عايز اشترى c4 ايه رائيكم؟؟؟

[wera]

ازاى يا باشا خامتها مش قد كده دى اعلى عربيه فى الفحامه والخامات الطابلوة لوجده جكايه فى خامته والباب بتاعها باب خزنه من تقله انا معايا الكوبيىه الباب زى الداهيه فرنساوى بجد والدينامو كان باظ الاصلى برة التوكيل ب 2200 جنيه انا جبت واجد استيراد بتاع بيجو ب 500 جنيه بقاله 5 شهور زى الفل احلى ما فيها قطع غيارها مشتركه مع البيجو فمرترته وبعدين تكييفها اجلى من الرينو بكتير انت لو دخلت قسم رينو مش هتلاقى حد مابيشتكيش من التكييف

طيب اقولك على حاجه بخصوص الباب بس الكلام ده على العربيه 4 باب العاديه مش الكوبيه
الباب لو رزعته سنه بسيطه هتلائى الصاج بيلب معاك وعلى فكره انا شوفت واحده c5 وارد الخارج خامات التابلوه فعلا مش هى بتاعت السى فور وخلى بالك انا قولتلك ان احد المهندسين العاملين فى التوكيل لما كانوا بيتدربوا على العربية ادربوا على واحده اوروبى وهو بعضمة لسانه اكدلى ان الخامات فعلا بتاعت بره غير بتاعت هنا ولو روحت التوكيل قريب ابقى دردش مع اى مهندس واسأله على المعلومه دى

[Mohab.Nabil]

اولا انا سعيد جدا ان موضوع فى قسم ستروين فيه ردود كتيرة و وصل فى وقلت قليل لـ 5 صفحات .. احنا مش متعودين على كده هنا فى القسم بس يا رب يبقى الوضع كده على طول .. انا اخدت كام اقتباس كده من الردود هحاول اعلق عليهم طبعا بعد اذن اصحابهم و فى الاخر هقول رأيى فى العربية و طبعا بشكر احمد عادل اللى قايم بالواجب و زيادة و رد تقريبا على كل الاستفسارات

بصراحه العربيه دي بيركبها حريم تعقد
عشان كده حبتها :)

عندك حق يا باشا .. و بعدين مفروض يعنى يبقى لينا فى الطيب نصيب مش اصحاب عربية واحدة ولا ايه

اولا عربية سحبها وثابتها ممتاز وممكن تكوون اعلى سياره فى فئتها ولا غبار عليها من حيث الرفاهيه ولكن مشكلتها فى حاجتين اولا خامات مش قد كده وده باعتراف من احد العاملين فى التوكيل اثناء عمل صيانه قالى انت عايز عربية بالتكنولوجيا والرفاهيه دى وتكون بـ 150 الف ؟؟؟؟؟ العربيه دى الاوروبى منها لو دخل مصر بخامات نظيفه ومختلفه عن دى تماما هتكون ثمنها من 250 وانت طالع
تانى حاجة ان التكييف بتاعها مش قد كده يعنى ممكن يكون الرينو احسن
الصيانه انا غيرت دينمو فقط فى التوكيل ثمنه 4000 جنيه و 400 مصنعيه يعنى 4400 تغيير دينمو فى التوكيل
وانصحك ما تجبش بانوراما اذا كنت تريد كفاءة تكييف اعلى لان مدى مقاومة الصاج لحرارة الشمس افضل بكثير من مقاومة الزجاج للحرارة

كلام حضرتك عن السحب و الثبات مظبوط .. نيجى للخامات انا بصراحة اول واحد اشوفه مش عجباه خامات العربية .. بصراحة بسم الله ماشاء الله عربية خاماتها نظيفة جدا و بتستحمل و انا عربيتى 2006 يعنى داخلة على 6 سنين اهى و الخامات لسه بجودتها .. العربية اوروبى 100% فرنساوى تقفيل فرنساوى و مفيش حاجة اسمها بيعملوا عربية لمصر مخصوص هو فيه كام سى فور اتباعت فى مصر اصلا عشان يعملولها خط انتاج غير الاصلى .. و بالنسبة لسعرها مش معنى ان التوكيلات التانية بتستهبل و تسرق دا معناه ان العربية جودتها مش حلوة .. انا اتحدى اى حد يجيبلى عربية فى الفئة ديه 150 الف خاماتها احسن من السى فور .. 250 الف ده سعر مش معقول و مش منطقى دا سعر الـ DS4 و ديه حاجة تانية خالص ..

التكييف فعلا مش قوى زى كل الاوروبى بس مش اوحش من الرينو انا مجرب الاتنين و عارف .. السى فور احسن شوية بس مش زى الكورى برضو

قطع الغيار سعرها طبيعى كده فى اى توكيل لأى عربية فى الفئة ديه ..

بانوراما بصراحة مجربتهاش بس هى فعلا ليها مشاكلها الكتير عشان كده التوكيل بطل ينزلها حتى فى الفئات العالية بس هى حاجة وهم بصراحة

يا فندم المحترم بيجبر اللي قدامه انه يحترمه :)
يعني حضرتك واستاذ مهاب نبيل مع انكوا معاكوا سيتروين بس عمري ما شفتكوا بتستهزؤا باي ماركة تانية ودايما موضوعيين في ارائكم , مش زي ناس تانية , تحياتي لحضرتك :)

الله يخليك يا باشا ، كفاية عليا اوى ان حضرتك شايفنى كده .. و مفيش استهزاء بأى ماركة كل ماركة ليها مميزاتها و عيوبها .. لو فيه حاجة كاملة كانت كل الناس اشترتها و الباقى قفلوا و خلص الموضوع .. انا رأيى انها معادلة فى الاخر كل عربية بتبقى اعلى فى نقطة عن الماركة التانية و كل واحد بيشوف ايه الانسب ليه

شكرا على الملعومات القيمه
بس حابب اعرف ايه الفئات الموجوده منها فى السوق عشان لما اجى اشترى ان شاء الله


شكرا

اظن مفيش الا 3 فئات .. مانيوال و اوتوماتيك و اوتوماتيك هاى لاين بانوراما .. الكلام ده على الـ 4 باب و الكوبيه بس الكوبيه فيه منها مانيوال بانوراما

احقاقا للحق , العربية تكييفها مش حلو فعلا ( مش زي الياباني والكوري )
بس الباب فعلا تقيل جدا جدا , حاجة متكلفة بصراحة

فعلا التكييف مش حلو بس ده حال كل الاوروبى التكييف اضعف من اليابانى و الكورى شوية

هل كل الموديلات فى السى فور بينزل فيها حساس مطر و نور ؟ طيب هى ايه الاوبشنز الاساسيه الى بتنزل فيها
اسف على الاطاله

لا مش كله .. اظن قليل اللى بينزل فيه حساس مطر اصلا و مفيش حساس نور بس مش متأكد .. انا عربيتى مانيوال خليجى و مفيهاش الاتنين .. اللى فيها الاتنين دول الميجان .. الاساسى كل الحاجات المهمة ABS , Airbags , 4 one touch electric windows ، عداد ديجيتال ، تكييف و كل الاوبشنز الباقية لو فيه حاجة فى دماغك قولى و انا اقولك موجودة و لا لا بس هى مليانة اوبشنز ماشاء الله

طيب اقولك على حاجه بخصوص الباب بس الكلام ده على العربيه 4 باب العاديه مش الكوبيه
الباب لو رزعته سنه بسيطه هتلائى الصاج بيلب معاك وعلى فكره انا شوفت واحده c5 وارد الخارج خامات التابلوه فعلا مش هى بتاعت السى فور وخلى بالك انا قولتلك ان احد المهندسين العاملين فى التوكيل لما كانوا بيتدربوا على العربية ادربوا على واحده اوروبى وهو بعضمة لسانه اكدلى ان الخامات فعلا بتاعت بره غير بتاعت هنا ولو روحت التوكيل قريب ابقى دردش مع اى مهندس واسأله على المعلومه دى

يا باشا ما انا عندى السى فور الـ 4 باب و الباب زى الفل و اتقل من معظم العربيات فى الفئة ديه و الصاج مش ضعيف ولا حاجة بالعكس الصاج برضه يعتبر تقيل .. انا معرفش موديل ايه فى الـ c5 و لا نظامها ايه بس السى فور اللى بتنزل هنا بتتجمع فى فرنسا بالكامل هى هى اللى بتنزل اوروبا ممكن فرق كماليات و مواتير بس بس هى هى هى نفس العربية .. انا مش عارف بصراحة مهندسين التوكيل دول عايزين ايه يعنى بيطلعوا اشاعات على العربية اكتر و هى اصلا سمعتها فى السوق مش قد كده

[Boory]

بصراحة ما انصحكش بيها (مع اني مش من ملاكها ) ولكن سالت عنها في التوكيل وقال لي المهندس بتاع التوكيل
بالنص "العفشة بتاعتها ضعيفة ومبتستحملش ومنصحكش بيها " ولكن حضرتك ممكن تشوف الاعضاء اصحابها يفيدوك اكتر وهل ممكن العفشة تتغير ولا لأ ؟؟

[Mohab.Nabil]

بصراحة ما انصحكش بيها (مع اني مش من ملاكها ) ولكن سالت عنها في التوكيل وقال لي المهندس بتاع التوكيل
بالنص "العفشة بتاعتها ضعيفة ومبتستحملش ومنصحكش بيها " ولكن حضرتك ممكن تشوف الاعضاء اصحابها يفيدوك اكتر وهل ممكن العفشة تتغير ولا لأ ؟؟

انا نفسى اعرف مين مهندس التوكيل ده ده لو شغال فى توكيل منافس مش هيعمل كده يا جماعة يعنى طلع العربية كلها عيوب .. طيب ما يقفلوا التوكيل احسن بقى ولا ايه

العفشة بتاعتها نفس عفشة الـ 307 و العفشة معايا تجربة حوالى سنة و العربية مستعملة مفهاش مشاكل و مش ضعيفة .. و بعدين ما معظم العربيات بتغير حاجات فى العفشة حتى البى ام .. شوارع مصر بصراحة تبهدل اى حاجة .. يعنى مفيش مصنع اكيد حاطط فى دماغه شوارع مصر .. دا اختبار قياس مدى تحمل مش سواقة عادية

[haythamabo]

انا نفسى اعرف مين مهندس التوكيل ده ده لو شغال فى توكيل منافس مش هيعمل كده يا جماعة يعنى طلع العربية كلها عيوب .. طيب ما يقفلوا التوكيل احسن بقى ولا ايه

العفشة بتاعتها نفس عفشة الـ 307 و العفشة معايا تجربة حوالى سنة و العربية مستعملة مفهاش مشاكل و مش ضعيفة .. و بعدين ما معظم العربيات بتغير حاجات فى العفشة حتى البى ام .. شوارع مصر بصراحة تبهدل اى حاجة .. يعنى مفيش مصنع اكيد حاطط فى دماغه شوارع مصر .. دا اختبار قياس مدى تحمل مش سواقة عادية

والله يا مهاب انت بتقول كلام زى الفل
العربيه دى اول لما تجيبها مستعمله تحس انك اخدت اكتر بكتير من اللى دفعته وماتصدقش نفسك ان عربيه بالصالون ده بتتباع بالسعر ده

[aliabdo]

الله ينور عليكم يا شباب انا كل ما اصرف نظر عنها ارجع افكر تانى بعد كلامكم
لا اعتقد ان شركه بحجم ستروين تطلع عربيه فيها عيوب قويه و موضوع العفشه ده حسب مشيك و الطريق الى تمشى فيه و ادعو لى الاقى عربيه كويسه وسعرها معقول
تحياتى

[lanos2004]

بصراحة ما انصحكش بيها (مع اني مش من ملاكها ) ولكن سالت عنها في التوكيل وقال لي المهندس بتاع التوكيل
بالنص "العفشة بتاعتها ضعيفة ومبتستحملش ومنصحكش بيها " ولكن حضرتك ممكن تشوف الاعضاء اصحابها يفيدوك اكتر وهل ممكن العفشة تتغير ولا لأ ؟؟

عفشه ضعيفه وبتاخد ملفات على 210