عايز اشترى c4 ايه رائيكم؟؟؟

[aliabdo]

السلام عليكم

الاعضاء المحترمين معلش كنت عايز منكم مساعده
انا كان معاى جين 2 و بعتها و بفكر اشترى c4 اليومين دول مستعمله موديل 2007/2009 عايز اعرف ايه رائكم بأمانه و موضوعيه فى العربيه متوسط سعرها كام و مشاكلها و مميزاتها ايه
اشتريها يعنى ولا لا ؟
برجاء الاجابه من الناس الى معاها العربيه و مجرباها
شكرا مقدما يا شباب

[ahmad--ezzat]

العربيه مفيش عليها كلام طبعا

النقطه في تكلفه صيانتها

لو هتقدر اتكل علي الله

[aliabdo]

شكرا على الرد
طيب تكاليف الصيانه و قطع الغيار بتاعتها ايه اخبارها و زى ايه من العربيات
طبعا تنكيل عز العرب اتعاملت معاه و لم اجد اسوء منه هل قطع الغيار موجوده بره بسهوله و الفنين بره موجودين و فاهمين فى العربيه كويس ولا ايه

[aliabdo]

و متوسط سعر العربيه موديل 2007 الى 2009 حوالى كام؟؟
تحياتى

[ahmad--ezzat]

اسعار الصيانات مش عارف الحقيقه
وسعرها من 70 ل 75 حسب الحاله
مويل 2007

[mazher_m]

المشكله ان ملهاش سوق
فهتلاقي المعلومات قليله

[Sindibad]

انا مثلك بالضبط

شوف انا كمان بعت سيارتى البروتون وبابحث عن افضل سياره ممكن اشتريها فى حدود 70-75
وتوصلت من ضمن ما توصلت الستروين سى 4 لو عاوز تعرف عنها كل شىء ادخل على موقع اسمه whatcar.com واختار الموديل اللى انت عاوزه وأقرأ هتلاقى كل حاجه عنها

الموقع ده هايل بس بالأنجليزى ولو فيه مشكله معاك فى الأنجليزى ترجم الكلام من على جوجل


وبأقنرح عليك تفكر فى الفورد الفوكس والهوندا السيتى والرينو الميجان واللانسر كل ده موديل 2006-2007

سلام

[aliabdo]

شكرا على الرد
بصراحه العربيه دخله دماغى قوى و عارف انها ملهاش سوق و دى مش مشكله بالنسبه لى بس اهم الاعتماديه على العربيه و توفر الصيانه

[mangawy2012]

انا شاري واحده موديل 2006 من 6 شهور عربيه تحفه كفايه انك مميز ولما هتركبها صالونها وتابلوها مش هتبقى قابل بقية التابلوهات بتاعت العربيات قطع الغيار موجوده كتير الاورجينال والكوبي كمان مراكز الصيانه كتير بس في القاهره واسعار قطع الغيار ممكن تكون قريبه من الانسر كمان

[Sindibad]

انا شاري واحده موديل 2006 من 6 شهور عربيه تحفه كفايه انك مميز ولما هتركبها صالونها وتابلوها مش هتبقى قابل بقية التابلوهات بتاعت العربيات قطع الغيار موجوده كتير الاورجينال والكوبي كمان مراكز الصيانه كتير بس في القاهره واسعار قطع الغيار ممكن تكون قريبه من الانسر كمان

ممكن أعرف هل صوت السيارة (الموتور - صوت الهواء ) بيعلى فعلا عند سرعة 110 كم/ ساعة لأنى شفت تقرير بيقول الكلام ده !!!!

[aliabdo]

انا شاري واحده موديل 2006 من 6 شهور عربيه تحفه كفايه انك مميز ولما هتركبها صالونها وتابلوها مش هتبقى قابل بقية التابلوهات بتاعت العربيات قطع الغيار موجوده كتير الاورجينال والكوبي كمان مراكز الصيانه كتير بس في القاهره واسعار قطع الغيار ممكن تكون قريبه من الانسر كمان

جبت العربيه بكام و حالتها ايه و عمله ايه معاك دلوقتى بعد اذنك
باختصار ناوى تكمل معاه ولا لا عشان انا بعت الجين 2 بعد 3 شهور و مش عايز اجيب عربيه و اتخنق منها و ابيعا بسرعه

[A.Adel]

اسعار الصيانات مش عارف الحقيقه
وسعرها من 70 ل 75 حسب الحاله
مويل 2007

معلش بس نقطة صغيرة
لما حضرتك متعرفش اسعار صيانتها إيه ؟؟
إزاي حكمت إنها عالية !!!!!!!!!

[A.Adel]

ممكن أعرف هل صوت السيارة (الموتور - صوت الهواء ) بيعلى فعلا عند سرعة 110 كم/ ساعة لأنى شفت تقرير بيقول الكلام ده !!!!

مفيش أي حاجة من الكلام ده خالص, هي lanos ؟؟!!!
من أحسن مميزات العربية دي هي العزل بتاعها

[A.Adel]

طبعا تنكيل عز العرب اتعاملت معاه و لم اجد اسوء منه

بالنسبة للتوكيل , أكيد معاملة عملاء volvo حاجة و عملاء citroen حاجة و عملاء proton حاجة تانية

زي مثلا البافاريه أكيد مش بتعامل اللي معاه brilliance زي اللي معاه BMW

و عموما حضرتك شاري مستعمل ,يعني عندك ناس كتير ممكن تتعامل معاها غيره

[A.Adel]

شكرا على الرد
طيب تكاليف الصيانه و قطع الغيار بتاعتها ايه اخبارها و زى ايه من العربيات

اللي اقدر اقارن بينهم هم ال c4 و megane 2 عشان دول اللي عندنا
دي اسعار قطع الغيار في ال توكيل مع العلم إن صيانة citroen كل 15 ألف مش 10 زي renault

و كمان بما إنك بره الضمان ال brochure بتاع العربية ال c4 بيقول إن صيانتها كل 30 و 20 في حالة الاستخدام الشاق بس خلينا نقول 15

دي الاسعار من غير ضريبة المبيعات

c4 megane

30 70 فلتر زيت
95 97 فلتر هواء
75 65 فلتر بنزين
90 210 بوجيهات
290 265 زيت موتور

مع العلم إن اسعار ال megane دي من من شهر يناير 2010 ,يعني الاسعار دي أكيد زادت
و ال c4 من من شهر ديسمبر 2011 يعني فرق حوالي سنتين

و ديه اسعار ال megane في مركز فرينش موتورز
بتاريخ 25/6/2011

megane

46 فلتر زيت
115 فلتر هواء
82 فلتر بنزين
128 بوجيهات
335 زيت موتور
165 فلتر تكييف

اللي شاكك ممكن اصورله الفواتير و ارفعها :)

بالنسبة للاسعار بره التوكيل ,معرفش غير لل c4 للأسف

كابوت عامل 1500 استيراد و 800 اسباني جديد
الفوانيس استيراد أو جديد تايواني بـ 500- 450 جنيه
الردياتير استيراد أو جديد اسباني بـحوالي 800-700 جنيه
اكسدام امامي بحوالي 1500 تايواني جديد أو 2000 استيراد

بالنسبة بقى لل face lift اللي هو من بعد 2009
الكابوت بيبقى بـ 2000
و الكسدام بيبقى بـ 2800-3000

يا ريت أكون قدرت افيدك :)