حد شاف سيتروين c3 بيكاسو 2012 الجديدة ؟؟؟ .. بصراحة حاجة حكاية كده !!!

[samyyousef]

معلومة جميلة
شكرا لمجهودك
هناك سؤال بخصوص التوكيل....كويس؟....و اسعار قطع غيار ستروين عموما؟؟

[A.Adel]

معلومة جميلة
شكرا لمجهودك
هناك سؤال بخصوص التوكيل....كويس؟....و اسعار قطع غيار ستروين عموما؟؟

بالنسبة للتوكيل ,معاملته معايا ممتازة سواء وانا باشتري (أنا شاري عربيتي من قسم المستعمل )
أو وأنا بعمل صيانة ال 30000
يعني مثلا لما اشتريت العربية كان ناقصها ال lock بتاع العجل , لما قلتلهم بعته جابولي واحد من فرنسا بعدها بأسبوعين

بالنسبة لاسعار قطع الغيار,
في التوكيل اسعارها أغلى سِنة بسيطة عن ال megane 2 (ده عن تجربة في ميجان 2007)
بس خد بالك إن ال citroen صيانتها كل 15 مش 10 زي ال renault
يعني زيت كل 15 و فلتر و بوجيهات كل 30 مش 20

بره الاسعار أقَل و فيه كذا صناعة يعني فيه صيني و تايواني و اسباني
و ليها كمان حاجات استيراد ,اختار بقى اللي إنت عاوزه

وكل حاجة موجودة , انسى بقى اللي يقولك دي قطع غيرها نادرة والكلام ده
و كمان فيه ناس كتير بتشتغل فيها غير التوكيل زي إيهاب جلال و فريد شوقي
و امجد اللي في الحرفين و اميرو جوزيف

اللي ممكن يتعبك شوية , اكسدام و كبوت ال face lift اللي هو من أول 2009
دول نادرين شوية و طبعا أي حاجة في البودي بتاع الشكل الجديد
أي حاجة في ال ميكانيكا ,هي زي ال 308 بظبط

[A.Adel]

عندك حق يا باشا .. ديه غلطة مني أنا

هي فيها abs و ebd و eba و esp ..

زرار esp تحت الدركسيون من على الشمال ..

لا غلطة ولا حاجة ,كلنا بنتلخبط ساعات :)

[Dr'AhmZZong]

معلومة جميلة
شكرا لمجهودك
هناك سؤال بخصوص التوكيل....كويس؟....و اسعار قطع غيار ستروين عموما؟؟

الله يخليك .. لا شكر على واجب

شكرا علي الموضوع

حبيبي متشكر ..

بالنسبة للتوكيل ,معاملته معايا ممتازة سواء وانا باشتري (أنا شاري عربيتي من قسم المستعمل )
أو وأنا بعمل صيانة ال 30000
يعني مثلا لما اشتريت العربية كان ناقصها ال lock بتاع العجل , لما قلتلهم بعته جابولي واحد من فرنسا بعدها بأسبوعين

بالنسبة لاسعار قطع الغيار,
في التوكيل اسعارها أغلى سِنة بسيطة عن ال megane 2 (ده عن تجربة في ميجان 2007)
بس خد بالك إن ال citroen صيانتها كل 15 مش 10 زي ال renault
يعني زيت كل 15 و فلتر و بوجيهات كل 30 مش 20

بره الاسعار أقَل و فيه كذا صناعة يعني فيه صيني و تايواني و اسباني
و ليها كمان حاجات استيراد ,اختار بقى اللي إنت عاوزه

وكل حاجة موجودة , انسى بقى اللي يقولك دي قطع غيرها نادرة والكلام ده
و كمان فيه ناس كتير بتشتغل فيها غير التوكيل زي إيهاب جلال و فريد شوقي
و امجد اللي في الحرفين و اميرو جوزيف

اللي ممكن يتعبك شوية , اكسدام و كبوت ال face lift اللي هو من أول 2009
دول نادرين شوية و طبعا أي حاجة في البودي بتاع الشكل الجديد
أي حاجة في ال ميكانيكا ,هي زي ال 308 بظبط

أُمّال لييييييييه الناس مخوفانا منه !!!!!!! ..

لا غلطة ولا حاجة ,كلنا بنتلخبط ساعات :)

[mody3on]

عندك حق يا باشا .. ديه غلطة مني أنا

هي فيها abs و ebd و eba و esp ..

زرار esp تحت الدركسيون من على الشمال ..

بصراحة , ما زلت مش مقتنع او مش مصدق ان فيها esp
يعني ال c4 مفيهاش esp وب 165 الف ودي ب 128 الف وفيها esp ؟
عامة لو المعلومة صحيحة فده ممتاز

[mody3on]

المشكلة مش في قطع الغيار بس , المشكلة في الاعتمادية نفسها , الفرنساوي محتاج حد يحسس عليه ويهتم بيه ومينساش الصيانة في مواعيدها , يعني مش زي الياباني ولا الكوري ولا حتى الالماني في موضوع الاعتمادية , وبيقدم تكنولوجيا متطورة جدا في العربيات وده اللي بيصعب صيانتها شوية

[A.Adel]

بصراحة , ما زلت مش مقتنع او مش مصدق ان فيها esp
يعني ال c4 مفيهاش esp وب 165 الف ودي ب 128 الف وفيها esp ؟
عامة لو المعلومة صحيحة فده ممتاز

ال c4 فيها ESP + TCS

[A.Adel]

وبيقدم تكنولوجيا متطورة جدا في العربيات وده اللي بيصعب صيانتها شوية

مين اللي قال لحضرتك الكلام ده :)
تعالى نتكلم بالعقل , لو فيها تكنولوجيا متطورة قوي زي ما أنت بتقول
أُمال كل الناس اللي أنا كتبت اسمهم دول و بيشتغلوا فيها , بيشتغلوا فيها إزاي !!!!!
و أساسا كل الاوروبي فيه تكنولوجيا متطورة

مع احترامي ليك بس ده كلام تجار

المشكلة مش في قطع الغيار بس , المشكلة في الاعتمادية نفسها , الفرنساوي محتاج حد يحسس عليه ويهتم بيه ومينساش الصيانة في مواعيدها ,

طب إيه رأي حضرتك إن أنا أعرف ناس ماشية بجدول صيانة مع نفسها غير التوكيل خالص
و الحمد لله مفيش مشاكل
و على فكرة أنا شفت عربيات كتير ماشية أكتر من 150000 و حالتها ممتازة

و أساسا التوكيل عملك الصيانة كل 15 مش 5 أو 10 زي باقي التوكيلات

[mody3on]

مين اللي قال لحضرتك الكلام ده :)
تعالى نتكلم بالعقل , لو فيها تكنولوجيا متطورة قوي زي ما أنت بتقول
أُمال كل الناس اللي أنا كتبت اسمهم دول و بيشتغلوا فيها , بيشتغلوا فيها إزاي !!!!!
و أساسا كل الاوروبي فيه تكنولوجيا متطورة

مع احترامي ليك بس ده كلام تجار



طب إيه رأي حضرتك إن أنا أعرف ناس ماشية بجدول صيانة مع نفسها غير التوكيل خالص
و الحمد لله مفيش مشاكل
و على فكرة أنا شفت عربيات كتير ماشية أكتر من 150000 و حالتها ممتازة

و أساسا التوكيل عملك الصيانة كل 15 مش 5 أو 10 زي باقي التوكيلات

كلامي ده من ناس اعرفهم معاهم ميجان و 307 و c4
اقلهم في المشاكل كانت ال c4
وبعدها الميجان والاسوء هي ال 307
تمام قول 5-8 بيشتغلوا فيها , لو انت في ظرف طارئ او حادثة لا قدر الله , هل اي ميكانيكي هتعدي عليه يقدر يصلحهالك ؟

[ashouhdy]

اللي يخليني ادفع 125 الف في عربية متر فى متر متشلش 4 حتى يخلينى ادفع 130 او 135 واجيب فلوينس او فيستا او حتي اوكتافيا كسر زيرو

[A.Adel]

كلامي ده من ناس اعرفهم معاهم ميجان و 307 و c4
اقلهم في المشاكل كانت ال c4
وبعدها الميجان والاسوء هي ال 307

طيب ممكن حضرتك تقولي إيه المشاكل اللي حصلت معاهم ,ممكن أقدر اساعدهم بعد كده
على فكرة ال 307 هي بظبط ال c4
نفس الموتور و نفس العفشة و نفس الفتيس
فرق شكل بس مش أكتر

تمام قول 5-8 بيشتغلوا فيها

فيه ماركات اوروبي متلاقيش 2 أو 3 بيشتغلوا فيها زي fiat مثلا

كلو انت في ظرف طارئ او حادثة لا قدر الله , هل اي ميكانيكي هتعدي عليه يقدر يصلحهالك ؟

كل الأوروبي الجديد كده ,

يعني لو حضرتك معاك BMW و عطلت منك
هتروح لاي ميكانيكي يصلحها ؟؟ , بس ده ميمنعش إنها عربية ممتازة

[A.Adel]

اللي يخليني ادفع 125 الف في عربية متر فى متر متشلش 4 حتى يخلينى ادفع 130 او 135 واجيب فلوينس او فيستا او حتي اوكتافيا كسر زيرو

دي عربية mini MPV, يعني دي نسخة مصغرة من ال c4 picasso
ممكن تقارنها مثلا بـعربية super mini زي fiesta مثلا ,آه أنا معاك

بس إزاي تقارنها بـ fluence و octavia !!!!!!

و أصلا حضرتك عرفت منين إنها متر في متر , حضرتك ركبتها ؟؟

دي ابعادها
4078mm :length
1730 mm: width
2540 mm :wheel base

و ده لينك بيأكد كلامي
Citroën C3 Picasso - Wikipedia, the free encyclopedia

اما بالنسبة لل فيستا

4067 مم length
1722 مم width
wheel base mm2489

و ده لينك بكلامي
Ford Fiesta - Wikipedia, the free encyclopedia

يعني بالارقام هي اوسع من ال fiesta

[Formulator]

اللى يقرأ الكام صفحة اللى فاتوا؛ هتلاقى تييييييييييييييت

موجود فين الكلام ده ؟ على موقع ستروين مصر مفيش البيكاسو اصلا , موجود ال c3 العادية وفيها 6 ايرباج و ebd-abs-eba بس مفيش esp , عامة الفرنساوي معروف انه اكتر عربيات فيها امان بتنزل مصر بس مش الالعلى في الاعتمادية خالص

الكلام ده جاي منين ؟ لان مفيش c3 نازلة ب 125 حصان اصلا , اعتقد المعلومات دي مش دقيقة , بس الكلام مفيهوش ESP

اصل الكلام ده مش مكتوب على موقع التوكيل , وصعب اوي عربية ب 128 الف يكون فيها esp لانه مبينزلش في عربيات اقل من 160 الف , ده غير ان الموتور ال 1.6 ده بيطلع 120 حصان مش 125 عشان كده بقولك المعلومة فيها حاجة غريبة

وبعدين:

الفتيس ايضا 6 سرعات اوتو بالنسبة للبيسال فى Page Citroen Egypt ممكن تتاكدو منها على فيس بوك https://www.facebook.com/photo.php?f...type=1&theater

- طلع الموتور 125 حصان.. عادى يعنى State-of-Tune،
(موتور الـ1.6 Prince ده أصلا فيه منه بتاع 3 Power-Trim مابين BMW/PSA Peugeot-Citroen)..؟!! غير نسخ التربو

- وطلع الفتيس 6-سرعات EGS اللى هو Semi-Auto زى بتاع الـ508 الجديدة..؟؟!!!
يعنى بصراحة مش عارف أقولك أيه؟؟؟!!!!!!

وبرضه انت تاااااااااااااانى:

بصراحة , ما زلت مش مقتنع او مش مصدق ان فيها esp
يعني ال c4 مفيهاش esp وب 165 الف ودي ب 128 الف وفيها esp ؟

ده بصرف النظر ان عندك over-rating لأنظمة الثبات الإلكترونى، وانك فاكرها هى دى الأمان والثبات..
(ماهو الـC4/307 القديمة كانت ثابتة جدا من غير ESP، ومثلا السيراتو الكوب مش ثابتة رغم وجود الـesp)؟؟!!!

قاله:

ال c4 فيها ESP + TCS

- وطلع فيها ESP-Pack كاملة بالـTraction-Control..؟!!
وبرضه مش عارف أقول أيه؟؟!!!

على فكرة ال 307 هي بظبط ال c4
نفس الموتور و نفس العفشة و نفس الفتيس
فرق شكل بس مش أكتر
فيه ماركات اوروبي متلاقيش 2 أو 3 بيشتغلوا فيها زي fiat مثلا
كل الأوروبي الجديد كده ,
يعني لو حضرتك معاك BMW و عطلت منك
هتروح لاي ميكانيكي يصلحها ؟؟ , بس ده ميمنعش إنها عربية ممتازة

+111
قالك إعتمادية الفرنساوى مش قد كده؟؟ هو بس الرينو..
(معلش ياجماعة، أكيد ماشفش الميجانII بتاع 2005-2006)؟؟!!!

- وهو مين أصلا هيشترى عربية أوروبى (سوبر-مينى، كومباكت أو حتى أكبر).. وهيخلى حد يمد أيده فيها غير التوكيل أو مركز معتمد؟؟؟!!
الكلام ده هناك فـ الكورى،
وللعلم برضه.. عشان معظم زباين الكورى مالهمش فـ العربيات، بيخلوا الميكانيكية يفتولهم فيها.. ولا بيعرف أصلا ان فيها حاجة غلط.. ههههههههههههههه

Edit: لا مؤاخذة يا جماعة انى عملت hack عـ التوبيك،
بس أنا بتضايق من الفتى.. والكلام اللى مبنى على internet assumptions (وياريتها صح)، أو هجص التجار زى ماقال ahmed-adel

Regards،

[abdulkhaleq]

ياجماعه احذروا وانا بحذر لوجه الله
لازم كللنا نشتري إلانترا (في بعض الأحيان اسمها ألينتيرا) أم 160 ألف جندي
لأنها قمة الثبات والروعه ومن كتر الأمان اللي فيها حطولها فرامل ديسكات قدام بس وورا طنابير (ايوه اللي ب 160)
لأن لو حد اشترى السيتروين اللي في الموضوع ده العربيه هتتحول بالليل زي فيلم ترانسفورمرز وهتعمل حاجات مش كويسه
طبعا وكمان لو باظت السيتروين لازم حد ييجي من وكالة ناسا لأبحاث الفضاء عشان يصلحها يعني مش مناسبه للميكانيكي المصري
وفي الأخر اشتري من (غبور) ونفع (المسطول)

(المسطول = الميكانيكي اللي ياما فوّر مواتير كوري بالفتي)

[Mohamed.Ramah]

بالنسبة للعضو formulator

انا ملاخظ انك بتاخد اقتباس على مشاركاتى وخلاص لمجرد التعليق على كلامى مفيش مشكلة بس فكرة انى عاوز اوصل انت بتعلق بكلام انا مقولتلوش ومش فاهم انت بتوضح اية او بتقولى انا لية الكلام الكاتبة فوق تعليقا على

مشاركتى وفى الاخر بتقولى انت تانى دة على اساس احنا لينا مشاركات مع بعض ولا تقصد مشاركة فى موضوع ا.كريم منير الطلعتك فيها غلطان وطلعت العربية 10 ايرباج على كلام السايت الشركة نفسة وانت اصريت ومردتش وقتها ؟

اوعى تزعل من كلامى انا بتكلم علشان افهم الغرض من طريقة كلامك دة بتوصل لاية وفى اخر مشاركاتك عاوز توضح انك بتتكلم صح وتقول (الى يقرأ الكام صفحة اللى فاتوا؛ هتلاقى تييييييييييييييت) على كلام بتوضحة لنفسك انا بتكلم على مشاركتى فقط وانت حر فى تعلبقك على مشاركات الاخرين


وفى اخر مشاركتك كاتب :

لا مؤاخذة يا جماعة انى عملت hack عـ التوبيك،
بس أنا بتضايق من الفتى.. والكلام اللى مبنى على internet assumptions (وياريتها صح)، أو هجص التجار زى ماقال ahmed-adel


تقصد مين بالبيفتى ياريت توضح علشان انا اتاخدت مشاركتى فى وسط الكلام البتقولة .؟؟ واستغبربت من كلامك المللهوش مبرر انك بتقول هجص وتجار !!!!!!!!!!!!!! واية الدخل الكلام البتقولة دة فى مشاركتنا اصلا !