هذه خبرتي مع سيارتي ستروين Ax !!

[aaahhmmed]

كنت عايز اعرف حد كويس و مكان أمير و جوزيف فين

[thunderwheel]

1- بالنسبه لغطاء الريدياتر هتلاقيه عند بتوع قطع الغيار المستعمل (بص فى الملفات المرفقه)
وبالنسبه لفلتر الهواء هتلاقيه فى ش دمشق أو أمير وجوزيف بشارع سليمان الحلبى بالتوفيقيه
بالنسبه لمكان خدمة أمير وجوزيف هو بشارع داود الظاهرى متفرع من مكرم عبيد بجانب حديقة الطفل (بس خد بالك أسعاره غاليه) وعلى فكره هتلاقى عنده ضبط كاربيراتير وصيانه وممكن تروح لمحمد منصور وده مكانه فى الحى السادس بمدينة نصر هتلاقيه أسرع وأرخص

أنا هأرفع ملفين على هذا الرد عباره عن أماكن الورش ومحلات قطع الغيار الخاصه بهذه السياره وهذان الملفان موجودين أصلا على هذا الموقع لذا فهما مجهود عظيم لشخص أخر يشكر عليه جزيلا ولكنى للأسف لا أعرفه حتى أشكره بنفسي ولكن له أجر عظيم فى مساعدة الناس

====================================

شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى وربنا يستر طريقى

[thunderwheel]

فيه أيضا مركز خدمه:
مركز التكنولجيا الحديثه ( أبو عمر)
السيده زينب - أول مطلع زينهم - خلف الطب الشرعى - مدخل بوك الخيرى لعلاج الحيوان (عمارة أغاخان)
0106125825 - 23641122

====================================

شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى وربنا يستر طريقى

[azkol2005]

شكرا يا باشا،

[ramy_gamal]

2- معل استهلاك السيارة للبنزين(بالنسبة لبنزين 90):
-داخل المدينة 11 كم /لتر (220 كم لكل 20 لتر)
- على الطرق الصحراوية أو السريعة 13 كم/لتر أو اكثر حسب طريقة القيادو ونقل السرعات (حوالى 260 كم لكل 20 لتر)
انا معايا سيتروين zx وبعمل بيها 360 كم لكل 20 لتر على الطرق الصحراويه ( يعنى انا من اسكندريه بحط 25 لتر اروح القاهرة وارجع تانى ومحطش بنزين تانى



-
====================================

شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى

[/QUOTE]

[thunderwheel]

نسبة إستهلاك الوقود ممتازه للغايه : 20 لتر لكل 360 كم (18 كم/اللتر) بالنسبه لل zx
وهى نسبه قريبه جدا لعربيات حديثه خفيفه وصغيره تعمل بنظام الحقن وأقل فى السعه اللتريه مثل: سوزوكى ألتو والشفروليه سبارك والكيا البيكانتو . ربنا يباركلك فى عربيتك

[megoghanem]

عايز اشيك على زيت الفتيس، في زيت معين؟ وبالنسبة لغطاء الرايداتير أحسن عملي مشكلة كبيرة، ازاي أتاكد لو جبته انه كويس، علشان اللى معايا مجرد الجوانات هي اللي بايظة لكنها عاملة مشكلة حقيقية العربيى بتاخد هوا باستمرار

[thunderwheel]

-زيت الفتيس بيتزود فى كثير من محطات البنزين ، أنصحك أسأل فى محظة موبيل (يعنى أنت بتروح تقول عايز أزود زيت فتيس وهو بيزوده بالمسدس لحد مايفيض من مكان الملئ إللى فى الجنب لكن ماينفعش أنه يشيك عليه لأن ده معناه أنه يحل صندوق التروس)

-بالنسبه لغطاء الريدياتير أتأكد من سلامة السوسته والجوانات والفيصل الوحيد أنك تجربه مالوش حل تانى بس خد بالك ممكن تكون العربيه بتاخد هواء بسبب أشياء أخرى برده:
- تزويد السياره بالماء والمحرك يعمل
- وجود ثقوب فى الريدياتير
- عدم إحكام ربط خراطيم الماء وخصوصا قبل طلمبة المياه

[megoghanem]

أنا فعلا بأضيف الميه والمحرك شغال، هو لازم الصبح بدري قبل ما أدور، وبالنسبة لغطاء الرايدايتير هو فعلا السبب الرئيسي لأنه لما بأعدله بتفضل حراراتها كويسة زي دلوقتي لما عدلت الجوان، بس علىف كرة السوستة بتاعته بقت جامدة جدا ومش بتتحرك خالص

[megoghanem]

الحمد لله لقيت غطا للريداتير عند أمير وجوزيف بس يا رب يكون مظبوط لسه هاجرربه، انما في حاجة جدت وهي ان امبير اليرعة فجأة توقف مش عارف ليه، وأنا مش عارف المشكلة منين حاولت أبطل ,ادور تاني نفس المشكلة الظاهر ان السلك بتاعه انقطع، يا ترى حد عنده خلفية على الموضوع ده؟

[hithamcuot]

انا عربيتي جابيت كوبلان مش عارف احش الكبالن ولا اجيب جديد
و النوع الجديد
1ايطالي 750
2فرنساوي 950
3فرنساوي 1100
ارجو الافاده

[mhmd79]

انا اشتريت ax من اسبوع كده والله العربية زى الفل بس الكربراتير قارفنى لما بدور العربية وهى باردة واشد الشفاط بتبطل عاوز حد كويس يعمله او اغيره احسن ؟؟ واذا كان اغيره ؟؟ اغيره عند مين ؟

[waledwaled]

لازم الكشف على بك السلانسيه و ممكن تغيير الإبرة
لإنه أنا أعتقد إن كده العربية على الأولاني أو التاني ممكن ف السلانسيه تبطل أو تترجرج جامد

[mhmd79]

لازم الكشف على بك السلانسيه و ممكن تغيير الإبرة
لإنه أنا أعتقد إن كده العربية على الأولاني أو التاني ممكن ف السلانسيه تبطل أو تترجرج جامد

فعلا هو ده اللى بيحصل بس انا عاوز حد كويس فى مدينة نصر يحل المشكلة دي فى اى حد ينصحنى بحد كويس فى الموضوع ده تحديدا

[eng_s]

الاخوة الكرام محبي السيتروين
انا مبتدأة في مجال السيارات وارغب في شراء سياؤة صغيرة تناسبني وسعرها مناسب
بصراحة كنت بفكر في ماروتي او برادو كانشيل
بس وانا بدور عرضت عليا السيتروين ax ولكن ما سمعته عن قطع غيارها وانها تعتبر غالية ومش موجودة كتير قلقني
انا قريت الموضوع وشفت اسماء مراكز صيانة ومواصفات العربية
المواصفات عجبتني وبالتأكيد اقوى من الماروتي والكانشيل
بس المشكلة ان كل مراكز الصيانة في القاهرة فيا ترى حد يعرف اماكن في المنصورة او دمياط او ضواحيهم
ويا ترى تنصحوني بايه كواحدة مبتدأة جدا جدا واول مرة تشتري وعايزة حاجة مناسبة للسفر وتعيش معايا لاني مش ناوية اغير قريب

يا ريت تساعدوني في القرار لاني احترت
شكرا لكم وكل عام وانتم بخير