عايز اشترى c4 ايه رائيكم؟؟؟

[mody3on]

لو تسارع من الثبات أنا معاك :), بس في ال auto بس
بتجيب ال 100 في اقل من 13 و لو جبت ال 100 عال 2 بتبقى 12 و الرسمي 13.2

الرقم دي من أول مارجلي تلمس الدواسة , يعني مش بعد ما ال rpm يتحرك زي ما كل الناس بتعمل هنا ;)
إنما المانوال منها بتجيب ال 100 في 10 ثواني و الرسمي بتاعها 10.8

بس تعالى بقى في ال mid-range من 80-130 ولا يا سلام لو جيت في ال high-range
130 وإنت طالع بقى طياااااارة

العربية دي عاوزة واحد فاهمها بس مش أكتر

انا جربت الاوتو وممشيتش بيها فوق 100 كيلو , انا فعلا بتكلم عالسرعات القليلة او من الثبات
تسارعها مش زي الكوري والياباني , عالسرعات العالية مقدرش احكم بصراحة حضرتك ادرى بالعربية

[A.Adel]

انا جربت الاوتو وممشيتش بيها فوق 100 كيلو , انا فعلا بتكلم عالسرعات القليلة او من الثبات
تسارعها مش زي الكوري والياباني , عالسرعات العالية مقدرش احكم بصراحة حضرتك ادرى بالعربية

أولا شكرا لتقبلك رأيي و لطريقتك المحترمة في الرد :)

ثانيا أنا كان نفسي أجيب فيديوهات بالكلام ده بس فيديوهات التسارع من 0-100 اللي عندي مش لاقيها و لل أسف عندي في التجمع الطرق كلها مطالع و منازل يعني مينفعش اقيس عليها خالص

[A.Adel]

السعر يبدأ من 60 الى 80 حسب الحالة والموديل والكماليات
بالنسبة لموديلات 2007-2009

+1

[aliabdo]

الف شكر يا شباب على الروح الجمليه دى و المساعده الرائعه
انا بس عايز اعرف هل العربيه ليها عيوب درجه يعنى مثلا سمعت ان فى مشاكل فى الفتيس هل ده صح ولا اى كلام و السلام

تحياتى للجميع

[A.Adel]

الف شكر يا شباب على الروح الجمليه دى و المساعده الرائعه
انا بس عايز اعرف هل العربيه ليها عيوب درجه يعنى مثلا سمعت ان فى مشاكل فى الفتيس هل ده صح ولا اى كلام و السلام

تحياتى للجميع

كان فعلا فيه مشكلة في الفتيس من 2006 ل نص 2007
بس مهياش حاجة خطرة يعني , مش زي DSG يعني

نتشه بين الاول والتاني
كانت بتتعمل ب tuning أهبل في امير و جوزيف بـ 150 جنيه

[lanos2004]

يعني العربية مش بتاعة سحب ولا تسارع .. موتور ضعيف نسبيا

الموتور جبار على السرعات العاليه
انا الى باكل العربيات كلها العربيه دى اتغدت بيا بعد سرعه 200 -انا ثبت 200 وهيه فضلت مكمله وكمان بعدت عنى

[zecapet]

اللي اقدر اقارن بينهم هم ال c4 و megane 2 عشان دول اللي عندنا
دي اسعار قطع الغيار في ال توكيل مع العلم إن صيانة citroen كل 15 ألف مش 10 زي renault

و كمان بما إنك بره الضمان ال brochure بتاع العربية ال c4 بيقول إن صيانتها كل 30 و 20 في حالة الاستخدام الشاق بس خلينا نقول 15

دي الاسعار من غير ضريبة المبيعات

c4 megane

30 70 فلتر زيت
95 97 فلتر هواء
75 65 فلتر بنزين
90 210 بوجيهات
290 265 زيت موتور

مع العلم إن اسعار ال megane دي من من شهر يناير 2010 ,يعني الاسعار دي أكيد زادت
و ال c4 من من شهر ديسمبر 2011 يعني فرق حوالي سنتين

و ديه اسعار ال megane في مركز فرينش موتورز
بتاريخ 25/6/2011

megane

46 فلتر زيت
115 فلتر هواء
82 فلتر بنزين
128 بوجيهات
335 زيت موتور
165 فلتر تكييف

اللي شاكك ممكن اصورله الفواتير و ارفعها :)

بالنسبة للاسعار بره التوكيل ,معرفش غير لل c4 للأسف

كابوت عامل 1500 استيراد و 800 اسباني جديد
الفوانيس استيراد أو جديد تايواني بـ 500- 450 جنيه
الردياتير استيراد أو جديد اسباني بـحوالي 800-700 جنيه
اكسدام امامي بحوالي 1500 تايواني جديد أو 2000 استيراد

بالنسبة بقى لل face lift اللي هو من بعد 2009
الكابوت بيبقى بـ 2000
و الكسدام بيبقى بـ 2800-3000

يا ريت أكون قدرت افيدك :)

الكبوت 600
اكصدام امامى 600
بوجيهات 130 فى الحرفيين

[zecapet]

العربية تحفة فنية ثابتة جدا فى السرعات العالية امكانيتها كبيرة استهلاكها فى البنزين 12-14كم/لتر فى الاوتوماتيك
الصيانه عند المتخصصين فقط خاصة الكنترول و الكهرباء معقده شويه و الاسعار قريبة من مثيلاتها لكن اعلى نسبيا فى حاجات
التكييف ليس بالكفاءة العالية

[mody3on]

أولا شكرا لتقبلك رأيي و لطريقتك المحترمة في الرد :)

ثانيا أنا كان نفسي أجيب فيديوهات بالكلام ده بس فيديوهات التسارع من 0-100 اللي عندي مش لاقيها و لل أسف عندي في التجمع الطرق كلها مطالع و منازل يعني مينفعش اقيس عليها خالص

يا فندم المحترم بيجبر اللي قدامه انه يحترمه :)
يعني حضرتك واستاذ مهاب نبيل مع انكوا معاكوا سيتروين بس عمري ما شفتكوا بتستهزؤا باي ماركة تانية ودايما موضوعيين في ارائكم , مش زي ناس تانية , تحياتي لحضرتك :)

[lanos2004]

يا فندم المحترم بيجبر اللي قدامه انه يحترمه :)
يعني حضرتك واستاذ مهاب نبيل مع انكوا معاكوا سيتروين بس عمري ما شفتكوا بتستهزؤا باي ماركة تانية ودايما موضوعيين في ارائكم , مش زي ناس تانية , تحياتي لحضرتك :)

ما انته عارف مين الى شغال سخريه من الكورى ههههههههههه
ويقول احصنه كورى -احصنه يابانى -طب مافيش حصان عربى

[aliabdo]

شكرا على الملعومات القيمه
بس حابب اعرف ايه الفئات الموجوده منها فى السوق عشان لما اجى اشترى ان شاء الله


شكرا

[haythamabo]

اولا عربية سحبها وثابتها ممتاز وممكن تكوون اعلى سياره فى فئتها ولا غبار عليها من حيث الرفاهيه ولكن مشكلتها فى حاجتين اولا خامات مش قد كده وده باعتراف من احد العاملين فى التوكيل اثناء عمل صيانه قالى انت عايز عربية بالتكنولوجيا والرفاهيه دى وتكون بـ 150 الف ؟؟؟؟؟ العربيه دى الاوروبى منها لو دخل مصر بخامات نظيفه ومختلفه عن دى تماما هتكون ثمنها من 250 وانت طالع
تانى حاجة ان التكييف بتاعها مش قد كده يعنى ممكن يكون الرينو احسن
الصيانه انا غيرت دينمو فقط فى التوكيل ثمنه 4000 جنيه و 400 مصنعيه يعنى 4400 تغيير دينمو فى التوكيل
وانصحك ما تجبش بانوراما اذا كنت تريد كفاءة تكييف اعلى لان مدى مقاومة الصاج لحرارة الشمس افضل بكثير من مقاومة الزجاج للحرارة

ازاى يا باشا خامتها مش قد كده دى اعلى عربيه فى الفحامه والخامات الطابلوة لوجده جكايه فى خامته والباب بتاعها باب خزنه من تقله انا معايا الكوبيىه الباب زى الداهيه فرنساوى بجد والدينامو كان باظ الاصلى برة التوكيل ب 2200 جنيه انا جبت واجد استيراد بتاع بيجو ب 500 جنيه بقاله 5 شهور زى الفل احلى ما فيها قطع غيارها مشتركه مع البيجو فمرترته وبعدين تكييفها اجلى من الرينو بكتير انت لو دخلت قسم رينو مش هتلاقى حد مابيشتكيش من التكييف

[mody3on]

ازاى يا باشا خامتها مش قد كده دى اعلى عربيه فى الفحامه والخامات الطابلوة لوجده جكايه فى خامته والباب بتاعها باب خزنه من تقله انا معايا الكوبيىه الباب زى الداهيه فرنساوى بجد والدينامو كان باظ الاصلى برة التوكيل ب 2200 جنيه انا جبت واجد استيراد بتاع بيجو ب 500 جنيه بقاله 5 شهور زى الفل احلى ما فيها قطع غيارها مشتركه مع البيجو فمرترته وبعدين تكييفها اجلى من الرينو بكتير انت لو دخلت قسم رينو مش هتلاقى حد مابيشتكيش من التكييف

احقاقا للحق , العربية تكييفها مش حلو فعلا ( مش زي الياباني والكوري )
بس الباب فعلا تقيل جدا جدا , حاجة متكلفة بصراحة

[aliabdo]

هل كل الموديلات فى السى فور بينزل فيها حساس مطر و نور ؟ طيب هى ايه الاوبشنز الاساسيه الى بتنزل فيها
اسف على الاطاله

[aliabdo]

للاسف شكل معظم ال سى فور المعروضه على كونتكت كار بتاعت تجار عشان لما عملت سيرش على الميل بتاع المعلن لقين ليه كذا اعلان لبيع عربيات مختلفه قبل كده فى فتره قصيره
طيب الواحد يدور فين عشان يلاقى حاجه نظيفه بسعر معقول
بعد بحث كتير قررت اجيب مانيول عشان ناس كتير بتقول فى مشاكل فى الاوتو 2006 2007 و للاسف دول اكتر موديلين موجودين فى السوق