اي حد عندة استفسار في ستروين انا في الخدمة

[Romeo26222]

اشكرك يا باشمهندس بس بعد اذنك انا برضه كنت عايز اعرف اذا كانت البليه دي هتكون تكلفتها كام واذا كانت طلمبه الميه هتكون تكليفتها كام ومعلش هو انتوا موجودين السبت ولهما بيحددوا الميعاد مش انا وهل بضطر اني اسيب العربية كذا يوم عشان اكشف عليها وله بتصل وبيحددوا الميعاد وبعدين انا باجي اكشف وامشي على طول معلش على التطويل في السؤال ولك جزيل الشكر

الكشف هيكون في نفس الوقت
احنا متواجدين يوم السبت
حضرتك بتحدد اليوم وبتنسق مع الاستقبال الميعاد المناسب
الاسعار مش معايا حاليا لكن ساعة الكشف ومعرفة العطل هنبلغك بالاسعار

[waelelgazawey]

الكشف هيكون في نفس الوقت
احنا متواجدين يوم السبت
حضرتك بتحدد اليوم وبتنسق مع الاستقبال الميعاد المناسب
الاسعار مش معايا حاليا لكن ساعة الكشف ومعرفة العطل هنبلغك بالاسعار

انا مش عارف اشكرك ازاى الصراحة انت راجل محترم وجزاك الله كل خير

[Romeo26222]

[QUOTE=zimoo;3872596649]

م/رامي
انا مستني
شكرا

للأسف غير متوفرة حاليا لدي عز العرب
هاحاول اوفرهالك من باب قديم لكن المشكلة انها مش بتستحمل فك وبتيوظ لكن لو قدرت اوفرهالك هابلغك علي الخاص

[waelelgazawey]

باشمهندس انا فعلا اتصلت عشان صوت النحره اللي عندي في الموتور دي بـ أمير وجوزيف الرقم اللي حضرتك قولته وهكون موجود يوم السبت باذن الله في حدود الساعة 12 ونص او واحدة بالكتير ياريت حضرتك تكون موجود على الاقل الواحد يتشرف بمعرفتك مش عارف حضرتك بتكون موجود السبت وله بتبقي ظروفك ايه وممكن اسال على حضرتك فين
انا اسمي وائل الغزاوي ستروين ax حمرا ميتاليك
لك جزيل الشكر

[Romeo26222]

waelelgazawey

ان شاء الله انا موجود..حضرتك شرفنا وبلغ فني الاستقبال انك عايز المهندس رامي..
في انتظار سيادتك

[amrrashed]

بشمهندس رامى عندى سؤال بسيط بس للمعرفة بس لما بقفل العربية بلاقى رسالة على الشاشة اللى فى النص بتقولى place auto in box ومش فاهم عايز يقول ايه هوا مفيش مشكلة والحمد لله بس احب افهم وشكرا ليك على جهدك

[Romeo26222]

بشمهندس رامى عندى سؤال بسيط بس للمعرفة بس لما بقفل العربية بلاقى رسالة على الشاشة اللى فى النص بتقولى place auto in box ومش فاهم عايز يقول ايه هوا مفيش مشكلة والحمد لله بس احب افهم وشكرا ليك على جهدك

الرساله اللي بتظهر بتقولك حط الفتيس علي ال p لما تبطل العربيه

[amrrashed]

الف شكر يا باشا

[zimoo]

[QUOTE=Romeo26222;3872598421]

للأسف غير متوفرة حاليا لدي عز العرب
هاحاول اوفرهالك من باب قديم لكن المشكلة انها مش بتستحمل فك وبتيوظ لكن لو قدرت اوفرهالك هابلغك علي الخاص

الف شكر يا باشا وانا مستني

[amrmaismail]

سؤال عن اكسارا 1

باشمهندس رامي ايه اخبارك ؟
انا لسه شاري اكسارا 1 موديل 2001 ماشيه 230000 كم حالتها تمام
انا من أسكندريه فرحت كشفت عليها عند ميكانيكي قالي ان الموتور عامل 75 % والكبس بيعمل 8.5 - 9 بار وان كدا حالة الموتور تمام بس قولت اتأكد من ميكانيكي تاني هل لو القياس كده يبقي تمام ولا ايه
قاللي لا كده حالة الموتور وحشه والموتور ضعيف لازم علي الاقل الموتور يعمل 80 % والكبس 12 بار فهل الكلام ده صحيح وكدا حالة الموتور وحشه ولا ايه ؟
وشكرا ليك يا باشا وتقبل مروري

[Romeo26222]

باشمهندس رامي ايه اخبارك ؟
انا لسه شاري اكسارا 1 موديل 2001 ماشيه 230000 كم حالتها تمام
انا من أسكندريه فرحت كشفت عليها عند ميكانيكي قالي ان الموتور عامل 75 % والكبس بيعمل 8.5 - 9 بار وان كدا حالة الموتور تمام بس قولت اتأكد من ميكانيكي تاني هل لو القياس كده يبقي تمام ولا ايه
قاللي لا كده حالة الموتور وحشه والموتور ضعيف لازم علي الاقل الموتور يعمل 80 % والكبس 12 بار فهل الكلام ده صحيح وكدا حالة الموتور وحشه ولا ايه ؟
وشكرا ليك يا باشا وتقبل مروري

الف مبروك علي العربية
كبس الموتور عندك لو جديد بيبقي 10.5 بار معني كدة ان كبس الموتور بتاعك 85% ودا كويس جدا جدا علي الكيلومتر اللي عاملاة العربية وهي دي ميزة المواتير الفرنساوي..

[elghrory]

ZX

يا مهندس رامى أنا عربيتى zx هل ينفع يركبلها محرك إكسارا 1600 وبيتكلف كام بالتركيب؟

[Romeo26222]

يا مهندس رامى أنا عربيتى zx هل ينفع يركبلها محرك إكسارا 1600 وبيتكلف كام بالتركيب؟

للاسف لا نقوم بذلك في التوكيل

[amrmaismail]

الف مبروك علي العربية
كبس الموتور عندك لو جديد بيبقي 10.5 بار معني كدة ان كبس الموتور بتاعك 85% ودا كويس جدا جدا علي الكيلومتر اللي عاملاة العربية وهي دي ميزة المواتير الفرنساوي..

[amrmaismail]

الف شكر ليك يا باشا والله طمنتي جدا الله يباركلك انت راجل محترم وشكرا ليك مره تانيه