرسيدس الميجان بهدلتهم احلى بهدله وخصوصآ فى الملفات
انا عربيتى مكنتها تعتبر جديده كمان لانى كنت مسقطلها واحده استيراد
سحبها ما شاء الله

[mohamedbook]

الي تعرفة احسن من الي متعرفوش خليك في الميجان بما ان هي عجباك
النيسان شكلها قليله جدا وقطع غيارها رخيصة ثبتها كويس انا مجربها
عبها الموتور صوتة عالي سنة
الصالون ضيق جدا جدا
قعده الكورسي بتاعتها مش موريحة بالمرة وبسبب عدم ارتياحي في قعده السيارة انا بعتها

[hardmind_doc]

مدام ماعكش غير 70000 يبقى خليك فى الميجان احسن
او لو حابب ممكن تبص على جين2

[تامر.محمد]

فعلا اي عربية تفكر فيها اركبها و سوقها الاول و شوف هاتقتنع ولا لأ

الموضوع مش سهل :)

[أسامه الحسيني]

هى ايه الاسباب الى مخلياك عاوز تبيعها ما دام هى مريحاك والمكنه لسه مجددها ؟

[Mecha]

هات ياباني وريح دماغك من الصيانه

[yasser100]

عن تجارب , ناس نزلت من الميجان ما عرفتش تسوق عربيه بعدها , للاسف علشان تكون مرضى لازم لما تنزل منها تركب فئات اعلى و الا خليك فيها علشان ما تتعبش نفسيتك

[mfraig]

لو العربيه فعلا مافيهاش مشاكل معاك خساره تبيعها واستحمل تكاليف سيانتها شويه هي صحيح الصني موتورها قوي وسحبها حلو ثباتها ممتاز بس مش زي الميجان بس اظن هتنبسط بثباتها برضه لكن طبعا ضيقه جدا جدا من جوه والكنبه الخلفيه اضيق حتى من الفيرنا وكمان استهلاك بنزين عالي بغباوه
انا شايف انها لو تاعباك ممكن الصني تكون بديل كويس خصوصا السوبر صالون بس حاول تنسى الميجان وماتحطش العربيتين في مقارنه خالص
ليا سؤال عندك عشان انا كمان عاوز عربيه في حدود 70000 هي تجيب سوبر صالون موديل كام وعامله كام كيلو وللا العربيه اللي قدامك ده لقطه لاني اظن انها اغلى من كده خصوصا لو حاله حلوه

[Super_Star_h]

هى ايه الاسباب الى مخلياك عاوز تبيعها ما دام هى مريحاك والمكنه لسه مجددها ؟

مشاكلها كتير زي ما انت عارف وقطع غيارها غاليه شويه
وانا مبقاش عندى استعداد كل شويه اصلح فيها واضبطها
رغم انى والله دايمآ بصلحها بنفسى
انا لو مش فاهم فى العربيه صدقنى هروح بيها كل يوم فى مركز صيانه شكل

[Super_Star_h]

هى ايه الاسباب الى مخلياك عاوز تبيعها ما دام هى مريحاك والمكنه لسه مجددها ؟

يا باشا هى نفس الاسباب اللى عندك
احنا مش هنضحك على بعض
العربيه دى كلها مشاكل
لو انت قادر على صيانتها كل شويه وقطع الغيار مافيهاش مشكله بالنسبالك يبقى ربنا يباركلك فيها

[Super_Star_h]

عن تجارب , ناس نزلت من الميجان ما عرفتش تسوق عربيه بعدها , للاسف علشان تكون مرضى لازم لما تنزل منها تركب فئات اعلى و الا خليك فيها علشان ما تتعبش نفسيتك

ما هو انا بفكر فى القسط
بس مش عايز ازنق نفسى
فأنا شويه كده لما ربنا يكرمنى هجيب حاجه زيرو محترمه

[Super_Star_h]

لو العربيه فعلا مافيهاش مشاكل معاك خساره تبيعها واستحمل تكاليف سيانتها شويه هي صحيح الصني موتورها قوي وسحبها حلو ثباتها ممتاز بس مش زي الميجان بس اظن هتنبسط بثباتها برضه لكن طبعا ضيقه جدا جدا من جوه والكنبه الخلفيه اضيق حتى من الفيرنا وكمان استهلاك بنزين عالي بغباوه
انا شايف انها لو تاعباك ممكن الصني تكون بديل كويس خصوصا السوبر صالون بس حاول تنسى الميجان وماتحطش العربيتين في مقارنه خالص
ليا سؤال عندك عشان انا كمان عاوز عربيه في حدود 70000 هي تجيب سوبر صالون موديل كام وعامله كام كيلو وللا العربيه اللي قدامك ده لقطه لاني اظن انها اغلى من كده خصوصا لو حاله حلوه

انا سمعت فعلآ انها ضيقه شويه
لكن النقطه دى مش فارقه معايا كتير
العربيه اللى قدامى موديل 2007 حالتها نضيفه وصاحبها بيصرف عليها ومضبطتها
وماسك فى 70 الف
انا شايف ان سعرها كويس

[شادي ايطاليا]

ياراجل عايز بعد ما فهمت الميجان تجيب نيسان ؟؟!!
الميجان مش هتعرف تركب بعدها هتحس انك راكب صفيحه بعدها صيانتها اغلبها انت فهمتها يبقب تمام اوي حاجتها غاليه بس بتعيش وارخص من حاجه البومه بالمناسبه في حاجات بالعبيط يبقي تضحي بالفخامه والتكنولوجيا وتركب عربيه اكرها بتفتح لفوق لسه