عايز اشترى c4 ايه رائيكم؟؟؟

[A.Adel]

هل قطع الغيار موجوده بره بسهوله و الفنين بره موجودين و فاهمين فى العربيه كويس ولا ايه

كل حاجة موجودة بره التوكيل و في ناس كتير بتبيع حاجتها في الحرفيين زي مثلا
أبورامي و الرضا و الإسراء و رفقي سيتروين و ياسر

عندك ميكانيكي زي امجد في الحرفيين
و فيه أكتر من مركز صيانة زي امير و جوزيف و إيهاب جلال و اوتو تك
و عندك فريد شوقي بتاع كنترولات
و عندك في التوفيقية جمال البدري و اسحاق اسكندر قطع غيار
و برده فيه نافع في شرع دمشق
دول اللي متذكرهم دلوقتي

و العربية مش معقدة ولا حاجة زي ما الناس بتقول بدليل إن كل دول شغالين فيها , بس مش أي ميكانيكي بلية يلعب فيها
و كل الجديد كده مش هي بس

الحاجة الوحيده اللي صعب تلاقيها و ده عن تجربة هي

حاجات الfacelift اللي هو من أول 2009 دي بتبقى نادرة شوية بره التوكيل يعني هتلاقيها عند واحد إتنين بالكتير مش عند أي حد زي حاجات الشكل القديم

الحاجات دي هي الكسدام بال fiber اللي وراه طبعا و الكبوت

[samoreception]

يا باشا اتوكل على الله بصراحة السيتروين c4 عربية جميلة جداااا جدااا وفيها تكنولوجى حديث جدا وكانت سبقها كل الموديلات اللى زيها وسيبك من الكلام اللى بيقول غالى والكلام ده وحتى لو هتبقى اغلى شوية مش مشكلة مقابل انك راكب عربية من الاخر ,,,

[ahmad--ezzat]

معلش بس نقطة صغيرة
لما حضرتك متعرفش اسعار صيانتها إيه ؟؟
إزاي حكمت إنها عالية !!!!!!!!!

الصيانات معرفش اسعاره بالتحديد ولكن زيها زي اي عربيه فرنساوي قطع غيارها اعلي من الدايو والانسر والفيرنا والحجات دي
ومش اي ميكانيكي يفهم في السيتروين والرينو والبيجو الجديد

[mody3on]

عربية ممتازة وليها اسلوب خاص ومش بتاعة اي حد , صاج قوي وعوامل امان واوبشن كتير جدا
بس عفشتها ناشفة شوية والباور تقيل وموتور تقيل شوية

[aliabdo]

عربية ممتازة وليها اسلوب خاص ومش بتاعة اي حد , صاج قوي وعوامل امان واوبشن كتير جدا
بس عفشتها ناشفة شوية والباور تقيل وموتور تقيل شوية

موضوع العفشه الناشفه و الباور مش مشكله معظم العربيات الاوربى كده بس يعنى ايه ماتور تقيل ؟؟؟

[mody3on]

يعني العربية مش بتاعة سحب ولا تسارع .. موتور ضعيف نسبيا

[ahmad--ezzat]

بصراحه العربيه دي بيركبها حريم تعقد
عشان كده حبتها :)

[A.Adel]

عربية ممتازة وليها اسلوب خاص ومش بتاعة اي حد , صاج قوي وعوامل امان واوبشن كتير جدا
بس عفشتها ناشفة شوية والباور تقيل وموتور تقيل شوية

+11111

عفشتها أنشف بحاجة بسيطة قوي من ال megane 2 و لو بجنوت 15'' زي اللي في 2009
بتبقى زيها بظبط
الpower تقيل شوية فعلا عشان ده hydraulic على كهربة ,يعني مش زي بتاع ال meganeتلفه بصباع
الموتور تقيل لحد 60 و ده عشان وزنها بس أول ما العربية تجيب التاني وتاخد سرعة بتبقى ممتازة
و عموما العربية دي فوق ال 100 ملهاش حل

[A.Adel]

الصيانات معرفش اسعاره بالتحديد ولكن زيها زي اي عربيه فرنساوي قطع غيارها اعلي من الدايو والانسر والفيرنا والحجات دي
ومش اي ميكانيكي يفهم في السيتروين والرينو والبيجو الجديد

أولا بعتذر لو تعليقي اللي فات كان حاد شوية ,

ثانيا هي فعلا أعلى من العربيات اللي حضرتك ذكرتها بس ده عشان هي فئة سعرية غيرهم خالص
لو حضرتك قارنتها بعربيات في نفس تمنها مش هتبقى غالية خالص مع العالم إن صيانتها كل 15 مش كل 10 زي باقي الماركات

و بالنسبة لان مش أي حد بيفهم فيها , كل الجديد كده و ماتهياليش أصلا واحد دافع مبلغ في عربية elantra جديدة مثلا و هيخلي أي ميكانيكي تعبان يشتغلوا فيها

[aliabdo]

اول الف شكر على الردود طيب ان شاء الله لو لقيت عربيه مستعمله وضعها العام حلو اكشف علي حاجات معينه و الكشف فى التوكيل بكام؟

[A.Adel]

يعني العربية مش بتاعة سحب ولا تسارع .. موتور ضعيف نسبيا

لو تسارع من الثبات أنا معاك :), بس في ال auto بس
بتجيب ال 100 في اقل من 13 و لو جبت ال 100 عال 2 بتبقى 12 و الرسمي 13.2

الرقم دي من أول مارجلي تلمس الدواسة , يعني مش بعد ما ال rpm يتحرك زي ما كل الناس بتعمل هنا ;)
إنما المانوال منها بتجيب ال 100 في 10 ثواني و الرسمي بتاعها 10.8

بس تعالى بقى في ال mid-range من 80-130 ولا يا سلام لو جيت في ال high-range
130 وإنت طالع بقى طياااااارة

العربية دي عاوزة واحد فاهمها بس مش أكتر

[A.Adel]

اول الف شكر على الردود طيب ان شاء الله لو لقيت عربيه مستعمله وضعها العام حلو اكشف علي حاجات معينه و الكشف فى التوكيل بكام؟

آخر مرة سمعت كان بـ 300 جنيه و ماتهياليش هيفرق كتير

[aliabdo]

طيب 300 ولا 500 كويس قوى بس انا سمعت ان كان فى مشكله فى فتيس الاوتو يا ريت لو حد عنده معلومات عن الموضوع ده يقولى لو سمحتم
و هل الاوتو بتعاها كويس ولا لا

تحياتى

[wera]

اولا عربية سحبها وثابتها ممتاز وممكن تكوون اعلى سياره فى فئتها ولا غبار عليها من حيث الرفاهيه ولكن مشكلتها فى حاجتين اولا خامات مش قد كده وده باعتراف من احد العاملين فى التوكيل اثناء عمل صيانه قالى انت عايز عربية بالتكنولوجيا والرفاهيه دى وتكون بـ 150 الف ؟؟؟؟؟ العربيه دى الاوروبى منها لو دخل مصر بخامات نظيفه ومختلفه عن دى تماما هتكون ثمنها من 250 وانت طالع
تانى حاجة ان التكييف بتاعها مش قد كده يعنى ممكن يكون الرينو احسن
الصيانه انا غيرت دينمو فقط فى التوكيل ثمنه 4000 جنيه و 400 مصنعيه يعنى 4400 تغيير دينمو فى التوكيل
وانصحك ما تجبش بانوراما اذا كنت تريد كفاءة تكييف اعلى لان مدى مقاومة الصاج لحرارة الشمس افضل بكثير من مقاومة الزجاج للحرارة

[wera]

السعر يبدأ من 60 الى 80 حسب الحالة والموديل والكماليات
بالنسبة لموديلات 2007-2009