هذه خبرتي مع سيارتي ستروين Ax !!

[eng_s]

معلش يا جماعة يا ريت حد يفيدني بسرعة لان من شوية ناس قالوا لي ان السيتروين 95 بتهز ومش ثابتة على الطريق مع السرعة
وحتى منصحونيش بالماروتي او الكانسيل
ورايهم ان سوزوكي شسويفت احسن
بس انا ميزانيتي مش تجيب غير حاجة من التلاتة دول
اعمل ايه ويا ترى فعلا السيتروين بتترجرج وتتهز على الطريق؟
ارجو الافادة سريعا
جزاكم الله خيرا

[waledwaled]

من اهم مميزات ال ax الثبات على الطريق مع السرعات العاليه
و نظرا لنعومه الدريكسيون و العفشه فلها قدرة عاليه على المناورة (غرز و خلافه)
أي عربيه في مجموعة عوامل بتحدد ثباتها على الطريق زي مثلا وزن العربيه و عرض الكاوتش و حالته و هل الإسكاترا سليمه و لا العلبه فيها بوش ......إلخ
لكن أنا ف النهايه عاوز أقول إن كل واحد بيتكلم بدافع من تجربته الخاصه
لو محتاجه معلومه دقيقه يبقى لازم نتفرج كتير على الإنترنت و المواقع المتعلقه بالسيارة محل السؤال
و طبعا لو سألتيني حأقولك إن ax أحسن عربيه ف الوجود عشان معايا واحده
و لو كان معايا zx كنت حأقول نفس الكلام و هكذا
عموما السياره اقتصاديه و ممتازة بالمقارنه للبرودا و الماروتي و العك ده

[eng_s]

شكرا للأخ على الاستجابة والرد
وفعلا الموضوع محيرني جدا بس ربنا يعمل الخير
بس هو انا كنت عايزة اسال عن موديل 1995 تحديدا ويا ترى سعره في حدود كام؟؟؟؟؟؟؟

[waledwaled]

شكرا للأخ على الاستجابة والرد
وفعلا الموضوع محيرني جدا بس ربنا يعمل الخير
بس هو انا كنت عايزة اسال عن موديل 1995 تحديدا ويا ترى سعره في حدود كام؟؟؟؟؟؟؟

الax قيه منها نوعين
واحد تقفيل المصانع الحربيه و التاني تقفيل بلاده يعني فرنسي 100%
و ده حيفرق ف التمن مش أقل من 3000 جنيه
الax فيه منها 1000 1100 1400 سي سي و دي ببساطه السعه اللتريه للموتور و كل ما تعلى كل ما الموتور يبقى جامد و العربيه يبقى العزم بتاعها عالي و استهلاكها من البنزين يعلى برضه
مع ملاحظة إن أقل من 1300 سي سي التكييف حيبقى ضعيف جدا و حيسخن الموتو جدا
مو 95 لو الحاله ممتازة يتراوح ما بين 16500 إلي 26000 و هذا التفاوت يعتمد على ما ذكرته و على الكماليات الموجوده بالسيارة
و لو إشتريتي العربيه إبقى قوليلي عشان أقولك تغييري فيها إيه أول ما تشتريها
أي خدمه

[eng_s]

السلام عليكم ورحمة الله
الاخ الكريم جزاك الله خيرا على الاستجابة السريعة
على فكرة العربية مش طلعت سيتروين ax
طلعت سيتورني بس اسمها oltena 1995
مش عارفة يا ترى العربية دي كويسة ولا لا
هي 1300 سي سي
4 سلندر
وفيها تكييف سخن ومروحة بس يا ترى دي ينفع اركب فيها تكييف بارد كمان ولا لا
الناس بيقولا هتبقى احسن من الماروتي على اساس ان موتورها اقوى
بس انا مش عارفة
يا ترى دي كويسة ولا ايه حد هنا يعرفها؟
ولو كدة سعرها كام؟؟؟؟؟؟؟؟؟؟
انا هحط الصورة عشان الناس تفيدني برأيها- دي مش العربية المعروضة عليا بس صورة المويل عشان لو حد فيكم يعرفه
يا ريت اللي يعرف حاجة ميبخلش عليا بالنصيحة
كمان عايزة اعرف من ناحية الاعطال والوفر في البنزين
وشكرا ليكم

[eng_s]

ايه يا جماعة مفيش حد يعرف العربية دي ويقدر يفيدني؟
ارجو الا تبخلو عليا بالنصيحة
جزاكم الله خيرا وجعله في ميزان حسناتكم

[waledwaled]

ايه يا جماعة مفيش حد يعرف العربية دي ويقدر يفيدني؟
ارجو الا تبخلو عليا بالنصيحة
جزاكم الله خيرا وجعله في ميزان حسناتكم

أكبر جريمه ممكن ترتكبيها ف حق نفسك إنك تشتري عربيه مجهوله
لإنك لازم تحطي ف إعتبارك السعر عند إعادة البيع
كذلك الميكانيكي إللي ممكن يفهم فيها صعب تلاقيه لإنه ببساطه عددها القليل بيخللي الميكانيكيه إللي فتحوها قبل كده عددهم قليل برضه
أيضا قطع الغيار أسعارها و مدي توافرها و عمرها الإفتراضي بالنسبه لسعرها
حاجات كتير أوي تخلليني أقولك حاجه مش معروفه إبعدي عنها فورا
و لو عاوزة نصيحه من أخ
هاتي 128 فيات دغدغي فيها براحتك و إتعليمي فيها السواقه و حتلاقي قطع غيارها بمليم و أي ميكانيكي نص عمر حيفتحها زي القرد
لكن الax عدم إحترافك للقياده حيبوظهالك ف ظرف 3 شهور
و حيعقدك من العربيات
شوفي 128 و إتكلي على الله

[eng_s]

شكرا للأخ الكرم على تجاوبك
عموما انا جربت العربية وشقتها على الطريق وشفت فيها كام حاجة مكنتش مظبوطة كدة
بس هي ميزتها ان موتورها قوي ونضيف مش متبهدل
بس الموضوع مش كمل
اكيد كدة احسن خصوصا بعد كلامكم دلوقت
شكرا للنصيحة ودعواتكم الاقي حاجة كويسة ان شاء الله

[yaco_nil]

باركولى ياجماعه اشتريت عربيه ستروين ax موديل 1995 على 17000 ده سعر كويس ولا عالى
العيوب اللى فيها الاوكر بتاعة الابواب الخلفية عايزه تتصلح العلبة بتاعة التكيف عايزه تتلحم فانوس امامى فى شرخ
وعايز نصحيه ازاى اقدر احافظ عليها وازاى اقدر اعمل متابعه ليها

[miidoo1985]

mbrok ya coach w 3o2balnaaaaaa

[megoghanem]

السلام عليمن
رمضان كريم، وكل عام والأخوة بالمنتدي وخارجه بألف صحة وسلامة

أنا عربيتي ax اللي أهملت فيها ومعترف، تقريبا كده بنسبة 90% هاتحتاج تيغر جوان وش سلندر علشان كانت بتسخن فترة قبل ما أغير فيها شوية حاجات زي طلمبة الميه وخرطوم الرايداتير وغطا الرايدياتير وخلافه، المهم أنا ابتديت أشوف الميه لقيت بيطلع عليها زيت لونه بيج (طحينة) وده مالوش غير تفسير واحد انه الجوان، وحابب أعرف ايه اللي أخلى بالي منه وأنا بأركب الجوان، خاصة اني عرفت ان نص الموتور تقريبا بيتفك علشان يركب الجوان، والمفروض ان العربية تكون باردة تلج علشان ما يقفعش، ياريت لو في نصيحة من حد عمل الحكاية دي قبل كده أصل خابف منها اوي، وهل تغييرها تبقى العربية معيوبة واللا طالما ما غيرتش وش سلندر تبقى الأمور عادية، علشان باستثناء ذلك موتور العربية أداءه الحمد لله ممتاز، وكمان عايز اعرف ليه أمبير السرعة فاصل عندي ، هل ممكن يكون السلك انقطع، ولو حد عنده فكرة عن الحاجات دي هاتتكلف كمان والمصنعية وخلافه، وألف شكر للجميع مقدما
ورمضان كريم.

[azkol2005]

اكسرتير عداد الكيلو متر
مونه وأجره 70 جنيه
عند عبد العليم بتاع العدادات في دار السلام محطة أبو أشرف
وهو بيشتغل كيلو متر فقط

[aaahhmmed]

سياره للبيع
سيتروين AX موديل 95 فابريكه من الداخل لونها بنفسجى او بتينجانى ميتاليك سنتر/ زجاج أمامى كهربى / تكيف يعمل / فرش السقف + البواب + الأرضيه الفابريكه / بطريه جافه جديده / كاوتش تيوبلس / فرش جلد / 4 سماعات 300 KENWOOD / و CD USB Pioneer model 50.50 بالضمان لا تحتاج لأى مصاريف المطلوب 23000 موبيل 0125453377

[speed demon666]

السلام عليمن
رمضان كريم، وكل عام والأخوة بالمنتدي وخارجه بألف صحة وسلامة

أنا عربيتي ax اللي أهملت فيها ومعترف، تقريبا كده بنسبة 90% هاتحتاج تيغر جوان وش سلندر علشان كانت بتسخن فترة قبل ما أغير فيها شوية حاجات زي طلمبة الميه وخرطوم الرايداتير وغطا الرايدياتير وخلافه، المهم أنا ابتديت أشوف الميه لقيت بيطلع عليها زيت لونه بيج (طحينة) وده مالوش غير تفسير واحد انه الجوان، وحابب أعرف ايه اللي أخلى بالي منه وأنا بأركب الجوان، خاصة اني عرفت ان نص الموتور تقريبا بيتفك علشان يركب الجوان، والمفروض ان العربية تكون باردة تلج علشان ما يقفعش، ياريت لو في نصيحة من حد عمل الحكاية دي قبل كده أصل خابف منها اوي، وهل تغييرها تبقى العربية معيوبة واللا طالما ما غيرتش وش سلندر تبقى الأمور عادية، علشان باستثناء ذلك موتور العربية أداءه الحمد لله ممتاز، وكمان عايز اعرف ليه أمبير السرعة فاصل عندي ، هل ممكن يكون السلك انقطع، ولو حد عنده فكرة عن الحاجات دي هاتتكلف كمان والمصنعية وخلافه، وألف شكر للجميع مقدما
ورمضان كريم.

متخفش من حاجة الموضوع ده عادي و بيحصل في عربيات أحدث منها .... اتكل على الله و ظبط عربيتك

[ahmedghalwash]

السلام عليكم-د.احمد,,,,انا باتمني ليك كل خير وسعيد انك بتحب الax,وده بيزيد جرعة الفهم لقيمة السيارة المهدرة في السوق المصري....وبيؤكد اني كنت صريح لما شرحت ان هذه السيارة ليس لها مثيل...........نسيت ان اهنأك واضع كافة خبراتي لاي استفسار عن السيتروين وللايضاح ان السيارة AXفي فرنسا هي TU3 _ واي استفسار عن هذه السيارات AX,ZX,XARA,XARA2,C4,C3واتمني ان تتذكرني بالخير....احمد غلوش