هذه خبرتي مع سيارتي ستروين Ax !!

[drahmadfawzy]

مساء الخير
بصراحه انا بشكر حضرتك على المجهود الجبار فى هذا الباب بس انا تعبت من المنتدى ده كل ما اسال عن سياره بيتقسموا فرق شويه يقولوا السياره هايله وشويه ينزلوها سابع ارض اخر مره سالت عن الستروين Axل لان شكلها عجبنى وكمان سعرها وامكانيتها واحد طلع قال لى هاتى ريجاتا!!!!! وهى الريجاتا محتاجه استفسار انا رافضه كل السيارات القديمه دى لانها طلعت عنيى بداءا ب 127 الى ريجاتا
اعذرنى دكتور للاطاله السؤال كان سر تفاوت سعر Ax الحالى من 17.500 وعلى فكره الحاله متقاربه الى 26000 وموديلات 1994 1995 هل بسبب نزول اسعار المستعمل عامه وده اللى انا ملاحظاه فعلا او فيه حاجات داخليه؟ ارجو الافاده سريعا وشكرا

أعتقد أن سبب هذا التفاوت في الأسعار ممكن يكون بسبب حالة سوق السيارات المستعمل أو بسبب عيب في السيارة ولا يمكن التأكد من ذلك إلا بالكشف على السيارة جيدا عند ميكانيكي متخصص ستروين (يمكنك معرفة معلومات عنهم من ردود سابقة في هذا الموضوع أو من موضوع "بالتليفونات والعناوين ومستوى الأسعار - كل مراكز خدمة ستروين ") أو عند محطة بنزين تقوم بعمل تقرير عن حالة شاسيه وموتور السيارة مثل "موبيل - رابعة العدوية"

وأيضا التفاوت في الأسعار ممكن يكون بسبب وجود أو عدم وجود تكييف بالسيارة و سعة الموتور 1100 أو 1400 وغير ذلك من الفروق حسب حالة السيارة

عموما ومن واقع تجربتي مع الستروين AX لمدة سنتين تقريبا فأنا شخصيا أفضلها على ال128 وال127 خاصة وإن كانت حالتها جيدة

ويمكنك مراجعة بعض الردود السابقة في هذا الموضوع لمعرفة مزيد من المعلومات عن هذه السيارة

وهذا رد سابق عن هذا الموضوع:

السلام عليكم

بخصوص أسئلة الأخوة حول سعر الستروين AX وحالة السيارة والتكييف:

موضوع هل السعر مناسب أم لا فهذا يتوقف على حالة السيارة الواقعي وذلك بعد فحصها بواسطة ميكانيكي ستروين أو محطة بنزين لعمل اختبار كبس للموتور (راجع الرد السابق لي والردود السابقة في هذا الموضوع بخصوص ميكانيكي متخصص ستروين في مدينة نصر) كما يتوقف على سعر السوق هذه الأيام

أما بخصوص التكييف فيفضل الكشف عليه عند أخصائي تكييفات وشحنه والتأكد من حالة الكمبريسور بتاعه وكفاءة تبريده وليس فقط تسخين الهواء لأن التسخين يتم من خلال مرور الهواء على مواسير دورة المياة الخاصة بالموتور وليس لها علاقة بكمبريسور التكييف

موضوع الفوانيس الجديدة والرفارف والكبوت يحتاج منك التأكد من حالة شاسية السيارة لأن ذلك ممكن يكون بسبب حادث شديد


بخصوص بعض الصدمات في جسم السيارة، فمفيش مشكلة طالما أنها لم تؤثر على حالة الشاسيه ويمكن فحص ذلك عند سمكري أو محطة البنزين

عموما الأسعار 23000 و 25000 مناسبة لو أساسيات السيارة (موتور - شاسيه) جيدة و ممكن الفصال في 500 - 1000 خاصة لو لم يقوم البائع بشحن فريون التكييف والتأكد من كفاءته

عموما فأنا أفضل الستروين AX على ال128 وال127 لو حالتها جيدة رغم أن قطع غيارها غالية و صيانتها صعبة إلى حد ما ولكن ذلك يهون إن كانت حالتها جيدة ولأن إمكانياتها أفضل من ال128 وال127 مقارنة بسعرها

[drahmadfawzy]

سوف أشارك بتعليقاتي - إن شاء الله - على باقي أسئلة الأخ azkol2005 قريبا لكني مشغول جدا هذه الأيام

وأتمنى من باقي الأعضاء أن يشاركوا بتعليقاتهم وآرائهم في هذا الموضوع لأن هذا الموضوع ليس خاص بي فقط إنما هو موضوع عام لذلك أدعو كل الأعضاء وكل من لديه أي خبرة عن السيارة الستروين AX ليشارك معنا ويجيب عن أسئلة الأعضاء

وأتمنى الفائدة للجميع وإلى اللقاء قريبا إن شاء الله

[ROllY]

زعلتني والله يادكتور ، عموما ان شاء الله الفترة دي تعدي على خير ومتنشغلش عننا تاني ، اصحاب السيارة ستروين في انتظارك
وجزاك الله عنا خيرا

[نور العمر]

السلام عليكم
مجهود رائع
هو لازم بنزين 92 ... ماينفعش 90
وهل مريحة في السواقة للسيدات واللا ناشفة - تقيلة زي 128
وألف شكر

[ROllY]

السلام عليكم
مجهود رائع
هو لازم بنزين 92 ... ماينفعش 90
وهل مريحة في السواقة للسيدات واللا ناشفة - تقيلة زي 128
وألف شكر

والله يافندم انا بحطلها بنزين 80 وماشية تمام بس طبعا السحب ضعيف شوية عن 90 ، لكن بنزين 90 مناسب جدا ليها ، ووالعربية ناعمة جدا وخفيفة وتصلح للسيدات

[azkol2005]

والعربية ناعمة جدا رغم قوتها
وخفيفة وتصلح للجنس الناعم

[azkol2005]

ان شاء الله الفترة دي تعدي على خير ومتنشغلش عننا تاني


لا نزال ف الانتظار

[azkol2005]

صحيح انا لغيت التكييف من عندي
وركبت سير دينامو مقاس 750 4 مجرى
من التوفيقيه ثمنه 25 جم
ومش فاكر السير الكبير كان مقاسه كام

[azkol2005]

في لحظات الفراغ وجدت عن عزيزتنا ما يلي :-
Carrosseries 3 et 5 portes
5 places
Date de production (1986 - 1998)
Juillet 1991 : restylage
Juillet 1992 : arrivée de moteurs injection et de boîte à 5 vitesses
Longueur : 3,53m
Largeur : 1,56m
Hauteur : 1,36 m
Coffre : 190 dm3
Réservoir : 45 litres
Transmission : roues AV
Poids mini. : 670 kg

مع الشكر

[azkol2005]

عايزين نكمل المشوار ل
تبادل الخبرات العملية بين مالكي السيارة ستروين AX

[azkol2005]

ان شاء الله الفترة دي تعدي على خير
لا نزال ف الانتظار

[Mar80]

يااهل الخبرة انا قادمي عربية ستروين موديل 94 محتاجة عمرة موتور و تمنها 10.000 جنيه ايه رايكوا يا جماعة في العربية دي انا اول مرة هسوق فيها عربية و بعدين هل قطع غيارها متوفرة مع العلم انا عايشة في الاسكندرية
ارجو الرد

[Maghwry]

العربيه سعرها كده ممتاز
وأنا ساكن في إسكندريه كمان وعندي عربيه من نفس الموديل بس سنة الصنه1995
لو جبت العربيه إكشف عليها الأول
والميكانيكي بتاعي أحمد بيرو خلف توكيل bmw
خلف الموقف الجديد قبل ما تشتريها خليه يشوف كل اللي فيها الأول علشان ما تتدبسش
وشكراً

[waledwaled]

بعض اسعار قطع الغيار الجديده
طقم مساعدين امامي كامل 390
فانوس كشاف 140
إشارة 35
ستارة 500
رفرف أمامي 200
كبوت 500
طبعا يتضح من الأسعار السبابقه إن العربيه زيها زي أي سيارة نضيفه ألماني مثلا ف الأسعار
و بعدين يا جماعه لازم لما نقارن أسعار سيارة نقارنها بنفس الفئه و نفس مستوى الصناعه
يعني ما ينفعش تقارن ax بالفيات مثلا
و لكن بإللي زيها ف المستوى ألماني أو فرنساوي أو أمريكي
و غذا عملت المقارنه الصح حتلاقي أسعار قطع الغيار بتاعتك مش غاليه خالص و ف المعدلات المنطقيه لبلد التصنيع

[aaahhmmed]

al salam 3alikom
ana el 3arabia beta7te cetroin AX kont 3aiz a3raf 7aga ana fe el seaf el 3arabia betes7'an mene wana fate7 el takief we momken te3ade el 90 de 7aga 3adia wala 3arabete feha 7aga