رائعه سيتروين - سى اليزيه الجديدة

[A.Adel]

ولا يهمك يا باشا :)

على فكرة أنا رأيي المتواضع 1141 منطقية أكتر

صعب قوي فرق الوزن بين manual و auto يبقى 20 كج

[Unendlich]

ارجع لكلامى اللى بقول فيه ان العربية ها تتصنع فى اسبانيا يعنى مجبتش سيرة انها ها تجيلنا من الصين، انا بتكلم على الموتور مش العربية



ياريت حضرتك تقرأ الكلام كويس وتفهم معناه او ممكن تسأل معنى الكلام ايه.

الامانة فى النقل خليتنى اجيب اللينك كله بكل اللى فيه.
نفس الامانة اللى اتوقعها فيك تخليك مش تنقل كلام اتنين وتسيب كلام باقى الاعضاء ولو دورت على المشكلة ها تلاقيها موجودة وبعدين حتى لو اتحلت يبقى كويس خير وبركة بس مش تنقل اللى بيدعم كلامك وتسيب الباقى.




انا جيبتلك لينكات ودلائل وانت مجبتش ولا دليل انه ها يتصنع فى فرنسا يبقى متقولش مين صح ومين غلط.

ياريت تحاول تبحث شوية ومش تعتمد على اللينكات اللى جايبها.

وفى الاخر لو لقيت دليل واضح ان الموتور فرنساوى يبقى انت اللى صح. غير كده يبقى الحمدلله كلام العبدلله هو اللى صح.

للأسف هو معاليك اللي محتاج تسأل عن معني الكلام لأن أنت اللي فاهم غلط مش هو
و سيبك من جوجل و كده, أترجمهولك أنا

Ce bloc, dérivé du moteur TU5JP4 qui équipait notamment les Peugeot 207, est produit en France à la Française de Mécanique à Douvrin dans le Pas-de-Calais (100 000 moteurs par an pour une partie de l’Europe et de l’Afrique du Nord), en Amérique Latine (120 000 moteurs par an) et en Chine (750 000 moteurs par an).

الكلام معناه إن البلوك مستوحي من الموتور ال TU5JP4
و هيتصنع في فرنسا في Douvrin
و لاحظ كلمة 100000 MOTEURS مش Bloc (و الكلام واضح) هيتصنعوا سنويا (par an اللي هي per year) عشان جزء من أوروبا (une partie de l'Europe) و شمال أفريقيا (l’Afrique du Nord)
اظن مفيش ترجمة أبسط من كده
طبعا اقتناعك أو لأ دي حاجة ترجعلك بالكامل
انما الكلام مفيهوش فصال أو مجال لتعدد المعاني
و ده من ال link بتاعك اللي أنت حاطه هنا بنفسك

ولا يهمك يا باشا :)

على فكرة أنا رأيي المتواضع 1141 منطقية أكتر

صعب قوي فرق الوزن بين manual و auto يبقى 20 كج

مفيهاش حاجة على فكرة لما يبقى الفرق 20 kg
نفس الشيء في ال 308 و هم نفس الفتيسين

[Formulator]

إممممممممممم؟!!

متفق جدا مع الرأى اللى بيقول انها عربية قليلة-التكلفة، والدليل انها مش هتعتب أوروبا الغربية؟!!
لا هى ولا الـ301 طبعا (حاجة زى اللوجان والسانديرو كده).

يعنى
- صاج خفيف ووزن أقل من عربيات PSA (المعروفة بوزنها الثقيل وصاجا المحمل)!!
- موتور قديم إتعمله update وبيشتغل ببنزين 87-91 RON (ودى مابتحصلش فـ أوروبا أقل واجب 95)؟!!
- فتيس BVA اللى يعتبر نسخة من AL4 القديم.. حتى مش 4HP20 بتاع ZF (اللى بينزل فـ الـ308) لأ، ده تقفيل BVA مش ZF ألمانى؟!!
- الشاسيه كنت قريت انها مبنية على platform الـElysee الصينى (اللى هى بالأساس شاسيه ستروين ZX) فاكرينها؟؟
- وعادى بقى: زراير فـ الكونسول عشان يوفر الضفيرة، مساعدين زيت مش gas ومكونات فـ الـcheap-plastics... وكده! :))

مفهوم طبعا انه مش هيحطلها موتور 1.6 prince وفتيس Aisin-Warner 6-speed..
ولا هيعملها على شاسيه الـ208 مثلا؟؟!!!

بس التجربة دى -للصناع الأوربيين- اللى هى global market-Car للأسف بتفشل أكثر ما بتنجح؟!!

والتجارب معروفة:
- الفولكس: بوينتر وباراتى وجول -البرازيلى اللى جابوهم من أمريكا اللاتينية وفشلوا
وحتى البولو السيدان والسوران الصينى فشلوا :(
- الفيات: لما جابت الباليو والسيينا البرازيلى والتركى-صينى.. فشلت
- البيجو نفسها فـ الـ405 البارس والـroa الإيرانى والحاجات المضروبة دى.. بتفشل؟!!!

هى الرينو الوحيدة اللى نجحت
(مع انها نفس الكلام بردو شاسيه كليو قديم وموتور ميجانI و II من غير VVT وياللسخرية الفرنساوى : نفس فتيس اللوجان DP0 أخو الـAL4)؟!! Lol

واضح أوى انهم بيقلدوا الرينو-داتشيا.. دا حتى فيه كلام عن نسخة SUV زى الداستر؟!! ههههههههههههههه
وطبعا رينو-نيسان بيعملوا الصنى الجديدة الهندى-المصرى-الصينى كده!! lol

- هو مش عيب طبعا، دا VW نفسها هتعمل كده فـ الإسكودا رابيد والسيات توليدو الجديدة؟؟!!!

بس بيقولك: still الرينو-داتشيا هى الـking of Low-Cost manufaturers؟؟!!!
هههههههههههههههههههههه

[AlGazar2]

إممممممممممم؟!!

متفق جدا مع الرأى اللى بيقول انها عربية قليلة-التكلفة، والدليل انها مش هتعتب أوروبا الغربية؟!!
لا هى ولا الـ301 طبعا (حاجة زى اللوجان والسانديرو كده).

يعنى
- صاج خفيف ووزن أقل من عربيات PSA (المعروفة بوزنها الثقيل وصاجا المحمل)!!
- موتور قديم إتعمله update وبيشتغل ببنزين 87-91 RON (ودى مابتحصلش فـ أوروبا أقل واجب 95)؟!!
- فتيس BVA اللى يعتبر نسخة من AL4 القديم.. حتى مش 4HP20 بتاع ZF (اللى بينزل فـ الـ308) لأ، ده تقفيل BVA مش ZF ألمانى؟!!
- الشاسيه كنت قريت انها مبنية على platform الـElysee الصينى (اللى هى بالأساس شاسيه ستروين ZX) فاكرينها؟؟
- وعادى بقى: زراير فـ الكونسول عشان يوفر الضفيرة، مساعدين زيت مش gas ومكونات فـ الـcheap-plastics... وكده! :))

مفهوم طبعا انه مش هيحطلها موتور 1.6 prince وفتيس Aisin-Warner 6-speed..
ولا هيعملها على شاسيه الـ208 مثلا؟؟!!!

بس التجربة دى -للصناع الأوربيين- اللى هى global market-Car للأسف بتفشل أكثر ما بتنجح؟!!

والتجارب معروفة:
- الفولكس: بوينتر وباراتى وجول -البرازيلى اللى جابوهم من أمريكا اللاتينية وفشلوا
وحتى البولو السيدان والسوران الصينى فشلوا :(
- الفيات: لما جابت الباليو والسيينا البرازيلى والتركى-صينى.. فشلت
- البيجو نفسها فـ الـ405 البارس والـroa الإيرانى والحاجات المضروبة دى.. بتفشل؟!!!

هى الرينو الوحيدة اللى نجحت
(مع انها نفس الكلام بردو شاسيه كليو قديم وموتور ميجانI و II من غير VVT وياللسخرية الفرنساوى : نفس فتيس اللوجان DP0 أخو الـAL4)؟!! Lol

واضح أوى انهم بيقلدوا الرينو-داتشيا.. دا حتى فيه كلام عن نسخة SUV زى الداستر؟!! ههههههههههههههه
وطبعا رينو-نيسان بيعملوا الصنى الجديدة الهندى-المصرى-الصينى كده!! lol

- هو مش عيب طبعا، دا VW نفسها هتعمل كده فـ الإسكودا رابيد والسيات توليدو الجديدة؟؟!!!

بس بيقولك: still الرينو-داتشيا هى الـking of Low-Cost manufaturers؟؟!!!
هههههههههههههههههههههه

معلومات حلوه طبعا بس مختلف معاك فى نقطه ان العربيه صاجها ضعيف
ممكن يكون صاجها ضعيف فعلا بالنسبه لل 308 و الاوكتافيا
بس بالنسبه للريو او الهيونداى السيتروين تكسب بجداره و فى المواد الداخليه برضه الخامات مش وحشه زى اللوجان مثلا و اكيد مش زى ال ds5 بس بالنسبه لسعرها ممتازه جدا

و بالنسبه للعربيات الى فشلت انا بتكلم عن مصر هنا سواء فولكس او فيات فده عشان الوقت ده كان الكورى بيحقق المعادله بتاعه السعر و سعر قطعه الغيار دلوقتى بقى اغلى من الاوروبى و سعر قطع الغيار تقريبا بينافسوا بيها العربيات الالمانى

[Unendlich]

[COLOR=royalblue]
- فتيس BVA اللى يعتبر نسخة من AL4 القديم.. حتى مش 4HP20 بتاع ZF (اللى بينزل فـ الـ308) لأ، ده تقفيل BVA مش ZF ألمانى؟!!

- البيجو نفسها فـ الـ405 البارس والـroa الإيرانى والحاجات المضروبة دى.. بتفشل؟!!!

هو كلمة BVA دي مش نوع فتيس دي اختصار Boîte de Vitesses Automatique , و الفتيس ال 6 نقلات بيسموه BVA6 عادي
و BVM اختصار Boîte de Vitesses Manuelle يعني فتيس مانيوال
و BMP دي اختصار Boîte de vitesses Manuelle Pilotée و ده الفتيس ال semi - auto اللي أنت بتحبه
و أي نوع فيهم بيبقى فيه بعديه رقم ده بيبقى عدد السرعات

بالنسبة للبارس و ال ROA دي حاجات ملهاش أدني علاقة ببيجو ولا من قريب ولا من بعيد
كميكنيكا هي إيراني بالكامل مش فرنساوي
و ك design ال ROA كانت نصين مختلفين من ال 405, ورا الشكل القديم و قدام الجديد
و البارس دي كانت افتكاسة منهم و ملقوش من هم اغبي مننا يصدروهاله و طبعا وجيه أباظة كان عايز يعمل منها سبوبة حلوة عشان عارف حب الناس لل 405 حتي المصري منها (و الله بركة انه معدش الوكيل)
في حين إن عربية زي ال 408 هي صحيح مش معمولة لأوروبا انما مكانش عنده مشكلة انه يعرضها في معرض Peugeot Avenue بتاع ال Champs-Élysées في 2010 قبل معرض شنغهاي
انما الحاجات الإيراني دي مش هتلاقي أي صلة بينها و بين بيجو الأم

[Formulator]

معلومات حلوه طبعا بس مختلف معاك فى نقطه ان العربيه صاجها ضعيف
ممكن يكون صاجها ضعيف فعلا بالنسبه لل 308 و الاوكتافيا
بس بالنسبه للريو او الهيونداى السيتروين تكسب بجداره و فى المواد الداخليه برضه الخامات مش وحشه زى اللوجان مثلا و اكيد مش زى ال ds5 بس بالنسبه لسعرها ممتازه جدا

و بالنسبه للعربيات الى فشلت انا بتكلم عن مصر هنا سواء فولكس او فيات فده عشان الوقت ده كان الكورى بيحقق المعادله بتاعه السعر و سعر قطعه الغيار دلوقتى بقى اغلى من الاوروبى و سعر قطع الغيار تقريبا بينافسوا بيها العربيات الالمانى

شوف ياباشا..
عربية بالأبعاد دى.. وكاسرة الـ1 طن بالعافية؟؟!!!
No Way دى مش بيجو-ستروين!! والناس اللى بتركب بيجو عارفين الكلام ده؟!!

- شوف الـ207 والـ308 والـC4 عربيات صاجها وتقفيلها ووزنها عامل إزاى؟؟
إذا كان الـheavy-weight بتاع الـPSA أهم أسباب إستهلاك البنزين ومأثر عـ التسارع!
(وأكيد يعنى الـElysee/301 مش هتبقى معمولة ألومنيوم وكاربون-فيبر)؟!!

أقولك: إستنى إختبار EuroN.Cap... لو إتعملها؟ :)
(للمقارنة: اللوجان والسانديرو وكده.. آخرهم 3.5 نجوم، فـ حين ان كل عربيات رينو -من زمان- 5 نجوم وششش)!!

- واللى ركبوا العربية فـ المعرض وشاف التقفيل والـmaterial عارفين الكلام ده؟!

هو كلمة BVA دي مش نوع فتيس دي اختصار Boîte de Vitesses Automatique , و الفتيس ال 6 نقلات بيسموه BVA6 عادي
و BVM اختصار Boîte de Vitesses Manuelle يعني فتيس مانيوال
و BMP دي اختصار Boîte de vitesses Manuelle Pilotée و ده الفتيس ال semi - auto اللي أنت بتحبه
و أي نوع فيهم بيبقى فيه بعديه رقم ده بيبقى عدد السرعات

OK
بس ستيكر الـBVA ده على جيربوكسات الـAL4 اللى كان فيها مشاكل.. مكانش ألمانى ZF
whatever بقى PSA مقفلة الفتيس فيــــــــــن؟؟ :))
وتقدر تراجع وتـverify الكلام من على منتديات البيجو (وحاجات جديدة على فكرة مش هقول 307/C4 هنا فـ مصر)!!

أقولك: فاكر عبارة sealed-for-life (حاجة كده زى maintenance-free فـ اليابانى والكورى)؟!!
- كلمة BVA دى معناها -according to them:
ان الـSolenoid-valve body والـtorque-converter على قديمه!!!
قالك: 160,000 km (هى دى اللى for-life)؟؟!!! وحتى اللى كانوا بيغيروا زيت الفتيس على 60,000 km..


بالنسبة للبارس و ال ROA دي حاجات ملهاش أدني علاقة ببيجو ولا من قريب ولا من بعيد
كميكنيكا هي إيراني بالكامل مش فرنساوي
و ك design ال ROA كانت نصين مختلفين من ال 405, ورا الشكل القديم و قدام الجديد
و البارس دي كانت افتكاسة منهم و ملقوش من هم اغبي مننا يصدروهاله و طبعا وجيه أباظة كان عايز يعمل منها سبوبة حلوة عشان عارف حب الناس لل 405 حتي المصري منها (و الله بركة انه معدش الوكيل)
في حين إن عربية زي ال 408 هي صحيح مش معمولة لأوروبا انما مكانش عنده مشكلة انه يعرضها في معرض Peugeot Avenue بتاع ال Champs-Élysées في 2010 قبل معرض شنغهاي
انما الحاجات الإيراني دي مش هتلاقي أي صلة بينها و بين بيجو الأم

هو يغور طبعا -أباظة،

بس أنا مفهومى للبيجو-ستروين: made-in-france ومعمولة للبنى-آدمين الفئة الأولى بتاع أوروبا؟!!!
(يمكن العك بتاع ROA و PARS دى اللى خلى عندى الإعتقاد ده)؟!! :)) زى الـVW والفيات البرازيلى بردو!

العربيات دى مش كورى/يابانى-global.. عايزها (اللى غاويا طبعا) خدها من own-home بتاعها.
No B.S من الصين!

[A.Adel]

مفيهاش حاجة على فكرة لما يبقى الفرق 20 kg
نفس الشيء في ال 308 و هم نفس الفتيسين

داخل سخن قوي إنت
قصدك على brochure UK

http://www.google.com.eg/url?sa=t&rc...ADeM6kzWmED5sw

أكيد تقصد ال gross vehicle weight
1815 و 1835
صح ؟؟

احنا بنتكلم هنا عن kerb weight حضرتك

هتلاقيه مكتوب عندك برده
بص على الفرق و قولي ;)

عموما مش ده موضوعنا :)

[A.Adel]

للأسف هو معاليك اللي محتاج تسأل عن معني الكلام لأن أنت اللي فاهم غلط مش هو
و سيبك من جوجل و كده, أترجمهولك أنا

Ce bloc, dérivé du moteur TU5JP4 qui équipait notamment les Peugeot 207, est produit en France à la Française de Mécanique à Douvrin dans le Pas-de-Calais (100 000 moteurs par an pour une partie de l’Europe et de l’Afrique du Nord), en Amérique Latine (120 000 moteurs par an) et en Chine (750 000 moteurs par an).

الكلام معناه إن البلوك مستوحي من الموتور ال TU5JP4
و هيتصنع في فرنسا في Douvrin
و لاحظ كلمة 100000 MOTEURS مش Bloc (و الكلام واضح) هيتصنعوا سنويا (par an اللي هي per year) عشان جزء من أوروبا (une partie de l'Europe) و شمال أفريقيا (l’Afrique du Nord)
اظن مفيش ترجمة أبسط من كده
طبعا اقتناعك أو لأ دي حاجة ترجعلك بالكامل
انما الكلام مفيهوش فصال أو مجال لتعدد المعاني
و ده من ال link بتاعك اللي أنت حاطه هنا بنفسك

واحدة واحدة بس على :)
إنت داخل سخن قوي

الموضوع بسيط قوي , عضو دخل يقول معلومة و البينة على من ادعى
طلبت منه المصدر , معرفش يجيب مصدر بس مصمم إن الموتور صيني

ده ال link اللي هو جايبه ,أنا كنت برد عليه بس عشان إنت بتقول ال link بتاعي :)

عشان الكلام ميطولش block ولا engine
مفيش أي دليل في الكلام إن الموتور اللي بيجيلنا من الصين

لو مشيت معاك إن الكلام عن ال block
كل اللي مكتوب إن ال block بيتصنع في فرنسا
عشان مواتير اوروبا و شمال افريقيا
و انه تطوير للموتور ال TU5

برده مفيش ولا كلمة عن إن الموتور متصنع في الصين

اللي عنده دليل يتفضل يجيبه و أنا أول واحد حقول للناس
لحد كده مفيش داعي للكلام في الموضوع ده عشان مفيش منه فايدة

[A.Adel]

اللي حابب يتأكد
ده رقم goerge eskandar ال sales manager بتاع citroen

01006115007

عشان نخلص بس من الموضوع ده

[A.Adel]

بالنسبة لأنك هترجملي :)

في أول سطر خالص كان مكتوب

Le bloc moteur essence EC5 (Euro 5) équipe la Peugeot 301 avec une boîte de vitesses manuelle à 5 rapports (BVM5), ou une boîte de vitesses automatique à 4 rapports (BVA4).

خد بالك من كلمة le bloc moteur

دي تفرق عن le bloc de moteur

الاولى معناها the driving block أو drivetrain
التانية معناها the block of the engine

دي أساسيات french حضرتك ;)

و بعد كده في الحتة المكتوبة بالاحمر
كَتب ce bloc اللي يقصد بيها le bloc moteur

الكلام هنا عن الموتور :)

[zangry]

يعنى الصنى احسن منها ولا اية ؟

[AlGazar2]

يعنى الصنى احسن منها ولا اية ؟

باى حال من الاحوال الصنى مش احسن منها
تقفيل السيتروين احسن - موتور السيتروين اقوى - شكل السيتروين اجمل بكتيييييييييييير

الصنى السوبر صالون كانت ب 112 معرفش زادت قد ايه بس قول ب 118 و السيتروين الهاى لاين ب 125 بعد دفع جمارك عليها

لك ان تتخيل المصلحه الى معموله على عملاء نيسان فى العربيه دى

و فورميلاتور بيتكلم على عربيات بيجو سيتروين فى العادى العربيات الى مش موجهه عشان تنافس الفئات الاقتصادية

لكن العربيه عموما ممتازه قدام العربيات الى فى فئتها لكن طبعا تركن على جنب قدام باقى عربيات سيتروين و بيجو و دى حاجة ما تعيبهاش هى اقل منهم فى المستوى و تطوير على حاجات قديمه فيهم بس ده عشان سعرها ينزل

و خاماتها الداخليه احسن من الصنى و الار بى و الريو و من العربيات الصينى الى فى السعر ده

[Waleed_Fathy]

خدو الجديد ما شاء الله
العربيه لسه ما تعرفش ليهم وضع
و الوكيل بيقولك تحجز و السعر انت و حظك
الناس اللي حجزت فى المعرض عي اللي هتستلم علي السعرالقديم

[A.Adel]

يعنى الصنى احسن منها ولا اية ؟

عربية فرنساوي تقفيل اسباني ,إزاي عايز تقارنها يا راجل بعربية هندي و تقفيل مصري
و فيها 40 % تقريبا مكونات مصري

سيبك من ده كله
عربية 1600 cc و 115 حصان (net)و فتيس ستبترونيك
و الصني 1500 و 99 حصان (مش net على فكرة كمان )و فتيس auto

ده غير شكل الصني و تابلوها اللي من التسعينات
و كمان قطع غيرها مش متوفرة و دي حصلت مع كذا عضو هنا
و كمان عليها overprice اد كده

و شوف فرق الخامات
ده غير العربية دي أكبر واحدة في فئتها

طول 4430 و عرض 1700 و قاعدة عجلات 2650
و شنطة عملاقة 506 لتر

[A.Adel]

أقولك: إستنى إختبار EuroN.Cap... لو إتعملها؟ :)
(للمقارنة: اللوجان والسانديرو وكده.. آخرهم 3.5 نجوم، فـ حين ان كل عربيات رينو -من زمان- 5 نجوم وششش)!!

مش شرط إنها تفشل زي اللوجان والسانديرو
ده ال emgrand بتاعت غبور واخدة 4 نجوم

لما يتعملها test نحكم
دلوقتي ده مجرد رأي شخصي ليك

- واللى ركبوا العربية فـ المعرض وشاف التقفيل والـmaterial عارفين الكلام ده؟!

واضح من كلامك إنك مشفتهاش أصلا :)
يا ريت تركبها و بعدها أحكم

قارنها باي عربية في فئتها rio أو rb أو صني أو سيتي

قارنها حتى بال linea اللي بـ 131 و 150 ألف
و شوف الخامات ;)